Dil haqqında atalar sözləri
- Dil ürəyin qapısıdır.
- Neçə dil bilirsənsə, o qədər insansan.
- Dildən bal da damar, zəhər də.
- Şirin dil ilanı yuvadan çıxardar.
- Dil qılıncdan itidir.
- Söz çeynəyən çox, söz deyən az.
- Bol çörəyin yoxdur, şirin dilin olsun barı.
- Deyə-deyə dilimdə tük bitdi.
- Dil yarası qılınc yarasından yamandır.
- Dilini saxlayan salamat olar.
- Ağlı qısa olanın dili uzun olar.
- Sözü olana dil ver, söz eşidənə qulaq ver.
- Başa bəla dildən gələr.
- Nə dil bilsin, nə dodaq.
- Başa dil gətirəni, el gətirə bilməz!
- İnsan — dilindən tutular, heyvan — buynuzundan.
- Dilini dişinlə tut.
- Şirin dil — insan ürəyinə açardır.
- Dil aldadar, göz düzünü deyər.
- Dil ucundakı şirin yalan, qarmaq ucundakı yem kimidir.
- Xəncər bir nəfəri kəsər, dil min nəfəri.
- Bal arını çəkər, şirin dil — insanı.
- İnsan dilindən iti nə bıçaq var, nə balta.
- İp nə qədər uzun olsa da, dil ondan uzundur.
- Yaxşının sözü dilində, yamanın kini ürəkdə.
- Acıdil bal satandan, şirindil bibər satan yaxşıdır.
- Təzə bir dil öyrənmək təzə bir adam tapmaq kimidir.
- Heyvanı qulağından, insanı dilindən tutarlar.
- Dil zəhərdən acı, baldan şirin, qılıncdan kəskindir.
- Boşboğazın dili işlər, zəhmətkeşin əli.
- Borc verənin dili uzun olar.
- Ayığın fikrində olan sərxoşun dilində olur.
- Bir təbəssüm dünyanın ən gözəl dilidir.
- Balıqlar qarmaqla, insanlar şirin dillə ovlanar.
- Dil ilə bütün dünyanı da əkmək olar, əl ilə bir parça torpağın öhdəsindən gəlmək çətindir.
- Alim yanında dilini saxla, usta yanında — əlini.
0 şərh