Рейтинг
+26.86

Kulinariya

27 üzv, 769 topik

Qış salatı

Ərzaqlar:
2 ağ turp
2 kök
şüyüd, göy soğan (zğvqə görə digər göyərtiləri də əlavə edə bilərsiniz)
100 qr xama (və ya mayonez)
duz, istiot.

Hazırlanması:
Turp və kök sürtgəcdən keçirilir, göyərtilər xırda doğranılır, hamısı qarışdırılır.
Duz, istiot, xama əlavə olunur, qarışdırılır. Nuş olsun!

Krevetkalı "Sezar"

Tərkibi (2 pay):
kahı
20 ədəd kral krevetkası (dondurulmuş)
0,5 ç.q. dijon xardalı
1 yumurtanın sarısı
0,5 st. + 1 x.q. zeytun yağı
1 ç.q. soya sousu
6 iri çerri pomidoru
1/3 limonun şirəsi
parmezan
sarımsaqlı çörəklər (zövqə görə)

Sous:
Yumurtanın sarısını kasaya qoyun. Xardal əlavə edin. Eynicinsli kütlə alınanadək çalın. Nazik axınla zeytun yağını əlavə edərək çalın. Limon şirəsi, soya sousu əlavə edərək yenə çalın.
Davamı →

İdeal blinçik resepti

Ərzaqlar:
600 ml su
600 ml süd
1,5 stəkan un
1,5 stəkan kartof nişastası
4 ədəd yumurta
1 ç/q duz
3 x/q kərə yağı
3 x/q şəkər tozu
yarım ç/q vanil.

Hazırlanması:
Telçırpıcı ilə yumurtaları çalın, yavaş-yavaş üzərinə şəkər tozu, duz və vanil tozu əlavə edin. Qarışdırmağa davam edərək, südüdə tökün. Un və nişastanı da kütlənin üzərinə səpin. Yağı su hamamında əridib, xəmirə tökün. Sonda isə isti su əlavə edib, qarışdırın.
Davamı →

Qara gavalı ilə qoyun əti

Ərzaqlar:
1 kq qoyun əti
150 qr qara gavalı (çəyirdəksiz)
1 çubuq darçın (və ya 1 ç.q.)
2 baş soğan — duz, istiot, bitki yağı.

Hazırlanması:
Soğanı uzun-uzun, qara gavalını kiçik tikələrə doğrayın.

Soğanı bitki yağına bir qədər qızardın, tikələrə doğranmış ət əlavə edin, bir neçə dəqiqə qızardın, sonra qapağını örtün, vam odda 10-15 dəqiqə bişirin.

 Qara gavalı, darçın və 100 ml su (və ya bulyon) əlavə edin, vam odda 30-40 dəqiqə bişirin.
Duz, istiot əlavə edin, qarışdırın, yenə 10 dəqiqə bişirin. 5. Masaya düyü ilə verin. Nuş olsun!

Armud cemi

Ərzaqlar:
4 kq armud
2 kq şəkər tozu
1 ç.q. darçın
1 ç.q. limon turşusu.

Hazırlanması:
Meyvələri yuyuruq, təmizləyirik, xırda tikələrə doğrayırıq, üzərinə şəkər tozu tökürük, qarışdırırıq. Kütləni blenderlə əzirik. Kütləni enli ləyənə tökürük, odun üzərinə qoyuruq.

Qaynamağa başlayanda darçın və limon turşusunu əlavə edirik, qarışdırırıq. Cemi vam odda 40 dəqiqə ərzində bişiririk. Hazır cemi isti halda bankalara doldururuq, qapaqlarla bağlayırıq. Nuş olsun!

Qırmızı lobya supu

Ərzaqlar:
1, 5 l bulyon
1 stəkan qırmızı lobya
1 baş soğan
1 kök
1 x.q. tomat
2 orta ölçüdə kartof
yarım dəstə cəfəri
duz, istiot, sarıkök.

Hazırlanması:
Lobyanı axşamdan isladın, səhər suyu süzün, lobyanı yaxşı yuyun, ağzı bağlı qazanda yumşalana qədər bişirin. Yağda soğan, kök, xırda doğranmış cəfəri qızardın. Tomat əlavə edin, 1-2 dəqiqə qızardın.
Davamı →

Konservləşdirilmiş qarğıdalı

Tərkib:
1 kq qarğıdalı
6 x.q. şəkər tozu
2 x.q. duz
1,5 l su.

Hazırlanması:
İti bıçaqla qarğıdalı dənələrini kəsirik. Dənələrin üzərinə çıxana qədər soyuq su tökürük, güclü odda qaynara düşənə qədər qızdırırıq.

Sonra vam odda 1 saat ərzində bişiririk. Üzərinə çıxan köpüyü kəfgirlə yığırıq. Suyu süzürük və saxlayırıq. Dənələri steril yarım-litrlik bankalara yığırıq (yuxarıda yer saxlayırıq).
Davamı →

Əncirli piroq

Lazım olan ərzaqlar:
6-8 tam yetişmiş əncir
1 stəkan un
yarım stəkan şəkər tozu
150 qr kərə yağı
2 yumurta
yarım stəkan qoz
(fındıq, badam istifadə edə bilərsiniz)
1 ç.q. qabartma tozu
1 çimdik duz
1 paket vanilli şəkər tozu.
Davamı →

Dadlı pürenin sirləri

Püre ən tez-tez istifadə olunan qarnirdir. Püreni hamı xoşlayır — uşaq da, böyük də. Lakin dadlı püre hazırlamaq üçün bəzi vacib qaydaları bilmək lazımdır.

1. Təzə kartofdan püre bişirilmir. Püre üçün köhnə kartof götürülür.

2. Kartofu orta tikələrə doğrayın və yaxşı bişirin. Artıq suyu süzün və kartofu vam odda bir qədər saxlayın. Bu halda püre daha yumşaq və kövrək alınır.

3. Kartofu bişirdikdən dərhal sonra əzmək lazımdır. Kartof isti olmalıdır.

4. Dadlı püre hazırlamaq üçün kartofa isti süd və kərə yağı əlavə edin.
Davamı →

Qızılgül peçenyesi

Ərzaqlar:
200 qr kəsmik 
1 stəkan un 
150 qr kərə yağı
yarım stəkan şəkər tozu + yarım stəkan şəkər pudrası
2 yumurta 
1 ç.q. qabartma tozu
1 paket vanilli şəkər tozu.

Hazırlanması:
Kəsmiyə yarım stəkan şəkər tozu, 1 paket vanilli şəkər tozu və 2 yumurta sarısını əlavə edirik, çəngəllə yaxşı qarışdırırıq. 
Soyuq kərə yağını sürtgəcdən keçirdirik və ya bıçaqla xırda doğrayırıq. Unu qabartma tozu ilə birlikdə ələyirik, kərə yağına əlavə edirik, barmaqlarla ovuşdururuq ki, xırda ovuntu alınsın.
Davamı →