Çox sevdim, inandım məhəbbətinə,
Mən çox dözdüm əzablara, çətinə,
Bilmədim sevmirsən. Allah xətrinə,
Bilməzdim ayazdı səndə məhəbbət,
Çox xəsissən, azdır səndə məhəbbət,
Deyirdim mən səndən küsə bilmərəm,
Sənlə əlaqəmi kəsə bilmərəm.
Gözlərim qan-yaşı töksə, bilmərəm,
Arzumu sən, vuran daşlardan daşa,
Yalanlar içində sən rahat yaşa,
İstəsəm səninlə mən olum qöşa,
Sənsizlikdən həsrət məni boğsa da,
Sənsizlikdən Günəş gecə doğsa da,
Sənsizlikdən qara saçım ağsa da,
Səni sevdiyimə bu gündən tövbə.

Sözlüyəm, son sözü yazıram sənə.
Bundan sonra inanmaram eşqinə,
Saralsam da yarpaq tək gündən-günə,