Ağıl haqqında atalar sözləri
- Ağıl geyimdir — köhnəlməyən, bilik mədəndir — tükənməyən.
- Dildən iti olan, ağıldan ləng olar.
- Acıqlı, başı neylər? Ağıllı, daşı neylər?
- Baş-başa verməyincə, daş yerindən qalxmaz.
- Adam hər düşməndən bir ağıl öyrənər.
- Ağıllı arvad kamala, ağılsız arvad camala güvənər.
- Ağıllı bildiyini söyləməz, dəli söylədiyini bilməz.
- Ağıllı bir dəfə aldanar.
- Bağa bülbül, adama ağıl yaraşar.
- Pul yaxşıdır, ağıl ondan da yaxşıdır.
- Dövlətin ən yaxşısı ağıldır.
- Ağıllı bizi tapmaz, dəli bacadan yağar.
- Ağıllı çırmanınca, dəli vurdu, çayı keçdi.
- Ağıllı düşmən ağılsız dostdan yaxşıdır.
- Ağıllı düşmən nadan dostdan yaxşıdır.
- Ağıllı düşməndən qorxma, ağılsız dostdan qorx.
- Ağıl saqqalda deyil, başdadır.
- Elm olmasa, ağıl çiçəklənməz.
- Ağıllı evlənincə, dəli bir oğul da doğurdu.
- Başına gələn başmaqçı olar.Ağıllı ədəbi ədəbsizdən öyrənər.
- Ağıllı deməz, dəli dərk eləməz.
- Ağıllının söhbəti, ağılsızın höcəti.
- Baş bədənin tacıdır, gözlər onun qaş-daşı.
- Ağıllı gördüyünü, ağılsız eşitdiyini söylər.
- Ağıllı fikir edincə, dəli Kürdən keçər.
- Deyən ağılsız olsa, dinləyən ağıllı gərək.
- Bir ağıllı baş yüz başı saxlar.
- Ağıllı fikirləşincə, dəlinin bir oğlu oldu.
- Ağıllı fikirləşincə, dəlinin oğlu bazara gedər.
- Ağıllı işinə baxar, axmaq dişinə.
- Başın böyüklüyü dövlətdir, ayağın böyüklüyü möhnət.
- Аğıllı kаmаl ахtаrаr, ахmаq vаr-dövlət.
- Min daş-qaşın olunca, bir ağıllı başın olsun.
- Ağıllı kasıba dəli deyərlər, dövlətli dəliyə «bəli» deyərlər.
- Ağıllı kişi qışın qeydinə yayda qalar.
- Ağıllı qəm yeyər, ağılsız qamçı.
- Ağıllı qonşun yoxdursa, kitabla söhbət et.
- Ağıllı olan bir dəfə aldanar.
- Qüvvə hər şeyi, ağıl qüvvəni sındırar.
- Ağıllı yoxsul axmaq varlıdan yaxşıdır.
- Ağıllı oda köz olar, axmaq qazana baxar.
- Tənbələ iş buyur, o sənə ağıl öyrətsin.
- Ağıllınız Xıdır ağa, barmağın saldı bardağa.
- Ağıllınız kimdir? Qabaqdakı zəncirli.
- Başa düşənə can qurban.
- Ağıllıya qırx gün dəli desən, dəli olar.
- Ay işığından qar da ağarar, ağıllı sözdən ağıllı da ağıllanar.
- Ağılsız baş əlindən səfil ayaq nələr çəkər…
- Ağıllı uşaq nadan qocadan yaxşıdır.
- Özünü olduğundan ağıllı göstərməyə çalışan, əslində, axmaqdır.
- Ağılsız dostdan ağıllı düşmən yaxşıdır.
- Sıldırımın başında ağac olmaz, lovğanın başında — ağıl.
- Ağılsız dostun olunca, ağıllı düşmənin olsun.
- Hamıdan ağıllını bazara göndərərlər, hamıdan qocanı — dəyirmana.
- Pul ağıllı adamın köləsi, axmaq adamın isə ağasıdır.
- Axmağın şirin qiymətindən, ağıllının acı töhməti yaxşıdır.
- Ağılın zənni, cahilin yəqinindən yaxşıdır.
- Ağılsızın bütün ömründən alimin bir günü qiymətlidir.
0 şərh