Sağlam həyat tərzini necə qurmalı?

Biz hər gün adi çaydan istifadə edirik. Çayın özü də dərman bitkisidir, amma xammal, yəni, təzə yığılmış yaşıl çay yarpaqları fermentlənir. Fermentlənmə çox sadə bir məsələdir. Yaşıl yarpaqlar ot tayası kimi üst-üstə yığılır, üzəri müşəmbə ilə örtülür, nəticədə yarpaqlarda müəyyən bir temperatur əmələ gətirir, sonda onların rəngi qaralır. Adi qara çayla yaşıl çay arasında çox böyük bir fərq vardır, yaşıl çay vitamin və mineral tərkibi cəhətdən adi qara çaydan üstündür. Lakin qara çayın tərkibində kofeinin miqdarı yaşıl çaydan 10 dəfə çoxdur, bu da o deməkdir ki, qara çayın zərərləri daha çoxdur.

Yaxşı olardı ki, qara çayı gündə 1-2 stəkandan artıq içməyəsiniz. Qara çay bədənin mühitini turşlaşdırır və bundan sonra orqanizm müalicəyə çətin tabe olan xəstəliklərə qapı açır.
Davamı →

Soyuq fəsillərdə ən faydalı içki

Mütəxəssislərin fikrinə görə, soyuq fəsillərdə kakaonun istehlakı orqanizm üçün çox faydalıdır.
Redinq Universiteti (İngiltərə) alimləri aşkar ediblər ki, kakao bağırsaqlarda faydalı bakteriyaların çoxalmasını stimullaşdırır və həmçinin iltihabı azaldır. Nəticədə immun sistemi möhkəmlənir. 

Lakin mütəxəssislərin fikrinə görə, bununla kakaonun orqanizmə olan faydası bitmir. Kakaonun daha vacib faydası onun sinir sisteminə olan müsbət təsiridir. Kakaonun tərkibində olan maddələr neyronların (sinir hüceyrələri) bərpasını stimullaşdırır, onların arasında olan əlaqələri bərpa edir. 
Davamı →

Yumşaq oyuncaqları necə təmizləmək olar?

Yumşaq oyuncaqların təmizləməsini yaxşı olar ki, qışda həyata keçirəsiniz, çünki bu zamanoyuncağı bir müddət şaxtada saxlaya bilərsiniz. Körpə və ya bir az böyük uşaqlar yumşaq oyuncaqları çox sevirlər.

Oyuncaqların çoxu təzə olsa da, onlardan bəziləri onlara valideynlərindən, böyük bacı qardaşlarından qalır. Buna görə valideynlər bu oyuncaqları tozdan və gənələrdən daim təmizləməlidir. Sizə yumşaq oyuncaqların təmizləməsinin ən təsirli metodlarını təqdim edirik.

Maşında yuma. İlk olaraq parçanın və oyuncağın içinin tərkibi ilə tanış olmaq lazımdır ki, onu maşında yumağın mümkün olub olmadığını aydınlaşdırasınız. Yun və xəzdən olan oyuncaqları paltaryuyan maşında yumaq məsləhət deyil.
Davamı →

Qatıqla faydalı içkilər

Payız və qış fəsillərində soyuqdəymə və virus xəstəliklərinin sayı kəskin artır. Özünüzü bu xəstəliklərdən qorumaq istəyirsinizsə, ədviyyatlar əlavə olunmuş qatıq için. Nəzərə alın ki, təzə qatıq daha faydalıdır.

Qatıq bağırsaqların mikroflorasına çox müsbət təsir edir ki, bu immun sistemini möhkəmləndirir. Ədviyyatlar isə güclü mikrob və virus əleyhinə təsirə malikdir. Mütəxəssislər hər gün 1 stəkan müxtəlif ədviyyatlar əlavə olunmuş qatıq içməyi tövsiyə edirlər.
Davamı →

Banka və qapaqları necə sterilizə etmək lazımdır?

Ev şəraitində qışa müxtəlif mürəbbə, turşular, kompotlar və s. tədarük edəndə banka və qapaqların düzgün sterilizə edilməsi çox vacibdir. Bu ev konservlərinin uzun müddət ərzində qalmasını təmin edir. Banka və qapaqları sterilizə etmək üçün sizə 2 üsul təqdim edirik.

1. Qaynatmaqla
Bankaları və qapaqları qabyuyan vasitə ilə yaxşı yuyun və yaxalayın. Bankaları qapaqlarla birlikdə enli qazana yığın, üzərinə çıxana qədər su tökün, 10-15 dəqiqə qaynadın. Bankaları istifadə edənə qədər suda saxlayın.
Davamı →

Bal istehlakında 5 səhv

Bal olduqca faydalı və müalicəvi məhsuldur. Balın güclü iltihab, virus və mikrob əleyinə təsiri var. Lakin baldan fayda almaq üçün onu düzgün istehlak etmək lazımdır.

1. Balı acqarına yemək olmaz. Bu mədəni qıcıqlandırır, insulinin kəskin şəkildə qalxmasına səbəb olur.

2. Balı digər məhsullarla qarışdırmaq, sıyıq, kəsmik və s. qidalara əlavə etmək olmaz. Balı digər məhsullardan ayrı yemək lazımdır.

3. Balı qaşıqla deyil, suda həll edib qəbul etmək ən faydalı sayılır.

4. Gün ərzində çox bal yemək olmaz, 2-3 çay qaşığı kifayətdir.

5. Balı qızdırmaq, qaynar suya salmaq olmaz. Bu halda bal orqanizmə toksin kimi təsir edir.

Yatmazdan əvvəl kəsmik yeyin

Florida Universitetinin (ABŞ) alimləri təyin ediblər ki, yatmazdan əvvəl kəsmik yemək çox faydalıdır.

Alimlər müxtəlif yaşlarda olan bir qrup insanın iştirakı ilə eksperiment aparıblar. Eksperiment iştirakçılarına hər gün yatmazdan 30-60 dəqiqə əvvəl preslənmiş kəsmik yemək tapşırılıb.

4 həftədən sonra alimlər aşkar ediblər ki, eksperiment iştirakçıları bir neçə kilo arıqlayıb, onların əzələləri və sümükləri isə möhkəmlənib. 
Davamı →

Xardalın faydaları

Mütəxəssislər soyuq fəsillərdə daha çox xardal yeməyi tövsiyə edirlər. Xardalın tərkibində olan maddələr bəlğəmgətirici və iltihabəleyhinə təsirə malikdir.

Həmçinin xardal immun sisteminin fəaliyyətini stimullaşdırır. Məhz bu xüsusiyyətlərə görə xardal öskürək və soyuqdəymə xəstəlikləri zamanı çox faydalıdır.

Xardal beyin qan dövranını və beyinin fəaliyyətini yaxşılaşdırır. Metabolizmi aktivləşdirən xardal piylərin parçalanmasını sürətləndirir ki, bu da arıqlamağa kömək edir.
Davamı →

Tibbi bankalardan nə zaman istifadə etməli?


El arasında soyuqdəyməyə qarşı istifadə olunan müalicə üsullarından biri də banka qoymaqdır. Lakin həkimlər və xalq təbabəti biliciləri bildirirlər ki, arterial təzyiq yüksək olanda, ürək xəstəlikləri və temperatur zamanı banka qoyulması əks təsir göstərə bilər. Kürəkdə səpgi və sızanaqlar çox olanda da banka qoyulması məsləhət görülmür.

Dermatoloqların fikrincə, el arasında təsirli vasitə hesab olunan banka qoymaq bəzi hallarda dərini zədələyə bilər.
Davamı →

Gündə 10 min addımın 5 önəmli faydası

1. Diabeti gecikdirir
Gündə nizamlı olaraq atılan 10 min addım insulin müqavimətini sındırıb, diyabetin inkişaf riskini azaldır. İnsulin müqavimətinin sındırılması nəticəsində qanda şəkərin səviyyəsi nizamlanır və xüsusilə ailəvi diabet xəstəliyi olan şəxslərdə diabetin ortaya çıxmasını ləngidir.

2. Xərçəngə qarşı qoruyucudur
Gündə 10 min addım atmaq eyni zamanda xərçəngə tutulma riskini də azaldır. Məsələn bağırsaq hərəkətlərinin sürətlənməsi sayəsində bağırsaq xərçəngi riski azalarkən, arıqlama sayəsində də bir çox xərçəng növünün qarşısı alınır.
Davamı →