Рейтинг
+138.94

Sevgi

99 üzv, 217 topik

Sevgini öldürən 3 səhv

  • Sevgi
Sevgilinizlə aranızda problem varsa, bu səhvləri etməyin…
Bütün sevgilərin arasında hərəsinin özünəməxsus problemləri olur. Lakin bəzi məsələlər var ki, bütün cütlüklər bu hallarla qarşılaşır. 

Mən hər şeyi bilirəm
Bütün problemlərin cavabını bilə bilərsiniz. Lakin mütəmadi olaraq həyat yoldaşınızın səhvlərini üzünə vurmaqla, nəyi eləməli olduğunu söyləməklə onun əsəblərini pozmaqdan başqa işə yaramaz. Onun səhvlərinin tez-tez düzəltməklə öz imicinizi zədələyir və qaşı tərəfin gözündən düşürsünüz. Səbrli olun, özünüzü isə “dahi” kimi göstərməyin. Həm də unutmayın ki, tez-tez səhvi düzəldilən insan fikirini bəyan etməyə çəkinir. Bu zaman isə kişi ilə qadın arasında üsnsiyyət azalır. 

Ünsiyyət qura bilməmək 
Sevginizin davam etməsini istəyirsinizsə, mütəmadi olaraq əlaqə saxlamalı və üsniyyət qurmalısınız. Sizi sıxan hər hansı problem varsa, onu ürəyinizə atmayın, paylaşın. Problemi qarşı tərəfin özünün başa düşməsini gözləməyin. Siz bunu qarşılıqlı oturub müzakirə etməsəniz, o, bunu necə başa düşə bilər? Eyni şey onun üçün də keçərlidir. Əgər onun qəmgin və halsız olduğunu müşahidə edirsinizsə, nə baş verdiyini mütləq soruşun. Unutmayın ki, problemlər insanları bir-birinə yaxınlaşdırır. Dərdləri və problemləri gizli saxlamaq isə sevgililəri bir-birindən daha da uzaqlaşdırır. 

Mütəmadi olaraq özünü müdafiə etmək 
Həyat yoldaşı tərəfindən başa düşülməyən insanlar çox zaman özünü müdafiə taktikasına keçirlər. Mütəmadi olaraq özünü müdafiə etmək ayrılığı da özü ilə birlikdə gətirir. Hər reaksiyaya bəhanə tapmaq və qarşı tərəfin hər hansı hərəkətinə “sən bunu məndən çox edirsən” deyib oxları ona tərəf çevirməklə sizə olan sevgisiniz azadldırsınız. Onu dinləmədən öz fikrini demək münasibətlərə mənfi təsir göstərir. 
Davamı →

Sevgi faktları

  • Sevgi
Səhərlər həyat yoldaşını öpən kişilərin ömrü, öpməyənlərdən 5 il daha uzun olur.

Ən köhnə sevgi mahnısı 4 000 il bundan əvvəl yazılıb. Bu mahnı Dəclə və Fərat çayları arasındakı bölgədən tapılıb.

Qadınların ilk gün cinsəl yaxınlığı qəbul etməməsinin ən böyük səbəbi, azı 78 faizinin səbəbi istənməyən tüklər olurmuş…

Feminist qadınlar həmcinslərinə görə, daha romantik olurlar.

İnsanların 70 faizi yeni tanış olduqlarından daha çox uzun müddət tanıdıqları insanlara vurulduğunu söyləyir.

Necə aşiq olduğunu izah edən insanlar özlərinə nəzarət edə bilmirlər.
Aşiq olmaq bədən və zehin üzərində sakitləşdirici təsirə malik olur ki, bu da bir il ərzində sinir sistemini inkişaf etdirir. Dolayısı ilə eşq insanın hafizəsinə də güclü təsir göstərir.
Ardı →

Uzunömürlü sevgi üçün

  • Sevgi
Təəssüflər olsun ki, sevgilər vaxt keçdikcə azalır və ilk günkü həyacanını, sehrini itirir. Bir müddətdən sonra iki insan arasındakı sevgi qığılcımı sönür. Siz sevginizin soyumasından qorxursunuzsa, psixoloqların verdiyi məsləhətləri mütləq nəzərə alın. 

Sirdaş 
Nə qədər uzun müddət birlikdə olsanız da, bir-biriniz haqqında hər şeyi öyrənməyiniz mümkün deyil. Bir gücə təşkil edin sərgüzəştləriniz, keçmişdə başınıza gələn axmaqlıqlar haqqında söhbət edin. Yanınıza pivənizi də alıb uşaqlıq illərində baş verən gülməli hadisələr haqqında danışın. Heç kimə demədyiniz sirlərnizi bir-birinizlə bölüşün. Sirlər insanları bir-birinə bağlayır, həm də doyunca əylənəcəksiniz. 

Çılğınlıq 
Münasibətləri alovlandırmaq o qədər də çətin iş deyil. Birlikdə adrenalin dolu işlərlə məşğul olun. Məsələn, paraşütlə tullana, atda gəzə bilərsiniz. Bunları etmək mümkün deyilsə, lunaparkda ən təhlükəli oyuncaqlardan birinə minin. Heç şübhəniz olmasın, bu məşğələlər sizi avtomatik olaraq bir-birinizə daha da yaxınlaşdıracaq.
Ardı →

Hollivuddakı əfsanəvi sevgi, xəyanət və intihar

  • Sevgi

Natali Vud və Robert VaqnerHollivudun almaz kimi bərq vuran parlaq həyatının içində unudulmaz eşq hekayələri hər zaman olub və indi də yaşanmaqdadır.  XX əsrin əvvəllərindən kino sahəsinin sürətli inkişafı bu həyatı daha gözəgəlimli və cəlbedici hala gətirdi.

Dünyanın hər yerindən aktyor və aktrisalar «arı pətəyə yığışan kimi» Hollivuda can atmağa başladılar. Belə yerdə deyərlər… «Ehh Hollivud, Hollivud… Nələr gördün, nələr yaşadın, kim bilir...» Bilinənlər və göz qabağında olanlar, hər kəsi maraqdan çatladan eşq hekayələri vardı, əlbəttə. Sevgiləri ilə çoxlarına misal olan belə cütlüklər sırasında Natali Vud və Robert Vaqnerin xüsusi yeri olduğunu vurğulamasaq, ədalətsizlik etmiş olarıq...

Gənclər görüşdülər, sevdilər və evləndilər. Onlar ən ideal cütlük idilər. Tək ailədə yox, həm də filmlərdə. On il ayrılıqdan sonra onlar yenidən bir-birini dəlicəsinə sevməyə başladılar. Bu dəfə birliklərinin həmişəlik olmasına söz verdilər. Amma həyat onlara ağır günlər vəd edirdi…


Ardı →

Virtual sevgidə klişeləşmiş yalanlar

  • Sevgi

İnsanların əksəriyyəti virtual münasibətlərə meyllidir. Çünki virtual aləmdə biz özümüzü çox rahat ifadə edirik. Olmaq istədiyimiz kimi oluruq. Çox rahat şəkildə yalanlar danışa bilirik.

1. Xarici görünüş haqda yalanlar
virtual sevgiİnsanlar virtual aləmdə özünə sevgili axtaranda boylarını həyatda olduğundan daha uzun göstərməyə çalışırlar. Çox adam real boyundan 5 sm artıq olduğunu deyir. Bu xüsusilə ilə kişilərdə çox yayılan tendensiyadır. Qadınlar isə çəkiləri və bədən quruluşları ilə bağlı yalanlar deməyə meyllidirlər. Araşdırmalar göstərir ki, boyu uzun adamların özünə sevgili tapmaq şansı çox olur.

2. Maddi vəziyyət haqqında yalanlar
İnsanlar virtual aləmdə olduqlarından 20 faiz daha kasıbdır. İnsanlar gəlirləri mövzusunda tez-tez yalan deyirlər. Real həyatdakı qazanclarını şişirdilər. Bu virtual aləmdə sevgili axtaran kişilərin arasında daha çox yayılıb. Araşdırmalara görə daha çox gəliri olan kişilərin sevgi həyatları daha rəngli olur.


Ardı →

Məhəbbət və Zaman

  • Sevgi

Qədim zamanlarda bütün duyğuların yaşadığı bır ada varımış: Xoşəxtlik, Kədər, Zənginlik və Məhəbbət də daxil olmaqla bütün hamısı.
Bir gün Adanın batmaqda olduğunu duyğulara xəbər vermişlər və duyğular da adadan köçmək üçün gəmilərini hazırlamışlar.
Deyilənlərə görə Məhəbbət, adada ən axırıncı qalan duyğu olub. Cünki mümkun olan ən axırıncı ana qədər gözləmək istəyib. Adanın batmağına az bir zaman qaldığı vaxt Məhəbbət kömək istəməyi qərara alır.
Onların içərisində ən böyük gəmidə Zənginlik olub!
Məhəbbət: -Zənginlik, məni də yanında apara bilərsən?
Zenginlik:- Yox səni yanımda apara bilmərəm.Çünki gəmimdə çoxlu qızıl, gümüş var! Sənə yer yoxdu.
Həmin vaxt Ümidin çox gözəl bir gəmisi varimiş.


Ardı →

Əfsanəyə çevrilən sevgilər

  • Sevgi

Onlar sevginin simvollarına çevriliblər. Bu yazıda dünya tarixində ən məşhur sevgi hekayətlərindən danışacağıq. Onlar real şəxsiyyətlər olublar. Seviblər, sevgiləri kitablara düşüb, dastana çevrilib.

Dünyanın ən məşhur sevgi dastanları :

Əsl Romeo və Culyetta-  Mark Antoni və Kleopatra (eramızdan əvvəl, Roma və Misir)
Məhəbbətləri o qədər güclü olub ki, onları ayırmaq üçün müharibə başlayıb. Mark Antoni Kleopatraya olan sevgisi ucbatından Roma ordusunu Misirə gətirmişdi. Amma onlar ayrılmaqdansa, ölümü üstün tutdular: real Romeo və Culyetta məhəbbəti.

Napoleonsayağı eşq- Napoleon və Jozefina (XIX əsr, Fransa)
Napoleon gözəl Jozefinaya ilk baxışdan vurulur, amma sevgisini etiraf etmək üçün illərlə gözləməli olur. Evləndikdən sonra xəyanət və faciə ilə dolu şiddətli bir məhəbbət yaşayırlar. Jozefina varis dünyaya gətirə bilmədiyinə görə, Napoleon onu tərk edib başqa qadınla evləndi. Jozefina öldü. Amma Napoleon onu unuda bilmədi.


Ardı →

Tükənməz eşqin beş sirri

  • Sevgi
Beş qaydaya riayət etməklə, məhəbbət sonsuza qədər sürərmi? Amerikanın məşhur psixoloqları bu barədə öz qənaətlərini açıqlayıblar. Hər yaş qrupundan olan qadın və kişilərin münasibətlərinin araşdırılması çoxlu faktlar ortaya qoyub. Axtardığını tapmaq, hətta sevmək xüsusi şəraitin olmasından asılıdır.

Cütlüklər arasındakı məhəbbətin uzunömürlü olmasını kim istəməz ki? Sosioloqlar, psixoloqlar və bir sıra başqa peşə sahibləri sevənlər ayrılmasın deyə illərdir ki, tədqiqatlar aparırlar. Bu tədqiqatlarda cütlükləri boşanmağa aparan problemləri axtarıb müzakirə etməyə yox, çox zaman özünü xoşbəxt sayanların üstünlük verdikləri bir üsula müraciət edilib.

Hər bir şəxsi münasibəti araşdırarkən, problemləri öz süzgəclərindən keçirib ayırd etməyə çalışıblar. Bu üsuldan istifadə edən cütlüklər digərlərindən heç də daha ağıllı, daha imkanlı, ya da daha təhsilli deyillər. Sadəcə, daha həyəcanlı eşq həyatı yaşamaqla bərabər, bir-birilərini daha yaxşı başa düşməyə çalışır və bir-birilərinə hörmət edirlər.
Ardı →

Təyinim olarsanmı?

  • Sevgi

Amma mən sən olmayan cumlədə dəli-dolu bir mubtəda oldum. Hec bir xəbərlə uzlaşmayan, hec bir təyinin cəsarət edib  yanaşmadıgı.“Necəsən?” demə mənə. “Yorğunam” deməyə halım yox, susacaq qədər də yorğun deyiləm.

Tək və mücərrəd isim kimiyəm, quruluşca sadə, cəm şəkilçisi qəbul etməyən, heç bir şəxsə mənsub olmayan. Ən əsası isə odur ki, qeyri-müəyyən təsirlik haldayam.

Bilirsənmi, qeyri-müəyyən təsirlik halda olan isimlər yanında hər zaman təsirli fel tələb edərlər. Uzaqdan idarə edilməz onlar, ayrılıqda heç bir məna ifadə etməzlər çünki.

Sən ki təsirli felsən, hardan biləsən qeyri-müəyyən təsirlik halda olan isim nə çəkir.

Heç nə soruşma məndən, ən yaxşısı, mən də heç nə deməyim. Yenə alınmayacaq, onsuz da. Yenə “hə” əvəzinə “yox” deyəcəm, gülmək lazım olan yerdə ağlayacam yenə. Bizim sükutumuz daha maraqlıdı, nəinki söhbətimiz.

Heç bir suala cavab verməyən köməkçi nitq hissəsi olmaq istəyərdim sən olan cümlədə. Qüvvətləndirici bir ədat, məsələn. Üzüyola bir durğu işarəsi olmaq istəyərdim, harda desən, orda dayanan. Amma mən sən olmayan cümlədə dəli –dolu bir mübtəda oldum. Heç bir xəbərlə uzlaşmayan, heç bir təyinin cəsarət edib  yanaşmadığı.


Ardı →

Sevgilim, sadəcə mənim olarsanmı?!

  • Sevgi

Sevgilim, sadəcə mənim olarsanmı?

Əlini tutarkən ürəyimdə qopan fırtınanı duyan olarsanmı?

Sevdiyim tərəfindən sevilən olmaq istəyirəm. Səni bərk-bərk qucaqlayıb pıçıltı ilə qulağına «Mən səni sevirəm» deyəndə, «Mən də səni sevirəm» deyən olarsanmı?

Hər zaman yanımda hiss etmək istəyirəm səni. Hər zaman məndə olmağını istəyirəm. Bir ömür ürəyimdə bağlı qalan olarsanmı?

Hər dəfə baxışdıqda gözümdə hər dəfə eyni şiddətdə olan qığılcımı görən olarsanmı?

Bizə qarşı olanlarla sən, mən ayrı-ayrılıqda yox, sevgimiz mübarizə aparsın istəyirəm. Mənə belə bir sevgi verən olarsanmı?

Utanmaqdan qızarmış yanaqlarıma ovucunun içi ilə toxunaraq, Məni öpmək isteyen olarsanmı?

Başını sinəm üstə qoyaraq qəlbimin səsini dinləyən olarsanmı?

Sevgimizin və sənin qarşında diz çöküb həyatının qalan hissəni mənimlə bölüş desəm, həyatının qalan hissəsini mənimlə birləşdirən olarsanmı?

Hər gün yuxu görürəm. Bəzən səni də görürəm… Hər gün yuxumu bəzəyən mələk olarsanmı?

Yuxusuz gecələrimdə səmada yan-yana iki ulduz görürəm, biri mən olsam, digəri olarsanmı?

Bütün bu dediklərimi dildə deyil, ürəkdən dediyimi hiss edən olarsanmı?

Bütün bu istəklərimi istəyən olarsanmı? İndi nə deyirsən, sevgilim? Mənim olarsanmı?

Sevgilim, sadəcə mənim olarsanmı?


 


Davamı →