Müxtəlif ölkələrdə qadınlar gözəlləşmək üçün yerli məhsullardan və ərzaqlardan istifadə edirlər. Siyahıda ən maraqlı və inana bilməyəcəyiniz gözəllik iksirləri verilib.

Avstraliya: Dəvəquşu yağı yaşlılıq əleyhinə istifadə edilir.

İrlandiya: Dəniz yosunu müxtəlif xəstəliklərin müalicəsində istifadə edilir.

Atlas dağları: Hassoul kosmetik gil kimi istifadə edilir.

Bali: Boreh gəncləşdirici müalicədə effektlidir.

Çexiya: Nettles saçı dolğunlaşdırmaq və qalınlaşdırmaq üçün istifadə edilir.

Cənubi Afrika: Rooibos çayı dəriyə qulluq üçün istifadə edilir.

Polinezya: Tamanu yağı şəfaverici bitki kimi istifadə edilir.

Qərbi Afrika: Shea yağı əl yumşaldıcı krem və günəşdən qoruyucu kimi işlədilir.

İndoneziya: Dəmirhindidən təbii dəri maskaları hazırlayırlar. O, dərini gözəlləşdirir və gəncləşdirir.

Ardı →

Mayanın gözəllik mənbəyi olduğu hələ qədim zamanlardan məlum olub.
Misirli qadınlar hələ qədim zamanlarda gözəlləşmək üçün dərilərinə maya çəkirmişlər. Mayanın mikrob öldürücü xüsusiyyətlərini kəşf etdikdən sonra yara məlhəmi kimi istifadə edilib.

Mayadan yaraları dezinfeksiya üçün istifadə edilib. Mayanın tərkibində dərinin ehtiyacı olduğu hər cür vitamin və minerallar var. Xüsusən də qara nöqtələr və sızanaqlı dərilər üçün çox faydalıdır. Qaraciyəri toksinlərdən təmizləyərək dərini aşırı yağlanmağa qoymur.

Gözəlliyin sirri həqiqətən də mayada gizlənib. Onunla saçlara masaj edə, süddə əridərək üzünüzə və əllərinizə çəkə bilərsiniz. Gözəlliyinizin ehtiyacı olduğu bütün lazımlı maddələrin olduğu mayanı mətbəxinizdən əskik etməyin.

Ardı →

Gözləri qorumaq üçün qidanın vitaminli olmasına fikir vermək lazımdır. Gözlər üçün ən çox A vitamini tələb olunur. Bundan başqa müəyyən edilib ki, B, C və D vitaminlərinin çatışmaması bəzi göz xəstəlikərinə səbəb olur.
Həftədə 3 dəfə az miqdarda bitki yağında bişirilmiş kök yeyin. Kökdəki A və E vitaminləri görmə qabiliyyətini yaxşılaşdırır, gözlərə parlaqlıq gətirir. Kəpək və çovdar çörəkləri içindəki selen elementinə görə gözləri mikroblardan qoruyun.

Gözaltı qaraltıları üçün
Çobanyastığı çayı ya da lavanta çayını soyudun. 2 parça pambığı çaya batırıb əlinizlə sıxın. Göz qapaqlarınıza tətbiq edin.

Ardı →

Dərinin dərin təmizlənməsi — bir neçə etaplı prosesdir. Dərin təmizlənmə müvafiq tələbat yarandıqda və dərinin tipindən asılı olaraq həyata keçirilir. Quru dəriyə nisbətən yağlı dərinin dərin təmizlənməsi daha tez-tez aparılmalıdır. Dərinin dərin təmizlənməsinə efir yağları, dəniz duzları və ya otlar ilə hazırlanan buxar vannaları ilə başlamaq olar. Quru dəri bu üsulla ayda bir dəfə olmaqla, yağlı dəri isə ayda iki dəfə olmaqla təmizlənə bilər. Dərinin buğa verilməsi dərini müxtəlif çirklənmələrdən, sızanaqlardan, ölmüş hüceyrələrdən təmizləyir.

Dərinin buğa verilməsi zamanı qan damarlarının genişlənməsi nəticəsində yerli qan dövranının yaxşılaşması, tər və piy vəzilərinin fəaliyyətinin normallaşması, dəridə mübadilə proseslərinin yaxşılaşması baş verir. Nəticədə dəri təmiz və hamar olur, sağlam şəkil alır. Yadda saxlamaq lazımdır ki, dərinin buğa verilməsi prosesini çox ehtiyatla aparmaq lazımdır!

Ardı →

Bu mövsüm dodaqlar qırmızı, gözlər qara, dəri isə ağ olacaq...

Retro stilini xatırladan New Burlesque tərzi ilə daha çəkici olmağa hazırsınızmı? Bu mayikajda rəng çalarları yoxdur. Dodaqlar klassik qırmızı, gözlər isə qara rənglərə bürünücək.

Parlaq və qüsursuz dəri 
Dəri tonu mütləq açıq tonlarda olmalı, amma qətiyyən solğun olmamalıdır. Sonra gözlərə qara qələm və tuş çəkilir. Dərini qüsursuz göstərmək üçün tonal krem çəkmək şərtdir. Yaxşı olar ki, BB kremlərindən çəkəsiniz. Peşəkar makiyaj ustaları tonal kremi daha çox fırça ilə çəkməyə üstünlük verirlər. Fırça kremin hər tərəfə bərabər yayılmasını təmin edir və qalıcılığını qoruyur.

Sonra göz qapaqlarına tonal kremdən iki ton açıq korrektor çəkin. Göz içlərini də unutmayın. Parlaq və qüsursuz dəri üçün ənlik çəkməyə gərək yoxdur. Ənlikdən vaz keçə bilmirsinizsə, yumşaq tonlarda və krem fromasında ənliklə yanaqlarınıza rəng verə bilərsiniz.

Ardı →

Dərinin qışda quruyub çatlamasına icazə verməyin! Havaların birdən-birə soyumağa başlaması ilə dəri öz təravətini itirir və solğun görünür. Mütəxəssislər qış aylarında dərinin qurumaması üçün bunları tövsiyə edir. 
 

• Dəri nəfəs almalıdır. Yayda dincələn və nəfəs alan dəri qış aylarında da gözəl olması üçün duşa saatlarını azaldın. 
• Çox isti su ilə duş qəbul etməyin. 
• Lif və kisədən çox istifadə etməyin. 
• Dərini qurutmayan sabun və təmizləyicilər işlədin. 
• Dəriniz hədsiz quru olursa, sabun yerinə hamam yağı deyilən nəmverən təmizləyicilər işlədin. 
• Nəmləndiriciləri hamamdan çıxdıqdan sonra çəkmək daha çox effekt verir. 
• Dəri tipinə uyğun nəmləndiricini soyuq havaya çıxmazdan əvvəl də çəkmək şərtdir. 
• Dərinizə uyğun nəmləndirici dermatoloqla məsləhətləşərək müəyyən edə bilərsiniz. Çünki iş şəraitiniz, dəri tipiniz, quruluğun şiddəti və dəri xəsləlikləri kimi faktorları nəzərə almaq vacibdir. 
• Dodaqlar üçün xüsusi dodaq kremləri alın və küçəyə çıxmazdan dodaqlarınızı nəmləndirin.
• Əllərə həm suyun, həm də sabunun həddindən artıq təmas etməsi soyuq havaya daha çox məruz qaldığı üçün qış aylarında quruluğa və eqzama kimi problemlər yarana bilər. əl üçün nəmlndirici xüsusiyyətlərə malik kremlər alın. 
• Dəri quruluğunu azaltmaq üçün soyuq havalarda isti geyimlər geyinin. 
• Soyuq havalarda otağı həddindən artıq istiləşdirmək düzgün deyil. Çünki otağın nəmliyi yox olur, bu isə dəriyə də təsir göstərir. Ən soyuq günlərdə belə otaöın havasını dəyişdirmək lazımdır. 

Davamı →

İndiki dövrümüzdə bütün dünyada gözəllik salonları çoxluq təşkil edir və günbəgün də artmaqdadır. Müasir dövrdə elə adam tapılmaz ki, bu salonların xidmətindən istifadə etməmiş olsun.

Çoxumuz elə bilirik ki,  bu gözəllik salonları ilk dəfə dəblər mərkəzi sayılan Avropada istifadəyə verilmişdir. Amma bu heç də belə deyil. Qeyd etmək lazımdır ki, ilk gözəllik salonu Avropada deyil, uzaq Avstraliyada- Melburnda yaradılmışdır. Bu  salon ilk fəaliyyətinə bir banka üz kremi ilə başlamışdır...

 XIX əsrin sonlarında əslən Polşanın Krakov şəhərindən olan Tibb Universitetinin tələbəsi olmuş Yelena Rubinşteyn ölkəsini tərk edərək Avstraliyaya yollanır. Yola düşməzdən əvvəl anası özünə hədiyyə edilmiş bir banka üz kremini də qızının çantasına qoyur…

Ardı →

Sızanaqlar dərinin bütün gözəlliyini pozmaqla əhvalımızı da korlayır. Bəs qış aylarında onlardan xilas olmaq üçün nə etməli?

Əgər xroniki sızanaq problemi yaşayırsınızsa, bu maskanı mütləq edin. Hər dəri tipinə uyğun olan maskanın tərkibində kimyəvi maddələr olmadığı üçün allergiya yaratmır.

Ərzaqlar və hazırlanması:
Bir ədəd portağal qabığını sürtgəcdən keçirin, sonra yaxşıca əzib krem halına gətirin. İçinə bir çay qaşığı portağal suyu əlavə edib, yenə qarışdırın. Sonra bir çay qaşığı karbonatı əlavə edib qarışdırın. Bu maskanı hər gün sızanaqların üstünə çəkin.

Davamı →

Bu metod bədii tatuirovkadan gəlmişdir və ona çox oxşayır. Bu zaman xüsusi aparatın köməyilə dəriyə rənglər yeridilir. Bu proses əsasən qaşların və dodaqların rəngini və formasını yaxşılaşdırmaq, göz qapaqlarının formasını korrektə etmək və gözlərin mənalılığını artırmaq üçün istifadə olunur.

Əgər permanent makiyaj yaxşı kosmetoloji klinikada, yaxşı mütəxəssis tərəfindən yerinə yetirilmişsə, bu halda o, təbii  görünəcək, xarici görünüşü xeyli yaxşılaşdıracaq və qüsurları gizlədəcək. Onu da bilmək lazımdır ki, tatuajda istifadə edilən boyalar allergik reaksiya verə bilərlər. Buna görə allergiyaya meylli olan xanımlar bu proseduradan çəkinməlidir.

Dodaqların permanent makiyajı necə edilir? Hər şey sizin mütəxəssislə birgə kosmetik karandaşın köməyi ilə dodaq formasını seçməyinizdən başlayır. Sonra permanent makiyajın ediləcəyi konturlar çəkilir. Dodaqlar karandaşla çəkildikdən sonra onları üzbəüz və profildən (yandan) durmaqla qiymətləndirin. Qiymətləndirmə zamanı təkcə dodaqlara deyil, yeniləşmiş üzünüzə bütünlüklə diqqət yetirin. Yalnız bu cür hər hansısa bir uyğunsuzluqları və assimmetriyanı görmək olar.

Ardı →

Dəri ləkələrini bağlamaq üçün ilk olaraq dəri tipinizi testdən keçirməlisiniz. İstifadə etdiyiniz məhsullar dərinizə nə qədər uyğun olsa, ləkələr bir o qədər görünməz olar. 
 

• Dərinizə uyğun təmizləyici vasitə ilə gündəlik qulluq edin. Daha sonra dərinizə uyğun nəmləndirici çəkin. Nəmləndirici dərinin parıldamasına və nəm balansını qorumağa yardım etdiyi üçün çox əhəmiyyətlidir. 
   
• Dəri rənginizlə eyni rəngdə korrektorla ləkələrin üzərinə tampon hərəkəti edərək süngərlə örtməyə çalşın.
   
• Korrektoru nə qədər çəkmək və qalınlığı sizə qalır. Vacib görüşə, dəvətə, toya gedirsinizsə, korrektoru çox çəkməyi tövsiyə edirik. Gündəlik üçün isə dərinizin nəsəf ala bilməsi üçün korrektoru orta qalınlıqda çəkin. Korrektordan mütəmadi olaraq istifadə etməklə dərinizin yaşlanmasını və korlanmasını sürətləndimiş olursunuz.
   
• Həm də dəri maəsamələri tıxanmış olur. 
   
• Korrektorla eyni rəngdə olan tonal kremi fırça yardım ilə üzünüzə çəkin. Ləkəli bölgələrə tonal kremi silərək deyil, tampon şəklində tətbiq edin. 
   
• Tonal kremin və korrektorun uzun müddət qalması üçün şəffaf kirşanın köməyindən yararlanın. Kirşan çəkəndə daha təbii görüntü əldə etmək üçün yuvarlaq və böyük başlı fırçalara üstünlük verin. 
   
• Makiyajın qalıcı olması üçün sprey başlıqlı fiksləyici məhsullar işlədə bilərsiniz. 
   
• Dəri ləkələrinin yaranmaması üçün hər zaman günəşdən qorucuyu nəmləndiricilər çəkin. 
   
• Dəri ləkələri genetikdirsə, yaxud da kosmetik müalicələr heç bir effekt vermirsə, kimyəvi soyma üsulu və lazerə müraciət edə bilərsiniz. 

Davamı →