Zinət əşyalarını xüsusi qutularda və ya hər birini ayrı bir yumşaq parçaya bükülmüş vəziyyətdə saxlamaq lazımdır. Qiymətli daşlar qızıl və platindən daha bərkdirlər, və zinət əşyaları bir yerdə saxlandıqda daşlar metalları cıza bilərlər.

Zinət əşyaları müntəzəm taxıldıqda onların 1 görünüşü korlana bilər. Onları çirkdən və zədələrdən qorumaq üçün hər bir ev işlərini görərkən və həmçinin kosmetik vasitələrdən (krem, losyon, ətir və s.) istifadə edərkən mütləq çıxartmaq lazımdır. Çünki möhkəm zərbə və ya kimyəvi vasitələr hətta ən möhkəm zinət daşlarını belə zədələyə bilər. Çalışın bahalı zinət əşyalarını ancaq xüsusi günlərdə taxasınız.

Adi günlərdə isə gümüş əşyaları və ya bijuteriya taxa bilərsiniz. Yeri gəlmişkən, onlar bəzən gözəllikdə bahalı zinət əşyalarından çox az fərqlənirlər.

Zinət əşyalarınızın öz gözəlliyi və parıltısı ilə sizi hər zaman sevindirməsini istəyirsinizsə, onlara düzgün qulluq edin.

Zinət əşyalarını daim təmizləmək lazımdır. Əgər qızıldan olan zinət əşyalarının rəngi tutqunlaşıbsa, parıltısını bərpa etmək üçün onları naşatır spirti qatılmış (1 stəkan suya 1/2 çay qaşığı naşatır spirti) sabunlu suda, sonra təmiz suda yuyun və yumşaq parça ilə yaxşı-yaxşı silin. Qızıl kulon, zəncir, sırğa, nişan üzüklərini təzələmək və parıltını qaytarmaq üçün onları şəkər tozu (1 çay qaşığı şəkər tozu + 1 stəkan su) qatılmış suda 2-3 saat saxlayın, sonra isə yumşaq parça ilə silin.
Ardı →

Ayaqqabını alanda fikir verin ki, ayaqqabı ayağın üst tərəfini sıxmasın, böyük barmaq ayaqqabının burnuna dirənməsin.
Təzə ayaqqabı isti günlərdə ayağı sanki «yandırır». Bu əziyyətdən azad olmaq üçün ayaqqabını içəridən sirkəli su ilə silmək olar.

Ayaqqabı hər gün təmizlənməlidir. Hər rəngli ayaqqabının öz rəngində kremi və ayrı şotkası olmalıdır. Ayaqqabını vaxtaşırı günə vermək və qurut-maq lazımdır.

Ayaqqabıdakı çirk quruyandan sonra onu şotka ilə təmizləyirlər və quru, təmiz əsgi ilə silirlər, sonra krem çəkirlər və yenə şotka ilə təmizləyirlər.

Əgər ayaqqabı islanıbsa, onu nəm əsgi ilə silmək və sıx-sıx qəzet kağızı ilə doldurmaq lazımdır. Qəzet nəmi özünə çəkir və ayaqqabı tədricən quruyaraq, öz formasını saxlayır. Ayaqqabını otaq temperaturunda qurutmaq lazımdır. Heç vaxt nəm ayaqqabını odun yanında, mərkəzi istilik batareyasında, yaxud başqa istilik mənbələrinin yanında qoymayın. Bu hallarda dəri həddindən tez quruyur, büzüşür və çatlayır.

Əriyən qar ayaqqabını korlayır. Qarda gəzəndən sonra ayaqqabınıza yağlı krem çəkin və bir azdan təmizləyin.
Ayaqqabını quru, sərin yerdə saxlamaq lazımdır. Əgər ayaqqabı rütubətli yerdə qalıbsa, kif basıbsa, ona benzin çəkin. Qış gəldikdə su keçirməyən plaşların və kauçukdan olan əşyaların üstünə talk səpin, yay ayaqqabısına krem çəkin.
Gənəgərcək yağı – dəri məmulatları üçün ən yaxşı qidadır. Onu ayaqqabıya çəksəniz, yumşaq və su keçirməyən olur, bununla belə, dərinin parıltısı qalır.
Ardı →

Yun
Müasir yun parçalar iki kateqoriyaya bölünür: yun və yarımyun. Birincinin tərkibində 90-100% yun var, ikincilərin tərkibində 20-90% yun və lavsan, kapron, yaxud viskoz var. Əgər tərkibin içində 50% süni saplar varsa, onda parçada parıltı və yumrular əmələ gəlir.

Yaxşı olar ki, yun paltarlar bir çox halda əllə, xüsusi vasitələrdən istifadə etməklə yuyulsun. Yun paltar yığılmasın deyə, onu bir az ilıq suda, eyni temperaturda yuyurlar və suya çəkirlər, heç vaxt islatmırlar və burub sıxmırlar.

Axırıncı dəfə yaxalayanda yun yığılmasın deyə, xüsusi kondisionerlər əlavə edin. Rəngi çıxan yun paltarı yuduqda ilıq suya duz və sirkə tökün. Müasir paltaryuyan maşınlarda yun üçün də rejim nəzərdə tutulub, lakin bahalı yun paltarları əllə yusanız daha yaxşı olar. Ümumiyyətlə, çalışın yun paltarları tez-tez yumayın.

Yun paltarı kölgədə astar üzünə sərilmiş halda qurudun. Sviterləri və şalları (pled) daha yaxşı olar ki, xovlu məhrabaların üstünə sərib qurudasınız.

Yun malları gün şüalarının altında qurutmaq qadağandır, lakin onlara təmiz hava lazımdır, odur ki, qarderobunuzun havasını müntəzəm dəyişmək sizin üçün adət halını almalıdır.
Ardı →

Açıqda qalsa, otaq şəraitində xarab olar deyə əlimizə nə gəldi soyuducuya qoyuruq. Əslində elə şeylər var ki, soyuducusuz da keçinər. Belə ərzaqları soyuducuya qoyduqda keyfiyyəti itir, həm də soyuducuda mikrobların əmələ gəlməsinə səbəb olur. Ərzaqları soyuducuya düzgün yerləşdirmədikdə də mikroblar törəyir. Məsələn, ərzağı alver edilən sellofanlarda soyuducuya qoyuruq. Sellofana bulaşmış bakteriyalar soyuducudakı digər qidalara da keçir.

Qidaların qara rəngli sellofanlara qoyulması məsləhət deyil, çünki həmin sellofanların rəngi çıxdığından orqanizm üçün təhlükəlidir. Yeməklərin soyuducuda saxlanması üçün ağ sellofanlar, çini və şüşə qablar seçilməlidir.

Ərzaqların soyuducuya yerləşdirilməsi aşağıdakı kimidir:

Süd
Süd qutusunun ağzını açmısınızsa, istifadə etdikdən sonra qalan südü mütləq şüşə bankada saxlayın.

Limon
İstifadə etdiyiniz limonların kəsilmiş hissəsini üzü aşağı şəkildə qaba qoyun və soyuducuya yerləşdirin.

Yoqurt
Yoqurtu sulanmasın deyə içində qaşıq saxlamayın, üzərini qaşıqla hamarlayıb uzun müddət saxlaya bilərsiniz.

Banan
Bananı soyuducuya qoymayın. Otaq temperaturunun aşağı olduğu yerlərdə, məsələn, pəncərənin yaxınlığında saxlaya bilərsiniz.

Balıq
Balığı soyuducuda geniş və dayaz qabda saxlayın.

Pendir
Holland pendirini hava keçirməyən plyonkalara bükün ki, qurumasın.


Qoxunu necə yox etmək olar?
Soyuducudakı bütün ərzaqlar ağzıqapalı halda, bir-birinə toxunmaz şəkildə saxlanılmalıdır. Soyuducunun ən isti bölməsi 5-7, ən soyuq bölməsi isə -4 dərəcə olmalıdır. Balaca bir qaba karbonat tökərək soyuducunun bir tərəfində yerləşdirməklə pis qoxunu aradan qaldıra bilərsiniz.

Soyuducuya çoxlu ərzaq qoymayın. Ərzaq çox olduqda hava axını rahat dolaşmır və nəticədə, soyuducu yaxşı soyutmur. Bu üzdən də ərzaqlar xarab olub, mikrob mənbəyinə çevrilir.
Davamı →

Məbəxlərdə mövcud olan bir əşya var ki,  ABŞ-da aparılan bir təcrübə zamanı bunun heç də sadə bir əşya olmadığı əksinə insan sağlamlığı üçün olduqca təhlükəli bir mikrob yuvası olduğu ortaya çıxmışdır.

Mətbəxlərdə geniş istifadə olunan əsasən üzərində göyərti, meyvə-tərəvəz, ət və s. məhsullar doğradığımız kiçik taxtanın təmizlənmədiyi zaman bir mikrob yuvasına cevrilir.

Mütəxəssislər mətbəxdə istifadə olunan bu taxtanı hər istifadə etdikdən sonra limon, duz və ya  sirkə ilə mütləq təmizlənməsinin vacib olduğunu bildirirlər.

Həmçinin mütəxəssislər taxtanın sadəcə su və kimyəvi yuyucu tozlarla yuyulmasının təhlükəli olduğunu da bildirirlər.

Davamı →

Çoxlarımız elə bilirik ki, evimizdəki hava təmizdir. Havada formaldehid, benzol və trixloretilen kimi bəzi kimyəvi maddələr mövcuddur. Mütəxəssislər bütün bu kimyəvi maddələrin birləşərək insanlarda allergik simptomlar əmələ gətirə biləcəyini bildirirlər.

Hər gün nəfəs aldığımız hava müxtəlif (hətta ağlınıza belə gətirmədiyiniz) mənbələrdən çirklənir. NASA (ABŞ-ın Milli Aerokosmik Assosasiyası) tədqiqatlar nəticəsində müəyyənləşdirmişdir ki, 300-dən çox üzvi qarışıq kosmos ətrafında dolanır və yer kürəsi üzərindəki hava təbəqəsini çirkləndirir.

Bundan baska heç bilirsinizmi ki, evinizdəki mebel də nəfəs aldığınız havanı zəhərləyir?

Ardı →

Amerikadakı bir araşdırmada evdəki çirkli yerlər dəyincə diş fırçası qutusu evdəki ən çox üçüncü mikroblu yer seçildi. Bir diş fırçası qutusunda, ümumiyyətlə hamamdakı tualetə yaxın olan yerlərdə mikroblar daha çoxdur. Diş fırçası qabını həftəlik olaraq qab-qacaq maşınında ya da yüksək istilikdə suyla yumaq lazımdır. Daha sonra dezinfeksiya edilmiş bir dəsmalla silə bilərsiniz.

Ev heyvanlarının təmizliyi
Bəli, bəzi ev heyvanları bağçada ya da evin xaricində yaşaya bilər. Lakin evinizdəki çirkli yerlər deyincə heyvanları unutmamaq lazımdır. Heyvanlarla uşaq bir-birlərinə təbii yollardan gözəl bir bağ qura bilərlər. Ancaq ev heyvanlarının tullantıları, tüpürcək və ya təmas yolu ilə uşaqlar üçün bakteriya, virus və parazit yuvası ola bilər. Uşaqlar hər zaman ev heyvanlarına toxunmadan ya da heyvanların oyuncaqlarına dəymədən yemək masasına oturmalıdır. Ev heyvanlarıyla yaxın təmas halında olduqdan sonra əllər yuyulmalıdır.

Soyuducu təmizliyi
Açıq yeməklər, qoxu sızdıran paketlər, dərhal korlanan süd… Evinizdəki ən çirkli yerlər bəzən buralardır. Yəni ola bilər pis şeylər bol bir miqdarda soyuducunuzda uşaqlarınızı gözləyir. Mədə və ishala səbəb salmonella, campylobacter və Norovirüs, mətbəxin ortaq bakteriya və viruslardır.
Ardı →

* Bibərlərin acılığını saplağındakı ulduz formasına baxaraq anlaya bilərsiniz. “Ulduz guşələri” 5-dən çoxdursa deməli bibər olduqca acıdır.

Ardı →

Tez-tez istifadə olunan ütülərin altında parçaların qalıqları qalıb toplana bilər. Bu da ağ paltarları ütülədikdə onların üzərində ləkələr salır. Ona görə də ütünün altını xüsusi qaydalarla təmizləmək lazımdır. Hətta bəzən buxar verən ütülərin su borularında da tutulmalar ola bilir. Kirlənən və ləkələnən ütülərinizin praktik təmizlənmə üsullarını təqdim edir.

Ütünüzü təmizlərkən ilk öncə onu cərəyandan çəkin. Ütü istidirsə, onun soyumasını gözləyin. Ütünün təmizlənməsində ilk istifadə edəcəyiniz vasitə köhnə dəsmal olacaq. Dəsmalı ilıq suda isladıb ütüyə yapışmış ləkələri silin. İsti sudan istifadə etməyin və heç vaxt ləkəni qaşımağa çalışmayın. Ləkələr yox olana kimi asta hərəkətlərlə silin. Ütünün dəmir hissələrini də eyni üsulla silin və dəsmal kirləndisə, onu ilıq suda yuyub yenidən işinizə davam edin.

Ardı →

Biz hamımız bu problemlə rastlaşmışıq. Hər birimiz dar ayaqqabının yarada biləcəyi narahatçılıqları barədə agahıq. Lakin bunu aradan qaldırmağın yolu var.

Dar ayaqqabını açmaq üçün sizə sadəcə fen və qalın yun corab kömək edə bilər.

Sadəcə corabı (bu yalnız 1 cüt olmaya da bilər) ayaqqabı ilə geyinib fenlə dar yerlərdən çəkmək lazımdır. İstilik nəticəsində ayaqqabı boşalır və corabın yaratdığı qalınlığa uyğunlaşır. Bunun nəticəsində dar ayaqqabı boşalır və sizə lazım olan formaya uyğunlaşır.

Bu prosses yalnız dəri ayaqqabı üçün deyil.

İstənilən nəticəni aldıqdan sonra sadəcə ayaqqabını ayaqqabı kremi ilə təmizləyin.
Bu qədər sadə.
Davamı →