Süd çox qiymətli qida məhsuludur. Onun tərkibində orqanizmin həzm prosesini qaydaya salan qidalı maddələr var. Südü müxtəlif yaş qruplarında olan insanlar qida rasionuna daxil etməlidirlər. Süd, xüsusən uşaqlar və yaşlılar üçün çox qiymətli qida məhsuludur. Təbii inək südünün tərkibinə zülal, A, B, B2, PP, C, D vitaminləri daxildir. Süd təkcə gözəl içki deyil, ondan həm də yağ, kəsmik, xama, qatıq, şirin kəsmik və s. qidalı ərzaqlar hazırlamaq olar.
Davamı →

Bütün həyatı boyu insan orqanizmində dayanmadan maddələr mübadiləsi gedir. Bunun üçün orqanizmə böyük miqdarda enerji lazımdır. İnsan orqanizminin həyat enerjisinin isə əsas mənbəyini qida təşkil edir.
Dərinin, saçların, dırnaqların sağlamlığı, insanın daxili orqanlarının normal fəaliyyəti düzgün və hərtərəfli qidalanmadan asılıdır. Normal qidalanmayan orqanizm ona lazım olan maddələri almır və getdikcə insanın immuniteti azalır, səhhəti pisləşməyə başlayır. Tez-tez soyuqdəymələr, qanazlığı, yaz yorğunluğu, dişlərdə kariyes halları müşahidə edilir. 
Davamı →

Çərəz olaraq istifadə edilən, eyni zamanda şirniyyatlara xüsusi ləzzət qatan yerfıstığının faydaları saymaqla bitməz.

Elmi adı “Arachis Hypogea” olan yerfıstığı dünya miqyasında nadir formada çiy yeyilir. Əksər insanlar bu çərəzi qovrulmuş və duzlanmış formada sevir.

Ana vətəni Cənubi Amerika olan, lakin artıq dünyanın bir çox ölkələrində geniş şəkildə becərilən yerfıstığı B qrupu vitaminləri, fosfor, maqnezium, kalium və mineral baxımından olduqca zəngindir. 100 qr yerfıstığında 26 qr protein var.

Davamı →

1. Banan — buğda, düyü və qarğıdalıdan sonra dünyanın ən məşhur 4-cü qidasıdır. Hər il dünyada 100 milyarddan çox banan yeyilir.

2. Hər kəs bilir — banan ağacda yetişir. Amma əslində banan ağacı bir ot növüdür. Banan ağacı — qısa gövdəli və iri kökümsovlu hündür, bəzən də nəhəng otdur. Yeri gəlmişkən, banan dünyanın ən böyük ot bitkisidir.
Davamı →

Paprika — saplaqlı istiotdan hazırlanan tozlu ədviyyatdır. Qırmızı bibər dünyanın hər yerində istifadə edilir. Daha çox düyü yeməkləri ilə təklif edilir. 

Paprika yeməklərə xüsusi dad veririr. Bununla yanaşı sağlamlıq üçün də inanılmaz xeyirləri var. Antioksidləşdirici rolu oynayayan ədviyat, minerallar və vitaminlərlə də zəngindir. Beta karoten, lutanın, likopen, selenyum, A, C və E vitaminləri ehtiva edir. Mikro qida paprika faydalı birləşmələrlə zəngindir.
Davamı →

İnsan orqanizmi üçün faydalı olan giləmeyvələrdən biri də qapızdır. Yay fəslinin əvəzsiz təamlarından olan qarpız susuzluğu yatırdır, həzm prosesini yaxşılaşdırır və qanı durulaşdırır.

Qan təzyiqi yüksək olan insanlar qarpız vasitəsilə mütəmadi olaraq təzyiqlərini stabil saxlayırlar. Qarpız tumu böyrək daşını salır. Bəs şirin və keyfiyyətli qapızı necə seçmək lazımdır? İnsanların bir qismi qarpızın sapına baxmaqla, bir qismi əlində sıxmağa çalışaraq yoxlayır. Bəzi insanlar da bu seçimi tanış satıcıların öhdəsinə buraxır.
Davamı →

Ət məhsulları və onların istifadəsi qida zəncirinin yüksək risk dərəcəsinə malik olan sahəsidir. İstehlakçı üzərində etiketi olmayan, istehsal və son istifadə tarixi qeyd edilməyən, yaxud son istifadə müddəti bitmiş, keyfiyyətinə şübhə etdiyi, hermetik qablaşması, yaxud süni qoruyucu qabığı zədələnmiş (cırılmış), kif əlamətləri, qaxsıma, turşuma, kolbasaya xas olmayan rəng və dad müşahidə etdiyi kolbasa məmulatlarını almamalıdır.

Kolbasa məmulatını əl ilə yoxladıqda nə çox bərk, nə də çox yumşaq olmalıdır. Kolbasanı bıçaqla kəsdikdə qiyməsinin rəngi kolbasa üçün xarakterik olmalıdır. Kolbasa məmulatının (sellefondan hazırlanan qabıq istisna olmaqla) qabığı quru və bərk olmalı, ətə yaxşı yapışmalı, qabığın üzərində kif əlamətləri olmamalıdır.
Davamı →

Bənövşəyi kartof — bu tərəvəz həmçinin «qaradərili qadın», "Çin trufflesi" və ya «mavi Fransız truffle kartof»u adlanır.

Adi kartofa bənzəsə də, tərkibi çox fərqli olan bənövşəyi kartofun vətəni Cənubi Amerikadır. Adi kartofdan on dəfə artıq antioksidan və antosiyana malik olan bənövşəyi kartof hazırda dünyanın bir çox ölkələrində, o cümlədən qonşu Türkiyədə, Rusiyada da becərilir.
Davamı →

Qaymaq südün üstünə yığılan yağlı hissəsidir. Süd zavodlarında qaymaq əldə etmək üçün sentrafuqadan istifadə edilir.

Yaxşı qidalanmış camış südünün 35%-ini qaymaq təşkil edir. Təbii südü bişirdikdən yarım saat sonra onun üst hissəsində nazik təbəqə əmələ gəlir. Təbii yolla ev şəraitində qaymaq əldə eləmək üçün bişirilmiş südün ən azı 10-12 saat soyuq yerdə saxlanmılması lazımdır. Mütəxəssislər qaymaq əldə etmək üçün üstündə ən azı 1 sm qalınlığında qatı təbəqə əmələ gələnə qədər südü sakit vəziyyətdə saxlamağı məsləhət bilir.
Davamı →

Qarğıdalının faydaları saymaqla bitmir. Vitamin və minerallarla zəngin olan qarğıdalı bir çox xəstəliklər və pozulmalar zamanı faydalı sayılır.

Mütəxəssislər qarğıdalını kərə yağı ilə yeməyi tövsiyə edirlər. Bu halda qarğıdalının tərkibində olan vitaminlər orqanizm tərəfindən daha yaxşı mənimsənilir.

Həmçinin kərə yağı ilə qarğıdalı qəbizlik, qaraciyər xəstəlikləri, ürək və damar xəstəlikləri zamanı faydalıdır, nefrit və podaqra zamanı ağrıları azaldır.

Qarğıdalını bişirib (bunu buxarda etmək daha yaxşı sayılır), üzərinə kərə yağı və az miqdarda duz çəkib yeyin. Həm dadlı, həm də çox faydalıdır.
Davamı →