Tövratda və Quranda adı çəkilən nar insan üçün ən xeyirli bitkilərdən biridir. Nar vitamin (A, C, B, P,E) və mikroelementlərlə (kali, kalsium, yod, mis, dəmir və s.) olduqca zəngindir.

Narda olan antioksidantlar orqanizmdə yaranan müxtəlif zərərli maddələrlə (şlaklar, toksinlər) mübarizə aparmağa kömək edir, orqanizmi cavanlaşdırır. Tədqiqatçılar narın xərçəngin profilaktikasında böyük rolu olduğunu sübut edirlər.

Nar insanın ürək-damar, mədə-bağırsaq, immun və s. sistemlərinə çox müsbət təsir edir, qanda hemoqlobinin səviyyəsini artırır. Nar qurdqovucu təsirə malikdir.

Nar qan təzyiqini və qanda olan qlyükozanın səviyyəsini aşağı salır və bu səbəbdən nar hipertonik və diabetiklər (təbii ki, az miqdarda və turş sortlar) üçün çox xeyirlidir.

Ardı →

Bananı yeyirik lakin qabığını heç düşünmədən tullayırıq. Halbuki banan qabığının düşündüyümüzdən də faydalı tərəfləri var. 

  Bananın tərkibində insan əsəblərinə yaxşı təsir edən və sakitləşdirci maddələr var. Onlar insanın əhval-ruhiyyəsini qaldırmağa kömək edir. Banan böyrəklər və sümüklər üçün xeyirldir. Banan  B6 vitamini ilə zəngindir. 

  Bananın bilinməyən 5 faydası 

 1. Banan qabığını ağcaqanad sancan yerə çəksəniz, şiş və qaşınma azalır.

  2. Dabanlardakı qabıqların yumşalması üçün banan qabığının içini qaşıqla sıyırın və həmin hissəyə çəkib bir şeylə bağlayın. Bir neçə saatdan sonra açıb ilıq su ilə yaxalayın. Ya da elə banan qabığını ayağınıza bağlaya bilərsiniz. 

  3. Banan qabığı üzdəki qırmızı ləkə və sızanaqları da apara bilir. 

  4. Diz ağrılarına son qoymaq çün də banandan istifadə edə bilərsiniz. Bananın qabığı ilə dizlərinizi ovun. 

  5. Banan qabığı çox gözəl ayaqqabı cilasıdır. Ayaqqabılarınızı banan qabığı ilə təmizləyə bilərsiniz.

  Ən dadlı və sağlam dondurmanı da banandan hazırlayırlar. Bananları blenderdən keçirin və soyuducuda saxlayın. Bir neçə saatdan sonra alın və üzərinə süd, şokolad və ya kakao əlavə edərək yeyə bilərsiniz.
Davamı →

 İndoneziya meşələrində yaşayan Nepenthes alata adlı ətyeyən Dolça bitkisi ətrafında gəzişən böcəklər üçün maraq doğuran, amma təhlükəli bir kəşf qaynağıdır. Bitki dolçanın ağzına qoyulan böcəkləri sürüşkən toxuması sayəsində birbaşa mədəsinə endirə bilir.

New Phytologist jurnalında nəşr olunan tədqiqatlarında Laurence Gaume və iş yoldaşları bitkinin böcək tutma qabiliyyətini sınaqdan keçirdilər. (New Phytologist (156, 479–489; 2002) Tədqiqatçılar bu çalışmalarında uçma qabiliyyəti olmayan bir növ meyvə ağcaqanadı ilə qarışqaları istifadə etdilər. Bu iki canlı normalda səthlərə çox təsirli bir şəkildə yapışdıqları halda bitkinin daxili divarında yapışmağı bacara bilmədilər. Böcəklər dərhal sürüşərək aşağı, bitkinin həzm mayesinin olduğu hissəyə düşərək bitkiyə qida oldular.

Ardı →

Bu, tut Moraceae fəsiləsindən olub, Azərbaycanda geniş yayılmışdır. Bağbanların, alimlərin və botaniklərin fikrincə dünyada yayılan və becərilən subtropik meyvəli bitkiləri içərisində əncir qədər zəngin qidalı, ətirli və şirinliyə malik olan digər meyvəli bitki yoxdur. Başqa sözlə, əncirə xas olan dietiklik, yüksək kolorilik, ətirlilik, təmlik, şirinlilik və digər xoşa gələn xassələrə görə onu başqa meyvələrdən fərqləndirir.

Əncir hələ eramızdan çox qabaq becərilən qiymətli bitkidir. Onun əsas vətəni Suriya və Kiçik Asiya ölkələridir. Bundan başqa, əncir Aralıq dənizi sahillərində və xüsusən Yunanıstanda çox geniş yayılmışdır.

Azərbaycanda Abşeronda becərilən “Sarı sabahi” və ya “Sarı əncir” sortu xüsusilə məşhurdur. Onun xoş ətri, şirin dadı, sarı rəngli nazik qabıqlı meyvələri çoxlarına məlumdur.

Ümumiyyətlə, Azərbaycanda əncirin 2 növü yayılıb. Bunlardan biri “mədəni əncir” adlanır və respublikada geniş miqyasda becərilir. Digəri isə “Hirkan ənciri”dir ki, o, yabanı halda Lənkəran zonasında yayılıb.

“Mədəni əncir” 2-3 m hündürlükdə kol və ya ağac bitkisidir, onun xoşa gələn ətirli, şirəli, şirin, armudvarı və ya yastı armudabənzər, sarı rəngli meyvələri olur. Əncirin ən qiymətli sortlarından biri “Sarı sahibi”dir. Mədəni əncir Azərbaycanın bir sıra rayonlarında [Abşeronda, Kür-Araz ovalıqlarında, Lənkəranda, Muğanıda və s.] becərilir.

Ardı →

Keşniş toxumlarından həm xörəklərdə, həm də biskvit məmulatlarında istifadə edilir. Yarpaqları, gövdəsi salat və xörəklərə əlavə edilir. Keşniş iştahaaçıcıdır, həzmi asanlaşdırır, mədə-bağırsaqdakı sancıları aradan qaldırır.

Keşniş antiseptik, yəni mikroböldürücü xüsusiyyətə malikdir. Keşnişin toxumunu əzin, bir şirniyyat qaşığı keşniş toxumunu 1 stəkan qaynar suya tökün, stəkanın üstünü möhkəm bağlayın və 5 dəqiqə dəmə qoyun. Yeməkdən əvvəl 1 stəkan için.

Keşniş həm də sakitləşdirici təsirə malikdir, təzyiqi aşağı salır, yarpağından salat və souslarda istifadə edilir.

Davamı →

Xurmanın tərkibində kalsium, maqnezium, natrium, dəmir, kalium, kükürd, xlor və fosfor mineralları, həmçinin A, C və B qrupu vitaminləri var. Gündə 2 ədəd xurma yeməklə həzm probleminin, zəifliyin, iştahasızlığın, ürək ağrılarının, ürəkbulanmanın və hətta xərçəng başda olmaqla, bir çox xəstəliklərin qarşısını almaq olar.

Xurma körpə və uşaqlarda sağlam böyüməni, inkişafı təmin edir. Tərkibində oksitosin hormonuna bənzəyən maddə olduğundan ana südünün miqdarını artırır, gözlərin sağlamlığı üçün əhəmiyyətli olan beta-karotenlə zəngindir. 1 stəkan suya 2 ədəd xurma əlavə edib, bir gecə saxladıqdan sonra acqarına yedikdə qəbizliyi aradan qaldırır. Kalori və qida dəyəri yüksək olan xurmanın 60 faizi şəkərdir. Xurma bədəndəki toksik maddələrin xaric edilməsini sürətləndirir, acqarına yedikdə bağırsaq parazitlərini öldürür.
Davamı →

Soyuqdəymənin ən yaxşı dərmanı kəklikotudur. Müalicəvi bitkilərdən olan kəklikotu faydalı xüsusiyyətləri ilə əsl şəfa mənbəyidir. Kəklikotu hələ qədimdən xalq təbabətində əsasən soyuqdəymənin dərmanı kimi işlədilib. Tərlədici, bəlğəmgətirici və antiseptik xassəyə malik olduğu üçün laringit, bronxit, göy öskürək, pnevmaniya kimi xəstəliklərdə, eləcə də boğaz ağrılarında ondan faydalı vasitə kimi istifadə etmək olar.
Kəklikotu dəmləməsi qarqara şəklində ağız boşluğunun və udlağın iltihabı zamanı, eləcə də mədə-bağırsaq xəstəliklərində əhəmiyyətli sayılır. Onun çiçəklərini çeynəmək diş ağrısına, damaqların möhkəmlənməsinə müsbət təsir edir.
Ardı →

Müasir dərman istehsalının olmadığı dövrlərdə xəstəliklərin müalicəsində bitkilərin müxtəlif qisimlərindəki müəssir maddə ayrılmadan istifadə olunurdu. Dövrümüzdə dərman, kosmetika və qida sektorunda bitki qaynaqlı məhsullar saflaşdırılaraq və hər maddənin xüsusiyyətləri öyrənilərək istifadə edilməkdə və xam maddəsi bitki olan məhsullara tələb davamlı artmaqdadır. Ümumdünya Səhiyyə Təşkilatının (WHO) təxminlərinə görə dünyada 20.000-dən çox bitki növü tibbi məqsədlə istifadə olunur.

Ardı →

Elə bitkilər var ki, təsirlərə reaksiya verir. Məsələn, küsdüm ağacının bir budağında olan yarpağa toxunduqda, qalan yarpaqlar təhlükə hiss etmiş kimi yığışır. Turşəng bitkisində də belə xüsusiyyət vardır.

Panama kanalı yaxınlığında «işıq ağacı» bitir. Ağacın şama oxşar yağlı meyvələri olur. Yerli əhali meyvənin içinə piltə salaraq, onu şam kimi yandırırlar. Adi şamlar kimi hiss eləmədən 3-5 saat yanır.

Ardı →

KİMYƏVİ TƏRKİBİ-Qara zirə yağının tərkib hissəsi 100dən çox komponentdən ibarətdir.Onlardan bəziləri isə hələ də tədqiq olunmayıb. Qara zirənin toxumunun tərkibində aşağıdakı yağlı turşular: Myristic(0.5%), Palmitic(13.7%), Palmitoleic(0.1%), Stearic(2.6%), Oleic(23.7%), Linoleic(Omega-6)(57.9%), Linoleic(Omega-3)(0.2%), Arachidic(1.3%) və zülal,kalsium,dəmir,mis,sink,fosfor,tiamin,riboflavin,pyridoxine,niasin,folasin kimi qida komponentləri vardır.
Ardı →