Həyatınızda güclü təsirə sahib olan meditasiya həyatınızın bir parçasına çevirmək əslində çox asandır. Hətta, sadəcə 10 dəqiqədir. Bəli sadəcə 10 dəqiqə! Səhərlər İnstagramda keçirdiyiniz zamandan da qısadır.

10 dəqiqəlik meditasiya əslində yuxu sisteminizi nizama salır, stressi azaldır. Günə 10 dəqiqəlik meditasiya ilə başlamaq isə sizi yenilənmiş hiss etdirəcək.

Meditasiya ortamı yaratmaq da əslində çox sadədir. Evinizin bir küncünü meditasiya ortamına çevirmək istəyirsinizsə xəbərin davamını oxuyun.
Davamı →

Toy hər birimizin həyatında çox vacib hadisədir. Nə qədər gərgin olsa da, onun verdiyi xoşbəxtliyi yaşamaq gözəl hissdir. Toy tarixini təyin etdikdən sonra hər bir günü dəyərləndirmək vacibdir. Toya hazırlıq üçün ediləcək işləri planlayaraq yerinə yetirin.

Toy məkanınızı seçin və təşkilatçı şirkətlə görüşün
Xüsusilə yay mövsümündə ailə qurmağı planlaşdırırsınızsa, xəyalını qurduğunuz məkanlar indidən dolmuş ola bilər. Bu səbəbdən də tədbirli və sürətli davranaraq, toy məkanına dərhal qərar vermək faydalıdır. Bununla birlikdə, təşkilatçı şirkətlə də danışıqlara başlasanız, toyunuzun ən incə detalına qədər planlaşdırmış olarsınız.

Gəlinlik və bəyliyi seçin
Əgər gəlinlik və bəylik geyimlərini modelyerə həvalə edəcəksinizsə, bu işə lap erkən başlayın, çünki tez-tez paltarın ölçüsünü yoxlamağa getməlisiniz. Unutmayın, qabyuyan və ya paltaryuyan maşın olmadan evlənə bilərsiniz, amma gəlin paltarı və bəylik olmadan əsla!
Davamı →

Hər gün sizi həyəcanlandıracaq bir şeylər edin.
Əyləncəli bir dostunuzula macəra dolu bir yerə gedin.  ( Məsələn, Lunaparka)
Heç yemədiyiniz yeməkləri dadın.
Heç tanımadığınız birinə salam verin.
Seçiminizin tamamilə xaricində olan bir kitab oxuyun.
Səbəbsiz yerə gülümsəyin, bu, beyninizin xoşbəxtlik köşəsinə stimul verəcək.
Alışqanlıqlarınız və zövqləriniz xaricində bir xobbiniz olsun.
Sosial bir şəbəkəyə daxil olun və nizamlı olaraq paylaşım edin.
Qarşılaşdığınız insanlara qarşı nəzakətli bir davranış edin.
Probleminizlə dərhal üzləşin və mümkün qədər cəld bir şəkildə həll yolu axtarın.

Üzr istəməyi bacarın, gərək olmadığını düşündüyünüz zamanlarda belə.
Müəyyən intervallarla fərqli musiqi növləri dinləyin.
Başqalarının fikirləri ilə hərəkət etməkdən imtina edin, öz fikirlərinizi sahiblənin.
Enerji əmici vampirlərdən uzaq durun.
Heç bir şey üçün gec olmadığını bilin və o cür davranın.
Kiçik bir baxçanız olsun, öz tərəvəzlərinizi yetişdirin.

Ardı →

Təkrar uşaqlığa qayıtmaq mümkün olmasa da inanılmaz səmimi əhval-ruhiyyəni saxlamaq olar ki, bu zaman yenilik axtarışı və bir gün ərzində hər şeyi eləmək arzusu öndə olur. İllərlə bu arzu “sonra eliyərəm” kimi bir anlayış ilə əvəz olunur. Lakin biz sizə böyüklərin uşaqlardan öyrənə biləcəyi bəzi məqamları təqdim edirik ki, bu həyatınızın hər anını yadda qalan edəcək.

Qaçmaq. Uşaqlar bizə qaçmağın yalnız idman deyil, onun həm də sevinc gətirdiyini xatırladırlar.
Gülləri iyləmək. Belə bir deyim var: “Dayanın və qızılgüllərin ətirini alın”. Lakin biz çox nadir hallarda buna vaxt tapırıq. Amma uşaqlar gül-çiçəklər ilə oynamağı çox sevir.

Təsəvvür etmək. Əgər uşaq evdə deyil, kosmosda olmağını təsəvvür edirsə, bu zaman onun beynində və gözlərinin qabağında bu həqiqətən də elədir. Çox təəssüf ki, böyüklərin əksəriyyəti şəxsi xəyallarında olaraq hər şeyi unutmaq qabiliyyətini itiriblər.

Heyvanları sevmək. Uşaqlar heyvanları çox sevir. Bunun üçün heyvanlar haqqında cizgi filimləri, kitablar, həmçinin heyvanxana uşaqların böyük marağına səbəb olur.

Ardı →

Oxuyan bir qızla sevgili ol. Pulunu pal-paltar əvəzinə kitablara sərf edən bir qızla sevgili ol. Kitablarından dolayı rəfinə sığa bilməz o. Oxuyacağı kitabların siyahısını tutan, 12 yaşından bəri kitabxana kartı olan bir qızla sevgili ol.

Oxuyan bir qız tap. Oxuyan bir qız olduğunu çantasında hər zaman oxumaqçün kitab gəzdirməyindən anlaya bilərsən. Kitab dükanında sevgiylə rəflərə baxan və axtardığı kitabı tapanda səssizcə sevinəndir o. Bukinistdə köhnə bir kitabın səhifələrini qoxlayan gözəl xanımı gördünmü? Bax, o oxucudur. Üstəlik kitabın səhifələri saralıbsa qoxlamadan durmaz...

Kafedə kimisə gözləyərkən oxuyan qızdır o. Fincanına göz gəzdirsən qəhvəsinin soyuduğunu görərsən, çünki kitaba dalıb. Yazarın yaratdığı dünyada qeyb olub. Sən də bir stul çək, otur yanında. Sənə tərs-tərs baxa bilər, çünki kitab oxuyan qızlar narahat edilməyi sevməzlər.

Ondan kitabı sevib sevmədiyini soruş. Ona yeni bir qəhvə sifariş ver. Murakami haqqında nə düşündüyünü soruş. Coysun “Ulisis”ini başa düşdüyünü deyirsə, deməli intellektual görünməyə çalışır. Alisanı çox sevir, yoxsa Alisa olmaq istəyir, bunu soruş.
Ardı →

Qış aylarında yayı səbirsizliklə gözləyirik. Amma yayın cırhacırında qışı arzu edirik. Tərləmək, nəfəs ala bilməmək, işdə kondisioner davaları bizi bezdirir. Bütün bunlara baxmayaraq yayda zövq ala biləcəyimiz şeylərin siyahısı digər fəsillərə baxanda daha çoxdur.

Yayı nələrə görə sevirik?...
Səhər tezdən yuxudan duranda fikirləşirsən ki, artıq yay gəlib, şortik geyinmək, rahat geyimlərdə gəzmək olar.

Yay paltarı geyinməyin dözülməz yüngüllüyünü hiss etmək.

Açıq pəncərədən qəfildən əsən küləyin təravətləndirici sərinliyini hiss etmək.

Təzə biçilmiş otun qoxusunu duymaq.
Ardı →

Nəsə sizi narahat edir?! Bu haqda düşünməyə son qoyun, gününüzə pis xəbərlər və ya mübahisələrlə başlamayın. 
Sizlərə təqdim etdiyimiz məqalədə yaxşı əhvalda qalmanın və depressiyanı özünüzdən uzaq tutmanın yolları ilə tanış olacaqsınız.

1. Doyunca yatın. Normal yuxu 6-8 saat olmalıdır. İnsandan asılı olaraq bu rəqəm dəyişə bilər. Bütün həftə davam edən yorğunluğu həftə sonu çox yatmaqla çıxarmaq mümkün deyil. Hətta normadan bir saat az yatmaq növbəti günkü fəallığınıza təsir edə bilər.
Yuxusuzluq əhvalınıza mənfi təsir göstərə və düşünmə bacarığınızı zədələyə bilər.

2. Sizi narahat edən şeylər haqqında düşünməyin. Sizi narahat edən bir şey haqqında davamlı şəkildə düşünmək yanlış qərarlar və ya məyusluğa yol aça bilər. Beyninizin mənfi düşüncələrlə “dolmasının” qarşısını almaq üçün onu bədbin fikirləri sizdən uzaq tutacaq müxtəlif düşüncələrlə doldurmalısınız. Yaxşı bir film bu işdə sizə kömək edə bilər.

3. Yatmazdan əvvəl xoşbəxt sonluqlu bir kitab oxuyun və ya film izləyin. Baxdığınız qorxulu və ya pis məzmunlu bir film pis yuxulara yol aça bilər. Bu isə hətta növbəti gün əhvalınıza təsir edə bilər.

4. Günə pis və ya bezdirici xəbərlər oxumaqla başlamayın. İdman və ya sizə maraqlı gələn hər hansı başqa bölmədəki xoş və sadə xəbərləri oxuyun. Necə deyərlər, günə necə başlasanız, elə də bitirəcəksiniz.

5. İş gününün sonunda bir az gəzişin. İşdən sonra yaxınlıqdakı parkda bir az gəzişin. Bu, əhvalınızı tamamən dəyişəcək və günün sonunda bütün yorğunluğunuzu atmağa sizə kömək edəcək.
Davamı →

1. Sevdiyin mahnıları oxuyursan, bunu heç kim söyləməsə də sənə elə gəlir ki,məlahətli,ürəkdən gələn gözəl səsin var.
2. Telefonundakı SMS-lərə baxırsan, lazımsız mesajları silirsən.
3. Gələcək uşaqların üçün ad fikirlərşirsən.
4. Sevdiyin oğlanın anasını yamsılayırsan.
5. Saçlarında bit axtarırsan.
6. Öz-özünə danışırsan.
7. İnternetdə başqalarının yanında girmədiyin saytlara girirsən.

Davamı →

Əgər dünyada cəmi 100 insan yaşasaydı, onlardan 57-si Asiyadan, 21-i Avropadan, Şimali və Cənubi Amerikadan cəmi 14 nəfər və 8 nəfər Afrikadan olacaqdı. 52-si qadın, 48-i kişi olacaqdı, 30-u ağdərili, 70-i isə başqa irqin nümayəndələri olacaqdı.

30-u xristian, 23-ü müsəlman, 47-si isə başqa dinə sitayiş edənlər olacaqdı. 6 insan dünyanın 595 sərvətinə yiyələnəcəkdi və onlar Şimali Amerikada olacaqdılar. 80 insan kasıbçılıq içində yaşayacaqdı. 70 insan oxumağı və yazmağı bilməyəcəkdi və 50-si ac qalacaqdı. Hər gün bir insan ölüb, bir insan doğulacaqdı. 1 insanın ali təhsili olacaqdı və cəmi bircə insan kompyuter sahibi olacaqdı.

Yüzlərlə insanın həftənin axrına çata bilmədiyi vaxtda, əgər sən səhər sağ salamat dura bilirsənsə, sən xoşbəxt adamsan. Müharibədə iştirak edənlərdən, aclıqdan, işgəncələrdən, tənhalıqdan əziyət çəkənlərdən biri deyilsənsə, sən xoşbəxt adamsan.

Əgər sən sərbəst qorxmadan öz dininə sitayiş edə bilirsənsə, sən xoşbəxt adamsan, çünki dünyada 3 milyarda yaxın insan bundan məhrumdur. Əgər başını soxacağın bir evin varsa, əynində paltarın varsa və soyuducunda yeməyin varsa sən dünya əhalisinin 75%-dən daha imkanlısan.

Əgər bankda və ya pul kisənizdə bir miqdar pulunuz varsa, deməli dünyada uğura nail olmuş 8% insanların siyahısına daxilsiniz. Əgər siz sərbəst bu məqaləni oxuya bildinizsə, deməli siz oxuya bilməyən 2 milyard insanlardan fərqlənirsiniz.
Davamı →

Əgər siz həyatınızda nəyinsə düz getmədiyini, kədərli fikirlərin daha çox olduğunu hiss edirsinizsə, çalışın bu vəziyyətdən tez çıxasınız, çünki bu getdikcə uzana bilər. Bunun öhdəsindən gəlmək üçün yollar axtarın. Bu gün mən bu yolların bir neçəsini sizə təklif edəcəyəm.

1. Həmişə əhval-ruhiyyənizin yaxşı olmasını istəyirsinizsə, özünüzü idarə etməyi öyrənin. Kiçik şeylərə görə inciməyin. Çalışın ki, sizə yaxın olan insanlarla mübahisə etməyəsiniz,  onları bağışlayın. Bağışlayaraq siz hirs və qısqanclıq hisslərindən azad olursuz,hansı ki bu ilk növbədə sizi məhv edir.

2. Dünyaya yumor hissi ilə baxmağa çalışın. Hətta əgər siz narahat olur və ya çətin bir vəziyyətə düşürsünüzsə, buna rəğmən gülümsəyin və deyin ki, “Bu da keçəcək”. İnanılmazdı, amma buna həqiqətən inansanız, onda pis şeylər doğurdan da keçəcək.

3. Bütün dünyaya küsərək evdə oturmayın! Əmin ola bilərsiniz ki, küçədə, dostların-tanışların əhatəsində əhval-ruhiyyə pis olmur! Sübut olunmuşdur.
Ardı →