Mövsüm dəyişikliyi dərinin nəmliyini itirir, bəzən qızartı, qaşınma əmələ gətirir. Bu zaman ən çox problemlər həssas dəriyə malik insanlarda olur.  Dərinizin təravətli, nəm qalması üçün təbii yollardan istifadə edin.

Məsələn, baldan təmizləyici vasitə kimi yararlana  bilərsiniz.

Bir fincan yulaf ununu qaynar suda həll etdikdən sonra soyudun və dərinizə çəkib 15 dəqiqə saxlayın. Yulaf unu dərinizi yumşaldacaq, qızartıları götürəcək.
Bir az cəfərini qabda əzib qızartı olan və qaşınan nahiyələrə çəkin. Bu maska da dəriyə müsbət təsir göstərir.

Davamı →

Dərimizin sağlam və gözəl olması bizim gözəlliyimizin ilkin şərtlərindəndir. Dərinin quru olması dərinin vaxtından tez qocalmasına səbəb olur. Bunun üçün sabundan uzaq durmaq lazımdı.
Sabun dərinin qurumasına səbəb olur və bununla da dəri vaxtından tez qocalır və qırışır. Ona görə vacib olmadığı zaman sabundan uzaq durmaq lazımdı.
Gecələr yatmamışdan ən azı 1 saat əvvəl üzünüzdən makiyajı tam olaraq təmizləyib, üzünüzü iliq su ilə yumanız məsləhət görülür. Sonra isə üzünüzə nəmləndirici gecə kremi çəkmək lazımdı. Yatmamışdan əvvək kremi üzünüzdən salfetka ilə silməlisiniz.

Makiyaji dərinizdən silmədən yatmayın. Çünki üzümüzdə qan dövranı gecə vaxtı daha çox olur. Bu vaxtı dərimiz hər şeyi daha çox canına çəkir, yəni dəri üzərində olan makiyaj, gün ərzində dəri üzərinə yığılmış toz, təmizlənmədikdə gecə vaxtı dəriyə hopur. Bu isə dəridəki məsamələrin çirk və tozla dolmasına səbəb olur. Beləliklə, dəridə sızanaqlar və civzələr yaranır. Dəri nəfəs ala bilməyəndə, yəni dəri ona lazım olan oksigeni ala bilməyəndə tez qocalır, yəni elastikliyini itirir və qırışır.

Həmçinin bax: Üz dərisinə gündəlik qulluq 

 

Davamı →

Hər mövsüm dizaynerlər parıltılı geyimlər hazırlayırlar. Bu cür geyimlərin artıq trendə uyğun olmadığına baxmayaraq, bəzi mərasimlər üçün məhz bu cür geyimlər lazım olur. Qadınlar bu cür parıltılı geyimləri sevirlər, amma çox zaman bilmirlər ki, geyimləri vulqar görünüş almasın. Əgər siz də, parıltılı geyim seçərkən çətinliklə üzləşirsinizsə, o zaman məsləhətlərimizə baxın, bəlkə o zaman seçim etmək sizə daha rahat olar. 

Parıltılı geyimlərin üstünlüyü
Parıltılı geyim və aksessuarlar daim diqqət cəlb edir. Fərqi yoxdur bu kiçik bir yaxa sancağıdır və ya parıltılı bir köynəkdir – insanlar hər şeydən öncə sizdə bu detala diqqət yetirəcəklər. Diqqətləri parıltılı geyim və aksessuarlara konsantre etməklə siz bədəninizdəki müəyyən qüsurları da «gizlətmiş» olursunuz. Məsələn, əgər sizin nazik beliniz varsa və siz onu daha da vurğulamaq istəyirsinizsə, parıltılı bir kəmər taxın. Əgər sizin qıçlarınızdan xoşunuz gəlirsə və ətrafdakıların da onların gözəlliyini hiss etmələrini istəyirsinizsə, parıltılı bir şalvar geyinməklə bütün diqqətləri qıçlarınıza yönəldə bilərsiniz. Yaxud da əgər sizin bud hissəniz kökdürsə və siz bunun diqqət çəkməməsini istəyirsinizsə, parıltılı bir köynək bütün diqqətləri sizin beldən yuxarı hissənizə yönəldəcək. Bu məqsədlə adi parıltılı şarf da köməyinizə gələ bilər. 

Həddi aşmayın
Parıltılı geyimləri seçərkən çox ehtiyatlı olmaq lazımdır ki, bu, ətrafdakılarda barənizdə zövqsüzlük təəssüratı yaratmasın. Qayda çox sadədir: geyindiyiniz parça nə qədər çox parıltılıdırsa, siz onu bir o qədər az vurğulamalısınız. Siz parıltılı geyimi gündəlik də geyinə bilərsiniz, amma bir şərtlə ki, bu, insanların çox gözünə girməməli və sizə baxan gözləri yormamalıdır.

Əgər köksünüzsə, HEÇ VAXT parıltılı geyinməyin
Parıltılı geyim qadını olduğundan kök göstərir. Ona görə də, arıq qızlara daha gözəl yaraşır. Əgər sizin çəkiniz ideal deyilsə, amma parıltılı geyimlər sizin zəif nöqtənizdirsə, o zaman yalnız areal parıltılı geyimlər geyinin. Yəni, məsələn, əgər parıltılı köynək geyinmək istəyirsinizsə, bütöv parıltılı köynək deyil, müəyyən zolaqlar şəklində parıltılı olan köynəklər seçin.

Ardı →

Kosmetik vasitələrlə üzün bəzi qüsurlarını gizltmək mümkündür. Lakin ondan lazımi qaydada istifadə edilməlidir. Bəzi qadınlar dekorativ kosmetikanın incəliklərini bilmədikləri üçün ondan heç istifadə etmir, bəziləri də dəblə ayaqlaşmağa tələsərək sifətlərinə həddən artıq rəng çəkirlər.

Azərbaycanda, bəlkə də bütün Şərq ölkələrində qızlar toy gününə kimi kosmetikadan istifadə etməzdilər. Axı qızlar onsuz da gəncliyin onlara bəxş etdiyi sevincdən gözəl və təravətli görünürlər. Qadınlar isə əksinə, hər səhər heç olmasa yarım saat özləri ilə məşğul olmalıdırlar.

Hər bir qadın öz sifətinin təbii rəngini bilməli və ondan kənara çıxmamalıdır. Məsələn, qarabuğdayı qadınlar üzlərini kremlə ağardırlarsa da, boyun-boğazın, qolların dərisi qarbuğdayı qaldığı üçün daha pis görünürlər.

Sifətə kosmetika çəkməyə əslində qrim deyilir. Qrim 2 cür olur: gecə və gündüz qrimi. Gündüz qrimi bir qədər açıq, nəzəri cəlb etməyən, gecə qrimi isə bir qədər tünd olur və tez nəzərə çarpır (toya, nişana, ictimai yerlərə gedərkən çəkilən qrim).

Ardı →

Müasir dövrdə xanımlarımız daha gözəl, cəlbedici və zərif görünmək üçün geyim seçərkən müxtəlif bicliklərə əl atırlar.
Tekstil dünyasının yaratdığı imkanlar doğru geyinə bilmə bacarığı ilə birləşdiyi zaman ortaya moda jurnallarının üz qabığını bəzəyən qadınlar çıxır.  

Həqiqətən də, şüurlu şəkildə geyinə bilsəniz qüsurlarınızın 70%-ini gizlədə bilərsiniz.  Daha dəqiq desək aşağıdakı məsləhətlərə diqqət etsəniz hər şey daha yaxşı olar:

Sinə və ayaqlar üçün:
— Əgər süd vəziləriniz balacadırsa, silikonlu büzqalterdən istifadə edin. Əgər süd vəziləriniz böyükdürsə çalışın fincanları böyük, toplayıcı və içində süngəri demək olar ki, olmayan büzqalter geyinin.

— Əgət qıçınız kökdürsə, dar, toplayıcı, artıq ətləri yığan coraplar geyinin.

— Əgər paltarınızın dekolte hissəsi tamamən açıqdırsa ipsiz büzqalterdən istifadə edin.

Bunlara diqqət!
— Kök insanlar çalışıb tünd pastel rəngli geyimlər geyinməlidir.

— Əgər sinəniz böyükdürsə, bu bölgədə çalışın çox parıltı, daş-qaş, əl işləməsi olmasın, yoxsa bu həmin hissəyə daha çox diqqət cəlb edəcək.

— Artıq kilolardan əziyyət çəkirsinizsə, çalışın zolaqlı paltar geyinməyəsiniz, geyinsəniz belə eninə zolaqlı paltarları heç vaxt geyinməyin, sadəcə uzununa zolaqlı paltarlar geyinin, bu sizi daha arıq göstərər. Əgər boyunuz qısadırsa, həmçinin çalışın uzununa zolaqlı paltarlar geyinin.

— Boğazınız qısadırsa, boynu bağlı paltarlardan uzaq durun, çünki bu boynu daha da qısa göstərir.

— Əgər ayaq pəncəniz böyükdürsə, önü açıq ayaqqabılar geyinməyin, bu ayağınızı daha da kobud göstərəcək.

Davamı →

Gözlər nə rəngdə olursa olsun onlar duyğuları açığa çıxaran pəncərələrdir. Kədəri, sevinci də biruzə verən gözlərdir. Sediyimiz insanların duyğulu anlarını hər zaman onların gözündə görürük. Bir çox gizli saxlanılan nələrisə də həmişə gözlər açıqlayır, gözlərdə görmək olur. Cigi filmlərindən və köhnə bəddi filmlərdən də görmək olur ki, qızlar uzun qara kiprikləri ilə oğlanlara necə göz süzdürüb onları cəlb edirdilər. Gözlərdən bu qədər danışdıqdan sonra indi isə gözləri necə makiyaj etmək barəsində danışaq.
Qüsursuz bir göz makiyaji üçün ilk əvvəl üzün bu makiyaja hazır olunması lazımdır. Bunun üçün ilk əvvəl üzü təmizləmək lazımdır. Yaxşı olardı ki, gözü, ümumiyyətlə üzü makiyaj etməzdən əvvəl üzünüz üçün uyğun olan bir maska edin ki, makiyaj edərkən də üzünüz daha təravətli görünsün.

Cəlbedici göz makiyajı üçün aşağıdakılar lazımdır:
-Qara göz karandaşı, karandaşın ucunun yonulmuş olmasl lazımdır.
-Göz makiyaji üçün fırça. İncə fırça daha yaxşı olar.
-Qaşların altına vurmaq üçün parladıcı, çox parladıcılardan istifadə etmək məsləhət deyil.
-Qaşlarınız üçün qayçı, qaşlarınız üçün qarandaş.
-Kirpiklər üçün qara tuş.
-Gözləriniz üçün lazımı rəngdə olan göz kölgələri.

Gözləri makiyaj edərkən gözlər üçün seçilmiş kosmetikaların istifadəsi və seçimi haqqında bir çox şeyə fikir verək:
Ardı →

Bütün qadınların sevimli aksessuarı olan-qadınlarımızı qışın soyuğundan qoruyan, müxtəlif formalı, görünüşlü şərflər bu günümüzə XIX əsrdən gəlmişdir.
İlk olaraq artistlər və rəssamlar anladılar ki, şərflər istənilən fəsildə onların istifadə edə biləcəyi ən gözəl aksessuar ola bilər. Ümumiyyətlə şərflər nəinki qadınların,eləcədə uşaqların və hətta kişilərin də istifadə etdiyi sevimli aksessuardır.
Müxtəlif üslubda olan sadə şərf və yaxud da yaylıq sizin geyindiyiniz paltara bir başqa görünüş verə bilər. Misal üçün, sizin sadə bir paltonuz var. Bu palto ilə uyğunlaşdırdığınız hər hansı şərf sizin paltonuza bir başqa görünüş verəcəkdir. Sanki paltonun modeli dəyişiləcəkdir.
Şərflər hər kəsin zövqünə uyğun olaraq müxtəlif formalarda taxılır. Kimisi şərfi başına bağlayır. Hətta bir çox xanımlarımızı sadə yaylıq formasında olan şərfləri öz çantalarının formasını dəyişmək üçün çantaya da taxırlar.
Ardı →

Qara nöqtələr yağlı dərilərin ən böyük problemidir və onlarla mübarizə aparmaq üçün bir çox maskalar var. Onlardan ən əffektivini sizlərlə paylaşıram.

Bir kasa qatıqla 1 ədəd limonun şirəsini qarışdırıb gözlərinizə dəyməyəcək şəkildə üzünüzə sürtün və 15 dəqiqəyədək gözlədikdən sonra ilıq su ilə yuyun. Limon şirəsi dərini dezinfeksiya edir, sızanaqları qurudur, qara nöqtələri azaldır, qatıq isə dərini qidalandırır, nəmləndirir, dəridə yağın miqdarını tənzimləyir. 

Yuxarıda göstərilən maskanı həftədə bir dəfə tətbiq edin. İstəsəniz, maskadan sonra üzünüzü içərisinə çobanyastığı çiçəkləri atılmış su buxarına 5 dəqiqəyədək tuta bilərsiniz. Çobanyastığı dərini canlandırır. 


Davamı →

Gözəl görünməkdə heç də az əhəmiyyət daşımayan saç xüsusi qulluq tələb edir. Lakin saçımıza düzgün qulluq edirikmi? Təəssüf ki, çox vaxt yox! Məsələn, saçları hər gün yumaq, maskalarla ifrat dərəcədə yükləmək onu canlandırmır, əksinə, məhv edir.
Bəs saça necə qulluq etmək lazımdır? Saçı darayarkən diblərindəki təbii yağlar saçın uclarına qədər yayılır və saç qidalanır. Amma saç yaş ikən sərt şəkildə daraqdıqda qırılıb tökülür və saçın köklərindəki təbii yağlar uclara çatmır. Ona görə də darağı saçınıza çox da dərindən vurmayın.

Ardı →

Üz, çənə və boyun nahiyəsinə qulluq heç vaxt gec olmasa da, bir həqiqət var ki, bu işi nə qədər tez görsəniz, bir o qədər gənc qalarsınız. Bunun üçün hər gün özünüzə bir qədər zaman, bir az da əmək sərf etməlisiniz.
Məsələn, ağ kələm A, V, S, K, R və RP vitaminləri ilə zəngin olduğundan dəri üçün ideal resept hesab oluna bilər. Çünki kələm dərini təmizləyir, nəmləndirir və qidalandırır.

Lakin təbii maskalardan istifadə etməzdən əvvəl hansı dəri tipinə malik olduğunuzu təyin etməlisiniz.

Quru dəri üçün:
1 ədəd kələmin yarpaqlarını nazikcə doğrayın, 1 çay stəkanı südlə qarışdırıb, kələmlər yumşalana qədər qaynadın. Maskanı odun üzərindən götürün, soyuduqdan sonra üz və boynunuza çəkib, 20 dəqiqə saxladıqdan sonra yuyun.

Yağlı dəri üçün:
1 ədəd kələmin yarpaqlarını nazik-nazik doğrayıb 1 ədəd yumurtanı ağı ilə qarışdırın. Bu maskanı üz və boynunuza çəkib, 20 dəqiqə gözlədikdən sonra yuyun.

P.S: Kələmlə hazırlanan dəriyə qulluq maskalarından həftədə 1 dəfə istifadə edə bilərsiniz.

Davamı →