İnsanlar axmaq yox, məlumatsız doğulur; sonradan tərbiyə edilərək axmaq olurlar. (Bertrand Rasell)

Bilməyən və bilmədiyini bilən – uşaqdır; ona öyrədin. Bilən və bildiyini bilməyən – yuxudadır; onu oyadın. Bilən və bildiyini bilən – liderdir; onun arxasınca gedin. Bilməyən və bilmədiyini bilməyən – axmaqdır; ondan uzaq durun. (Konfutsi)

Dünyada insandan çox axmaq var. (Henrix Heyne)

Axmaq adam pis iş görəndə bu işin onun vəzifəsi olduğunu iddia edir. (Corc Bernard Şou)

İki şey sonsuzdur; insanın axmaqlığı və təbiət. Halbuki, ikincisindən o qədər də əmin deyiləm. (Albert Enşteyn)

Ardı →

Məhəmməd Peyğəmbər (s.ə.s): «Dünyada məni 3 şey sevindirir: qadınlar, gözəl rayihə və gözlərimizi işıqlandıran namaz».

A.Avqustin: «Qadın elə bir mələkdir ki bizi uşaq ikən qoruyur, gənc ikən xoşbəxtliyimiz üçün çalışır, qocalanda isə təsəlli verir».

Varren Beatti: «Qadınlar fil kimdirlər. Hamı baxmağı sevir, lakin heç kim evində bəsləmək istəmir».

Budda: «Qadın hər şeyi fitrədən bilir, kişi kitablardan öyrənir».

C.Elliot: «Dinc həyat sürən qadın ömrü boyu müharibə görməmiş ölkə kimidir».

Katerina Hepburn: «Sevgini adi qadınlar yaşayır, gözəl olanlar isə özlərini nümayiş etdirmək ücün sevgiyə vaxt tapa bilmirlər».

Viktor Huqo: «1 sevgilisi olan qadın mələkdir, 2 sevgilisi olan qadın canavardir, 3 sevgilisi olan qadın doğrudan da əsl qadındır»

XVI Ludovik: «Mənim üçün Avropa ölkələrini barışdırmaq bir neçə qadını barışdırmaqdan asandır».
Ardı →

Yaxşı olmaq asandır, ədalətli olmaq çətin. (Viktor Hüqo)

Ədalət topaldır, yavaş-yavaş yeriyir, amma gedəcəyi yerə gec-tez çatır. (Mirabo)

Az şeyə sahib olan yox, həddindən çox şey istəyən kasıbdır. (Seneka)

Ədaləti görməzlikdən gələn dövlət adamlarını cəzalandırmayan millət məhv olmaq məcburiyyətindədir. (Hz. Məhəmməd)

Bir saat ədalətlə hökm etmək bir il ibadət etməkdən daha xeyirlidir. (Hz. Məhəmməd)

Ədalətin gecikməyi ədalətsizlikdir. (U.S. Landor)

Haqsızlıqla insanları arxanca getməyə məcbur etməkdənsə, ədalətli olub tək qalmaq daha yaxşıdır. (Mahatma Qandi)

Ədalətin hökm sürdüyü yerdə silahın yeri yoxdur. (Amyot)

Zəif insan daima ədalət və bərabərlik istəyir, halbuki bunlar güclünün vecinə də deyil. (Aristotel)

Ədalətsiz rejimi ədalətlə yıxın. (Qandi)

Ardı →

Deməzdim ki, bəxtim gətirdi. Bütün həyatımı atama borcluyam. Maraqlıdır ki, balaca şəhərin kübar bir ailəsində öyrəndiklərim mənə seçkilərdə qələbə gətirdi.

İngiltərənin ehtiyacı – dəmir ledidir.

Məni tənqid edən insanlar mənim Temzanın dalğalarında necə addımlamağımı görsələr, deyərdilər ki, o, üzə bilmədiyi üçün belə edir. 

Bu günün İngiltərəsində “Marks və Spenser” (məşhur geyim istehsalçısı – G.Ə) Marks və Engelsə qalib gəlib.

Kiminsə haqqında fikir bildirmək üçün mənə on dəqiqə lazımdır. Ən qəribəsi odur ki, fikrim sonralar da sabit qalır.

Məncə, konsensus – öz prinsip, dəyər və strategiyandan imtina prossesidir. Heç kimin inanmadığı və heç kimin mübarizə aparmadığı bir şeydir.

Əlbəttə, bayağılıq var. Onlar həqiqəti əks etdirmək üçün mövcuddurlar. Qalibiyyət ehtirası hamımızın içində var. Qalibiyyət – məşqə, qalibiyyət üsulu isə ləyaqətə bağlıdır.

Əgər mən tək 48 nəfərə qarşı gedəcəmsə, həmin 48 nəfərə yazığım gəlir.
Ardı →

Unutmayın, uşaqlarınız sizin deyil. Onu Yaradandan borca götürürsünüz. (Hindu atalar sözü)

Uşaqdakı utanma halı ondakı ağıl nurunun əlamətidir. (Əl Qazali)

Oğlan uşağı ilə atası arasındakı tək fərq oyuncaqlarının qiymətidir. (Jurq Ueber)

Uşaqlıq saflığını itirməyən insana böyük insan deyilir. (Menkis)

Hər uşaq bir tərəfdən dahi və hər dahi bir tərəfdən uşaqdır. (Artur Şopenhauer)

Uşaqlar valideynlərinə sevgi ilə həyata başlayırlar. Böyüyəndə onları mühakimə etməyə başlayırlar. Hərdən onları bağışlayırlar. (Oskar Uayld)

Uşaqlar böyüklərdən əksərən daha ağıllı və həmişə səmimi olurlar. (Maksim Qorki)
Ardı →

Qadında əsas paltar deyil, xoş davranış, qərarlılıq və ciddi gündəlik rejimdir.

Yaratmaq və işləmək üçün həmişə arxalanacağın dosta ehtiyacın var.

Əvəzolunmaz olmaq üçün daima seçilməlisən.

Ətir vurmayan qadının gələcəyi yoxdur.  

Dünyada çoxlu şahzadələr var, Koko Şanel isə bir dənədir.

Ətir – görünməz olsa da, unudulmaz və bənzərsiz aksesuardır. Qadının gəlişindən xəbər verir və gedəndən sonra onu xatırladır.  

Ətri öpdürlmək istədiyiniz yerə vurun.

Sevilməyən qadın – sıfırdır, heç nədir. İnanın, fərqi yoxdur qoca, ya cavan, həyat yoldaşı, yoxsa sevgili… Sevilməyən qadın – ölmüş qadındır.

Ardı →

Borsalino şlyapalarıyla (Borsalino, XIX əsrin ortalarından şlyapa istehsalıya məşğul olan italyan firması – red.) məşhur olan İskəndəriyyədə anadan olmuşam.

İtaliyanı əbəs yerə intellektuallar ölkəsi sayırsınız. Rafaellə (Rafael Santi, dahi italyan rəssamı, qrafiki və memarı – red.) Mikelancelonun (Mikelancelo Buonarotti, dahi italyan heykəltəraşı, rəssam, memar, şair, mütəfəkkir – red.) buralı olması faktının əslində heç bir əhəmiyyəti yoxdur.

Küçəyə çıxan hər bir avropalı orta əsrlərdən qalma kilsələrlə rastlaşır, həmin dönəm ona niyə maraqlı olsun ki? İndianapolis (İndianapolis, ABŞ-ın Orta Qərbində şəhər, İndiana ştatının paytaxtı – red.) – bax bu başqa məsələ.  

Boynuma ip salsanız belə, məni orta əsrlərdən üzü bu tərəfə sürüyə bilməzsiniz. Necə ki, çoxlarını kokos ağaclarının kölgəsindən qopara bilməzsiniz.

Atam mühasib idi, babamsa mətbəəçi. Atam on üç uşağın ən böyüyü idi, mənsə onun ilk övladıyam. Mənim də birinci uşağım oğlan olub. Oğlumun oğlu da bu sıralamanı pozmayıb. Bu zəncirdən niyə söhbət açdım ki? Eko nəsil şəcərəsinin Bizans imperatorluğuna söykəndiyini söyləsələr, yəqin nəvəm də dofin (kral taxt-tacının varisi – red.) sayılacaq.

Atam cavanlıqda yaman kitab həvəskarıydı. Amma özündən savayı on iki bacı-qardaşı vardı, ailə güclə dolanırdı və atam kitab kimi dəbdəbəyə sahiblənə bilməzdi. Beləcə, küçə köşklərində mütaliə edərdi.

Ardı →

— Olimpiyadan qayıdan Diogen, orada adam çox idimi, sualına belə cavab verir: “Adam çox idi, amma insan elə də çox deyildi”.

— Diogen bir çirkli hamam haqqında soruşur: “Burada çimdikdən sonra harada yuyunurlar?”

— “Hansı yaşda evlənmək məsləhətdir” sualına Diogen belə cavab verib: “Gəncsənsə hələ tezdir, qocasansa artıq gecdir”.

— Diogen səhər yeməyini nə vaxt yemək lazım olduğunu soruşan adama belə deyib: “Əgər zənginsənsə, nə vaxt istəsən, yox əgər kasıbsansa nə vaxt bacarsan”.

— Xeyli yaxşılaşmış qoca qarını görən Diogen deyib: “Əgər bu dirilər üçündürsə, sən gecikmisən, yox əgər ölülər üçündürsə, onda tələs”.

Ardı →

— Özünü cəmiyyətə mütləq şəkildə təslim etmək, tamamilə onun əsiri olmaq lazımdır. Çünki cəmiyyət ancaq kölələrə, ruhunu öldürmüş adamlara hörmət edir.

— Eqo aysberqdir. Onu ərit. Onu dərin sevginin içində ərit. Beləliklə o yoxa çıxsın və sən okeanın bir parçası ol. 

— Həyat xırda şeylərdən ibarətdir. Sən sevsən, onlar böyüyərlər.

— Həyatda insanın əsas hədəfi azadlıqdır. Azadlıq olmadan həyatın mənası yoxdur. Azadlıq deyəndə ağlınıza təkcə siyasi, sosial yaxud iqtisadi mənada azadlıqlar gəlməsin. Azadlıq zamandan, şüurdan, arzudan azad olmaqdır. Zehin yoxa çıxdığı anda sən də bəşəri olacaqsan. Bəşəriyyət qədər sərhədsiz ol. 

— Şüur kütlə kimidir: düşüncələr — fərdlərdir. Düşüncələr davamlı şəkildə orada olduqları üçün prosesin maddi olduğunu düşünürsən. Bütün düşüncələri rədd elə və sonda görəcəksən ki, heç nə qalmadı. Şüur deyə bir şey yoxdur, sadəcə düşüncə var. 

— Zəka sonradan əldə olunan bir şey deyil. O yaradılışdan gəlir, insanın özünə aiddir, o həyatın quruluşundadır. 
Ardı →

Qızlar hobbi deyil, əyləncədir.

Heç vaxt spirtli içki içməmişəm.

Adi günlərdə adi paltarlar geyinirəm. Amma səhnə başqadır, orda hər şey par-par parıldamalıdır.

İndi mənim anam şəhərə gəlib istədiyi şeyi ala bilər. Bu, məni çox xoşbəxt edir.

Həqiqət günəş kimidir, o heç vaxt sönməyəcək.

Biz pis yaşamamışıq. Düzdür, pulumuz çox olmayıb, amma ac da qalmamışıq. Məncə, ən azı buna görə taleyə minnətdar olmalıyıq.

Səhnədə elədiklərimdən başqa heç bir fiziki hərəkət etmirəm.

Ardı →