Kayzen

Demək olar bütün əczaçı və kosmetika mağazalarında rast gələ biləcəyiniz vazelin çox ucuzdur. Amma o qədər faydalıdır ki, saymaqla bitmir. Bu sıyahıda vazelinin nələrə “qadir” olduğunu biləcəksiniz. 

Uzun müddətli ətir qoxusu
Ətir vuracağınız nahiyəyə bir qədər vazelin çəkin və üzərindən ətir vurun. İnanın ki, gün boyunca ətir qoxusu itməyəcəkdir. 

Qaşlarınız
Əgər qaşlarınızı tez-tez düzəltmək məcburiyyətində qalırsınızsa, vazelindən yararlanın. Beləliklə, nəticəsindən rahat olun.

Ardı →

Görünüşünüzə diqqət göstərir, hər mövsüm başında alış-verişə  çıxıb qarderobunuza yeni paltarlar əlavə edirsiniz. Yaxşı, stilinizi yeniləyəcək praktik addımları izləyərək  daha tez nəticəyə necə çata biləcəyinizi söyləsək? Hər qadının sahib olması lazım olan, heç köhnəlməyən məsləhətlər...

1. Hündürdaban ayaqqabılar
Ayaqlarınızı uzun göstərən yüksək dikdaban ayaqqabılar möcüzə aksesuarlardır. Siz özünüzü bir anda kraliça kimi kiss edəcəksiniz.

2. Rahatlaşdırıcı duş yağı
Stress dərinizə ziyan vurur. Özünüzü daha gümrah və rahat hiss edə bilmək üçün möhtəşəm qoxulu bir duşdan daha yaxşısını düşünmürük.

3. Yaxşı saç stilisti
İstədiyiniz qədər hamar bir dəriyə sahib olun, pis bir saç kəsimi bütün yaxşı xüsusiyyətlərinizi silib atmağa kifayətdir. Gözəl bir seqment isə tam fərqli bir insan olmanızı təmin edər. Müvəffəqiyyətli bir saç stilisti tapmısınızsa, çox şanslısınız.

4. Dırnaq boyası
Bəzən manikürə gedəcək zamanınız olmaya bilər. Ancaq yenə də baxımlı görünmək istəyirsiniz. Rahatlandırıcı duşdan sonra tək qat dırnaq boyası çəkərək hər cür mühitə hazır ola bilərsiniz.

5. Corablar
Solğun rəngli ayaqlarınızı gizlədə bilmək üçün möcüzə bir üsuldur. Geyindiklərinizə görə yüngül parlaq və ya tam tünd olanları seçim edə bilərsiniz.

6. Çanta
Belə bir aksessuar getdiyiniz bütün dəvətlərdə maraq çəkəcək. Tüklü, daşlı və fərqli parçalardan olan çantalar daha gözəl görsənir.

Ardı →

Bəzən dilin üzərində sarı, ağ, hətta yaşıl, qəhvəyi, qara rəngdə ərp əmələ gəlir. Bunun səbəbi burada bakteriyaların toplanmasıdır.

Nazik, ağ, iysiz, az miqdarda olan ərpin olması norma sayılır. Lakin ərp qalındırsa (dil görünmür), ağızdan iy gəlirsə, ərpin rəngi ağ yox, sarı, yaşıl, qəhvəyidirsə, bu patoloji hal sayılır və hər hansı xəstəliyin əlaməti ola bilər.

Nəzərinizə çatdıraq ki, dilin vəziyyətini səhər saatlarında ac qarına qiymətləndirmək lazımdır. Tünd çay və qəhvə qəbulundan, qida qəbulundan sonra dilin rəngində və vəziyyətində dəyişikliklər əmələ gələ bilər.

Dilin üzərində patoloji ərpin əmələ gəlmə səbəbləri müxtəlifdir — alkoqol, siqaretlərin çəkilməsi, düzgün olmayan qidalanma, infeksiyalar, xroniki xəstəliklər və s.

Qalın ağ ərp xroniki qəbizliklərin əlaməti ola bilər. Əgər dilin üzərində olan qalın ağ ərp hərarət və intoksikasiya ilə (baş ağrısı, əzələ ağrıları və s.) müşayiət olunursa, bu infeksion xəstəliyin əlamətidir.

Dilin üzərində olan qalın ağ ərp kandidozun (göbələk xəstəliyi) əlaməti ola bilər. Kandidozun səbəbi bəzi dərman preparatların qəbulu, immunodefisitlər ola bilər.

Ardı →

Bildiyimiz kimi qadın çantasında heç də az əşya olmur. Hər gün bu əşyalarla kontaktda olan qadınların çoxu, təəssüf ki, bu əşyaların toksik olduğunu və sağılamlıq üçün təhlükə yaratdığını bilmirlər.

Telefon, dodaq üçün balzam, ətir — bunlar sağlamlıq üçün təhlükəsiszdir?

Sizə çantada olan ən toksik əşyaların siyahısını təqdim edirik:

— Telefon. Hal hazırda mobil telefonun dəqiq ziyanı haqda tam dəqiq məlumat verilməsə də, aparılan təcrübələrə əsasən məlum olub ki, telefondan olan elektromaqnit şüalanma döş xərçəngi hüceyrələrinin inkişafını 4 dəfə, spermatozoidlərin ölümünü isə 3 dəfə tezləşdirir. Mütəxəssislər zəng etmək əvəzinə sms yazmağı məsləhət görürülər. Danışıq zamanı isə telefonu başdan bir neçə sm uzaq tutmaq lazımdır.

— Əl üçün antiseptik gel. Məlumata görə, əl üçün bu gellərin tərkibində xlorid benzolkoniyası vardır. O isə sağlam adamlarda belə astma xəstəliyi yarada bilən maddələr qrupuna aid edilir. Çalışın antiseptik vasitələr aldıqda sprit əsaslı olanlarına üstünlük verin.Bu vasitələrdən istifadə edərkən allergik reaksiyalara da fikir verin.
Ardı →

Yaxşı film odur ki, tamaşaçıda müəyyən emosiya yaratsın. Tamaşaçı bəzən gülsün, bəzən bütün dünyanı dəyişmək fikrinə düşsün, bəzən isə hönkür-hönkür ağlamaq istəsin. 


Davamı →

Albert Eynşteyn elmə çoxlu yeniliklər gətirmiş ən məşhur alimlərdəndir.

O, həm də özünün yaxşı qulluq olunmuş bığları ilə də məşhur olmuşdur. Çox az adam bilir ki, o, insan huquqları müdafiəçisi olub. Maraqlı olanı da budur ki, məşhur dahi heç vaxt corab geyməmişdir.

Məşhur alimin niyə corab geyməməsi, yəqin ki, hər kəsi maraqlandırır. Məlum olanı budur ki, alim ikinci arvadı Elzanın vəfatından sonra öz geyiminə, ümumiyyətlə fikir verməmişdir. Halbuki, alim gənc yaşlarında öz xarici görünüşünə çox diqqətli və səliqəli idi. Deyilənlərə görə, onun öz xarici görkəminə bu cür diqqət yetirməsinə əsas səbəb, istəklisi Elza imiş.

İkinci arvadı Elzanın vəfatından sonra alimə Prinston Universitetinin fəxri professoru adı verilir və o, təqaüdçü müəllim kimi çalışmağa başlayır. Boş vaxtlarında daim universitetin həyətində özü üçün gəzişərmiş. Bu zaman o, səliqəli və yaraşıqlı olmayan, özü üçün rahat olan nimdaş paltarlar geyərmiş.

Enli, düyməsiz, həddən artıq uzun köynəkdə, ayağı corabsız və çox köhnə sandallar geymiş alimi univetsitetin həyətində boş-boş veyillənən görən müəllim və tələbələr mat-məhəttəl qalırdılar. Çünki, dünya şöhrətli dahinin bu görkəmdə universitetin həyətində gəzməsinə təəccüb edirdilər. Dahi alim isə, tələbələrin və müəllimlərin təəccüblənməsinə əhəmiyyət verməzmiş.
Ardı →

Tuluzada yaşayan dizayner Pyer Betelin 10 illik foto təcrübəsi var. Pyer öz üzərində maraqlı təcrübələr aparmağı, güldürməyi və düşündürməyi sevir.

Buna görə də işlərdən və layihələrdən boş vaxt tapan kimi Betel, fotoşopun köməkliyi ilə biri-birindən fərqli və qeyri-adi avtoportretlər yaradır.

Betelin son işi – dünyaca məşhur kitablarla çəkdiyi portretlərdə dizayner kitab səhifələrini reallığa çevirə bilib. Mimikalar, jestlər, geyimlər – hər şey layihəni daha da qeyri-adi etmək üçün hesablanıb.


Ardı →

Taleyin qisməti rast saldı bizi.
Yolumuz hardasa qırılacaqsa,
İtirəcəyiksə, bir-birimizi,
Xatirəm yadında qalmayacaqsa,
Bu əllər mənimki olmayacaqsa,
Bu tellər mənimki olmayacaqsa,
Gəl məni, özünə öyrətmə məni,
Hicran qorxusuyla göynətmə məni.

Əlimi saçıma öyrətmə belə,
Gözümü gözünə öyrətmə belə,
Üzümü üzünə öyrətmə belə,

Mən bir az baharlı budaq kimiyəm,
Bir az da sadəlövh uşaq kimiyəm.
Bala atasına qovuşan kimi,
Leylək yuvasına yovuşan kimi,
Arı gül-çiçəyə uyuşan kimi,
Eh, mən də adama tez yovuşanam,
Sevgi atəşində tez alışanam.
Amma ki, sönməyim çox çətin olur,
Sevgidən dönməyim çox çətin olur,
Öyrətmə özünə, öyrətmə məni.

Bəlkə gözləmirdik bu xoş görüşü,
Yaman qəribədir dünyanın işi;
Heç vaxt yollarında dayanmadığın,
Heç həndəvərində dolanmadığın
Gəlib birdən sənə nə şirin olur!
Ömrünün içində ömür doğulur.
Ardı →

Bu nə hökmdü yazılıb,
Bu nə möhürdü basılıb,
Bu nə sevdadı belə,
Bu nə iddiadı belə —
Bu sevda bitməz,
Heç sonu yetməz.

Yəni ki, dəryada batsa,
Çıxar üzə zambaq şəklində,
Torpağa gömülsə,
Bitər lalə-lalə
Dodaq şəkilində…
Gül-çiçəklə açılar
Məzarı qucaq şəkilində…
Yanqılana sinədaşı
Yanar ocaq şəkilində…
Bu sevda bitməz,
Heç sonu yetməz.
Ardı →

Sızanaqlar yalnız yeniyetmələrin problemi deyil. Müxtəlif yaşda olan insanlar bu problemlə üzləşir. 
Bir çox hallarda qidalanmaya müəyyən dəyişikliklər etdikdə sızanaqlardan daha asan və tez qurtulmaq mümkün olur.

Mütəxəssislər artıq çoxdan təsdiq ediblər ki, qəbul etdiyimiz qida dərinin vəziyyətinə böyük təsir edir. Bu səbəbdən insan düzgün qidalanmadıqda, hətta ən bahalı sızanqlar əleyhinə olan krem və losyonlar lazım olan effekt vermir.

Beləliklə, sızanaqlardan qurtulmağın əsas şərtlərindən biri düzgün və sağlam qidalanma, dərinin vəziyyətnə mənfi təsir edən qidaların qidalanmadan çıxarılmasından ibarətdir. Bunu dedikdə kosmetoloqlar nəyi nəzərdə tutur?

— İlk növbədə şəkər və müxtəlif şirniyyatlardan (müxtəlif konfetlər, şokolad və s.) imtina etmək lazımdır. Onların əvəzinə bal, quru meyvələr və s. kimi təbii şirniyyatları yemək olar. Təbii ki, belə şirniyyatların qəbulunu da müəyyən dərəcədə məhdudlaşdırmaq lazımdır.

— Alqollu içkilərin qəbulu da sızanaqların əmələ gəlməsinə səbəb ola bilər. Məsələ burasındadır ki, alkoqol qara ciyərin fəaliyyətinə çox mənfi təsir edir. Nəticədə qara ciyər orqanizmdə olan ziyanlı birləşmələri tam şəkildə zərərləşdirə bilmir və bu birləşmələr qanda yığılaraq dərinin vəziyyətinə çox mənfi təsir edir.
Ardı →