Finlandiya təhsil sistemi

Fin düşüncəsi: oxumağın yeri məktəbdir
Burada uşaqların məktəb həyatı dövlətin gənclik və təhsil siyasətinin uğurudur. Fin təhsil sistemində təbiət elmləri, riyaziyyat, humanitar elmlər, incəsənət, idman və praktika da çox vacibdir. Fin uşaqları bağça və ibtidai siniflərdə oyunlar oynayır və zövq alaraq öyrənirlər. Müəllimlər də, valideynlər də riyaziyyat və ya dəqiq elmlərdə mücərrəd anlayışları öyrətməyin ən səmərəli yolunun musiqi, dram, ya da idman olduğunu düşünürlər. Elmi və elmi olmayan öyrənmə üsulları arasında qurulan bu tarazlıq uşaqların məktəbdə xoşbəxt olmasının sehrli formuludur. Tələbə Dəyərləndirməsi üzrə Beynəlxalq Proqram (PISA – Programme for International Student Assessment) testləri məktəb həyatının çox əhəmiyyətli olan bəzi meyarlarını qiymətləndirmir. Aşağı məsrəflər, bolluca boş zaman, qısa məktəb saatları ilə yüksək akademik müvəffəqiyyət, müstəqilliyə əhəmiyyət verən, şagirdlərə öz təhsil proqramını özlərinin tərtib etmə məsuliyyətini həvalə edən, əylənərək öyrənməyi sintezləşdirən fin təhsil sistemi hələ də təhsilin röya ölkəsi olaraq qalır.
Davamı →

Mərkəzi Avropa Universitetinin professoru həmin universitetə tələbə qəbulu barədə müsahibə vermişdir

 
 Julia xanım, zəhmət olmasa oxuculara özünüzü təqdim edərdiniz.
Mən Mərkəzi Avropa Universitetində yerləşən İctimai Siyasət Məktəbinin müqayisəli siyasət üzrəprofessoru və dekan müaviniyəm. İxtisaslaşdığım coğrafi zona Latın Amerikasıdır. Mən təhlükəsizlik, narkotik maddələr, şiddət və gender əsaslı şiddət, inkişaf və ictimai səhiyyə demokratikləşmə və konfliktsonrası yenidənqurma kimi sahələri özündə birləşdirən akademik və siyasi təcrübəni əhatə edən sahələrdə işləmişəm.
Davamı →

Finlandiya təhsil sistemi

Şagirdlərə nə qiymət, nə də ev tapşırığı verilir
200 ildir dəyişməyən Finlandiya təhsil sistemi nailiyyətləri ilə dünyanı heyran qoyur. Fin təhsil sistemində təbiət elmləri, riyaziyyat, humanitar elmlər, incəsənət, idman və praktika da çox vacibdir. Fin uşaqları bağça və ibtidai siniflərdə oyunlar oynayır və zövq alaraq öyrənirlər. Müəllimlər də, valideynlər də riyaziyyat və ya dəqiq elmlərdə mücərrəd anlayışları öyrətməyin ən səmərəli yolunun musiqi, dram, ya da idman olduğunu düşünürlər.

Tələbə Dəyərləndirməsi üzrə Beynəlxalq Proqram (PISA – Programme for International Student Assessment) testləri məktəb həyatının çox əhəmiyyətli olan bəzi meyarlarını qiymətləndirmir. Finlandiyada məcburi məktəbə başlama yaşı 7-dir. Bu, ilk təhsilin ailədən gəldiyi düşüncəsinə əsaslanır. Uşaqlar məktəbə özləri piyada, ya da velosipedlə gedirlər.
Davamı →

Budapeştin kompaktlığı, gözəlliyi, hər fəsildə iqlimin mülayim olması və hər yerdə insanların istiqanlılığı bu ölkəni və şəhəri mənə sevdirən ən əsas səbəblərdir


Növbəti müsahibimiz Macarıstanın paytaxtı Budapeştdə yerləşən Mərkəzi Avropa Universitetinin İctimai Siyasət ixtisası üzrə magistrantı Toğrul Səfərzadədir. 


— Necə oldu ki, məhz Macarıstanda təhsil almağa qərar verdiniz? Bu ölkəyə sizi nə cəlb etdi?
Hələ 2014-cü ildə İsveç Krallığında Erasmus dəyişim programı ilə təhsil aldığım zaman gələcəkdə Avropa universitetlərinin birində magistr təhsilimi davam etdirmək qərarını almışdım. Uzun araşdırmalardan sonra, Macarıstanda yerləşən Mərkəzi Avropa Universitetinin (Central European University) post-Sovet ölkələrindən gələn tələbələrə geniş miqyasda təqaüd imkanları verdiyini öyrəndim. Beləliklə, seçimlərim arasında Macarıstan birinci yeri aldı.
-İlk dəfə olaraq Macarıstana gələndə bu ölkə sizdə hansı təəssüratları oyatmışdı?
Tarixən fərqli-fərqli imperiyaların bu torpaqlarda hökm sürdüyünü nəzərə alaraq, Şərq və Qərb arxitekturalarını əks etdirən çoxlu sayda binalar məni valeh edən amillərdən biri olmuşdu. Tabii ki, bununla yanaşı, insalarının çox istiqanlı və cana yaxın olduqlarını qeyd etmək istərdim.
  — İxtisasınız haqqında qısa məlumat verə bilərsiniz? Magistr təhsili üçün bu universiteti seçməyinizin əsas səbəbləri nə idi?
Hal-hazırda Mərkəzi Avropa Universitetinin nəzdində olan İctimai Siyasət Məktəbində (School of Public Policy) İctimai Siyasət üzrə magistr təhsilimi davam etdirirəm. İxtisasım fərqli dövlət strukturlarını öyrətməklə yanaşı, bu dövlətlərin iqtisadi, sosial və siyasi baxımdan qarşılaşa biləcəkləri problemlər təqdirində necə hərəkət etməyi və ya dövlət orqanlarına ən uyğun hesab etdiyimiz siyasəti dəstəkləyən məqalələr yazmağın yollarını göstərir. Yüksək təhsil keyfiyyəti, çoxmədəniyyətli mühit və Açıq Cəmiyyət Fondunun mənə vermiş olduğu təqaüd imkanı bu universiteti seçməyimin əsas səbəbləri sırasındadır.
— Macarıstan təhsil sistemi ilə Azərbaycan təhsil sistemi arasında əsasən hansı fərqlər və üstünlüklər var?
Təəssüflər olsun ki, yaxın tarixin təhsil sistemimizdə buraxdığı mənfi izlərdən dolayı, Avropadaki isti tələbə-müəllim münasibətlərini Azərbaycanda görmək bir az çətindir. Amma yaxın gələcəkdə mənim kimi xaricdə təhsil alan gənclərimizin vətənə geri dönüb həm bu yöndə, həm də təhsil keyfiyyətəni artırmaq yönündə ciddi addımlar atacaqlarına inanıram.
  — Zəhmət olmasa təhsil aldığınız təqaüd proqramı haqqında məlumat verərdiz. Bu təqaüd proqramını qazanmaq çətin olmadı ki?
Təhsilim Corc Sorosun (Mərkəzi Avropa Universitetinin qurucusu) 1993-cü ildə qurmuş olduğu Açıq Cəmiyyət Fondu (Open Society Foundations) tərəfindən maliyyələşir. Təbii ki, bu təqaüd proqramına minlərlə tələbələrin müraciətlərini nəzərə alsaq qəbul heç də asan olmadı, amma, istək, zəhmət və əzm olduqdan sonra heçnəyin mümkünsüz olmadığını anladım. Buna görə də bütün tələbə olmağa hazırlaşan gənclərimizə bu zamanda səbrli və əzmli olmalarını tövsiyyə edirəm.
  — Budapeştdəki tələbəlik illərinizdə asudə vaxtı məşğuliyyətiniz nədən ibarətdir? O cümlədən Budapeştə gələn digər əcnəbi tələbələr öz asudə (boş) vaxtlarını necə keçirirlər?
Budapeştin Avropanin tam mərkəzində yerləşməsi həm yerli sakinlər üçün, həm də xaricdən gələn iş adamları və tələbələr üçün asudə vaxtlarını səmərəli şəkildə keçirmələrinə çox boyük imkanlar yaradır. Belə bir imkanlardan biri də paytaxtın bir neçə ölkələrə yaxın olmasıdır. Mənim kimi bir illik və çox intensiv programda oxuyan, bunun üçün boş vaxtı az olan və eyni zamanda səyahət etməyi sevən tələbələr üçün belə bir coğrafi yerləşim çox boyük bir üstünlükdür. Bununla yanaşı, çoxlu sayda festivalların keçirildiyi və saysız hesabsız muzeylərin, operaların və teatrların yerləşdiyi bu şəhər başqa ölkələrdən gələn əcnəbi tələbələrə darıxmağa şərait yaratmır.
  — Xaricdə təhsil alan tələbələr universitet və ölkə seçərkən hansı xüsusiyyətlərə fikir verməlidirlər? Xaricdə təhsil almağa hazırlaşan gənclərimizə nə məsləhət görə bilərsiniz?
İlk öncə onu qeyd etmək istərdim ki, belə bir qərar almaq artıq özü çox böyük bir məsuliyyətdir, çünki indi atacağınız addım gələcək iş həyatınızda çox boyük rol oynayacaq. Onun üçün belə bir zamanda seçmək istədiyiniz təhsil müəssisəsinin reytinqini qeydə almağı və ən əsası da özünüzün həvəsli olduğu sahəni seçməyi tövsiyyə edirəm.
— Macarıstanı, Budapeşti və universitetinizi hansı səbəblərə görə xoşlayırsınız?
Şəhərin kompaktlığı, gözəlliyi, hər fəsildə iqlimin mülayim olması və hər yerdə insanların istiqanlılığı bu ölkəni və şəhəri mənə sevdirən ən əsas səbəblərdir.
— Maraqlı müsahibəyə görə təşəkkür edirik.
Belə bir gözəl imkan yaratdıgınız üçün mən də öz növbəmdə Sizə təşəkkür edirəm.

 







Start-up Sahibkarlığı ixtisası üzrə distant magistr dərəcəsi

 

Şotlandiyanın ən yenilikçi, müasir universitetlərindən biri olan Qərbi Şotlandiya Universiteti Macarıstanın İnternational Business School universiteti ilə birlikdə iki illik distant master proqramları təklif edir. İnteraktiv dərs materialı əsasında qurulan distant təhsil proqramları sizə öz cədvəlinizə uyğun təhsil almaq şəraiti yaradır. Biz tələbələrimizi hər semestrin əvvəlində, dərslərdən əlavə olaraq sənaye ekspertləri tərəfindən keçirilən seminar və təcrübə proqramlarında iştirak etmək üçün Macarıstana (Budapeşt şəhərinə) dəvət edirik. Tələbələr həmçinin Avropanın və bir çox aparıcı beynəlxalq şirkətlərin ofislərini ziyarət etmək fürsətini qazanırlar.

 

MAGİSTR  PROQRAMLARI  HAQQINDA  QISA MƏLUMAT

Proqramın müddəti: 4 semestr

Son qeydiyyat tarixi: 31 May, 31 Oktyabr

Başlama tarixi: Sentyabr, Fevral

Semestr ödənişi: 1900 AVRO

Avropa İttifaqından olmayan tələbələr üçün qeydiyyat haqqı: 900 AVRO

Qərbi Şotlandiya Universiteti tərəfindən verilən magistr dərəcəsi

Proqram online və ingilis dilində keçirilir.

Qəbul şərtləri üçün: www.study-hungary.com[email protected] study-hungary.com

 

 

 Tələb olunan əsas sənədlər:

  — IELTS mimimum  bal 6.5

— TOEFL  IBT 90 bal

—  Bakalavr pilləsini bitirmək haqqında sənəd (hansı ixtisas olmasının fərqi yoxdur)

 

Təhsil almaq üçün karyeranıza fasilə verməyinizə ehtiyac yoxdur. Bizdə bütün ehtiyaclarınızı qarşılayacaq yeni online təhsil sistemi var. Start-up Sahibkarlığı üzrə magistproqramı yeni yaranan və o cümlədən ilkin inkişaf mərhələsində olan biznesin idarə olunması üçün lazımi bilikləri verir. Bu proqram müəssisələrin idarə edilməsi, məhsulun inkişafı, marketinq və maliyyə problemlərinin həlli istiqamətində bilik və praktiki bacarıqlar verərək tələbələri gələcəyə hazırlayır. Bu unikal proqram bir məqsəd üçün nəzərdə tutulmuşdur: yenilikçi start-up-lar dünyasında sahibkar olaraq uğur qazanmaq üçün əsas bacarıqları inkişaf etdirmək. Siz yeni biznesin yaradılması və sahibkarlıq haqqında geniş bilik və təcrübə əldə edəcəksiniz.

 

Modullar:

Yenilikçi  fikirlər və yaradıcı konsept

İstehlakçı davranış və müştərinin qiymətləndirilməsi

Biznesin başlaması və miqyası üçün layihənin idarə edilməsi

Online marketinq strategiyası

İlkin (venture) sərmayesi və maliyyənin artırılması

Biznes  modelin  dizayn  edilməsi

Axtarış  metodları

Menecement

Sahibkarlıq və texnologiya

İnnovasiya və dəyişim  menecmenti

Əqli  mülkiyyətin  qorunması

İstedadların cəlb edilməsi və komandada qorunub saxlanması

Dissertasiya  işi

 

 

Sent İştvan Universiteti bir neçə əsrlik tarixə malik olmaqla yanaşı müxtəlif ixtisaslar üzrə, özəlliklə də aqrar sahədə dünyada tanınmış ən nüfuzlu universitetlərdən biridir

2

Növbəti müsahibimiz hazırda Macarıstan dövlətinin təqaüd proqramı əsasında Sent İştvan Universitetində Menecment və Biznes İdarəetməsi üzrə doktoranturada təhsil alan Nicat Hüseynovdur. Gənc tədqiqatçımızla səmimi müsahibəmizi Sizə təqdim edirik.

 – Necə oldu ki, məhz Macarıstanda təhsil almağa qərar verdiniz? Bu ölkəyə sizi nə cəlb etdi?

İlk növbədə, mənim təcrübəmi gənclərlə bölüşdüyünüzə görə dərin minnətdarlığımı bildirirəm. İstər bakalavr, istərsə də magistr təhsili alarkən bir sıra ölkələrin təshil sistemləri ilə maraqlanmışdım. Macarıstan ən çox diqqətimi cəlb edən ölkələrdən biri idi. Avropada yerləşməsinə baxmayaraq, bizim bir sıra oxşar cəhətlərimiz mövcuddur. Dünyada baş verən iqtisadi və sosial proseslər zəminində Macarıstanın qazandığı təcrübəni olduqca maraqlı hesab edirəm. Bu təcrübəni daha dərindən öyrənmək üçün ən münasib yol təhsildir.

 -İlk dəfə olaraq Macarıstana gələndə bu ölkə sizdə hansı təəssüratları oyatmışdı?

Heç kəsə sirr deyildir ki, uzaq bir diyara gedərkən, tələbələr müəyyən məsələrlə bağlı tərəddüdlər yaşayır. Səfərin gedişatı, yerləşmə kimi digər texniki məqamlar insanı düşündürür. Ölkəni tərk etmədən öncə məndə məlumat var idi ki, təyin olunmuş vaxtda məni, hava limanında universitetin əməkdaşı qarşılayacaq. Sadəcə olaraq elə alındı ki, mənim uçuşum texniki səbəblərdən dolayı gecikməli oldu. Lakin, səhər radələrinə və uçuşun ləngiməyinə baxmayaraq həmin şəxsin hələ də gözləməsi məni çox sevindirdi. Yataqxanaya çatmaq və yerləşmək düşündüyümdən də asan və rahat oldu.

 – İxtisasınız haqqında qısa məlumat verə bilərsiniz? Doktorantura təhsili üçün Sent İştvan Universitetini seçməyinizin əsas səbəbləri nə idi?

Bakalavr və magistr təhsilini bitirdikdən sonra, elmi fəaliyyətimi davam etdirmək məqsədi ilə doktorantura pilləsi ilə maraqlanmağa başladım. Digər təhsil pillələri ilə müqayisədə dokotoranturaya qəbul almaq olduqca fərqli bir təcrübədir. Seçdiyiniz istiqamət üzrə elmi rəhbərin tapılması ən mühüm məqamlardan biridir. Mənim ixtisasım maliyyə olmasına baxmayaraq, makroiqtisadi miqyasda araşdırma aparmaq əsas məqsədlərimdən biri idi. Məhz bu minvalla, uzun sürən araşdırmalardan sonra mənim gələcək elmi fəaliyyətimlə birbaşa əlaqəli olan elmi rəhbəri tapa bildim. Onun 40 ildən çox təcrübəsi məni olduqca heyrətləndirdi. Məhz ona görə Sent İştvan Universitetini seçdim.

 – Macarıstan təhsil sistemi ilə Azərbaycan təhsil sistemi arasında əsasən hansı fərqlər və üstünlüklər var?

Azərbaycan və Macarıstanın malik olduğu təhsil sisteminin özünə məxsus oxşar və fərqli cəhətləri mövcuddur. Doktorantura pilləsi üzrə təshil daha çox fərdi münasibətlər üzərində qurulduğu üçün tələbə ilə elmi rəhbər arasındakı əməkdaşlıq ən önəmli məqamlardandır. Elmi rəhbərim daha öncə internet vasitəsi ilə müzakirələr aparmışdım. Lakin əyani olaraq onu gördükdən sonra, bir daha seçimimdə yanılmadığımın şahidi oldum.

 – Siz Macarıstan dövlətinin büdcəsindən maliyyələşən təqaüd proqramı ilə təhsil alırsınız? Bu təqaüd proqramını qazanmaq çətin olmadı ki?

Bəli. Bu təqüdə layiq görülən ilk azərbacanlı tələbləri sırasında mənim də olmağım, olduqca qürurvericidr. İstər Azərbaycan Respublikasının Təhsil Nazirliynin səmimi kollektivinin,  istərsə də xaricdə təhsillə bağlı gəncləri məlumatlandıran insanların səmərəli fəaliyyəti nəticəsində, bütün seçim mərhələlərini dəqiq izləyərək uğur əldə edə bildim.

 – Gödöllö şəhərində asudə vaxtı məşğuliyyətiniz nədən ibarətdir? O cümlədən Gödöllöyə gələn digər əcnəbi tələbələr öz asudə (boş) vaxtlarını necə keçirirlər?

Məlumat üçün bildirmək istərdim ki, Gödöllö şəhəri Budapeştin də daxil olduğu Peşt ərazi vahidinə daxildir. Bu o deməkdir ki, nəqliyyat vasitəsindən asılı olaraq 25-40 dəqiqə sərf etməklə Budapeşt şəhərinin mərkəzinə rahatlıqla çatmaq mümkündür. Gödöllö şəhəri təbiətin öz əsrarəngizliyi və sakitliyi ilə cəlb edir. Asudə vaxtın təşkili istiqamətində bir sıra idman qurğuları, əyləncə və ticarət mərkəzləri, mədəni-tarixi abidələrin rolu böyükdür. Yerləşdiyimiz yataqxanada əcnəbi tələbələrin bir yerdə cəmləşməsi, mədəniyyətlərarası əlaqələrin daha da dərinləşməsinə xidmət edir. Bu istiqamətdə həftə sonları mütamadi olaraq dəyirmi çay masası ətrafında səmimi müzakirələri xüsusilə qeyd etmək yerinə düşərdi.

 – Macarıstanı, Gödöllö şəhərini və universitetinizi hansı səbəblərə görə xoşlayırsınız?

Macarıstanın keçmiş olduğu tarixi və iqtisadi təcrübə məni ən çox cəlb edən cəhətlərdən biridir. Gödöllö şəhəri məni paytaxt Budapeştə yaxınlığı, sakit təbiəti və qonaqpərvər yerli insanları ilə cəlb edir. Sent İştvan Universiteti bir neçə əsrlik tarixə malik olmaqla yanaşı müxtəlif ixtisaslar üzrə, özəlliklə də aqrar sahədə dünyada tanınmış ən nüfuzlu universitetlərdən biridir.

 – Xaricdə təhsil alan tələbələr universitet və ölkə seçərkən hansı xüsusiyyətlərə fikir verməlidirlər? Xaricdə təhsil almağa hazırlaşan gənclərimizə nə məsləhət görə bilərsiniz?

Təbii ki, seçim etmək olduqca çətin və eyni zamanda məsuliyyətli bir addımdır. Bu qərar təhsil istiqamətindən, pilləsindən və tələbənin istəyindən birbaşa asılır. Müəyyən sahələr üzrə bir sıra ölkələr ixrtisaslaşmışdır. Həmçinin Macarıstanda çoxşaxəli ixtisas seçimi ən cəlbedici cəhətlərdən biridir. Doktorantura pilləsi üzrə təhsil alan tələbə kimi, bu pillədə təhsilini davam etdirmək niyyətində olan gənclərə tövsiyə etmək istərdim ki, universitetin nüfuzu və ixtisaslaşma ilə yanaşı əməkdaşlıq edəcəyi ən münasib elmi rəhbərin tapılmasına daha çox üstünlük versinlər. Çünki yalnız bununla daha uğurlu nəticələr əldə etmək olar. 

 – Maraqlı müsahibəyə görə təşəkkür edirik.

Bir daha diqqətinizə, dəyərli vaxtınıza görə təşəkkür edir və bütün gənclərin tezliklə məqsədlərinə nail olmalarını arzu edirəm.

463 1

 

Mənbə: telebe.az

Korvinus Universitetinin rəsmisi Doris Kestheyi: Azərbaycandan olan tələbələrimiz əsasən çox çalışqandırlar

1. Hörmətli Doris xanım, özünüzü oxuculara təqdim edin, zəhmət olmasa.

Mənim adım Doris Kestheyidir. Mən, Budapeştin Korvinus Universitetinin Biznes Administrasiyası fakültəsinin Beynəlxalq Təhsi Proqramları Ofisinin sədriyəm. Mən, ingilis dilində tədris olunan proqramları idarə edən ofisin gündəlik işinə cavabdeh olan şəxsəm.

2.Budapeştin Korvinus Universitetini 3-4 cümlə ilə necə təsvir edə bilərsiniz?

Budapeştin Korvinus Universiteti biznes administrasiyası, iqtisadiyyat, sosial elmlər və kənd təsərrüfatı elmləri sahəsində Macarıstanın ən qabaqcıl universitetlərindəndir. Altı fakültəsində 16000-dən çox təhsil alan tələbəsi və 500-dən çox tam ştatlı və 200-dən çox yarım ştatlı müəllimləri olan universitetimiz Mərkəzi və Şərqi Avropanın ən tanınmış ali təhsil müəssisələrindən biridir. Universitetin 2 kampusu var: Peşt (Közgaz) kampusunda Biznes administrasiyası, İqtisadiyyat, Sosial elmlər fakültələri, Buda Kampusunda isə Qida elmləri, Bağçılıq elmləri və Landşaft memarlığı fakültələri yerləşir. Universitetdə görülən işlərə həmçinin akademik və beynəlxalq tədqiqat layihələri də daxildir. Altı fakültəsi olan universitetimiz əcnəbilərə iqtisadiyyat, biznes, bağçılıq elmləri, landşaft memarlığı, qida elmləri və sosial elmlər üzrə bakalavr, magistratura və doktorantura təhsil proqramlarını təklif edir. Bütün tələbələrinin təxminən 12%-i əcnəbilər olan Korvinus Universiteti müxtəlif mədəniyyətlərdən gələnlər üçün ideal görüş nöqtəsidir. Beynəlxalq səviyyədə qəbul edilən  ali məktəbimiz bir çox beynəlxalq akkreditasiyalara sahibdir, ona görə də həm təhsil, həm də tədqiqat sahələrində yüksək qiymətləndirilir. Bununla yanaşı, Korvinus Universiteti çox sayda Macarıstan və digər ölkələrin biznes və siyası liderlərini yetişdirən ali məktəblərdən hesab olunur.

3.Digər Macarıstan və Avropa universitetləri ilə müqayisədə sizin universitetin üstün cəhətləri hansılardır?

• 90-cı illərin əvvələrindən ingilis dilli proqramların əsası qoyulub, elə o vaxtdan da Korvinusun diplomu bütün dünyadakı əmək bazarında qəbul edilir və qiymətləndirilir. Buna görə də Korvinus təkcə Macarıstanda deyil, Mərkəzi və Şərqi Avropada qabaqcıl biznes və iqtisadiyyat universitetidir;

• Məzunlarımız dünyada 85-dən çox fərqli ölkədə yaşayır və işləyirlər;

• Korvinusda təhsil alan tələbələr həqiqi beynəlxalq mühitdə təhsil alırlar, daimi tələbələrimizlə yanaşı hər il 50-yə yaxın fərqli ölkədən gələn 1000-ə yaxın əcnəbi tələbə Korvinusda bir semester ərzində ingilisdilli proqramlardakı digər tələbələrlə eyni dərslərdə iştirak edirlər;

• Təhsil proqramlarının müəllimləri öz sahələrində ölkə daxilində və beynəlxalq biznes dünyasında böyük təcrübəyə malik yüksək dərəcəli, tanınmış mütəxəssislərdir;

• Bir çox fərqli ölkələrədən olan müəllimlərlə beynəlxalq fokusa malik olmağımız;

• Müasir resurs və imkanlarımız;

• 40-dan çox fərqli ölkədə 300-dən çox ali təhsil müəssisələrində ölkədən kənar bir və ya iki semestrlik təhsil imkanları (mübadilə proqramları);

• Təhsil aldıqları zamanı yarana biləcək hər hansı problemləri həll etmək üçün tələbələrə yardım edən professional idarəçilik komandamız;

• Məzunlar təhsillərini davam etdirmək üçün magistratura və ya doktorantura dərəcəsini seçə və ya qiymətli işçilər kimi əmək bazarına girə bilərlər.

4. Sizin universitet əcnəbi tələbələrə hansı proqramları təklif edir və tədris dili hansıdır?

Korvinus Universiteti macar dilində bir sıra bakalavr, magistratura və doktorantura pillələrində proqramlar təklif edir. Bundan başqa Korvinusda təhsil almaq istəyən əcnəbi tələbələr üçün bir çox sayda ingilis dilli proqramlar da təklif olunur və bütün dərslərdə işçi dilimiz ingilis dilidir.

Bakalavr pilləsində təklif olununan ingilis dili proqramlar aşağıdakılardır:

Biznes Administrasiyası Fakültəsi:

Biznes və İdarəçilik (EPAS/EFMD tərəfindən beynəlxalq akkreditasiya alınıb)

Beynəlxalq Biznes

İqdisadiyyat Fakültəsi:

Tədbiqi İqtisadiyyat

Sosial Elmlər Fakültəsi:

Kommunikasiya və Media Elmləri

Beynəlxalq əlaqələr

Sosiologiya

Çoxsaylı magistratura və doktorantura pillələri üçün təklif edilən İngilis dilli proqramlarla maraqlananlar bu saytdan baxa bilərlər: az.study-hungary.com/universitetler/corvinus-university

5. Yuxarıda qeyd etdiyiniz proqramlara müraciət etmək istəyən tələbələr üçün Hazırlıq Proqramları varmı?

Bəli, iki hazırlıq proqramımız var. Bir proqram Biznes Administrasiyası və İqtisadiyyat fakültələri üçün tələbələrin hazırlığında ixtisaslaşıb, digəri isə Sosial Elmlər fakültəsinin ingilis dilli bakalavr proqramı üçün müraciət edənləri hazırlayır. Hər ikisində ingilis dili və riyaziyyat tədris olunur, bununla belə bu proqramların fokusları fərqlidir və ərizəçinin hansı proqrama müraciət etmək istəyindən asılıdır.

6. Bizə Universitetin kampusu haqqında məlumat verə bilərsinizmi?

Korvinusun iki kampusu var. Biri, şəhərin Buda hissəsindədir (keçmiş Bağçılıq Universitetinin fakültələridir), digəri isə Peşt hissəsində (şəhərin mərkəzindən cəmi bir neçə dəqiqəlik məsafədə) yerləşir (Biznes Administrasiyası, İqtisadiyyat  və Sosial Elmlər Fakültələri buradadır). Peşt Kampusunun bir-birinə yaxın 3 binası var və orada Universitetin bütün obyektləri yerləşir (mühazirə zalları, seminar otaqları, IT mərkəz, kompüter otaqları, kitabxana və s.).

7. Tələbələrinizin təhsil haqqları, yataqxana qiyməti və digər yaşayış xərcləri necədir?

Dərəcə proqramlarının qiymətləri tədris edilən təhsil proqramından asılı olaraq hər semestri 2000 avrodan 3000 avroyadəkdir (bakalavrda proqramlar 6 və ya 7 semestri davam edir). Yerləşmə (qalmaq) xərcləri yerindən və şəraitindən asılı olaraq bir nəfər üçün hər ay 300 avrodan 450 avroyadəkdir. Kifayət qədər aşağı qiymətə yataqxana otaqları əcnəbi tələbələr üçün təşkil edilsə də, onların sayı məhduddur və tələbələr çox vaxt öz yoldaşları ilə universitetin yaxınlığında mənzillər kirayə götürürlər. Yaşayış xərcləri insanın ehtiyacları və tələblərinə əsasən təxminən hər ay 300 avro təşkil edir.

8. Potensial tələbələr üçün hər hansı təqaüd və ya endirimləriniz varmı?

Bəzi ölkələrdən olan tələbələr Korvinusdakı təhsil illəri zamanı “Stipendium Hungaricum” Təqaüdünə müraciət edə bilərlər. Əlavə olaraq, illik təhsil haqlarının ödənilməsində Korvinus Universiteti “Korvinus Kompensasiya Proqramını” təklif edir. Bu proqram çərçivəsində müəyyən akademik dərəcə ortalamasına nail olan tələbələrin ödəniş haqlarının bir hissəsinə endirim edilir. Edilən endirim nail olunan akademik ortalamadan asılıdır.

9. Yeni tələbələri cəlb etmək üçün Korvinus Universitetinin və onun hazırlıq məktəbinin hal-hazırki və yeni məqsəd qoyduğu ölkələr hansılardır?

Hal-hazırda əsasən tələbələrimiz Mərkəzi və Şərqi Avropa, Şərqi və Orta Asiya regionlarındandır, bununla belə Avropa İttifaqından, həmçinin, Amerika qitəsi ölkələrindən də proqramlarımızda təhsil alan kifayət qədər saytda əcnəbi tələbələr də var. İngilisdilli proqramlarımızın məqsədi tələbə heyətimizi bacardıqca daha beynəlxalq və çoxsəpkili etməkdir.

10. Sizin Azərbaycandan da tələbələriniz var. Bizim gənclik haqqında təəsüratınız necədir?

Digər ölkələrdən gəlmiş tələbələrimiz kimi Azərbaycandan olan tələbələr də əsasən çox çalışqandırlar. Onlar təhsillərinə ciddi yanaşsalar, uğurlu beynəlxalq karyeraya sahib ola bilərlər.

11. Azərbaycanda nümayəndəliyiniz və ya qəbul vasitəçiniz varmı?

Bəli, Azərbaycandakı bizim tərəfdaşımız “Study in Hungary” xidmətidir (www.study-hungary.com).

Mənbə: dailynewshungary.com/doris-keszthelyi-english-programs-of-corvinus-university-of-budapest-aim-to-make-their-student-body-as-international-as-possible/

 

 

Macarıstan hökuməti Azərbaycan vətəndaşlarına təhsil təqaüdləri ayırır

celal-bayar-telebe1-840x420  Macarıstan hökuməti bu ildən etibarən Azərbaycandan olan 200 tələbənin Macarıstanın dövlət universitetlərində təhsili üçün təqaüd ayırıb.
Təqaüdlər aşağıdakı xərcləri qarşılayacaq:
– təhsil haqqı;
– əsas kitablar və tədris materialları;
– yataqxanada qalmaq haqqı və ya 30 000 macar forinti (təxminən 115 AZN) kirayə haqqının qarşılanması üçün yardım;
– tibbi sığorta xərcləri;
– aylıq təqaüd: bakalavr və magistratura tələbələri üçün 40 460 macar forinti (təxminən 155 AZN), doktorantura tələbələri üçün 100 000 macar forinti (təxminən 385 AZN).
Təqaüdlər aşağıdakı dərəcə proqramlarını əhatə edir: — bakalavr (adətən 3 il): kənd təsərrüfatı və su menecmenti, təbiət elmləri və davamlı inkişaf, səhiyyə elmləri, turizm, mühəndislik, informasiya texnologiyaları, iqtisadiyyat, biznes və menecment. — magistratura (adətən 2 il): kənd təsərrüfatı və su menecmenti, təbiət elmləri və davamlı inkişaf, səhiyyə elmləri, turizm, mühəndislik, informasiya texnologiyaları, iqtisadiyyat, biznes və menecment. — doktorantura (adətən 3 il): müxtəlif.
Bu proqrama müraciət edərkən ali məktəb və ixtisas seçimində, sənədlərin standartlara uyğun hazırlanmasında konsultasiyaya ehtiyacınız varsa, [email protected] ünvanına yazmaqdan çəkinməyin. Unutmayın ki, bizim Macarıstan ali məktəblərinə tələbə qəbulunda 3 ildən çox təcrübəmiz var.Təqaüdə müraciət etmək sənədləri 28 aprel tarixinə kimi Azərbaycan Respublikasının Təhsil Nazirliyinə təqdim etmək lazımdır. Bu barədə artıq Təhsil Nazirliyinin saytındakı yerləşdirilmiş elanı bu keçiddən oxuya bilərsiniz. Sənəd qəbulu proseduru ilə maraqlananlarbu faylda şərtlərlə tanış ola bilərlər. Təhsil Nazirliyi həmçinin tez-tez verilən suallara cavabları da burada yerləşdirib.     Istinad: telebe.az

Macarıstanda Təhsil Almağın Üstünlükləri

Teens at library

Macarıstan haqqında…

2004-cü ildə Avropa Birliyinə tam üzv olan Macarıstan, orta Avropada olan bir ölkədir. Əhalisi təxminən 10 milyon olan Macarıstan, Avstriya, Slovakiya, Ukrayna, Rumıniya, Serbiya, Xorvatiya və Sloveniya ilə qonşudur. Macarıstanın paytaxtı Budapeşt, Avropanın ən populyar turistik şəhərlərindən biridir. Təhsil keyfiyyəti çox yüksək olan Macarıstan, bütün Avropadan tələbələr seçdiyi ölkələrdən biridir. Macarıstan günümüzə qədər 13 elm adamı, ədəbiyyatçı və sənətçisi Nobel mükafatı qazanmışdır. Tələbələr üçün ən populyar şəhərlər olan Budapeşt və Debrecen, həm nəqliyyat asanlığı həm də, həyat keyfiyyəti və mədəni imkanlar baxımından bir çox üstünlüklərə malikdir. Macarıstanda universitet təhsili almaq olduqca asandır. Universitet imtahanına gərək qalmadan, Macaristanın ən prestijli universitetlərində Tibb, Əczaçılıq, Müdəndislik, Müəssisə və daha bir çox sahədə lisenziya və magistr təhsili almaq mümkündür. Üstəlik təhsil dili İngilis dilidir.

Macarıstanda təhsil almağın üstünlüyü

Macarıstan ən çox ideallarına sahib çıxmaq və bir neçə saatlıq ÖSS imtahanının nəticəsinə görə deyil, öz potensial və hədəflərinə görə bir təhsil və karyera yaradan mükəmməl bir həlldir. Tibb oxumaq istəyən bir namizəd, kafi bal ala bilmədiyi üçün istəməyərək biologiya müəllimliyi oxumaq, mühəndis olmaq istəyən bir namizəd müəssisə oxumaq məcburiyyətində qalmamalıdır.

Təhsil dili İngilis dilidir

Macarıstanda İngilis dilində təhsil ala bilərsiniz. Bu sayədə həm etibarlı bir diploma həm də anadili səviyyəsində İngiliscəyə sahib olarsınız. Macarıstan, Avropanın bir çox ölkəsindən şagirdlərə təhsil imkanı ilə təmin edir. Çox millətli bir mühitdə yaşayacaq, davamlı İngilis dilində danışacaqsınız.

Şengen vizaları ilə Bütün Avropada sərbəst dövran

Sahib olduğunuz Şengen vizası sayəsində, təhsilinin boyunca bütün Avropa ölkələrinə rahatlıqla səyahət edə biləcək, Avropa vətəndaşı kimi yaşayacaqsınız.

İqtisadi Təhsil və Yaşayış Xərcləri

Macarıstanda təhsil almanın xərci, ölkəmizdən aşağıdır. Yuxarıda bəhs edilən üstünlüklər də nəzərə alsaq, əlbəttə ki, çox daha məntiqli və üstünlüklü bir variantdır.

Təhsil Sistemi və Qəbul şərtləri

Xarici tələbələr standart olaraq ilk mərhələdə Universitet Hazırlıq Proqramına (International Foundation Year) qəbul edilərlər. Tibb və digər elmlər  olmaq üzrə 2 fərqli universitet hazırlıq proqramı həyata keçirilir. Universitet hazırlıq proqramında şagirdlərə İngilis dərslərinin yanında, girəcək olduqları hissədə ehtiyacları olacaq yazılı və şifahi dərslər də verilir. Hazırlıq proqramını müvəffəqiyyətlə tamamlayan şagird, təhsil almaq istədiyi hissəyə qəbul edilir.

Macarıstan təhsil sistemində, hazırlıq sinifindəki tələbələr ən başdan qəti qərar verib bir bölüm seçmələrinə ehtiyac yoxdur. Hazırlıq proqramları müəyyən elm budaqlarına ayrılmışdır. (Pre-medicine, Pre-Engineering, Pre-Business və s.) Sözgəlişi, ictimai elmlər, mühəndislik elmlər ya da Tibb kimi. Mühəndislik elmləri üzərinə hazırlıq ilini tamamlayan bir şagird, bu mərhələdən sonra istəsə kompüter mühəndisliyi, kimya mühəndisliyi, elektrik mühəndisliyi kimi ixtisasları seçə bilərlər. Oxşar seçki ictimai və tibb hazırlıq hissələri üçün də etibarlıdır.

Tibb hissəsi üçün edilən müsahibədə tələbələr İngilis səviyyələrinin yanında, biologiya, fizika və kimya dərslərindəki məlumatı nəzarət edilir. Foundation proqramlarına qəbuledilmək üçün İngilis dili məlumatının ən az orta səviyyədə (Intermediate) səviyyədə olması lazımdır. İmtahanda müvəffəqiyyətli olan tələbələr, hazırlıq sinifinə qəbul edilir. Həm İngiliscəsi həm də elm dərsləri çox yaxşı dərəcədə olan tələbələr, istəsələr sentyabr ayında universitetdə təşkil edilən azad imtahanda iştirak edə bilərlər. Azad imtahanından keçə bilən şagirdlər, hazırlıq ili oxumağa ehtiyac qalmadan başlaya bilərlər.

İngiliscəsi Foundation proqramına qatılacaq qədər yaxşı olmayan tələbələrə, sıxlaşdırılmış İngilis proqramına qatılaraq, Foundation təhsili əvvəlində İngilis dili öyrənirlər. Sıx İngilis təhsili ehtiva edən bu proqram sonunda tələbələr, Foundation təhsili ala bilmək üçün ehtiyacları olan İngilicə səviyyəsinə çatırlar və əlaqədar sahədə universitet hazırlıq (foundation) təhsilinə alınırlar və bu təhsil sonunda hissələrinə başlaya bilirlər.
Macarıstanda bakalavr təhsili 3 il (bəzi mühəndislik hissələrində 3.5 il), Master təhsili isə 2 il davam edər. Tibb təhsili 6 il, Diş Həkimliyi və Əczaçılıq isə 5 ildir.

Macarıstanda Həyat və Sosial xərclər

Macarıstan Avropada Universitet təhsili almaq üçün ən iqtisadi ölkələrdən biridir. Tələbə qalmaq üçün müxtəlif variantları vardır. İstəyən tələbələrə yurdlardan ya da kirayəlik evlərdə yaşaya bilərlər. Ümumiyyətlə bir şagirdin aylıq yerləşmə xərci 150-200 Avro ətrafındadır. Nəqliyyat, qidalanma, ictimai xərclər və s. xərclər üçün ümumiyyətlə aylıq 300 – 400 Avro kifayət edir. Ümumi olaraq bir şagirdin aylıq xərclərinin 500-600 avro ətrafında olduğunu demək olar.

 

Mənbə: www.xaricde.com

Macarıstanda təhsil xərcləri necədir?

telebe

Macarıstan universitetləri təqdim etdikləri üst səviyyə təhsil və prestijli diploma baxmayaraq, xüsusilə vəqf universitetlərinə müqayisəsi daha çox iqtisadi təhsil imkanı təqdim etməkdədir. Macarıstanda universitet təhsili almaq vəqf universitetləri və Kipr universitetlərinə getmənin ən məntiqli alternatividir.

Təhsil xərcləri

Macarıstanda ictimai elmlər və ya mühəndislik elmləri üzərinə ixtisaslarda oxumaq istəsəniz illik universitet ödənişləri 3500 Avro ətrafındadır. Tibb, diş həkimliyi və əczaçılıq hissələrində isə illik universitet ödənişləri 9500 Avro ətrafındadır. Bu ödənişlər həm vəqf universitetləri həm də digər bir çox xaricdə təhsil variantlarıyla müqayisədə çox sərfəlidir.

Yerləşdirmə xərcləri

Bəzi universitetlər yurd variantı təqdim etsə də Macarıstanda təhsil alan tələbələr ümumiyyətlə birinci seçimi iqtisadi və daha komfortlu olması səbəbiylə ev kiralamaqdadır. Şagirdlərə xüsusi icarəyə 2 və ya 3 nəfərlik evlərdə adam başı aylıq kirayə xərcləri ortalama 150-200 avro ətrafında olmaqdadır.

Həyat xərcləri və cib xərcliyi

Macarıstan iqtisadi həyat xərcləri ilə universitet tələbələri üçün olduqca üstünlüklü bir ölkədir. Xarici bir şagirdin aylıq yemək, nəqliyyat, cibxərcliyi və ictimai ehtiyacları üçün xərcləyəcəyi miqdar 350-400 Avro ətrafındadır.

Azərbaycanda təhsil almanın da bir xərci olduğunu unutmayın!

Bir çox şagird və valdeyin, xərc hesablaması edərkən xarici seçimləri əlavə xərc kimi qəbul edir. Halbuki Azərbaycanda oxumaqda olan tələbələr də olduqları şəhər və ictimai mühitə görə dəyişən xərcləri var, və xüsusilə böyük şəhərlərdə oxuyan tələbələrdə bu xərclər xarici xərclərinin yüksək olması danılmazdır.

 

Mənbə: telebe.az