Рейтинг
+11.10

Xalq təbabəti

5 üzv, 178 topik

Yemişan dəmləməsi

Yemişanın müalicəvi xüsusiyyətləri həm xalq, həm də ənənəvi tibdə çox geniş istifadə olunur. Yemişanı «qoca ürəyin dərmanı» adlandırırlar. Lakin bu bitki tək yaşlılar üçün deyil, cavanlar üçün də çox faydalıdır.

Yemişan ürək əzələsini möhkəmləndirir, təzyiqi salır, damarları genişləndirir, damarlarda xolesterolun yığılmasına mane olur.

Bundan əlavə yemişan sinir sistemi üçün də olduqca faydalıdır — sakitləşdirir, əsəbiliyi və gərginliyi azaldır, stress və nevroz zamanı yaxşı kömək edir, meteohəssaslıqla bağlı olan pozulmaların azalmasına kömək edir.
Davamı →

Qanı duruldan və damarları təmizləyən təbii vasitə

Xalq təbətində qanı durultmaq və damarları təmizləmək üçün bir çox effektli müalicəvi vasitələr var. Sizə ən tanınmış reseptlərdən birini təqdim edirik.

200 qr sarımsaq təmizlənir və 3 qabıqlı limonla birlikdə blenderdə əzilir, üzərinə 1 stəkan bal əlavə olunur, yaxşı qarışdırılır və 1 həftə ərzində sərin qaranlıq yerdə saxlanılır (soyuducuda yox!).

Daha sonra dərmanı səhər yeməkdən 20 dəqiqə əvvəl 1 xörək qaşığı olmaqla su ilə qəbul etmək lazımdır.

Bu vasitə həmçinin immun sistemini gücləndirir, orqanizmdə iltihabları azaldır, bağırsaqlara antiseptik və qurdqovucu təsir edir, orqanizmin tonusunu qaldırır.
Davamı →

Bal və küncütdən faydalı qarışım

Təbabət bizə sağlam olmaq üçün çoxlu şəfaverci vasitələr bəxş edib. Meyvə-tərəvəz, çərəzlər, tumlar, taxıllar əsl şəfa mənbəyidir.

Daim təbii məhsullarla qidalanan insan öz sağlamlığını qoruya və ömrünü uzada bilər. Küncütlə balın qarışığı əsl şəfaverici qarışıq adlandırmaq olar. Bu 2 faydalı kompotent fantastik xüsusiyətlərə malik olan təbii müalicəvi və profilaktik vasitə əmələ gətirir. Şərqdə bu vasitə ilə cinsi zəifliyi və impotensiyanı müalicə edir, qadın xəstəlikləri müalicə edir, qadınlarda hamilə qalmaq ehtimalını artırırdılar.
Davamı →

Sarımsaqlı bal

Sarımsaq bal ilə qarışdırıldıqda sağlamlıq üçün faydalı bir hala gəlir. Ancaq ballı sarımsağın təsirinin görülməsi üçün bir həftə boyunca hər gün istifadə edilməsi məsləhət görülür.

Sarımsaq təkbaşına təbii antibiotik təsir göstərdiyindən sağlamlıq üçün olduqca faydalı bir qidadır. Ancaq mütəxəssislər sarımsağın əzildikdə daha faydalı olduğunu irəli sürürlər. Çünki tərkibindəki alicin maddəsi sarımsaq əzildiyi zaman və balla qarışdırıldığında təsirini çoxaldır.

Xərçəngin qarşısını alır
Balla sarımsaq qarışımı xərçəngin qarşısını alır. Eyni zamanda xərçəngə yol aça biləcək xəstəliklərə qarşı faydalı olduğu bildirilir. Siqaretin yaratdığı mənfi təsirləri azaldır. Sarımsaqlı bal sağlam bir qaraciyərə və qan dövranına səbəb olur. Həmçinin zamanla bədəndə yığılan toksinləri də yox edir.
Davamı →

Sarımsaq yağı

Sarımsaq yağı əsl təbii dərmandır. Sarımsaq yağı bir çox xəstəliklər və pozulmalar zamanı müalicəvi və profilaktik vasitə kimi istifadə oluna bilər.

Bu yağın güclü antiseptik, mikrob və virus əleyhinə xüsusiyyətləri var. Yağ soyuqdəymə və qrip xəstəliklərinin güclü profilaktik vasitəsidir.

Sarımsaq yağı təbii antibiotikdir. Onun tərkibində olan bioloji aktiv maddələr bağırsaq çöpü, difteriya, vərəm çöpü, stafilokokk, streptokokk və s. kimi ziyanlı bakteriyaları öldürmək xüsusiyyətinə malikdir.

Sarımsaq yağı damarlar üçün çox faydalıdır — onları daha elastik və möhkəm edir, təmizləyir, aterosklerozun qarşısını alır.
Davamı →

Yumurta qabığı faydalıdır

Yumurta qabıqları çox zəngin kimyəvi tərkibə malikdir. Onun tərkibində orqanizm tərəfindən ən asan mənimsənilən kalsium formasından əlavə 30-a yaxın müxtəlif, o cümlədən çox nadir minerallar var — mis, ftor, dəmir, marqans, molibden, fosfor, kükürd, sink, kremnium, molibden və s.

Alimlər araşdırıblar ki, yumurta qabıqlarının tərkibi insanın sümükləri və dişləri ilə, demək olar, eynidir. Bu səbəbdən yumurta qabığı insanın dişləri və sümükləri üçün çox faydalıdır — dişləri və sümükləri möhkəmləndirir, uşaqlarda raxit, böyüklərdə osteoporoz xəstəliyinin inkişafının qarşısını alır.
Davamı →

Zeytun yarpağından çay

Zeytun yarpağı hələ çox qədimlərdən müalicə məqsədi ilə istifadə olunub amma bu yarpaq haqqında həmişə araşdırmalar aparıldığından məlumatları da yeniləmək lazımdır. Zeytun yarpağı, şəkəri və qan təzyiqini aşağı salır, bu demək deyilki şəkəri və təzyiqi normal olanlar istifadə etməməlidirlər, xeyr istifadə edilməlidir sadəcə 1 stəkan dəmləməsinə 1 çay qaşığı bal qarışdırıb istifadə edəndə şəkər və təzyiq daimi normada olur.

Zeytun yarpağı qaraciyərin dostudur, qaraciyər piylənməsində, hepatitlərdə, öd durğunluğunda, yüksək xolesterində, yüksəlmiş lipidlərdə (ALT, AST, TRİQLİSERİDLƏRDƏ) yüksəlmə varsa zeytun yarpağından hazırlanan çay idealdır. Zeytun yarpağı həmdə ürəyimizin dostudur qan damarlarını açır, qan dövranını yaxşılaşdırır, bədən soyuqluğu, reyno sindromu, ateroskleroz və infarkt keçirmiş adamlar üçün çayın içilməsi tövsiyyə edilir.
Davamı →

Kişmiş suyu

Kişmiş və kişmiş suyu kaliumla zəngindir. Bu mineral bağırsaqların normal peristaltikasını (hərəkətlilik) təmin edir ki, nəticədə qəbizlik problemi aradan qalxır. Müntəzəm olaraq kişmiş suyu içən insan qəbizlik problemi ilə vidalaşa bilər.

Kişmiş suyunu hazırlamaq çox asandlr. Bunun üçün 1 ovuc kişmiş təmizlənir, yuyulur, termosa tökülür.
Üzərinə 1 stəkan isti su tökün, səhərə qədər saxlayın. Səhər bu suyu için və kişmişi yeyin. Kişmiş suyunu uşaqlara da vermək olar.

Həmçinin kişmiş suyu qaraciyər və ürək üçün də çox faydalıdır. Kalium ürək əzələsini möhkəmləndirir, arterial təzyiqin yüksəlməsinin qarşısını alır. Bu səbəbdən hipertoniyadan əziyyət çəkənlər bu sadə və faydalı vasitədən tez-tez istifadə edə bilər.
Davamı →

Öskürəkdən xilas edən 5 ot

Soyuq fəsillərdə soyuqdəymə xəstəlikləri artır. Bu xəstəliklərin simptomlarından biri öskürəkdir.

LOR həkimlərinin belə bir deyimi var: öskürək soyuqdəymə zamanı ən birinci meydana gələn və ən axırıncı gedən simptomdur.

Əslində öskürək orqanizmin qoruyucu mexanizmidir. Öskürək orqanizmi ziyanlı maddələr, toksinlər və simptomlardan azad edir. Bu səbəbdən öskürəyi «kəsmək» deyil, onu yumşaldmaq, bəlğəmin çıxmağını asanlaşdırmaq lazımdır. Bu işdə bizə təbabət yaxşı kömək edə bilər.
Davamı →

Kartof suyu

Kartof təkcə ölkəmizdə deyil, dünyada da sevilən və olduqca faydalı tərəvəzlərdən biridir. Kartofdan müxtəlif cür yeməklər hazırlanır. Bu yazıda isə biz oxucuları çiy kartof suyunun çoxlarına məlum olmayan faydaları ilə tanış etmişik.

Kartof suyunun çox yaxşı iltihab önləyici xüsusiyyətləri var. Bel, kürək və oynaq ağrılarının aradan qaldırılmasında təsirlidir. Podaqra xəstəliyində faydalıdır. Kartof suyu bütün bədəndə qan dövranının yaxşılaşmasına yardım edir. Xüsusilə səhərlər ac qarına içmək təklif olunur. Bu, reflyuks xəstələrinə çox yaxşı təsir edir.

Kartof suyu həzm sisteminin fəaliyyətini yaxşılaşdırır. Qəbizlik, ishal, şişkinlik, mədə yanması və mədə pozğunluğu kimi problemlərə müalicəvi təsir göstərir. Kartof suyu orqanizmdən zərərli maddələri xaric edir. Odur ki, bu su qaraciyərin və yağının təmizlənməsi baxımdan da faydalıdır. Kartof suyu sidik yollarında daş əmələ gəlməsinim də qarşısını alır.
Davamı →