Revmatizm
Xalq arasında yağışlı havanın xəbərçisi olaraq bilinən revmatizm əslində 200-dən çox növü olan əhəmiyyətli bir xəstəlikdir. Əzələ-skelet sistemindəki strukturları tutan revmatizm ağrı, şişlik, hərəkət məhdudluğu kimi problemlərin yaşanmasına səbəb olur.
Revmatizmin iltihablı və iltihabsiz 2 ayrı növü var. Xüsusilə iltihablı revmatizm zamanında və düzgün müalicə edilmədiyi təqdirdə həyatı pis yuxuya çevirən ağrı və şişliklər yaşana bilir. Stress, D vitamini əskikliyi, çox kök olmaq, ya da nəmli mühitdə keçirilən uzun zamanlar da revmatizmin meydana gəlməsinə böyük bir zəmin hazırlayır.
Revmatizm qadınla kişi arasında ayrı-seçkilik edir!
Bir-birindən fərqli çox növü olan revmatizmdə tiplərinə görə cinsiyyət ayrı-seçkiliyi də olur. Bəzi revmatizm növlərinə kişilərdə, bəzilərinə isə qadınlarda daha tez-tez rast gəlinir. Məsələn, ankilozan spondilit xəstəliyi daha çox cavan kişilərdə, revmatoid artrit xəstəliyi daha çox qadınlarda meydana gəlir.
Revmatizmə qarşı xüsusi məsləhətlər
- Ailənizdə revmatizm xəstəliyi olan varsa, diqqət edin: Genetik uyğunluq revmatizm növünün meydana gəlməsində əhəmiyyətli rol oynayır. Bu səbəblə ailəsində revmatizm problemi olanlar mütləq simptomlara qarşı hazır və diqqətli olmaqları lazımdır.
- Artıq çəkidən xilas olun: Artıq çəki bel və ayaqlara düşən yükü artırır və oynaq xəstəliklərinə səbəb olur. Bu səbəbdən revmatizmin meydana gəlmə ehtimalı da çox olur.
- Qidalanmaya balıq, gicitkən otu, yumurta kimi yeməkləri əlavə edin: Bədənin turşusunu artıran yeməklərdən uzaq durun. Həmçinin hər xəstəlikdə olduğu kimi revmatizmdə şəkər və emalı şəkərə dönən yeməklərdən diqqətlə istifadə etmək şərtdir. Omeqa-3, Omeqa-6 tarazlığı revmatik xəstəliklər üçün çox əhəmiyyətlidir. Bu səbəblə tərkibində Omeqa-3 olan balıq, yumurta, qoz, kətan toxumu və zeytun yağı, kalsium və C vitamini olan qidalar, gicitkən otu bu xəstələr üçün idealdır.
- Gündə 2 litr su: Bu xəstəliklərdə sağlam bağırsaq florası çox əhəmiyyətlidir. Qarında qaz, köpmə, qəbizlik kimi şikayətləri olan şəxslərin bağırsaq florasında problemlər olma ehtimalı yüksəlir. Bu səbəblə gündə ən az 2 litr su için.
- 6 aydan bir diş həkiminin nəzarətindən keçin: Diş və dişəti ilə əlaqədar problemlər revmatizmdə qıcıqlandırıcı rol oynayır. Diş problemləri, gözdən qaçan çürüklər, diş ətlərində olan qanamalar da immun sistemini pozaraq revmatizmə təkan verir. Bu səbəblə 6 aydan bir diş həkimi nəzarətindən keçin.
- D vitamini: Sümüklərin ən əhəmiyyətli dostlarından biri olan D vitamininin qeyri-kafi olması əzələ-skelet sistemində qüvvətsizliyə səbəb olub revmatizmin meydana gəlməsinə zəmin hazırlayır. Bu səbəblə xüsusilə osteoporoz sonrasında sümük ölçülərinizi vaxtında etdirməniz və lazım olan hallarda D vitamini qəbul etməyiniz lazımdır.
- Oynaq şişi və xəstəlik fəal ikən çox hərəkət etməyin: Bu dövrdə məcbur olmadıqca hərəkət etməyin. Oynaq şişi və xəstəlik fəal ikən mümkün olduğu qədər çox istirahət edin.
- Soyuq və nəmli mühitlərdən qaçın: Soyuq və nəmli havalar bəzi revmatizm növlərində xəstəliyi artırır. Bu səbəblə soyuqdan və rütubətli mühitlərdən qorunun.
- Siqaret: Siqaret revmatizm xəstələrində oynaq və əzələ dövranına təsir edir. Bundan əlavə zəhərli təsiri var. Xüsusilə ağciyər riski yüksək olan revmatizm növlərində siqaretdən qətiyyən istifadə edilməməlidir.
- Stressdən uzaq olun: Hər xəstəliyə səbəb ola bilən stress revmatizmin meydana gəlməsində də əhəmiyyətli bir amildir, stress immun sisteminə təsir edərək bədənin xəstəliklərə qarşı müqavimətinin azalmasına səbəb olur.
- Fiziki müalicəyə əhəmiyyət verin: Fiziki müalicədən bu xəstələrin ağrılarını aradan qaldırmaq, oynaq hərəkət açıqlığının və əzələ gücünün qorunmasında, həmçinin gündəlik həyat fəaliyyətlərinin tənzimlənməsində tez-tez istifadə edilir. Oynaq hərəkətı məşqləri, əzələ gücləndirici məşqlər və aeronik məşqlər revmatik xəstələr üçün çox əhəmiyyətlidir.
0 şərh