Qara, sürüşkən, qurdabənzər və qanla qidalanan zəlilərdən çox vaxt iyrənirik. Halbuki bu «təbiət həkimləri» bəzən insanların elə orqanlarını sağaldırlar ki, həkimlərin özü belə bunu bacarmır. Xoşagəlməz təsir bağışlasa da, müasir dövrdə zəli insanların bir çox dərdinin dərmanına çevrilmişdir.

Qeyd edək ki, zəli 1984-cü ildən «Qırmızı Kitab»-a daxil edilmişdir. Ona təbii şəraitdə yalnız Rusiyanın cənubunda, Azərbaycanda, Ukraynada, Macarıstanda, İsraildə və Fransada rast gəlinir. Dünyada zəlinin 400-ə qədər, Azərbaycan da isə 17 növü var ki, bunun ancaq üçü (Şərq zəlisi, aptek zəlisi, tibb zəlisi) tibdə istifadə edilir. Bütün dünyada zəlinin ən yaxşı növlərindən biri — Şərq zəlisi Azərbaycandadır. Zəlinin insan və başqa canlılar üçün təhlükəli növləri vardır. 

Ardı →

Hamıya məlumdur ki, orqanizmin sağlam olması üçün gün ərzində meyvə və tərəvəz yeməliyik. Ancaq bəzən tək bir meyvə yeyərək kifayətlənirik. Buna görə də, mütəxəssislər meyvələrin salat formasında yeyilməli olduğunu bildirirlər. Çünki meyvə salatına müxtəlif meyvələr əlavə edildiyi üçün orqanizmin vitamin və mineral çatışmazlığını ödəyir.

Bədənimiz gün ərzində bir çox vitamin və minerallara ehtiyac hiss edir. Əgər bir və ya iki meyvə növü ilə kifayətlənsək, bu vitamin çatışmazlığı ilə üzləşməyimizə səbəb olar.

Avropada insanlar meyvəni salat formasında yeməyi xoşlayırlar. Ancaq bizim ölkəmizdə demək olar ki, meyvə salatı sadəcə özəl günlərdə yeyilir.

Meyvə salatına əlavə edilən meyvələri də düzgün seçmək lazımdır. Elə etmək lazımdır ki, meyvə salatı müxtəlif vitamin qrupları ehtiva etsin. Xüsusilə də C, B, A vitaminləri ehtiva edilən meyvələr mütləq gün ərzində qəbul edilməlidir.

Meyvə salatlarına kivi, portağal, naringi, quru meyvələr, alma və armud əlavə etmək olar.

Sonda onu da qeyd edək ki, meyvə salatınını mövsum meyvələrindən hazırlamaq məsləhətlidir.
Davamı →

Öz güclü və zəif cəhətlərinizi etiraf edin və buna uyğun olaraq məqsədlərinizi dəqiqiləşdirin.

Nəyin sizin üçün qiymətli olduğunu, nəyə inandığınızı, öz həyatınızı necə görmək istədiyinizi qətiləşdirin. İrəliləyiş olanda bundan yararlanmaq üçün planlarınızı analiz edin və onları bu günün nöqteyi-nəzərdən qiymətləndirin.

Hər bir şeyin kökünə varın. Keçmişinizi təhlil edərək sizi bu vəziyyətə gətirib çıxaran halları araşdırın. Sizi əzab çəkməyə məcbur edən və ya kömək göstərə biləcəyi halda etməyən adamları anlamağa və bağışlamağa çalışın. Keçmiş səhvlərinizi, yanlışlıqlarınızı, günahlarınızı özünüzə bağışlayın. Əzablı xatirələrinizdən faydalı nəsə əldə edəndən sonra onları birdəfəlik yaddaşınızdan silin və bir daha onlara qayıtmayın. Pis keçmiş yaddaşınızda siz onu xatırlayana qədər yaşayır. Yaxşısı budur ki, yaddaşınızı baş vermiş ən kiçik uğurlarla bağlı xatirələr üçün boşaldın.

Günahkarlıq hissi və xəcalət sizə uğur qazanmağa mane olur. Onların badına getməyin.

Davranışınızın səbəblərini şəxsiyyətinizdə deyil, hazırki situasiyanın fiziki, sosial, iqtisadi və siyasi aspektlərində axtarın.

Unutmayın ki, hər bir hadisəni müxtəlif cür qiymətləndirmək olar. Reallıq hər bir kəsin ayrı-ayrılıqda gördüyü deyil. Reallıq şeylərin müəyyən adlarla çağırılması haqda insanların öz aralarında razılaşmasının nəticəsindən başqa bir şey deyil. Belə yanaşma sizə imkan verir ki, insanlara daha səbirlə yanaşısınız və alçaldıcı görünən hallara ürəyiaçıqlıqla tab gətirəsiniz.

Ardı →

Bəzi otlar var ki, onlar arıqlamağa kömək edir. Bu otların orqanizmə olan təsiri müxtəlifdir — bəziləri orqanizmdə gedən mübadilə proseslərini sürətləndirir, digərləri iştahanı azaldır, bəziləri yüngül işlədici və ya sidikqovucu təsir edir.

Məhz bu səbəbdən arıqlamaq məqsədi ilə otları tək-tək deyil, yığım şəkildə istifadə etmək lazımdır. Bu halda təsir daha effektli olur.

Sizə arıqlamaq üçün olan bir neçə ot çayı resepti təqdim edirik. Təqdim olunan çayları növbələşdirmək olar — bir həftə bir dəmləmə, növbəti həftə digər dəmləmə və s. Bu halda effekt daha yaxşı olacaq.

Arıqlamaqdan əlavə bu çaylar orqanizmi müxtəlif ziyanlı maddələrdən təmizləyir, cavanlaşdırır, mübadilə prosesləri, bağırsaqların fəaliyyətini yaxşılaşdırır. Beləliklə, insan arıqlamaqdan əlavə öz orqanizmini daha sağlam edir.

1. Hər otdan 1 xörək qaşığı olmaqla kətan toxumu, razyana, qarğıdalı saçaqları, çobanyastığı, dəvədabanı və 1 çay qaşığı zəncəfil tozu yaxşı qarışdırılır. Hər gün bu qarışıqdan 1 xörək qaşığı götürüb 1 stəkan qaynar suda 30 dəqiqə ərzində dəmləyin, süzün və hər qida qəbulundan 20 dəqiqə əvvəl stəkanın 1/3 hissəsi olmaqla qəbul edin. Qarışıq qurtarana kimi dəmləməni qəbul edin.

Ardı →

Bildiyimiz kimi, heyva qış fəslinin dadlı meyvələrindən biridir. Qocalma prosesini ləngitməyə təsirli olan bu meyvə dəri üçün də faydalıdır.
Türkyənin Ordu Universitetinin «Kənd Təsərrufatı (Əkinçilik)» fakültəsinin məlumatına görə qış aylarında qrip və soyuqdəyməsi olanlar bundan istifadə edə bilər. Heyvanın tərkbində A,B2 və C vitaminləri, minerallar, protein, şəkər, asitlər, dəmir, mis, kalium və s. faydalı maddələr olduğundan səhiyyə, kosmetika, dərman kimi sektorlarda işlədilir.
Heyvanın çiçəyi, toxumlarından müalicə məqsədilə istifadə etmək mümkündür. Belə ki, qaynadılan heyva çiçəyi ana südünü artırır, ürəyi gücləndirir, baş ağrısını kəsir. Qaynadılan qabıqları isə sidik kanalı iltihabını təmizləyir. Heyvanın özü və ya yarpağını qaynadıb içəndə isə ağızdakı yara, boğazdakı şişliklər müalicə edilir.
Kərə yağında bişirilən heyva bəlğəmi təmizləyir, xronik öskürək, tənəffüs sistemi xəstəlikləri, bronxitə faydalıdır. Onuda qeyd etmək lazımdır ki, heyva sinir sisteminin inkişafına təsirlidir. Mədə və bağırsağı mikroblardan qoruyur, həmz problemlərini aradan qaldırır. Cinsi gücü də artırır.
Davamı →

Böyümə çağı və yeniyetməlik dövründə sürətlə uzanan boy 35 yaşdan sonra eyni sürətlə olmasa da, qısalmağa başlayır.

Boy qısalmasını qadınlar daha çox hiss edirlər. Bu vəziyyətin ən əhəmiyyətli səbəbi isə qadınlarda kişilərə nisbətən daha çox rast gəlinən sümük əriməsi və qırıqlardır. Boyun qısalmasının qarşısını almaq mümkün olmasa da, gənc ikən bir sıra tədbirlərlə sümük əriməsinin qarşısını almaq mümkündür. Bunu Ortopediya və Travmatologiya Üzrə Mütəxəssis Doktor Səlim Sırrı Türkər boyun qısalmasına səbəb olan amillər və qarşısını almaq yollarından danışarkən deyib.

Qadınların sümükləri kişilərə nisbətən 5 dəfə çox əriyir

Sümük toxuması 35 yaşından sonra zəifləməyə başlayır. Hər kəsdə fərqli yöndə inkişaf edən bu zəiflik müəyyən bir səviyyəyə gəldikdə sümük əriməsi ilə müşayiət edilir. Qadınlarda sümük əriməsi kişilərə nisbətən 5 dəfə daha çox müşahidə olunur. Bunun ən əhəmiyyətli səbəbi isə klimaks dövründəən sonra estrogen səviyyəsinin düşməsidir. Sümük əriməsi sümüklərin çox asan qırılmasına, həm də boyun qısalmasına səbəb olur.

Sınıqların çoxu hiss olunmur

Sümük əriməsi ən çox bud və fəqərələrdə sınıqların əmələ gəlməsinə səbəb olur. Həmin sınıqların saylarına uyğun olaraq da boy qısalmağa başlayır. Bundan başqa, kürəkdə donqarlıq və digər duruş qüsurları da sümük əriməsinin gətirdiyi problemlər arasındadır. Bədənin fiziki şəklinin dəyişməsi və bu problemlər həyat keyfiyyətinə də mənfi təsir göstərir.

Sümük əriməsi vaxtında müalicə ediləndə boyun qısalmasını dayandırmaq mümkündür. Fəqərələrdəki sınıqların təxminən üçdə ikisində heç bir əlamət hiss olunmur. Odur ki, xüsusilə 50 yaşından sonra qadın və kişilər müəyyən fasilələrlə sümük ölçülərini hesablamalıdır.

Ardı →

Rejimin olmaması, alkoqollu içkilərin və stimulyantların qəbulu, üstəlik zəngli saatlar və gün işığı – bütün bunların hamısı sizin daha çox «bioloji saat» kimi tanınan bioloji ritminizə müdaxilə edə bilər.

Virciniya ştatının Arlinqton şəhərində mənzillənmiş xeyriyyə təşkilatı — ABŞ Milli Yuxu Fondu bildirir ki, fərdi həyat tərzləri yuxu ehtiyaclarının öyrənilməsi üçün əsas faktordur, lakin yaşınıza uyğun olaraq burada ümumi tövsiyələr də var.

Yeni doğulanlar (0-3 aylıq): İdeal halda yenicə doğulanlar hər gün 14 saatdan 17 saatadək yatmalıdırlar, hərçənd 11-13 saat da kafidir. Onların 19 saatdan artıq yatmalarına yol vermək olmaz.

Çağalar (4-11 aylıq): tövsiyə olunan yuxu vaxtı 12-15 saatdır. Azı 10 saat da kifayət edər. Onlar 18 saatdan artıq yatmamalıdırlar.

Ardı →

Gərgin iş tempindən və iş yerindəki stressdən yorğun mu düşürsünüz? Budur kayzen.az saytı olaraq stresslə mübarizə aparmaqda  tam sizə kömək edəcək 10 qida və onların sağlamlığa faydaları ...

Yulaf əzməsi: Lifləri sayəsində xolesterolu salır, qan şəkərini balanslarşdırır, tox tutur, eyni zamanda tərkibində karbonhidrat, zülal və dəmir ehtiva edir. Səhər yeməyində 1 kasa südün içərisinə 3-4 yemək qaşığı yulaf əzməsi, 2 ədəd quru ərik, 2 ədəd qoz və 1/4 çay qaşığı darçın əlavə edib qəbul edə bilərsiniz.

Acı şokolad: Lif, dəmir, maqnezium və mis baxımından zəngin olan acı şokolad sütlü şokolada görə daha çox kakao, antioksidan və daha az şəkər ehtiva edir. Daimi olaraq istehlak edildiyində ürək-damar xəstəlikləri riskini azaldır. Çox çox istehlak edildiyində kilo aldırır, bu səbəblə istehlak etdiyiniz miqdara diqqət edin.

Kələm: B, C və E vitaminləri, ayrıca dəmir və kalsium baxımından zəngin olan kələm xora xəstəliyinə yaxşı gəlir, qəbizliyi aradan qaldırır, immunitet sistemini gücləndirir. Günorta və ya axşam yeməyində 1 kasa qaynadılmış kələm, 1 kasa qatıq, salat və 1-2 dilim tam taxıllı çörək istehlak etmək sağlamlığınız üçün önəmli olacaq.

Qəhvə: Qəhvə içəcəyiniz zaman kafeinsiz seçim edə bilərsiniz. Gündə qəbul etdiyiniz 1 fincan qəhvə yaddaşı gücləndirir, öskürəyə yaxşı gəlir və konsentrasiyanı artırır.

Badam: Omega-3 qaynağı olan badam hər gün nizamlı olaraq istehlak edildiyində xolesterolu salır, ürək-damar xəstəliklərinə qarşı qoruyur, tok tutur və zəifləməyə köməkçi olur. Hər gün fasilə ilə 15 ədəd badam istehlak edə bilərsiniz.

Kartof: Dəmir, kalsium, maqnezium, və xüsusilə B, C, və nişasta baxımından zəngin bir qidadır. Ehtiva etdiyi lif sayəsində bağırsaqları işlədər, həzmi asanlaşdırır və immunitet sistemini gücləndirər. Diabet xəstələrinin çox istehlak etməməsi lazım olan bir qidadır.

Qatıq: Kalsium baxımından zəngin olan qatığın sağlamlığımıza çox faydası var. Dərini gözəlləşdirir, immunitet sistemini gücləndirir, həzmi asanlaşdırır, tox tutur və xüsusilə hər gün nizamlı olaraq istehlak edildiyində yağ yandirmağı sürətləndirərək kilo vermənizə köməkçi olur. Hər gün 1 kasa qatıq istehlak etməyi unutmayın!

Ardı →

Hər bir insan cavanlığının ömrünü uzatmaq istəyir. Yaşın üstə yaş gəldikcə bu istək daha da artır. Bəs bu istəyi necə reallaşdırmalı? Çox sadə bir üsul bu istəkdə olanları heyrətləndirəcək.

Cavanlığınıza yeni bir ömür vermək istəyirsinizsə, sarımsaq suyu sizin köməyinizə çatacaq. Sarımsaq suyunu hazırlamaq çox sadə və asandır. Bunun üçün sarımsaqdan istifadə etdikdən sonra onun qabıqlarını atmayın. Bir qaba yığıb saxlayın. Bu möcüzəvi suyu hazırlamaq üçün bir stəkan suyu qaynadın. Su qaynadıqdan sonra 2-3 dəqiqə gözləyin ki, su çox da qaynar olmasın. Bundan sonra onun üzərinə bir ovuc ağ sarımsağın qabığını əlavə edin və təxminən 6-8 saat gözləyin. Bu müddətdən sonra sarımsaq suyu hazırdır.

Sarımsaq suyunu gün ərzində 4 stəkan qəbul edin. Kişilər bu suyu istənilən bir ayın 10-dan 20-nə kimi, qadınlar isə 20-dən 30-na kimi qəbul etməlidirlər. Bu suyu isti, hətta ilıq şəkildə içmək qəti yolverilməzdir. Mütləq şəkildə soyuq halda qəbul edilməlidir.

Ardı →

Antibiotik sözü «anti» — qarşı və «bio» — həyat sözlərindən əmələ gəlib.

Bu preparatlar mikrobları məhv edir. Bir çox xəstəliklərin (məsələn, tonzillit, haymorit, otit və s.) müalicəsində antibiotiklərdən istifadə olunur.

Təbiətdə insan orqanizminə antibiotiklərin təsirinə oxşar təsir edən bəzi bitkilər və maddələr var. Onlar da orqanizmə düşən zərərli mikrobları məhv edir. Bundan əlavə bu təbii vasitələr virusəleyhinə təsir edir (kimyəvi antibiotiklər — yox!), immuniteti möhkəmləndirir, bağırsaqların xeyirli mikroflorasını məhv etmir (kimyəvi antibiotiklər isə edir!), allergik reaksiyalara çox nadir hallarda səbəb olur (antibiotiklər isə kifayyət qədər tez-tez müxtəlif allergik reaksiyalara səbəb olur). Beləliklə təbii «antibiotiklərin» bir çox üstünlükləri var. Əlbəttə ki, həqiqi antibiotiklərləri heç bir təbii vasitələrlə tam əvəz etmək mümkün deyil. Lakin təbii antibiotiklərin istifadəsi soyuqdəymə və iltihablar zamanı müalicə müddətini xeyli azalda bilər.

Beləliklə, təbii antibiotiklərin arasında bu kimi məhsulları göstərmək olar.

— Moruq və moruq mürəbbəsi. Moruğun tərkibində asetilsalisil turşuya oxşar maddələr var. (Biz bu turşunu «aspirin» kimi tanıyırıq.) Bu səbəbdən moruq orqanizmə hərarətsalan, iltihabəleyhinə, ağrısızlaşdıran təsir edir. Qripp və soyuqdəymələr zamanı moruq mürəbbəsi əvəzolunmaz vasitədir.

— Bal qədim vaxtlardan müxtəlif iltihablar zamanı istifadə olunur. Bal mikrob, iltihab və göbələkəleyhinə təsir edir. Bu əsl təbii antibiotikdir.

Ardı →