Kriminal motiv rejissor Emil Quliyevin «Pərdə» («Pərdə», "İkinci Pərdə" və «Sonuncu Pərdə») trilogiyasının da əsas xətlərindən biri idi. Ümumiyyətlə, Emil Quliyevin filmlərində bir qayda olaraq, cinayət hadisələri ailə, qonşu-qohum çevrəsinin münasibətləri çərçivəsində baş verir. Və rejissorun kino dünyasında kriminal motiv problemin miqyasını, dərinliyini göstərməkdən ötrü sadəcə vasitə rolunu oynayır. Ona görə «Pərdə» trilogiyasını janr etibarilə, sosial, ailə dramı adlandırmaq daha doğru olardı, nəinki detektiv, kriminal filmi. İctimai Televiziyanın efirində yayımlanan və tamaşaçı rəğbəti qazanan "Əqrəb mövsümü" serialında da cinayət hadisələri bir ailənin mürəkkəb vəziyyəti fonunda baş verir. Ümumiyyətlə, Emil Quliyevin yaradıcılığında ailə obrazı xüsusi yer tutur, qırmızı xətt kimi gözə dəyir və rejissora görə, cəmiyyətin problemləri əslində, elə ailə institutundakı gözardı etdiyimiz qüsurlarla birbaşa əlaqəlidir.

“Buratinonun macəraları” filmi ekranlara 1976-cı ildə çıxıb. Həmin il SSRİ-nin ən baxımlı kinosu oldu. Bu filmlə neçə-neçə nəsillər böyüdü.

Müharibə insan faciəsidir. Dünya bünövrə olandan müharibələr qaçılmazdır. Ancaq bununla belə, insanın ən böyük problemi müharibə deyil, özüdür; müharibələri törədən də insandır, onun bəlasını yaşayan da...

Filmin ssenari müəllifi Suliko Jqentidir. Onun 18 yaşı tamam olanda könüllü cəbhəyə gedib. Ağır yaralanıb hospitala düşəndə atası onun arxasınca gəlib və uzun, təhlükəli yollardan keçməli olub. Amma ssenaridə yazılanlar təkcə onun atasının başına gələnlər deyil. Öz oğlunun arxasınca gəlib Sulikonun özü ilə birgə Berlinə qədər döyüş yolu keçən və başına macəralar gələn başqa bir atanın dramıdır – Georgi Maxaraşvilinin. Müəllif onun adını da olduğu kimi saxlayıb.

Maraqlısı odur ki, film real hadisələr əsasında çəkilib. İdeyanı Leonid Qayday həyatdan götürüb. Həm də bir cümlə xəbərdən – qaçaqmalı gipsdə keçirməyə cəhd göstəriblər.  Filmin adı da ilk variantda “Qaçaqmalçılar” olub.