Рейтинг
+198.05

Maraqlı faktlar

166 üzv, 663 topik

Bir oğlanın tarixçəsi

O 1960-cı il 18 oktyabrda Brüsseldə belçikalı mühasiblər ailəsində dünyaya gəlir. Doğulduğu gündən zəif və ağlağan uşaq idi və daim bədənində zərbə yerlərinin izi ilə gəzirdi. Belə ki, həm yaşıdları güclərini onun üzərində sınaqdan keçirməyi sevirdilər. Onun 11 yaşı olduqda atası onu karate salonuna gətirir və bununla oğlunun bütün həyatını dəyişəcəyini ağlının ucundan belə keçirmir.

 O qalın şüşəli eynək taxır və klassik balet ilə məşğul olurdu. Hər kəs evə getdikdə və zal boş qaldıqda o bir neçə saat karate fəndləri öyrənirdi. Bununla yanaşı, o karate ilə eyni zamanda psixoloji hazırlıq və özünütəlim ilə məşğul olurdu ki, nəticədə də bunun köməkliyi ilə özünə əminlik hissi qazanır.

O özündən yaşca böyüklər ilə məşq edirdi. 16 yaşı olduqda prestijli turnirdə qalib gəlir. O final görüşündə özündən iki dəfə böyük və iki dəfə ağır bir şəxslə görüşməli olmuşdu. Məşqçisi ilk günlərdən onun gücünü kəşf etmiş və ona mütləq çempion olmalı olduğunu bildirmişdi. Məşqçi ona digərlərindən daha çox zaman ayırırdı və məşqlər tək idman zalı ilə məhdudlaşmırdı.
Davamı →
 

Dövlət borcunu satın almağa cəhd edən narkobaron

Karlos Leder – Kolumbiyanın dövlət borcunu almağa cəhd edən narkobaron idi. O bununla yanaşı, Kolumbiyanın ən məşhur narkobaronu idi və iki dəfə dövlət borcunu almaq təklifini irəli sürmüşdü.

 Onun əsas məşğuliyyəti ABŞ-da kokain qaçaqmalçılığı idi. O Floridadan 340 kilometr uzaqlıqda, Baham adalarından birində baza təşkil etmişdi və bura adətən kokain ilə yüklü yük maşınları, yaxud yüngül mühərrikli təyyarələr gətirilirdi.

Ada Karlosa 4,5 milyon dollara başa gəlmişdi. Adanın bütün sakinləri adanı tərk etməli olmuşdu. Bu zaman kimisi pulla əldə edilir, kimisinin isə cəsədi öz yaxtasından tapılırdı. 1978-ci ildən 1982-ci ilə qədər adadan ABŞ-a Kolumbiya kokaininin gətirilməsi üçün xüsusi kanal keçirdi.

Karlosun “karyerası” 1984-cü ildə Kolumbiyanın Ədliyyə nazirinin qətlini sifariş verdikdə məhv olur. Hökumət onun bütün hesablarını dondurur və daşınmaz əmlakını müsadirə edir. Karlosun artıq Baham adalarında şəxsi adası yox idi. O cəngəllikdə ələ keçirilir və ABŞ hökumətinə təhvil verilir. Bundan sonra isə ABŞ məhkəməsi onu ömürlük həbs cəzasına (üstəlik də əlavə 135 il) məhkum edir.
 

Butch Cassidy – əfsanəvi bank qarətçisi

Butch Cassidy məşhur amerikalı bank, qatar qarətçisi və “Vəhşi dəstə” adlı quldur dəstəsinin lideri idi.
Butch 13 aprel 1866-cı ildə Yuta ştatında Robert Leroy Parker adı ilə dünyaya gəlir. O İngiltərə əsilli ailənin 13 övladının ilki idi. Butch uşaqlıq illərini valideynlərinin Ohayo ştatında yerləşən imarətində keçirmişdi. Öz karyerasını kriminal aləmdə başlamadan öncə butch-cassidy-1900maldarlıq ilə məşğul olurdu.

Onun yazılı sənədlərin də sübut etdiyi ilk cinayəti 1889-cu ildə Kolorado ştatında Tellurayd şəhərində yerləşən “San Miguel Valley Bank”-a edilən hücum olur. Bu zaman o 20 000 dollar apara bilmişdi. 1884-1886-cı illərdə at oğurluğu səbəbindən iki ilini həbsdə keçirməyə məcbur olur. Azadlığa çıxan Butch “Vəhşi dəstə” adlı quldur dəstəsini yaradır. Bu quldur dəstəsinin ən məşhur üzvü Harri Longbau idi.
Davamı →
 

Ürək haqqında maraqlı faktlar

Orta yaşlı bir adamın ürəyi dəqiqədə təxminən 72 dəfə, gün ərzində 100.000 dəfə, həyatı ərzində isə təxminən 2.5 milyard dəfə döyünür.

 İnsan ürəyindən ömrü ərzində keçən qanın miqdarı, bütün gücü ilə işləyən mətbəx kranından 45 il ərzində axan suya bərabərdir.

Ürək döyünməsi ana bətninin 4-cü həftəsindən etibarən işləməyə başlayır.

Qadınların ürəyi dəqiqədə ortalama 78 dəfə döyünür. Müqayisə üçün kişilərdə bu rəqəm 72-dir.
Davamı →
 

Kofe həvəskarları

Ən çox kofe İtalyanlar, Yunanlar və ya İspanlar tərəfindən içilmir. Kofeni ən çox içənlər Skandinavlardır.

Orta Avropa vətəndaşı illik olaraq beş kiloqram kofe istehlak edir. Aparılan reytinqlərə görə, Finlandlar ən çox kofe istehlak edən millətdir. Finlandiyanın hər bir yetkin vətəndaşı illik 12 kiloqram kofe istehlak edir. İkinci yer Norveçə məxsusdur- 8.85 kq, Danimarka- 8358 kq və İsveç – 8 kq. ABŞ reytinqdə 16-cı yer tutur. Amerikalılar içində kofe cüzi miqdarda olan içkiləri xoşlayırlar. Maraqlısı odur ki, dünyanın ən çox kofe istehsalçısı Braziliya onun istehlakına görə ABŞ-dan aşağı pillədədir. Digər tərəfdən, kofe sevən kimi tanınan İtalyanlar bir nəfərə 5.1 kqlar 10-cu yerdədir. Onların yanında İsveçrə, Hollandiya, Almaniya, Avstriya və Fransa var.
Davamı →
 

Tarixdə iz qoymuş qədim Sparta

Spartalılar hərbçi olublar
Bugünkü günə qədər Sparta ətrafında çox saylı əfsanələr dolaşır. Həqiqətənmi qədim spartalılar mükəmməl hərbçilər idilər və əqli əməyi sevmirdilər, doğurdanmı onların çox sərt qanunları var idi?
Spartadan danışarkən qeyd etmək lazımdır ki, bu qədim yunan dövlətinin adı “Lakemedon” idi. “Sparta” adının yaranması romalılar ilə bağlıdır.

Qədim Spartanın qazıntıları
Sparta digər qədim ölkələr kimi çətin, lakin məntiqi sosial quruluşa malik idi. Faktiki olaraq cəmiyyət tam hüquqlu vətəndaşlara və asılı natam hüquqlu vətəndaşlara bölünürdülər. Qeyd etdiyimiz hər bir kateqoriya isə öz növbəsində siniflərə bölünür.
Davamı →
 

Döyüşkənlik geni

Qədim zamanlarda hərbidə yeni əsgərlər arasından kimləri döyüşdə ön cərgəyə qoymaq məsələsini həll etmək üçün bir sıra metodlar olub. Metodlardan biri belə idi: yeni əsgərləri bir cərgəyə düzürlər, orduda bu işə baxan mütəxəssislər var, onlar hansısa bəhanə ilə əsgərləri danlayır və söyür. Eyni zamanda onların sifət və bədən reaksiyalarını izləyir ki görsün kimlər daha bərk qəzəblənir.

Kimlər ki qəzəbini biruzə verirdi, onları ön cərgə üçün seçirdilər. Çünki onlar döyüş başlayanda baraban səsi, ura sədaları ilə cuşa gəlib qırıcı kimi döyüşə atılır, arxa cərgələrdəki cəsarətsizləri də cuşa gətirirdilər. Döyüşdə qırılanlar əsasən ön cərgədəkilər olur, arxa cərgədəkilərin sağ qalıb evə qayıtmaq, nəsil vermək şansı daha çox olurdu.
Davamı →
 

Nərimanovun Atatürkə köməyi

1920-ci il may ayının 3-də Mustafa Kamal Paşa Şərq Cəbhəsi komandiri Kazım Qarabəkir Paşaya aşağıdakı məzmunda bir məktub yazır: “Dövlətdə heç pul qalmadı. Ölkə daxilində pul təmin edə biləcəyimiz bir qaynaq yoxdur. Başqa qaynaqlardan pul əldə edənə qədər, Azərbaycan Hökumətindən borc pul alınmasını təşkil etmənizi istəyirəm”.

Kazım Qarabəkir Paşa Atatürkün bu istəyini Azərbaycan hökumətinə bildirir. Bu, Azərbaycan Sovet Sosialist Respublikası ilə Ankara hökuməti arasındakı ilk rəsmi təmas idi. Azərbaycandan Türkiyəyə qardaş əli 1921-ci ildə, Nərimanovun şəxsi əmriylə uzanıb.

Azərbaycanın Xarici İşlər Naziri Mirzə Davud Hüseynov savaşda qazanılan uğurlar münasibətilə göndərdiyi teleqramda “…Qazanılan büyük zəfərlərə görə Türk xalqını Azərbaycan Sovet Sosialist Respublikası adından təbrik edirik” yazıb və bu böyük zəfərin şərəfinə Azərbaycan xalqının yardım üçün 30 sistern neft, 2 sistern benzin, 8 sistern kerosin göndərdiyini bildiririb.
Davamı →
 

Dünyanın yaşayan ən zəkalı insanları

36 yaşlı Judis Polqar (İQ-170)
Atası onu və bacılarını hələ uşaq ikən gələcəkdə istisna nailiyyətlər qazanmaq üçün eksperimental bir təhsil üsuluna yönləndirib. 15 yaşlı Polqar ən gənc şahmat çempionu olaraq bir ayda Bobi Fişerin rekordunu qırıb.

59 yaşlı Andreu Uiles (İQ- 170)
1995-ci ildə ingilis riyaziyyatçısı Fermatın «Son teoremi» adı verilən 358 illik teorimini sübutlayıb. Bu teorem dünyanın ən çətin riyaziyyat teoremi hesab olunurdu. Riyaziyyat sahəsindəki fəaliyyətlərinə görə «Sir» ləqəbini alıb və 15 mükafatın sahibidir.

Davamı →
 

Yapon mükəmməlliyi

Şinkansendə (Yapon sürət qatarı) ortadakı oturacaq digərlərindən bir az daha genişdir. Bu ona görə edilib ki, ortada əyləşmiş sərnişin özünü sendviç kimi sıxılmış və əzilmiş hissləri keçirməsin.

İki və ya üç oturacaqlı sıraların olması isə qrupların rahatlığı üçün təşkil edilib. Tək gələn adam istənilən yeri seçə bilər. Cütlük ikili oturacağı, 3 nəfərlik qrup 3 oturacağı, 4 nəfər birgə gələn isə iki ikinəfərlik sıranı seçə bilər.

Davamı →