Kayzen

Ümumdünya Səhiyyə Təşkilatı (ÜST) ekspertləri tövsiyə edirlər ki, həm təbii (ana südü ilə), həm də süni qida (süni süd qarışıqları) qəbul edən uşaqların rasionuna əlavə qidaları (sıyıqlar, şirə, püre və s.) 6 aydan başlayaraq daxil etmək olar.

Çünki bu dövrədək körpə orqanizmi yeni qidanı həzm etməyə hazır olmur. 5-6 ayına qədər əlavə qidaları qəbul etməyə başlayan uşaqlarda allergiyalara və mədə-bağırsaq pozulmalarına daha tez-tez hallarda təsadüf edilir.

Əlavə qidaya tədriclə, kiçik dozalarla başlayın. Əsas qidalanmadan sonra yeni qidanı körpənin ağzına damızdırmaq və ya çay qaşığının ucunda vərmək lazımdır. Günbəgün əlavə qidanın miqdarını artırın.

Yeni qidanın ilk dozası nə qədər az olarsa və gec artırılarsa, atopik dermatitlərin (diatez) baş vermə ehtimalı bir o qədər azalar.
Ardı →

Boyun və sinə nahiyəsinin dərisini mümkün qədər daha uzun müddət ərzində yaxşı vəziyyətdə saxlamaq üçün oxucularımıza hər gün məhz bu sahəyə aid olan sadə fiziki və özünü masaj hərəkətləri etmələrini tövsiyə edirik.

Bu kompleks hərəkətləri yerinə yetirməmişdən qabaq, dərinizi təmizləməyi unutmayın. Dəri quru olduqda ona bitki yağı və ya krem sürtmək lazımdır. Hərəkət kompleksi başa çatdıqdan sonra, dərini bir daha təmizləyərək onun üzərinə qidalandırıcı krem və ya maska sürtmək olar.

Hər məşğələ hərəkətlərini 6-8 dəfə olmaqla aramla, sərbəst və sakit şəkildə (xüsusən də ilk məşqlərdə) yerinə yetirmək lazımdır. Boyun və sinə nahiyəsi üçün məsləhət görülən hərəkətlər aşağıdakılardır:

1. Oturaq vəziyyətdə və ya ayaq üstə olmaqla, başınızı aramla önə əyərək çənənizi maksimal şəkildə sinənizə yaxınlaşdırın. Sonra başınızı yavaş-yavaş çiyninizə qoyun. Sonra başınızı arxaya əyin, sonra o biri çiyninizə çevirin və yenə də boynunuzu önə əyin. Bu hərəkətləri eyni qaydada olmaqla əks tərəfə də təkrar edin.
Ardı →

“Forbes” jurnalı hər  il dünyanın ən güclü qadınlarının siyahısını təqdim edir. Bu dəfəki siyahıyda da 100 ən güclü iş qadının adı yer alıb.  Siyahıda olan ilk beşliyi sizə də  tanıyın .

Mary Barra Amerikan avtomobil istehsalçısı General  Motorsun (GM) direktoru olan bu xanım siyahıdakı ilk yerə sahiblik edir. 52  yaşlı Mary Barra bu şirkətdə adi elektrik mühəndisi kimi fəaliyyətə başlamasına  baxmayaraq, direktor vəzifəsinə qədər yüksəlməyi bacarıb. İndi bir çox kişinin  həsrətində olduğu güc sahibidir.

Ardı →

Qapını açmaq üçün azacıq da olsa cəsarət lazımdır. Ən doğma, hər gün açdığın qapıya çatdıqda da bir qədər ayrı atmosferdəsən, bir addımla çox fərqli -ya rahat, ya da məcburi gəlməli olduğun məkana daxil olacaqsan. Üstündə “Satılır” yazılan qapılar isə yiyəsinin ayrılıq nisgili, alıcının yenini sevmə məcburiyyətidir. Qapı- ədəbiyyatımızın, folklorumuzun simvollarından, tez-tez adı çəkilən elementlərindəndir. Nağıllarda padşahın da, kəndlinin də oğlu 40-cı qapıda tərəddüd edir. Amma o qapı hər zaman açılır. Arxasında ölüm də olsa, “Min bir gecə” nağıllarındakı kimi yatağında qıvrılıb yatan gözəl də olsa o qapı hər zaman açılır. Bəlkə də qapını açmayanlar da olub, amma onlar haqqında nağıllar yazılmayıb. Qəhrəmanlar cəsarətlidir. Qapını açanlar cəsarətlidir. Tərəddüdsüz yaşayanlar cəsarətlidir.

40-cı qapı sirrlidir, ondan əvvəlki 39 qapı isə məhz sonuncu qapıya hazırlıqdır, getdikcə artan həyəcan isə sonluğun əslində kulminasiya olmasının xəbərçisidir… Tərəddüdlərə son qoymaq üçün 40-cı qapı vasitədir, bəhanədir, şansdır. Ona qarşı düzgün davranmasan cəzalanacaqsan, divin canı elə şüşədə qalacaq, ya da gözəl bir qız qapı arxasında səni gözləyərək qarıya çevriləcək. Kino ədəbiyyat deyil, Tarkovskinin dediyi kimi ədəbiyyatın xarabalıqları arasında ucaldılmış saraydır. Rejissor Elçin Musaoğlunun “40-cı qapı”sı elə gözəl saraylardan biridir. son illərdə Azərbaycanda ən uğurlu filmlərdəndir.

Film 2009-cu ildə “Ritm Prodakşn” tərəfindən çəkilmişdir. İndiyə qədər beynəlxalq festivallarda 10-dan çox əsas mükafat qazanmış, müxtəlif nominasiyalar üzrə qalib olmuşdur. Bunların arasında Hyustonda (ABŞ) keçirilən 42-ci Beynəlxalq Kinofestivalında “Ən yaxşı xarici film” nominasiyası üzrə qızıl mükafat, ABŞ-ın Beynəlxalq Tiburon Film festivalının əsas bölməsində müsabiqədə İtaliya kino rejissoru Federiko Fellini adına mükafat, “New York Eurasian Film Festival”da “Ən yaxşı ssenari” nominasiyasında mükafat və digər dünya miqyaslı festivalların adını çəkmək olar.
Ardı →

Məqsəd nə cür olmalıdır ki, biz ona çataq?
Menecmentliydə smart-məqsəd və yaxud ağıllı məqsəd kimi bir ifadə var.

S (specific) – Spesifik və ya konkret
M (motivation) – motivasiya edici
A (ambition) – ambisiyalı
R (realistic) – reallığa uyğun
T (timed) – müəyyən vaxt üzrə qurulumuş

Ağıllı məqsəd — əvvəlcədən planlaşdırıldığı üçün yarımçıq məqsədə nail olmaq kimi sayılır. Əslində gələcək üçün qoyduğumuz məqsədlər biznes planlaşdırılmasından heçdə fərqlənmir. Buda məqsədin düzgün qoyulması üçün məsləhətlər:

Konkretləşmiş məqsəd
Əgər sizin məqsədiniz avtomobil almaqdırsa, siz onu konkretləşdirməlisiniz. Məsələn: qara rəngdə “tayota- kamri”, içində bu funksiyaları olsun və s. Əks halda qarajınızda köhnə “ Moskviç” peyda ola bilər.
Ardı →

Əgər siz həyatınızda nəyinsə düz getmədiyini, kədərli fikirlərin daha çox olduğunu hiss edirsinizsə, çalışın bu vəziyyətdən tez çıxasınız, çünki bu getdikcə uzana bilər. Bunun öhdəsindən gəlmək üçün yollar axtarın. Bu gün mən bu yolların bir neçəsini sizə təklif edəcəyəm.

1. Həmişə əhval-ruhiyyənizin yaxşı olmasını istəyirsinizsə, özünüzü idarə etməyi öyrənin. Kiçik şeylərə görə inciməyin. Çalışın ki, sizə yaxın olan insanlarla mübahisə etməyəsiniz,  onları bağışlayın. Bağışlayaraq siz hirs və qısqanclıq hisslərindən azad olursuz,hansı ki bu ilk növbədə sizi məhv edir.

2. Dünyaya yumor hissi ilə baxmağa çalışın. Hətta əgər siz narahat olur və ya çətin bir vəziyyətə düşürsünüzsə, buna rəğmən gülümsəyin və deyin ki, “Bu da keçəcək”. İnanılmazdı, amma buna həqiqətən inansanız, onda pis şeylər doğurdan da keçəcək.

3. Bütün dünyaya küsərək evdə oturmayın! Əmin ola bilərsiniz ki, küçədə, dostların-tanışların əhatəsində əhval-ruhiyyə pis olmur! Sübut olunmuşdur.
Ardı →

Sağlamlıq
Çoxlu miqdarda su için. Müəssisələrdə hazırlanan qidalardansa təbii qidalara üstünlük verin. Daha çox oyun oynayın. Ötən il ilə müqayisədə daha çox kitab oxuyun. Hər gün ən azı 10 dəqiqə sakit mühittə vaxt keçirin. 7-8 saat yatın. Gündəlik olaraq 10-30 dəqiqə gəzintiyə ayırın. Gəzinti zamanı gülümsəyin.

Şəxsiyyət
Həyatınızı başqalarının həyatı ilə müqayisə etməyin. Başqalarının həyatının nədən ibarət olduğunu bilə bilmərsiniz. Neqativlikdən uzaq durun. Əvəzinə enerjinizi pozitiv anlara sərf edin. Üzərinizə artıq yük yükləməyin. Sərhədlərinizi aşmayın. Dəyərli enerjinizi qeybətə sərf etməyin. Xəyal gücünüzü artırın. Paxıllıq zaman itkisidir.

Ehtiyacınız olan hər şeyə artıq sahibsiniz. Keçmiş problemləri unudun. Yaxınlarınıza etdikləri səhvləri xatırlatmayın. Bu sizin hazırki xoşbəxtliyinizi məhv edə bilər. Həyat nifrət etmək üçün çox qısadır. Ətrafdakılara nifrət bəsləməyin. Hirs və qəzəbdən azad olun. Sizin özünüzdən başqa heçkim xoşbəxtliyinizə görə məsuliyyət daşımır. Həyatın bir məktəb olduğunu və sizin öyrənmək üçün burada olduğunuzu dərk edin. Daha çox gülümsəyin. Hər mübahisədə qalib gəlməyə məcbur deyilsiniz.
Ardı →

Bir saniyə. Həyatınızı yaxşılaşdırıb, xoşbəxt olmağınız üçün sizə məhz bu qədər vaxt lazımdır. İnanmırsınız? O zaman aşağıda sadalanan addımlardan heç olmasa, birini tətbiq edin, özünüz bunun şahidi olacaqsınız.

Gülümsəyin
Bu, xoşbəxt olmağın ən sadə yoludur. Bizim ölkəmizdə insanlar nədənsə bu haqda bilmirlər və ya bilmək istəmirlər. Çünki əksəriyyət qəmgin və fikirli simada gəzir. Özünüzə bu qəmgin obrazdan çıxmağa kömək edin. Bir dəfə gülmsəməklə hal-hazırda belə özünüzü yaxşı hiss edə bilərsiniz. Həm də unutmayın ki, gülümsəmək yoluxucudur.

Dərindən nəfəs alın
Dərindən nəfəs almaq stresdən azad olmağın və normal həyata qayıtmanızın ən yaxşı metodudur. Bunun üçün sizə sadəcə bir dəqiqə lazımdır. Hər gün qısa fasilə edərək çalışın diqqətinizi nəfəsinizdə cəmləşdirin. Siz hiss edəcəksiniz ki, həyatınız gərginlikdən azad olur.

Telefonu söndürün
Biz tamamilə telefondan, kompüterdən, planşetdən, televizordan və başqa texnikalardan asılı olan insanların arasındayıq. Burada iki hal ola bilər; siz texnikadan hansısa məqsəd üçün istifadə edirsiniz, ya da texnika sizin həyatınızı idarə etməyə başlayır. Bütün texnikanı söndürün və təklikdə özünüzlə qalın. Nəticə sizi təəccübləndirəcək.
Ardı →

Xoşbəxt olmaq kimlərçünsə asan, kimlər üçünsə çətindir. Bu həyata necə baxmağımızdan asılıdır. Ən cüzi görünən şeylər belə, bəzən insanı xoşbəxt etməyə kifayət edir.

Bir qadın əgər xoşbəxtdirsə, onun bu xoşbəxtliyi qorumağa çalışması mütləqdir. Bunun üçün çox şey etməyə ehtiyac yoxdur. Qeyd etdiyimiz kimi həm şey ayrı- ayrılıqda və həm də birlikdə insanın, qadının xoşbəxtliyinə gətirib çıxarır. Gəlin bir qadının xoşbəxtliyini daima saxlaması üçün qadağan edilmiş 16 -lıqla tanış olaq:
Ardı →

Bu il başlayandan bir çox intihar hadisəsi oldu. İntihar edənlər, intihara cəhd edənlər...

İntihar səbəbləri haqqında yazmadan öncə statistikaya nəzər salmanızı istəyirəm:

 Statistikaya görə hər 40 saniyədə bir intihar, hər 3 saniyədə isə bir intihar təşəbbüsü baş verir. Gün ərzində 3.000 insan intihar yolu ilə yaşamlarını sonlandırırlar. Başqa sözlə, hər 40 saniyədən bir 1 insan intihar edir. Bu gün ən çox intihara üstünlük verən insanlar Yaponlardı. Belə ki, Yaponiyada gündəlik 150-200 insan intihar edir. Bilməmiş olmazsınız, Yaponiyada “İntihar meşəsi” adlanan yer var, hər il bu meşədən 70-100 cəsəd tapılır.

Ardı →