Рейтинг
+54.40

Müvəffəqiyyətə gedən yol

59 üzv, 25 topik

Zəkanı, yaddaşı və diqqəti məşq etdirməyin 7 üsulu

 

Öz bacarıqlarını genişləndirmək üçün heç də başını keçəl qırxdıraraq Tibetin şəhər kənarında manax olmaq və ya şübhəli özünü təkmilləşdirmə kursuna yazılmaq mütləq deyil. Məsələn, əldə adicə balaca xatırlatma işarələri qoymaq yaddaş texnikasının daha məhsuldar növüdür.  

Yaddaşın, müşahidə qabiliyyətinin, məntiqin və təxəyyül qabiliyyətinin inkişafı üçün sizə bir neçə faydalı məşq üsulu təqdim edirik. Bu kiçik məşqləri digər işlərdən ayrılmadan da həyata keçirmək olar.

1. Rober Uden metodu

Məşq üçün məkan: küçə vitrinləri, super-market rəfləri

Rober Uden –məşhur fransız sehrbazı və Harri Qudinin kumiri olmuşdur. Gənc  yaşlarında ikən o, gündəlik olaraq öz müşahidə qabiliyyətini məşq etdirirdi. Dükanların yanından keçərkən, Rober vitrinə tələsik nəzər salır, daha sonra üzünü döndərir və bir neçə addım atdıqdan sonra gördüyü hər bir məhsulun vitrindəki yerini, həm də onun görünüşünü dəqiq xatırlamağa çalışırdı: rəng, ölçü, forma. Hər gün o, bu tapşırığın öhdəsindən daha sürətlə gəlirdi.  Çox qısa bir müddətə o, elə hazırlıq səviyyəsinə çatır ki, piştaxtada olan malların xüsusiyyətlərini hətta qaça-qaça təsvir edə bilir.

2. London cibgirləri metodu

Məşq üçün məkan: harda olsa, klassik variant -Portobello-roud

19-cu əsrdə London və Paris şəhərlərinin küçə dəstələrində, sözün əsl mənasında quldur məktəbləri fəaliyyət göstərirdi, burada təcrübəli soyğunçular cavanlara cibgirlik sənətinin incəliklərini öyrədirdi. «Oliver Tvist» əsərində olduğu kimi, Fedcin  timsalında qoca oğru ovcunda bir neçə gərəksiz əşya tuturdu –məsələn iki düymə, beş pens və bir nişan üzüyü. “Müəllim” bu əşyaları “tələbələrinə” cəmi bir neçə saniyəliyə göstərir, sonra onlardan gördükləri hər bir predmeti təsvir etməyi tələb edirdi, sonra isə o görünməz şəkildə predmetlərdən hər hansı birini yox edirdi və uşaqlar dərhal hansı əşyanın itdiyini söyləməli idilər.


Ardı →

Uğur qazandıran vərdişlər

1.    İdeyalarınız üçün inbox sistemindən istifadə edin. Çox vacibdir ki, sizə hər hansı ideya gəldikcə onları harasa qeyd edəsiniz. Bunun üçün hər hansı proqram təminatı (misal üçün Evernote) və ya e:mail ünvanından və ya lap sadə Word faylından istifadə edə bilərsiniz.

2.    Prioritetlərinizi müəyyən edin.  Çalışın hər  dəfə işləbaşlamazdan əvvəl işləri prioritet, vaciblik əmsalına görə düzənləyin.

3.    Səhər tez durun.  Bu tip qrafik sizə daha çox işlərinizi daha açıq beyinlə görmək imkanı yaradacaq.

4.    E:mail ünvanınızı gündə 2 dəfə yoxlayın.  Son zamanlar artıq çoxunda elektron poçtun 10 dəqiqədən bir yoxlaması artıq vərdiş halını alıb – bundan uzaq olmağa çalışın.

5.    Vacib olmayan işləri iş siyahınızdan çıxarın.  Bu tip xırda işlər sizin gününüzün böyük bir hissəsini boşuna apara bilər.

Ardı →

Bill Gatesdən 9 liderlik sirri

Satışda uğur qazanan insanların liderlik sirlərini izah edən bir çox kitab var: ” Atillanın Liderlik Sirləri”, ” Çingiz Xanın Liderlik Sirləri” və s. Dövrümüzün ən əhəmiyyətli insanlarından biri və hələ də dünyanın ən zəngin insanı olan Bill Gatesin liderlik sirrləri isə çox bilinmir. Bu yazıda onun sıfırdan başlayıb dünyanın ən zəngin insanı olmasının sirlərini izah etməyə çalışacağıq.Bill Gates

Sirr 1: Bir vizion sahibi olmaq.
Bill Gates kiçik yaşlarından bəri kompüterin əhəmiyyətini və insan həyatında tutacağı yeri çox yaxşı qavramış bir insandır. Yaxın dostu və Microsoftun qurucu ortağı Paul Allen ilə tez-tez kompüterin inkişafı haqqında müzakirələr, müxtəlif düşüncələr aparmışlar. Bu müzakirələrin nəticəsində irəlidə hər kəsin evində və işində özünə aid bir kompüter sahibi olacağını təxmin edirmişlər.

Sirr 2: Çox işləmək.
Bill Gates çox ağıllı bir insandır. Amma ağıllı olmağın tək başına yetməyəcəyini, çox çalışılması gərək olduğunu düşünür və çox çalışır. Evlənmədən əvvəl birlikdə olduğu sevgilisindən ayrılmasının səbəbi iş xaricində keçirdiyi ümumi zamanın yalnız 7 saat olmasıdır ( yuxu daxil). Yanında çalışan insanlardan da eynisini gözləyir.

Sirr 3: Ağıllı işçilərlə çalışmaq.
Proqram təminatı texnologiya baxımından ən uc sektorlardan biridir. Belə bir sektorda sıravi insanlarla çalışılamayacağını, ağıllı insanlarla çalışılması lazım olduğunu düşünür və şirkətinə həmişə ən ağıllı insanları işə götürməyə çalışır. Ağıllı işçi kimdir, ağıllı olduğunu necə bilmək olar kimi suallara belə cavab verir: Ağıllı insan, hər şeyin bir-bir deyilməsi lazım olmadığı bir adamdır. Microsoft işlədəcəyi ağıllı işçiləri tapmaq üçün çox araşdırma edir. Sırf işçi lazımdı deyə kimisə qəbul etmirlər. İstədikləri adamı tapmaq üçün bir vəzifəni uzun müddət boş saxladıqları da olur.
Ardı →

Siz də yaradıcı insanlardan birisinizmi?

Yaradıcı insanlar digərlərindən fərqli olaraq, ətrafa bir az fərqli baxırlar. Siz də həmin insanlardan birisinizmi? Bunu bilmək üçün yaradıcı insanların əsas xüsusiyyətlərini

1. Danışmadan əvvəl düşünmək. Yaradıcı insanlar yaradıcılıqlarına nəzarət etməyi yaxşı bacarırlar. Danışmadan əvvəl düşünər, hansı sözün harada, necə işlənəcəyini analiz edərlər.

2. Risk etmək. Yaradıcı insanlar yeni ideyalarını tətbiq etmək üçün risk etməkdən qorxmazlar. Düşündüklərini «bəyənilməz» deyərək bir qutuya qoyub, kənarda gizlətməzlər.

3.Özlərinə diqqət ayırarlar. Zehni və fiziki sağlamlıqlarını qorumağa çalışarlar. Sağlam bədəndə sağlam ruh olar. İnsanın özünə qulluq etməsi və özünə hörmət etməsi əsasdır.


Ardı →

Dur, bax, düzəlt və hərəkətə keç

«Həyəcan» hiss etmək məncə, müvəffəqiyyət üçün ən vacib şərtdir. Karieranızda isə müvəffəqiyyət üçün isə ən əsas tələblərdən biridir. İşinizi böyük bir həyəcan və sevgiylə görürsünüzsə, hər gün kreativ fikirlər axtarırsınızsa, qarşınıza çətin hədəflər qoyub ona çatmağa çalışırsınızsa, deməli siz sizin üçün ən doğru olan işdəsiniz.
İşinizdən həyəcan duyduğunuz, işinizi sevgiylə gördüyünüz müddətcə siz müvəffəqiyyətli olacaqsınız.

“Stop, look, correct, take action” yəni «Dur, bax, düzəlt və hərəkətə keç» Yalnız bir an dayanıb, hisslərinizi yoxlayın. Xoşbəxtsinizsə davam edin, tərəddüdləriniz çox, həyəcanının azdırsa bəlkə nəzarəti ələ alıb, hərəkətə keçmək zamanıdır. Unutmayın, işinizdə xoşbəxt və müvəffəqiyyətli olmağınız, yalnız sizdən asılıdır.


Ardı →

Xarizma

Tarix ən nüfuzlu və uğurlu insanların özlərində qəsdən xarizmatik davranışlar tərbiyə etdiyini göstərir.

Son vaxtlara qədər menecment və biznes rəhbərlərinin yetişdirilməsi sahəsindəki ekspertlər xarizmanı gözlənilməz və dağıdıcı nəticələr verə biləcək təhlükəli silah kimi qəbul edirdilər. Bu heç də təəccüblü deyil, axı XX əsrin ən xarizmatik şəxsiyyətləri- Stalin, Hitler, Mussolini insanları idarə etmək bacarıqlarından heç də dinc məqsədlərlə istifadə etməmişlər. Lakin xarizma effektiv şəkildə idarə olunarsa, ondan ictimai həyatın bütün sahələrində — uşaqların tərbiyəsindən iş yerində yüksəlişə qədər güclü silah kimi istifadə etmək olar. Liderlik sahəsində tanınmış ekspert Olivia Foks Kabeynin “Xarizma haqqında miflər” əsəri də elə bundan bəhs edir. Kitab “Alphin Publisher” nəşriyyatında işıq üzü görmüşdür.

Əsərdə təsvir olunan əsas “mif” –xarizmanın yalnız seçilmiş insanların sahib olduğu fitri bir keyfiyyət kimi qəbul edilməsidir. Məsələn, cəlbedici görünüş və ünsiyyətçilik kimi. Əlbəttə, heç bir güc sərf etmədən bütün dünyanın öz ətraflarında fırlanmasına səbəb olan insanlar var. Lakin, tarix ən nüfuzlu və uğurlu insanların özlərində qəsdən xarizmatik davranışlar tərbiyə etdiyi göstərir.
Ardı →

Öz fikrinizdən dönməyin!

Müvəffəqiyyətli ola bilmək üçün etdiyiniz işi sınamaqdan əsla imtina etməmək lazımdır. Lampanı icad edən Edison, təkrar təkrar sınağın insanı necə müvəffəqiyyətə çatdıra biləcəyinə gözəl bir nümunədir.

Uzun davamlı işıqlandırma üçün lampa içərisində istifadə ediləcək dayanıqlı teli tapa bilmək üçün yüzlərlə təcrübə etmişdir. Ondan niyə imtina etmədiyini soruşduqda «Mən yalnız lampanı işlətməyəcək yüzlərlə yol tapdım. Ən sonunda hədəfimə çatacağam» demişdir.

Yaşanan problemləri həll edə bilmək üçün müsbət yöndən baxa bilməliyik. Bu da zamanla inkişaf etdirilə biləcək bir qabiliyyətdir. Hər sınaqda daha yaxşısını edə bilmək üçün müsbət olmaq şərtdir.

Müvəffəqiyyətli olanlar imtina etməyənlərdir. İmtina etməyənlər isə etdikləri işə böyük bir ehtiras və inancla bağlananlardır. Başqalarının görə bilmədiyi fürsətləri, əskiklikləri görə bilənlərdir. İş həyatında da bu hər vaxt belə olmuşdur.

Təşəbbüskarlar fürsətlərə və etdikləri işə inananlardır. Bir bərbər olaraq sizin də dəyişikliklər etmək istədiyiniz dövrlər olmuşdur. Lakin ətrafınızdakı kimsə sizə inanmamış ola bilər. Çox vaxt ola bilər ki, ətrafınızdakı reaksiyalar üzündən dəyişiklik etməkdən imtina etmisiniz. Amma içinizdə bir yerlərdə hələ etmək istədiyiniz şeyin doğru olduğuna dair bir hiss vardır. Məhz sizi digərlərindən ayıra biləcək kiçik fərq budur.

Nə istəyirəm?

Həyatda nə istədiyimizi bilmək çox vacibdir. Niyə? Bunun bir neçə səbəbi var. Birincisi, həyatda nə istədiyimizi bildiyimiz zaman qarşımıza məqsədlər qoyur və bu məqsədləri reallaşdırmağa çalışırıq. İkincisi, bu zaman özümüzə hörmət edir və özümüzü olduğumuz kimi qəbul edirik. Üçüncüsü, bu zaman biz başqa şəxslərlə səmimi münasibətlər qurmağa və bu münasibətləri qoruyub saxlamağa müvəffəq oluruq.

Biliyinizi artırmaq və özünüzü inkişaf etdirmək istəyirsinizsə daim qarşınıza məqsədlər qoyun. Heç kəs mükəmməl deyil və buna görə də biz bacardığımız qədər özümüzü inkişaf etdirmək və həyatdan nəticə çıxarmağa çalışırıq. Fərdi inkişafın ən mühüm müsbət cəhəti ondan ibarətdir ki, insan həyatda təcrübə qazandıqca daha da kamilləşir. Həyat bizə qarşı həmişə ədalətli olmur amma biz çətinliklərin öhdəsindən necə gəlməyi bilsək onda yaşamaq da daha asan və mənalı olar.

Həyatda nə istədiyimizi bilmək bizə kim olduğumuzu və gələcəkdə nə kimi nailiyyətlər əldə etmək istədiyimizi anlamağa da kömək edir. Bu, özümüzü olduğumuz kimi qəbul etməyin və özümüzə hörmət etməyin ilkin şərtidir.
Ardı →

Yeni ideyalar

Peşəkar inkişaf prosesində bütün yaradıcı insanlar bəzi eyni mərhələlərdən keçir. Əvvəlcə siz həvəskar kimi yalnız ilham sizi yaxalaynda yaradıcılıqla məşğul olursunuz. Sonra, ətrafınızdakıların ümid yerinə çevrilir, ilk sifarişlərinizi qəbul edir və gözləntiləri doğrultmağa çalışırsınız. Sonda isə peşəkara çevrilirsiniz. Yaradıcılıq artıq sizin işinizdir və siz “şıltaq muzanızdan” asılı olmayaraq həmişə yüksək səviyyəli xidmətin təminatçısı kimi çıxış etməlisiniz.

Bir sətir belə yaza bilməyəndə və yaradıcılıq potensialınızın bitdiyini düşünəndə nə etmək olar? 
Birincisi ümidsizliyə qapılmayın və heç vaxt muzanızı “həvəsləndirmək üçün” qadağan olunmuş stimulyatorlardan istifadə etməyin. Əvəzinə isə bu məqalədə təklif olunan yoxlanmış vasitələrdən birini sınayın.

1. Sadəcə əyləşin və istirahət edin
 Heç bir şey etməyin. Gözlərinizi yumub beyninizdə olan bütün fikirləri özünüzdən uzaqlaşdırın. Məkan və zaman anlayışını unudun. Elə bu vaxt beyninizin dərin künclərində gizlinən ideya özü işıq üzünə çıxacaq.

2. Yeni müştərilərlə işləməyə başlayın
 Daimi müştərilərin olması bir baxımından yaxşdır, amma bu yaradıcılıq durğunluğuna səbəb ola bilər. Tamamilə yeni tapşırıq və tələbləri olan yeni müştərilər isə sizin peşəkar bacarıqlarınızı genişləndirməklə yanaşı kreativliyinizi də oyada bilər.

3. Rəy bildirin
 Yəqin ki ixtisasınızla bağlı ən yaxşı bloq və forumlara abunəsiniz. Bəzən sadəcə onları oxyub keçmək kifayət deyil, maraqlı olan məqalələrə rəy də bildirmək lazımdır. Öz sahəsində əsl peşəkar olanlarla fikir mübadiləsi apamaq yeni ideyaların yaranmasına səbəb ola bilər.
Ardı →

Gülümsə, hədəf seç, mübarizə apar!

Mənim həyatım konkret olaraq tərəfimdən müəyyən olunmuş prinsiplər üzərində qurulub. Bu prinsiplər əvəzedilməz, dəyişilməz və ləğvedilməzdir. Əks halda bu mənim sonumdur. “SON” olmamaq üçün düşünürəm.
Varsansa, gülümsə. Sadəcə şəkil çəkdirərkən deyil, şəkil çəkərkən də gülümsə. Gülümsə, müləq gülümsə! Sabah bundan da pis ola bilər. Amma sən hər zaman gülümsə. Uğurun gülüşündən asılıdır. Sən gülürsən və uğurun nə vaxt qazandığını hiss belə eləmirsən. Yəni, uğurun öz əlindədir.
Nə? Şans? Yox, qətiyyən inanma! O sənin də qapını döymüşdü, evdə yox idin, bəs harada idin?! Mən bilirəm, öz şansın və uğurunun arxasınca getmişdin.


Ardı →