Kim nə deyər bizdə olan qeyrətə?!
Qeyrətimiz bəlli bütün millətə!...

Biz qoca qafqazlı igid ərlərik,
Cümlə hünərdmərdlərik, nərlərik,
Iş görəcək yerdə, söz əzbərlərik,
Aşiqik ancaq quru, boş söhbətə,
Kim nə deyər bizdə olan qeyrətə?!
Ardı →

Elə dayanırsan, elə baxırsan,
Elə bil qarşında quru bir daşam.
İpək saçlarını bir vaxt oxşayan
Elə bil hardasa mən olmamışam.

Səni dostlarımla, tanışlarımla,
Mən tanış edərdim nə vaxtsa bir-bir .
İndi özgələri, yad ehtiramla,
Deyirlər tanış ol., Nə qəribədir ?!

Ardı →

Sən demə təzədən sevmək olarmış,
Tale də təzədən gülə bilərmiş,
Küsüb gözüyaşlı gedən məhəbbət
Peşiman-peşiman dönə bilərmiş.
Ardı →

Mehribanlıq səadətdir,
Mehribanlıq səadətdir,
Səadəti yaşadağın.
Ömrün şövqü məhəbbətdir,
Ömrün şövqü məhəbbətdir,
Məhəbbəti yaşadağın.
Ardı →

Gecə xəlvətcə bizə sevgili yar gəlmiş idi,
Üzü aydan da gözəl nazlı nigar gəlmiş idi.

Tər axıb gül yanağından, bulud örtmüşdü ayı,
Onu düşmənmi qovub, könlü qübar gəlmiş idi.

Ardı →

Heydər Baba, ildırımlar şaxanda,
Sellər, sular şaqqıldayıb axanda,
Qızlar ona səf bağlayıb baxanda,
Salam olsun şövkətizə, elizə,
Mənim də bir adım gəlsin dilizə.

Heydər Baba, kəkliklərin uçanda,
Göl dibindən dovşan qalxıb qaçanda,
Bağçaların çiçəklənib açanda,
Bizdən də bir mümkün olsa, yad elə,
Açılmayan ürəkləri şad elə.

Ardı →

• SƏHVLƏRİM, SƏHVLƏRİM!
  
  Şübhələrim, gümanlarım,
  Səhvlərim, nöqsanlarım,
  Fəryadlarım, əzablarım, amanlarım!…
  Mən qaçdıqca əlinizdən,
  Əməlimə
  Yağış kimi yağırsınız
  Neyləyim ki,
  Siz özümdən ağırsınız.
  Salıb məni əzablara
  Mənə gendən baxırsınız
  bir yad kimi.

Ardı →

— Görən yenə Şuşanın bal dadırmı havası?
— Tərtərin nəğməsinə görən kim qulaq asır?
— El gedəndən Həkəri necə boğur hirsini?
— Yazılı daşlarımız kimə verir dərsini?
— Bizləri unutdumu görən Göyçə, Zəngəzur?
— Təbriz niyə danışmır, Ərdəbil niyə susur?
— Bu ehkam dağılanda qatmazlar ki aranı?
Ardı →

Sənsiz olmur, bacarmıram,

Sıxır sənsiz yollar məni

Həsrətinlə boğuluram

Yaman sıxır kədər məni.

 

Sənsiz yatıb, oyanıram,

Yer içində qıvranıram,

Sənsiz necə yaşayıram?!

Bu günümdə axtar məni.

Ardı →

Yaman ucuzlaşıb axır zamanlar
Müəllim kəlməsi qiymətdən düşüb
“Müəllim” çağırır niyə nadanlar?!
Yoxsa ki,müəllimlər hörmətdən düşüb?

Özündən razıdır bax ədasına
Hər addım başında “buyur” deyən var
“Müəllim” adlanır pul bahasına
Saray tikdirənlər,dükan açanlar.

Polisə polis de, nazirə nazir
Belə olmalıdır düzünə qalsa
Müəllim olmayıb hazıra nazir
Öz adı bəsidir, özünə qalsa.
Ardı →