Kəpənəklər zəlzələ vaxtı uça bilmir.

 

Ardı →

— Yalnız erkək bülbüllər cəh-cəh vurur. Onlar bununla dişi cütlüklərinə sadiqliklərini nümayiş etdirirlər.
— Ən nəhəng it senbernar cinsindən olan itdir. 5 yaşında onun ağırlığı 140 kiloqrama çatır.

— Ən uzun soxulcan Atlantik Okeanın Avropa sahillərində yaşayan lineusdur. Onun uzunluğu 15 metrə çatır.
— Vəhşi heyvanlarla ət yeməyənləri fərqləndirmək çox asandır: vəhşilərin gözləri ovunu görməsi üçün kəllə sümüyünün önündə, «vegetarianlar»ınkı isə düşmənlərini görmələri üçün kəllənin kənarlarında yerləşir.

— Əqrəblər təxminən 2 il, gənələr isə 10 ilədək ac qala bilir.

— İlanlar heç nə yemədən 3 il yuxulaya bilir.

  — Fil 4 dizi olan yeganə heyvandır.

— Dişi itlər erkəklərlə müqayisədə daha çox qapır.

— Akulalarda xərçəng xəstəliyinə immunitet var.

— Akula ovuna hücum edən zaman gözlərini yumur ki, qorxmuş şikar onları yaralamasın.

— 12-ci mərtəbədən yıxılan pişiyin sağ qalmaq ehtimalı 7-ci mərtəbədən yıxılan pişiklə müqayisədə daha çoxdur.

— Kəpənəyin mədəsi yoxdur.

— Şimpanze güzgüyə baxmaqla özünü tanıya bilən yeganə heyvandır.

— Mavi balinanın dili 4 ton ağırlığındadır.

— Pələnglərin yalnız tükü yox, dərisi də zolaqlıdır.

— Zürafənin dilinin uzunluğu 45 santimetrə çatır.

— Balinanın ürəyi dəqiqədə cəmi 9 dəfə döyünür.

— Delfinlər bir gözü açıq yatır.

— Erkək meymunlar dəqiqliklə kişilər kimi keçəlləşir.

Mənbə: HƏFTƏ İÇİ qəzeti
Davamı →

Öz bədənimizin və ya otağın istiliyini ölçmək üçün mütləq termometrə ehtiyacımız var. Şüur sahibi olmayan kiçik cücülər- Colias kəpənəkləri bədən temperaturunu özləri ölçə bilir və əgər 28 dərəcədən aşağı olsa uça bilməzlər. Belə olduqda kəpənək dərhal qanadlarını açır və arxası günəşə doğru, şüaları şaquli alacaq şəkildə dayanır. Kəpənək kifayət qədər isinib bədən temperaturunu 40 dərəcəyə çatdıranda öz ətrafında 90 dərəcə dönür. Beləliklə, günəş şüalarını üfüqi formada da alır. Bu hərəkətlə günəş şüalarının isidici təsiri minimuma endirilir. Həmçinin kəpənəyin bədən temperaturu enməyə başlayır. Bundan başqa, bu cins kəpənəklərin qanadlarında kiçik qara ləkələr olur. Bu ləkələr də temperaturu kəpənəyin bədənində toplamaq funksiyasını daşıyır. Lakin bu ləkələr də təsadüfi yerlərdə deyil. Bunlar bədənin isinməyə ən çox ehtiyacı olan hissələrində yerləşdirilib. Bu quruluş sayəsində qanadlardakı tez isinən kiçik ləkələrdən başqa hissələrə istiliyin nəqli asanlaşır. Çünki istiliyi ötürmək üçün lazım olan məsafə qısalmışdır.
Sual yaranır ki,
Ardı →

Bəzi atlar həm ağılları, həm də iradələri ilə seçilirlər. Onları seçmək üçün at təlimçiləri qəribə bir üsuldan istifadə edirlər. Atlara ancaq fit səsi eşidəndə su içməyi öyrədirlər. Bu mərhələdən sonra atları günəşin altında tikdikləri tövləyə salırlar və atları susuzluqdan yanana qədər bu tövlədə saxlayırlar. Sonra təlimçilər tövlədən bir qədər kənara(üstəlik, atları görə biləcəyi bir yerə) su qoyurlar və atları tövlədə bir qədər də saxlayırlar. Nəhayət, təlimçilər tövlənin qapısını açırlar və qapı açılar-açılmaz atlar suya tərəf qaçırlar. Ancaq bir neçəsi başlarını qaldıraraq gözləyirlər. Ta ki… Ta ki fit səsini eşidənə qədər. Artıq bu atlar seçmə atlardır və onları yetişdirmək olar. Əslində, insanlar üçün də bu belədir. Məsələn, bir çempionu çempion edən onun gücü və əzələsi deyil, ağlı və iradəsidir…
Davamı →

Təbiət yenə də öz heyrətləri ilə bizi düşündürməyə davam edir. Son illərdə bizi heyrətlər içərisində buraxan gerçəklərdən biri də hörümçək torunun dünyanın ən dayanıqlı maddələrindən biri olduğunu öyrənməmiz oldu.

 Hörümçək toru həqiqətən hər yönüylə müdhiş xüsusiyyətlərə malikdir. Bəzən bir peyğəmbəri təhlükədən qorumaq üçün, bəzən isə bir ov vəsaitidir. Hörümçəklər digər böcəklərdən fərqli olaraq səkkiz ayaq və səkkiz gözə sahibdirlər.

Böyümə mərhələsində bir qıç qırılsa yerinə yenisi gələ bilər. Bədənləri iki parça olub arxa qisimindəki bezlərdən şəbəkə istehsalı başlayar, buradakı çox incə dəliklərdən maye və damlalar halında verilən şəbəkə vəsaiti çölə çıxar çıxmaz donar.

Ardı →

Yarasanın yaranışında başqa quşlar və heyvanlarla müqayisədə çoxlu möcüzələr vardır. Əlbəttə onun yaranışı heyvanlara çox yaxındır. Onun da heyvanlar kimi iki uzun qulağı, dişləri və kürkü var. Yarasa da onlar kimi uşaq doğur, uşağına süd verir, bövl edir. O, yol gedəndə dörd əli və ayağı ilə gedir. Bütün bu xüsusiyyətlər heç biri quşlarla uyğun gəlmir.
Yarasa insan üçün çox faydalıdır. Hətta peynindən də dərman düzəltmək üçün istifadə olunur. Onun yaranışında olan ecazkarlıq Xaliqin qüdrətini sübut etmək üçün ən mühüm dəlildir.
Bu quşun hər işi təəccüblüdür. Amma gecə qaranlıqda uçması daha heyrətamizdir. Yarasanın gecə zamanı heç bir maneəyə toxunmadan sürətlə uçması o qədər təəccüblüdür ki, onun haqqında mütaliələr olunsa, digər sirləri də kəşf olunar.
Bu quşun gecə zamanı uçması ilə göy səmada qanad çalan və iti uçan göyərçinin uçması arasında heç bir fərq yoxdur. Əgər yarasanı uzun, ensiz, döngəsi çox və içərisi qara tüstü ilə dolu olan bir tuneldən uçurtsaq, heç bir maneyə toxunmadan və qanadlarının üstündə qara tüstüdən əsər-əlamət qalmayan bir halda qırağa çıxacaqdır. O, bu işlərini hamısını ötürücü siqnal vasitəsi ilə görür.

Ardı →

16 Avqust 1996-cı ildə, ABŞ, Chicago`da olan Brookfield Zooparkında çox maraqlı bir hadisə meydana gəldi. Üç yaşındakı bir oğlan uşağı, piraniya (vəhşi balıqlar) olan hissəyə düşdü. Bunu görən səkkiz yaşındakı bir dişi qorilla dərhal hərəkətə keçdi. Uşağı qucağına alıb təhlükəsiz bir yerə apardı. Bir kötüyün üstünə oturdu və huşsuz haldakı uşağı qucağında yelləyərək özünə gətirməyə çalışdı. Daha sonra uşağı zooparkın baxıcılarına təslim etdi. Kameralara çəkilən hadisə bütün dünyada göstərildi. Binti (qorilla)qəhrəman elan edildi. Hətta Klinton, ABŞ tarixində bir meymundan söz edən ilk prezident oldu. Yaxşı, qorilla Binti'nin bu hərəkəti niyə əhəmiyyətli idi? Çünki Binti'nin davranışı, «empatiya», yəni "özünü başqasının yerinə qoyaraq onun vəziyyətini anlama; digərinin ağrısını hiss etmə" qabiliyyətinin, yalnız insanlarda deyil, heyvanlarda da olduğunu göstərirdi. Bu səbəbdən, təcavüzkarlığı izah edərkən, «heyvan kimi vəhşi» desək də, bu deyişin hər zaman etibarlı olmadığının dəlili oldu bu hadisə..

Davamı →

Ev heyvanları arasında pişiylər sözsüz ki,ən sirli heyvanlardı.Məsələn,Yaponiyada əvvəllər evin girişində pişik fiqurları qoyardilar ki,evdən pis nəzərləri uzaq tutsunlar.Rusiyada yeni evə köçərkən ilk olaraq evə pişik buraxarmişlar.Bu evə sevinc və bərəkət gətirərmiş.Alimlərə məlumdur ki,istifadə etdiyimiz yod pişik sayəsində əldə olunub.1811-ci ildə fransız alimi Bernar Kurtua kimyəvi araşdırma apararkən sevimli pişiyi onun çiynində oturmuşdu.Küləyin anidən pəncərəni açmasından qorxan pişik stola atdanaraq orda olan maye dolu şüşələri dağıdır.Bu zaman şüşələrdə yodun tərkibini təşkil edən 2 maddə var idi.Dağılan maddələr reaksiyaya girərək çoxlu duman yaradır.Duman çəkildikdən sonra alim stolda qəhvəyi kristallar görür və bu kristallar sonradan YOD adini alır.
Ardı →

Müşk qədim tarixə malik ətriyyat maddəsidir. Onu bir çox cütdırnaqlı heyvanların, xüsusilə maral və ceyranın göbəyindəki vəzlərdən əldə edirlər. Ədəbi mənbələrə nəzər salsaq, görərik ki, qədim və orta əsrlərdə bu maddə Şərqdə çox geniş yayılıb.
AMEA-nın Əlyazmalar İnstitutunun tərcümə və informasiya şöbəsinin müdiri, Tibb Tarixçiləri İctimai Birliyinin rəhbəri Fərid Ələkbərlinin sözlərinə görə, bir sıra Şərq ölkələrində müşk indi də istifadə olunmaqdadır: «Azərbaycana gəlincə, ölkəmizdə müşk o qədər də geniş yayılmayıb. Çünki sovet hakimiyyəti qurulandan sonra xalq təbabətinə qarşı təzyiqlər artdığından Şərqdə istifadə olunan təbabətə aid maddələr yığışdırılaraq müasir dərman preparatları ilə əvəz edildi. Hətta təzyiqlər nəticəsində Şərq kosmetikası da öz yerini Qərb kosmetikasına verməli oldu. Amma ərəb ölkələrində, İranda, Pakistanda, Hindistanda, Çində bu gün də müşk tapmaq mümkündür».
Davamı →

Şərq ölkələrində «səhra gəmisi» adlandırılan dəvə bütün digər heyvanlardan özünəməxsus xüsusiyyətlərilə seçilir. Allahın diqqət çəkdiyi bu canlı barəsində hətta «Qurani-Kərim»in müxtəlif ayələrində də bəhs olunur. Dəvə barəsində Azərbaycan folklorunda da ibrətamiz kəlamlar çoxdur. «Övladda nəvə, dövlətdə dəvə», «Dəvə kimi kinli», «Dəvədən böyük fil də var» kimi atalar sözlərini buna misal göstərmək olar.  

Xüsusiyyətləri
Hindistan, Pakistan, Əfqanıstan, İran, Suriya, Ərəbistan, bəzi Afrika və Orta Asiya ölkələri dəvəçiliyin ən çox inkişaf etdiyi regionlar sayılır. Təkcə Afrikada 20-dək dəvə cinsi yetişdirilir. Qeyd edək ki, heyvanların ən ağıllısı sayılan dəvələr üç cür olur: birhörgüçlü (dromoder), ikihörgüçlü (bakterian) və hörgüçsüz. Hörgüçsüz dəvə birhörgüçlü ilə ikihörgüçlünün törəməsidir. Bakterian ətlik, dromoder isə südlük cins sayılır.
Davamı →