Рейтинг
+27.11

Ərzaqlar

28 üzv, 195 topik

Bildirçin yumurtası

Mətbəxlərdə toyuq yumurtası qədər istifadə olunmasa da, bildirçin yumurtası kiçikliyinə rəğmən böyük faydaları ilə bizləri heyrətə salır. Bildirçin yumurtası kiçik ölçüsünə baxmayaraq, digər yumurtalardan daha çox protein və amin turşularına malikdir. Xərçəngdən qripə qədər bir çox xəstəliklə savaşan bildirçin yumurtası immunitet sistemini gücləndirir.

— Bildirçin yumurtası toyuq yumurtasından beş qat daha çox fosfor tərkibinə malikdir. Bunlarla yanaşı dəmir, protein və B12 vitaminləri ilə zəngindir.
Davamı →
 

Gündə qurudulmuş pomidor


Günəşdə qurudulmuş pomidor C vitamini baxımından gündəlik ehtiyacın 40%-ni təmin edir. 1 fincan günəşdə qurudulmuş pomidorda 8 qram karbonhidrat var.

A və C vitamini, kalium baxımından, C və K vitaminləri, A, B1 və B2 vitaminləri ilə zəngindir, həmçinin kalium, kalsium, dəmir, folat ehtiva edir və bir çox xərçəng növlərinə qarşı qoruyucudur.
Davamı →
 

Çərəzlərin isladılması faydalıdır

Tərkibindəki zəhərli və zərərli maddələri aradan qaldırmaq və ya azaltmaq üçün həmçinin faydalarının artırmaq və orqanizm tərəfindən daha asan və rahat həzm edilib faydalarından yararlanmaq üçün qabığından təmizlənmiş qoz-fındığı, müxtəlif tumları və toxumları islatmaq məsləhət görülür. Faydalı maddələrlə zəngin olan bu ərzaqların müəyyən vaxt ərzində suda saxlanılması onları sanki “dirildir” və cücərməyə başlamağa sövq edir. İslatma prosesi zamanı zərərli və zəhərli maddələrdən təmizləməsi ilə yanaşı qoz-fındıq, tum və toxumların tərkibi daha da zənginləşir.

Məsələn, bir sıra vitaminlərin xüsusən B qrupu vitaminlərinin miqdarı artır. Həmçinin bu formada müvafiq ərzaqları qəbul edən bədəndə faydalı enzimlərin istehsalı artır, mövcud olan zülalların sovrulması güclənir, mineral çatışmamazlığın qarşısı alınır, bağırsaqların təmizlənməsi prosesi baş verir, bir sıra sağlamlıq problemləri və xəstəliklərin profilaktikası prosesi güclənir, bədəndə susuzlaşmanın qarşısını alınır.
Davamı →
 

Tut qurusunun faydaları

Hər dərdə dərman olan tut qurusu, kalsium və dəmir ilə zəngindir. Bununla yanaşı, tərkibindəki vitaminlər sayəsində bir çox narahatlıqların qarşısının alınmasına kömək edir.

Tut qurusundan istifadə boğaz iltihabı, diş əti xəstəliklərinin müalicəsində effektivdir.

Orqanizmin müqavimətini artıraraq enerji verir.

Anemiyanın qarşısını alır.

Yaxşı antioksidantdır və xəstəliklərə qarşı qoruyucudur.
Davamı →
 

Düyünün keyfiyyətli olduğunu anlamağın 3 yolu

Son illər keyfiyyətsiz, plastikdən hazırlanmış düyülərin bazara ayaq açması haqda çox yazılır. Bəs düyünün təbii, keyfiyyətli olduğunu necə müəyyənləşdirmək olar?

1. Bir stəkan suya bir xörək qaşığı düyü tökün. Əgər düyü stəkanın dibinə çöksə, deməli, bu, keyfiyyətli və təbii düyüdür. Yox əgər suyun üstündə qalsa, bu, düyünün plastikdən hazırlandığını göstərir.

2. Bir ovuc düyünü suda bişirin. Sonra bir plastik qaba tökün və bir neçə gün ərzində günəşli yerdə saxlayın. Düyü kiflənərsə, deməli, təbiidir. Olduğu kimi qalarsa, saxta olduğu mənasına gəlir.
Davamı →
 

Xardalın faydaları

Təəssüf ki, bu olduqca faydalı ədviyyatdan bizdə çox da populyar deyil. Söhbət xardaldan («qorçitsa») gedir.

Xardal həzm sistemi üçün əla təbii müalicəvi və profilaktik vasitədir. Xardal həzm sistemində yaşayan əksər ziyanlı mikroorqanizmləri məhv edir. Bu səbəbdən ədviyyat mədə-bağırsaq sistemi üçün sanki güclü təmizləyici vasitədir.

Həmçinin xardal bağırsaqlarda iltihabları azldır, həzm proseslərini yaxşılaşdırır, piylərin parçalanmasını sürətləndirir, mübadilə proseslərini aktivləşdirir.

Piylərin parçalanmasını sürətləndirən xardal arıqlamağa və bədən çəkisini normada saxlamağa kömək edir.

Yağlı ət xörəklərini qəbul etdikdə xardal sousundan istifadə edin. Bu həzm proselərini asanlaşdıracaq və artıq çəkinin yığılmasına mane olacaq.
Davamı →
 

Gül kələmi

Gül kələmi ən faydalı, azkalorili və asan mənimsənilən tərəvəzlərdən biridir.

— Gül kələmi C vitamini ilə olduqca zəngindir. C vitaminin miqdarına görə gül kələmi hətta limonu da üstələyir. C vitamini immun sisteminə müsbət təsir edir, damarların divarlarını möhkəmləndirir.

— Gül kələminin tərkibində nadir U vitamini var. Bu vitamin mədə və 12 barmaq bağırsağı selikli qişasının bərpasına, xora və eroziyaların daha tez sağalmasına kömək edir. Məhz bu səbəbdən xora xəstəliyindən əziyyət çəkən insanlara bu tərəvəzi yeməyi tövsiyə edirlər.
Davamı →
 

Kahı

Kahı əslində göyərti deyil, yarpaq tərəvəzdir. Kahı sağlamlıq üçün olduqca faydalıdır. Onun tərkibində çoxsaylı vitaminlər və minerallar mövcuddur. Sizə kahının saqlamlığımız üçün inanılmaz faydalarını təqdim edirik:

1. Qanın tərkibini yaxşılaşdırır, qanazlığı zamanı çox faydalıdır. Kahının tərkibində bitkilərdə kifayət qədər az rast gəlinən fol turşusu var. Fol turşusu (B9 vitamini) qan üçün ən əsas vitaminlərdən biri sayılır.
Davamı →
 

Küncüt

Küncütün vətəni Cənubi Afrikadır. Lakin bu faydalı müalicəvi bitki qədim zamanlardan bir çox Şərq ölkələrində, Hindistanda da geniş istifadə olunur. Küncüt dünyada tək mətbəxtə deyil, tibdə və kosmetologiyada da istifadə olunur.

Küncütün bir çox faydalı xüsusiyyətləri var:
— Bu bitkinin tərkibində güclü antioksidant olan «sezamin» maddəsi var ki, bu maddə bir çox xəstəliklərin, o cümlədən şiş xəstəliklərinin profilaktikasında istifadə olunur, «pis» xolesterolun səviyyəsini aşağı salır.
Davamı →
 

Kilkə balığı

Bəzən bəyənmədiyimiz nemətlərdə o qədər faydalar olur ki, bunu biləndən sonra bu qədər vaxt ərzində yeməməyimizə baxıb təəssüf etmişik.

Kilkə balığı Xəzər dənizində bizə verilmiş nemətdir, həm böyüməkdə olan uşaqlar üçün, həm hamilə qadınlar üçün, həm süd verən analar üçün, həm də yaşlılar üçün olduqca faydalı bir nemətdir.
Davamı →