“Qadının yanında söz danışmayın? Hulqumu yoxdur”. Anlaşılan dillə desək, xanımlar emosionaldır. Hər hansı hissə qapılıb sözünü saxlaya bilmir. Keçmişdə belə deyərdilər. İndi  tam fərqlidir. 

        Emosionallıq da, hulqumsuzluq da indi kişilərin azarına çevrilib. Üstəlik qeybət edən, gileylənən, xəbər daşıyan kişilərin də sayı artıb.Qısacası, qadınların başı ailə saxlamağa, bəzi kişilərinki isə söz-söhbət yaymağa qarışıb. Hərdən adam xoflanır. Cəmiyyətdə dəyişkənlik baş verir? Qohum-əqrəbada küsülünü barışdıran, ehtiyacı olana əl tutan, yetimə yiyəlik edən, bir kəlməsi ilə qan bağlayan buxara papaqlı, əli təsbehli kişilərimiz niyə yoxa çıxıb?  Yerini araqızışdıran,  ev yıxan, yetimin malına göz dikən “kişilər” tutub. Yoxsa bu da avropalaşmaqdır? Əgər belədirsə, onda vay bizim halımıza. Çünki böyüyən uşaqlar əsl Azərbaycan kişisinə xas keyfiyyətləri yadırğayacaqlar. Axı, onlar böyüdükdə ucqar rayonlarda qalan tək-tük buxara papaqlı, sərtbaxışlı, sözü kəsərli kişilər də qalmayacaq. Onda doğrudan da halımız xarab olacaq. Övladlarımız kimə baxıb tərbiyələnəcək? Kimi təqlid edib böyüyəcək?Düşünək. Və çalışaq ki, hərəmiz evimizdə heç olmasa bir kişi kimi kişi böyüdək. Buxara papağı olmasa da olar. Əsas odur ki, aslan kimi ürəyi olsun. Ürəyi olsun ki, ürəklərdəki torpaq həsrətini söküb ata bilsin. Bax, bizim belə kişilərə ehtiyacımız var. Əgər hər şeyi Qərbin, Avropanın ümidinə qoysaq, onlar bizə özləri kimi kişi tərbiyə edəcəklər. Elə kişi ki, bir məsələyə iki yanaşma sərgiləsin, elə kişi ki, bir yox, bir neçə üzü olsun. Elə kişi ki, söz xətrinə söz desin. Necə ki, illərdir  Qərbin müxtəlif statuslu, müxtəlif rəngli kişiləri Dağlıq Qarabağ münaqişəsinin həlli ilə bağlı kəsəri olmayan min bir bəyanat səsləndirirlər.  Bizə kişi kimi kişi lazımdır!
Davamı →

      Təəssüflər olsun ki, nikah anlayışı artıq çoxdan təhrif olunmuş, həyat yoldaşlarının vəzifələri haqqında təsəvvürlər zəifləmiş və ər-arvad münasibətlərinin müqəddəsliyi alçaldılmışdır. ALLAHIN insandakı surəti bu cür təhrif olunur və əzablar və şər üçün qapılar açılır.

      Əxlaqsızlıq indiki dünyada baş qaldırmış başlıca günahdır.İndiki kimi heç vaxt əxlaqsızlıq öz mənfur başını bu cür kobud şəkildə qaldırmamışdır. Görünür, insanlar çaş-baş vəziyyətdədirlər və xeyirxahlığı sevənlər əxlaqsızlığın kobudluğu, gücü və vüsəti qarşısında aciz qalmışdırlar.
Ardı →

Buyurun, əyləşin! “Çox sağ ol, oğlum” və ya “Allah razı olsun, qızım”. Yaxın keçmişdə bu ifadələri tez-tez eşidirdik.İctimai nəqliyyatda daim kiçiklər böyüklərə yer verərdi. Mənzərə isə belə olardı. Böyüklər oturur, kiçiklər isə ayaq üstədir.Son vaxtlar daha çox başqa mənzərəni müşahidə edirəm: Kiçiklər oturur, böyüklər ayaq üstədir.

Heç qulağıma “buyurun, əyləşin”, ”çox sağ ol, oğlum və ya qızım” sözləri də dəymir. Nə baş verir? Niyə gənclərimiz ayaq üstə, ayıq-sayıq yox, yarıyuxulu oturaqlı vəziyyətdədir? Bəzən elə ən böyük problemlər xırda hesab edilib diqqət ayrılmayan məsələlərdən doğur; ciddi xəstəliklər adi soyuqdəymədən, böyük oğurluqlar kiçik yalanlardan, pis vərdişlər əhəmiyyət verilməyən alışqanlıqlardan qaynaqlanır.

Ardı →

Sizin ailənizdəki vəziyyətə uyğun gələn variantı seçin. Valideynlərin müsbət cəhətdən həmfikirliliyi ailədə sərbəstlik və intizamın yaranmasına səbəb olacaqdır.

      1. Evimizdəki intizam qaydalarının tələbləri ilə ikimiz də razıyıq. (Tez-tez, hərdən, heç vaxt).

      2. Qoyulmuş intizam qaydalarına əməl etməyə çalışırıq. (Tez-tez, hərdən, heç vaxt).

      3. Uşaqlarım evdən kənarda özlərini pis aparan zaman, onları alçaltmadan hər şeyi yoluna qoymağı bacarıram. (Tez-tez, hərdən, heç vaxt). 

      4. İcazə verilən hərəkətlərin sərhəddi əvvəlcədən təyin olunmuşdur və onlara sözsüz əməl edilir. (Tez-tez, hərdən, heç vaxt).

      5. Mən yalnız yerinə yetirə biləcəyim şeylər üçün söz verirəm və sözümün üstündə dururam. (Tez-tez, hərdən, heç vaxt).

      6. Hətta uşağım özünü pis aparan və pis əhval-ruhiyyədə olan zaman, mən yenə də ona hörmətlə yanaşıram. (Tez-tez, hərdən, heç vaxt).

Ardı →

Hər bir ailədə qayda-qanun hökm sürməlidir, valideynlər öz sözləri və davranışları ilə uşaqlara əyani şəkildə qiymətli nümunə olmalıdırlar.

      Uşaqlara və gənclərə özlərinə hörmət etməyi, ALLAHA sadiq olmağı, öz prinsiplərinə sədaqəti saxlamağı öyrədin; onlara ALLAH Qanununa hörmət etməyi və əməl etməyi öyrədin. 

      Ailə münasibətlərini ALLAH özü təyin etmişdir. Onun Sözü — uşaqları idarəetmə işində yeganə təhlükəsiz bələdçi ola bilər. İnsan fəlsəfəsi ALLAHIN bildiyindən daha çox şey açıqlaya bilmir və Rəbbin uşaqlar üçün nəzərdə tutduğu plandan daha müdrik plan irəli sürə bilmir. Uşaqların ehtiyaclarını onları Yaradandan daha yaxşı kim bilə bilər? Uğrunda canını qurban Verəndən daha çox kim onların yaxşı güzəranının qayğısına qala bilər? Əgər valideynlər ALLAHIN Sözünü diqqətlə tədqiq edərək, sədaqətlə əməl etsəydilər, nadinc uşaqların pis davranışlarından irəli gələn qəlb ağrıları daha az olardı. 
Ardı →

Bəzən xırda bir əngəl həyatımızın tarazlığını poza bilir. O qədər çarəsiz bir vəziyyətdə ola bilərik ki, burdan çıxış yolu tapa bilmərik.Əslində isə o kiçik maneənin bizim həyatımıza, altına girdiyimiz yükə dəxli yoxdur. Sadəcə ondan asılı olduğumuz üçün yaranan situasiya bizi çaş-baş qoyur.
 
 “Nu poqadi” cizgi filmində belə bir epizod var: canavar özünə güvənərək ağırlığı qaldırmağa cəhd edir. Nəticədə, o, bunu bacarır. Lakin haradansa uçub gələn və ağırlığın üstünə qonan kəpənək ona mane olur, tarazlığı pozur. Bu zaman canavar gülünc vəziyyətə düşür. Artıq onun üçün ağırlıq yox, haradansa gəlib çıxan kəpənək önəmli yer tutur. Böyük işin altına girdiyinin fərqində olmadan  canavar özünü çıxılmaz bir vəziyyətin pəncəsinə atır. Artıq onun üçün uğurun tək səbəbi kəpənəyi oradan uzaqlaşdırmaqdır. Canavarın seçimi bizə gülünc gəlir. O, kəpənəyi uzaqlaşdıraraq ağırlığın öhdəsindən gələcəyini düşünür və nəticədə güc-bəlayla qaldırdığı ştanq əlindən düşür. Kəpənək isə artıq işini bitirmiş kimi oradan uzaqlaşır.
Ardı →

      Uşaqlar başa düşməlidirlər ki, dünyaya göz açandan onların qayğısına qalan və xəstələnən zaman onlara qulluq edən valideynləri qarşısında borcludurlar. Onlar həm də başa düşməlidirlər ki, valideynlər onlardan ötrü narahat olurlar.

      «Ata və anana hörmət et ki, ALLAHIN Rəbbin sənə verdiyi torpaqda ömrün uzun olsun» (çıx. 20:12). Bu qanunda əhd də verilmişdir. Uşaqlar da, gənclər də, orta və ahıl yaşlı adamlar da bu qanunu yerinə yetirməlidirlər. Həyatda elə bir dövr yoxdur ki, uşaqları valideynlərə hörmət etmək məcburiyyətindən azad etmək mümkün olsun. 

        Valideynlərə məhəbbət. Valideynlərin başqa heç bir insanın layiq olmadığı dərəcədə məhəbbət və hörmətə haqları çatır. ALLAH özü buyurmuşdur ki, uşağın ilk yaşlarında valideynlər onunçün ALLAHI əvəz etsinlər. Öz valideynlərinin qanuni haqlarını rədd edənlər ALLAHIN hakimiyyətini də rədd etmiş olurlar.
Ardı →

      Uşaqlarınızın ailənin tam hüquqlu üzvləri olduqlarını və buna görə də ailədə öz üzərlərinə düşən vəzifələri yerinə yetirməli olduqlarını onlara başa salın. Valideynlər uşaqlarını yedizdirməyə, geyindirməyə və tərbiyə etməyə, onların qayğısına qalmağa, uşaqlar isə öz növbələrində ev işlərinin bir hissəsini görərək və ailəyə xoşbəxtlik gətirərək, sevinc və səmimi sədaqətlə valideynlərinə kömək etməyə borcludurlar. 
Ardı →

      Körpə üçün ən yaxşı qida təbiətin ona bəxş etdikləridir. Bu imkanı gərəksiz hesab edərək, rədd etmək lazım deyil. Uşağı yedizdirmək kimi vacib vəzifədən şəxsi rahatlığı naminə boyun qaçırmaq ananın insafsızlığını göstərir. 

     Uşağın xarakteri müəyyən dərəcədə anasından aldığı qidadan asılıdır. Buna görə də ananın körpəni yedizdirərkən şən olması və eyni zamanda özünü ələ ala bilməsi çox vacibdir. Uşaqla ünsiyyət zamanı ananın sakit, təmkinli davranışı körpənin əqlinin formalaşmasına müsbət təsir göstərəcək.
Ardı →

      Aşağıdakı fikirlərdən hər birini diqqətlə oxuyun və sizin hisslərinizə daha çox uyğun gələn cavabı qeyd edin. 

      1. Körpələri müşahidə etmək və qucağıma almaq xoşuma gəlir. (Bəli, xeyr, hərdən).

      2. Həyat yoldaşımın köməyi olmadan da uşağın qayğısına qala bilərdim. (Bəli, xeyr, hərdən).

      3. Mən öz emosiyami büruzə vermədən gecə qalxıb ağlayan körpəni sakitləşdirməyə hazıram. (Bəli, xeyr, hərdən).

      4. Uşağın qayğısına qalmaqla bağlı ənənəvi işləri görməkdən xoşlanıram: onu çimizdirmək, alt paltarlarını dəyişdirmək, yedizdirmək, yırğalamaq və s. (Bəli, xeyr, hərdən). 

      5. Uşaq öz davranışına görə sevgiyə layiq olmasa da, onu sevməyə hazıram. (Bəli, xeyr, hərdən). 

      6. Uşağımın xarici görünüşü nə cür olsa belə, onu qəbul etməyə hazıram. (Bəli, xeyr, hərdən). 

      7. Bizim ailə gəlirlərimiz uşağı vacib olan hər şeylə təmin etməyə imkan verir. (Bəli, xeyr, hərdən). 

      8. Dostlarımla görüşə getmək əvəzinə xəstə uşağımla evdə qalmağa hazıram. (Bəli, xeyr, hərdən). 

      Bu suallara cavab verərkən öz fikrinizi həyat yoldaşınızla bölüşdürün. Əgər övlad dünyaya gətirmək üçün qərar vermisinizsə, məsləhət və müdriklik üçün ALLAHA üz tutun, O, böyük məmnunluqla sizə kömək edəcəkdir.
Davamı →