OBYEKT — göz önündə olan, qarşıya qoyulan şey.

OBYEKTİV — obyektlə əlaqəsi olan, onunla həmahəng olan. Fərdin şəxsi görüşündən asılı olmayan. Yaxud ümumiyyətlə hər növ düşüncə tərzinə uyğun gələn.

OBYEKTİVLİK — fəlsəfi mövqe; buna görə fəlsəfi idrak tədqiqatı tənqidi qiymətləndirməyə, dəyərlər haqqında mülahizələr söyləmək səviyyəsinə çatdırmağa qadir deyil, buna görə də həmin idrak bunlardan əl çəkməlidir.

OLİQARXİYA — bir neçə nəfərin suverenliyi, dövlət gücünün az saylı şəxslərin yaxud da ailələrin əldə olduğu dövlət forması.

OKKAZİONALİZM — ruhun və bədənin qarşılıqlı təsirinin izah olunmazlığını aradan qaldırmağa çalışan XVII əsr dini-idealist doktrinası.

OKKULTİZM — dünyada fövqəltəbii, elmi tədqiqata müyəssər olmayan fenomenlərin və qüvvələrin mövcudluğunu qəbul edən və onlara qarşılıqlı təsir üçün [magiya, spiritizm] “əməli” üsullar işləyib hazırlayıb təlimləri ifadə edən termin.

OPERASİONALİZM — müasir fəlsəfədə öz təbiəti etibarilə məntiqi pozitivizmin və praqmatizmin sintezindən ibarət cərəyan.

OPTİMİZM - bax. Nikbinlik