Buruq saçlara qulluq

Bəzən buruq və dalğalı saçları düz etmək olduqca çətin ola bilər. Bunun üçün istifadə edilən kimyəvi maddələr isə çatmaq istədiyimiz nəticənin tam əksini yarada bilər. Bildiyiniz kimi təbiət saçlarınızın ən yaxın dostudur. Canlı saçlara sahib olmaq üçün bir neçə təbii qarışıq və bir az səbir kifayətdir.

Hindqozu maskası
Təzə hindqozunun südü və limon suyu saçlarınızda möcüzələr yarada bilər. Hindqozu südü ilə yarım stəkan təzə sıxılmış limon suyunu qarışdırın. Sıxlaşıb krem konsistensiyasına gələnə qədər soyuducunda soyumağa qoyun. Maskanı saçlarınıza tətbiq edin və bir saat qədər gözlədin. Həftədə 3 dəfə təkrarlayın.

Bal maskası
Beş xörək qaşığı süd tozuyla bir miqdar suyu qalın bir məcun meydana gətirmək üçün qarışdırın, Üzərinə bir çay qaşığı bal əlavə edin və yaxşıca qarışdırın. Qarışığı saçlarınıza tətbiq edin və 20 dəqiqə gözlədin. Ardından saçınızı şampunlayın. Qarışığı istədiyiniz formada tətbiq edə bilərsiniz.
Davamı →

Dodaqları boyayarkən edilən 5 səhv

1. Yetərsiz nəm
İndiki dövrdə dodaq boyalarının çoxunun tərkibində nəmləndirici var, bəziləri isə tamamilə nəmləndirməyə xidmət edən balzam rolunu oynayır. Amma bəzən bu nəm bazaları kömək etmir. Xüsusilə də, soyuq havalar və ya ofisdəki kondisioner sizin dodaqlarınızı daha da çox qurudur. Buna görə də, sizə mütəxəssisdən kiçik ipucu veririk: dodağınıza balzamı qalın qat tətbiq edib 2 dəqiqə gözləyin. Sonra salfet ilə dodağınızı yavaşca silin və boyanı çəkin.

2. Pilinqdən zədələnmə
Zədələnmiş dodaqlarda heç bir dodaq boyası dəqiqliklə qala bilməz. Xüsusilə də, mat dodaq boyaları. Buna görə də, hər axşam dodaqlarınızı yumşaq diş fırçası və xüsusi dodaq pilinqi vasitəsilə (balla şəkər də ola bilər) yavaşca, düzgün formada masaj edin. Dodaq dərisi yumşaq olduğundan asta hərəkətlər edin və sonra balzam, maska çəkin.
Davamı →

Maharacadan ibrətamiz dərs

Cay Sinqh Maharaca Alvara günlərin birində Londonda gəzərkən o zaman məşhur olan «Rolls-Royce» avtosalonunu görür və onu maraqlandıran modellərlə bağlı məsləhət almaq üçün məkana daxil olmağa qərar verir. Lakin heç kəsin gözləmədiyi bir hadisə baş verir.

Müştərinin monarx olduğunu bilməyən satıcı onun xarici görünüşünə nəzər salaraq salondan qovub. Cay Sinqh bunu heç cür bağışlaya bilməzdi. O, satıcını qeyri-adi üsulla cəzalandırmağa qərar verir.

Maharaca elə həmin avtosalondan 6 ən dəbdəbəli avtomobil alır və onların Hindistana çatdırılmasını xahiş edir. Avtomobillər şəhərdəki məişət tullantılarının daşınması üçün bələdiyyəyə verilir.

Əlbəttə ki, bu, avtosalonun reputasiyası üçün böyük zərbə idi. Yeni zibilyığan maşınlar barədə xəbər bütün dünyaya yayılır və şirkətin gəlirləri kəskin şəkildə azalır.
Davamı →

Niyə kişilər özlərindən böyük qadınları seçir?

Bir çox kişilərin özlərindən yaşca böyük qadınlara üstünlük verməsi cəmiyyətdə birmənalı qarşılanmır. Bəs kişilərin nə üçün yetkin qadınlarla birlikdə olduqlarını bilirsinizmi?

Hormonlarına nəzarət edə bilərlər
Sevgiliniz sizdən yaşca böyükdürsə, emosional partlayışlarla qarşılaşmayacağınızdan əmin ola bilərsiniz. Yetkin qadınlar özlərini daha yaxşı idarə edə bildikləri üçün kişilərin üzərində emosional təzyiq yaratmırlar.
Davamı →

Ayaq qoxusunun qarşısını alan təbii vasitə

Səndəllərin içində ayaqlarınızın yumşaq və qüsursuz görünməsini istəyirsinizsə, üzünüzə etdiyiniz kimi, pilinq vasitəsilə ayaq dərisini də ölü hüceyrələrdən təmizləyə bilərsiniz. Pilinqin tərkibindəki nanə ayaqlardan həm tər qoxusunun qarşısını alacaq, həm də rahatladacaq.

Ərzaqlar:
Yarım stəkan dəniz duzu
4 xörək qaşığı zeytun, ya da kokos yağı
Bir neçə damcı nanə esansı
1 yemək qaşığı nanə çayı ya da nanə yarpağı

Hazırlanması:
Bütün bunları bir qabın içində yaxşı qarışdırın. Daha sonra əldə edilən məhlulu ayaqlarına çəkin. İstifadə etmədiyinizi isə soyuducuda saxlaya bilərsiniz.

Dəmir suyu

Dəmir suyunu bir çox təbiblər geniş istifadə etmişlər, məsələn İbni Sinanın reseptlərində dəmir suyuna çox rast gəlmək olur. Deməli təbiətdə dəmir 2 atom formasında olur, amma qızardılmış dəmir parçasını suya salanda dəmir 3 atom formasında suya keçir və insan orqanizmi bu suyu asanlıqla mənimsəyə bilir.

Dəmir suyu dəmir çatışmazlığında, halsızlıqda tez-tez sidiyə çıxmalarda, yüksəlmiş kreatində, qanlı ishalda çox faydalıdır. Dəmir suyu cinsi istəyi çox artırır və orqanizmi həmişə qüvvətli edir.

Hazırlanması: Əl boyda passız dəmir parçası odda qızardılır və 2 litr suya salınıb söndürülür, bunu 8-10 dəfə təkrar edin, sonra suyu süzün və soyuducuda saxlayın, hər səhər tezdən ac qarına 1 stəkan için, bu proseduru ildə 1 dəfə edin. Faydasını görəcəksiniz.

Fizuli Hüseynov

Emosional yanma sindromu

Çox tez-tez belə vəziyyətlə rastlaşırıq: insan həvəslə hansısa bir işə başlayır, tam fədakarlıqla çalışır, sonra birdən-birə ruhdan düşür. Ətraf onun üçün əhəmiyyətsiz olur və passivlik, laqeydlik yaranır. İnsan daxilində bir boşluq hiss edir. Qarşısına qoyduğu məqsədlər belə maraqsız olur. Mütəxəssislər bu prosesi “emosional yanma sindromu” adlandırırlar. Yanma sindromu deyəndə insanda emosional, zehni və fiziki yorğunluqla müşahidə olunan psixi proses nəzərdə tutulur.
Davamı →

Azərbaycan filosofları

Əfəndiyev Asif Qasım oğlu (Asif Ata)
Filosof, ədəbiyyatşünas, tənqidçi olmuşdur. Asif Ata Moskvada M.Qorki adına Ədəbiyyat İnstitutunun tənqid şöbəsini bitirmişdir. O, ali məktəblərdə ( M.F.Axundov adına Rus dili və Ədəbiyyatı İnstitutunda) Qərb ədəbiyyatı, rus ədəbiyyatı, estetika, dialektik və tarixi materializm fənlərindən mühazirə oxumuşdur. Asif Ata 1976-cı ildə «Etik və estetik mənəvi tərbiyə klubu» yaratmış, üç ildən sonra qadağan olunsa, repressiyaya uğrasa da, sonra respublika «Bilik» cəmiyyətində «Ocaq» adı ilə fəaliyyət göstərmişdir.

Asif Ata 1981-ci ildən (ruhani ocaq atası) ləqəbini qəbul etmişdir. Sovet dövləti tərəfındən verilən bütün diplomlardan imtina etmişdir (1990-cı ildən). «Dairələr», "İnsan yolu", «Tarixə çatmaq» adlı fəlsəfi-bədii tənqidində insan və müasir həyat problemi qoyulmuşdur. Yetmişədək dərc edilməmiş fəlsəfi kitabın (kəlam, məqam, izhar, həqiqətlər) müəllifidir. Burada mütləqə inam, ruhaniyyat, mənalar, təzadlar və s. fəlsəfəsi şərhini tapır. “Müdriklik səlahiyyəti”, “İnam və şübhə”, “Mütləqə inam”, “Yol. Ata sözü”, “Siyasətdən üstün”, “Mütləqilik” və s. əsərlərin müəllifidir.

Davamı →

Hansı xəstəliklər zamanı nə etməli?

1. Tempratur yüksələn zaman xəstəni yatağa uzadıb, əynindəki isti paltarları çıxartmaq, alnına yaş əski qoymaq, tempratur 38 dərəcə C-dən artıq olarsa, qızdırmasalıcı dərmanlar vermək lazımdır. Qızdırmanı aşağı salmaq mümkün olmadıqda həkimə müraciət etmək lazımdır, çünki qızdırma hər hansı bir xəstəliyin əlaməti ola bilər.

2. Mədə-bağırsaq pozğunluqları zamanı qarında ağrı, qusma və ishal baş verir. Bu zaman xəstəni ailə üzvlərindən tədric eləmək və anus ətrafını yaxşı yumaq lazımdır. Bir-neçə gün pəhriz və bitki müalicələri ilə əlamətlər aradan qalxmasa, mütləq həkimə müraciət etmək lazımdır.
Davamı →

İşinizə yarayacaq məsləhətlər

Mətbəx qadınların çox vaxt keçirdiyi məkanlardan biridir. Təbii ki, bu halda qadınlar mətbəx sirlərindən daha çox xəbərdar olur. Lakin bəzən elə gözlənilməz hadisələr baş verir ki, qadınlar onların qarşısında aciz qalır. Məsələn, bəzən ət bişdikdən sonra bərk qalır, tərəvəz yeməyi çox duzlu alınır, hazırladığınız mürəbbələrin şirnisi çox olur və s. Əslində bunların hamısının sadə bir həlli var.

Bişdikdən sonra bərk qalan ətlər
Ət bişməzdən əvvəl çox ləzzətli görünür, lakin bişirdikdən sonra çeynənilməsi çətin olacaq qədər sərt qalır. Bu vəziyyəti aradan qaldırmaq üçün meyvə, kola və ya limon istifadə edə bilərsiniz.
Davamı →