Рейтинг
+22.47

Evdarlıq

23 üzv, 212 topik

Mayalı xəmir üçün sirlər

Unu mütləq ələyin. Un oksigenlə zənginləşir və xəmir daha tez qalxır və daha yaxşı çıxır.

Piroq, blini, çörək, oladi xəmirinə 1 ovuc manna yarmasını tökün. Xəmir daha yumşaq və zərif alınacaq.

Mayalı xəmir üçün olan bütün inqrediyentlər ilıq və ya otaq temperaturunda olmalıdır. Soyuq məhsullar xəmirin keyfiyyətini pisləşdirir.

Xəmiri quru əllərlə yoğurun.
Davamı →

Şirniyyatlar üçün kiçik sirlər

— Tort bişirilən formanı sobadan çıxardıb soyuq suda isladılmış əsginin üstünə qoysanız, tort formadan asan çıxar.

— Yağı tez yumşaltmaq üçün onu bir qaba xırda-xırda doğrayın və qabı isti su olan qazanın içinə qoyun.

— Evdə bişirilən peçenye yanmışsa, soyuyandan sonra narın sürtgəclə üstünü qaşıyın və şəkər kirşanı səpin.

— Bişəndən sonra tortu, keksi formada, ya da tavada saxlamaq olmaz, o saat çıxartmaq, salfetin üstünə qoyub soyutmaq lazımdır.
Davamı →

Paltar yuyan zaman yol verilən 8 səhv

Bugün demək olar ki, hər birimizin evində paltaryuyan maşın var. Lakin bu maşının varlığı o demək deyil ki, bizim əvəzimizə bütün camaşırları qüsursuz yumalıdır. Paltarlarınız daha təravətli və uzunmüddətli olsun deyə bir sıra şərtlərə əməl etmək gərəkdir.

1. Paltaryuyan maşını təmizləməyi unutmayın
Paltaryuyan maşının əsas vəzifəsi təmizlik yaratmaqdır. Lakin bu, o demək deyil ki, onun özünü təmizləməli deyilik. Öncə paltaryuyan maşının gözlərini tez-tez təmizləyin ki, yuyucu toz qalıb kirəcləşməsin. Hər dəfə paltar yuduqdan sonra maşının qapağını açıb, yaxşıca silin ki, xoşəgəlməz qoxular olmasın.

Paltaryuyan maşının alt hissəsində saplar yığılan filtr olur. O hissəni 3 aydan bir təmizləmək lazımdır. Bundan əlavə ildə bir dəfə makinanın barabanına yarım litr sirkə töküb, isti su rejimində boş halda yumaq lazımdır. Bu, paltaryuyan maşının bütün mexanizmini təmizləyir.
Davamı →

Yemək duzlu alınıbsa nə etməli?

Bir çox qadınlar bu problemlə üzləşir. Lakin duzlu yeməyi xilas etmək mümkündür. Bunun bir neçə yolu var.

1. Sup duzlu çıxıbsa, kartof əlavə edin. Kartof artıq duzu özünə çəkəcək. Həmçinin supa bir az makaron, düyü, hər ya hansı yarmanı əlavə etmək olar.

2. Göbələk duzlu çıxıbsa, xama, un, düyü əlavə etməklə yeməyin dadını yaxşılaşdıra bilərsiniz.

3. Kotlet üçün farşa çox duz vurmusunuzsa, ona bir az bişmiş düyü, kartof püresi, ətçəkən maşınından keçirilmiş kök və ya kabaçok əlavə edə bilərsiniz. Bu əlavələr kotletlərin dadını daha yaxşı edəcəklər.
Davamı →

Şorba bişirərkən nələrə diqqət etməli?

şorbaƏziz xanımlar, heç düşünmüsünüz ki, ət bişirərkən suyun üzərinə yığılan kəf nədən xəbər verir? Əslində əti suda qaynadarkən yaranan köpük kütləsi zülaldır. Su qaynayarkən ətin tərkibindəki zülal və mineral duzlar əriyib, kəfə çevrilir və suya qarışır. Əgər ət bişirərkən həlimli bulyona ehtiyacınız olmayacaqsa, əti qaynar suya qoyub bişirin. Əksinə, həlimli və dadlı bulyon istəyirsinizsə, əti soyuq suya atıb, bişirin.

Suyun üzərinə yığılan köpük kütləsini tez yığmağa tələsməyin. Çünki, bu kütlənin tərkibində, bulyonunuzu daha da faydalı edəcək, qida maddələri var. Həmçinin kəfin daşmağını istəmirsinizsə, ət qaynadarkən içinə qabığı soyulmuş bütov soğan qoyun. Sonda soğanı atın. Həmçinin nəzərinizə çatdıraq ki, çox tünd rəngli kəf ətin ifraz olmuş qanıdır. Onu tez təmizləmək vacibdir.
Davamı →

Əncir qurudarkən nələrə diqqət etməli?

quru əncirƏncir 6000 illik keçmişi olan faydalı və ləzzətli meyvədir. Bu faydalı meyvənin yeganə mənfi cəhəti tərkibindəki lifin yüksək miqdarının onun tez xarab olmasına gətirib çıxarmasıdır. 

Ənciri qurutmaqla onun ömrünü uzatmaq, uzun müddət saxlamaq və qış aylarında yemək mümkündür. Qurudulma qida maddələrini uzun müddət saxlamaq üçün ən yaxşı üsullardan biridir.

Bu zaman meyvənin tərkibindəki suyun miqdarı təxminən 3-4 dəfə azalır. Nəticədə bakteriyaların yaşaması üçün münbit sayılan su mühitinin qarşısı alınır.
Davamı →

Ət bişirməyin sirləri

Əti qızardacaqsınızsa onu yuyandan sonra qurudun, yoxsa qızardarkən kəf qoyar.

Ət soyuq su ilə yuyulmalıdır, amma suda çox saxlamaq olmaz.

Əti bişirərkən bulyonun dadlı olmasını istəyirsinizsə soyuq suya, ətin özünün dadlı olmasını istəyirsinizsə isti suya salıb bişirin.

Ət nə qədər vam xodda bişərsə, bir o qədər dadlı olar.
Davamı →

Köhnə geyimləri yeni göstərən üsullar

Hər mövsüm yeni bir geyim almağa imkanınız yoxdur? Olan paltarlarınız isə köhnə və yararsız görünür? Kənara atıb, əlavə məsrəf etməyə ehtiyac yoxdur əslində. Köhnə geyimlərinizin yeni kimi görünməsinə nail ola bilərsiniz.

 Boşalmış jaketlərinizi geyinmədən 3-4 saat əvvəl dondurucuya qoyun, donu açıldıqdan sonra özünə gəldiyini görəcəksiniz. Eyni üsulu cins şalvarlar üçün də edə bilərsiniz.

Dəri ayaqqabılarınızı parıldatmaq üçün şüşə siləndən istifadə edin. Bu, onları daha yeni göstərəcək.
Davamı →

Pəncərələrin yuyulması

Çirklənmiş şüşələr işığın düşməsini azaldır və otağı qaranlıqlaşdırır. Mənzillərdə ən çox mətbəx şüşəsi çirklənir, ona görə onu tez-tez yuyurlar. Şüşələri küləksiz və çox isti olmayan havada yumaq lazımdır. Əvvəlcə çərçivələr və pəncərə altlarını silirlər. Xüsusi şüşə təmizləyən vasitələr onlara düşməməlidir. Axırda onları yaxşı qurulamaq lazımdır.

Sadə, el üsulları: soyuq suda həll olmuş nişasta, diş tozu və ya əhəng ilə də silmək olur. 1 stəkan suda 2-3 x.q. tabaşiri həll edir, sonra bu qarışıqla çox çirklənmiş şüşələri yaxşı təmizləmək olar. Şüşə quruyan kimi onu  quru əski ilə silirlər. Əgər şüşələr çox çirklidirsə, bu məhlullardan istifadə edirlər:  
Davamı →

Yataq otağı

Yataq otağı əsasən rahat istirahət, yatmaq üçün nəzərdə tutulmuşdur, bu da mənzildə yataq otağının yerini qabaqcadan müəyyən edir. Yataq otağını iş kabineti ilə birləşdirmək məsləhət deyil, çünki sakitlik atmosferini yaradan boğuq tonlarda, seyrək işıqda işləmək çətindir. Kabinet üçün ən əlverişlisi neytral rənglər, mebelin aydın konturları və yönəldilmiş işıqdır.

Yataq otağının əsas təyinatı – istirahət və yatmaq yeridir, ona görə də onun əsas atributu çarpayıdır. Çarpayı mütləq rahat olmalıdır. Döşəyin codluğunu onun üstündə yatan adamın istək və fiziki xüsusiyyətlərinə uyğun tənzimləmək lazımdır. Məsələn: uşağa və yaşlı adama kifayət qədər möhkəm döşək lazımdır.
Davamı →