Duş kabinlərini təmizləməyin effektiv üsulu

Hamamda ən çox çirklənən və tez-tez təmizlənməli olan yerlərdən biri duş kabinləridir. Amma bu, hər zaman asan olmur və nə qədər təmizlənsə də, çirk ləkələri getmir.

Qabartma tozu və sirkə
Qabartma tozu və sirkəni bir qabın içində qarışdırın. Qarışımı duş kabinəyə sürtüb, 15 dəqiqə saxlayın. Daha sonra ilıq su ilə yuyun. Ləkələrin asanlıqla təmizləndiyini görəcəksiniz.

Qabyuyan maye və sirkə
Boş bir sprey şüşəsinin içinə bir az su və sirkə tökün. Bir az çalxaladıqdan sonra içinə qabyuyan maye töküb, bir az da çalxalayın. Bu qarışımı duş kabinə sıxın və 15 dəqiqə saxlayın. Daha sonra bir süngərlə ovalayın. Nəticə sizi heyran edəcək.

Yumşaq oyuncaqları necə təmizləmək olar?

Yumşaq oyuncaqların təmizləməsini yaxşı olar ki, qışda həyata keçirəsiniz, çünki bu zamanoyuncağı bir müddət şaxtada saxlaya bilərsiniz. Körpə və ya bir az böyük uşaqlar yumşaq oyuncaqları çox sevirlər.

Oyuncaqların çoxu təzə olsa da, onlardan bəziləri onlara valideynlərindən, böyük bacı qardaşlarından qalır. Buna görə valideynlər bu oyuncaqları tozdan və gənələrdən daim təmizləməlidir. Sizə yumşaq oyuncaqların təmizləməsinin ən təsirli metodlarını təqdim edirik.

Maşında yuma. İlk olaraq parçanın və oyuncağın içinin tərkibi ilə tanış olmaq lazımdır ki, onu maşında yumağın mümkün olub olmadığını aydınlaşdırasınız. Yun və xəzdən olan oyuncaqları paltaryuyan maşında yumaq məsləhət deyil.
Davamı →

Dəri əşyaları belə təmizləyin


Çox sevərək aldığınız dəri ayaqqabı, gödəkcə, ya çantanız indi istifadə edilməz hala gəlib? Ürəyinizi sıxmayın! Onları ilk günki kimi tərtəmiz vəziyyətə gətirmək çox asandır.

Sizə dəri əşyaları təmizləmək üçün evdə hazırlaya biləcəyiniz asan formul təqdim edirik.
— 2 yemək qaşığı zeytun yağı
— 2 yemək qaşığı sirkə
— 10 damcı uçucu yağ (lavanda, portağal, okaluiptus yağı və s.)
Davamı →

Banka və qapaqları necə sterilizə etmək lazımdır?

Ev şəraitində qışa müxtəlif mürəbbə, turşular, kompotlar və s. tədarük edəndə banka və qapaqların düzgün sterilizə edilməsi çox vacibdir. Bu ev konservlərinin uzun müddət ərzində qalmasını təmin edir. Banka və qapaqları sterilizə etmək üçün sizə 2 üsul təqdim edirik.

1. Qaynatmaqla
Bankaları və qapaqları qabyuyan vasitə ilə yaxşı yuyun və yaxalayın. Bankaları qapaqlarla birlikdə enli qazana yığın, üzərinə çıxana qədər su tökün, 10-15 dəqiqə qaynadın. Bankaları istifadə edənə qədər suda saxlayın.
Davamı →

Yarmaları böcəklərdən necə qorumalı?

Hər bir qadın evində müxtəlif yarmalar, un, üyüdülmüş suxari, nişasta və s. bu kimi məhsulları saxlayır. Bəzən bu məhsullarda böcəklər əmələ gəlir.

Yarmaları və s. məhsulları böcəklərdən necə qorumaq olar? Sizə bunun bir neçə yolunu təqdim edirik.

1. Yarmaları qapağı kip bağlanan şüşə bankalarında saxlayın. Yarmaları isti mətbəxdə deyil, sərin yerdə (məsələn, açıq balkonda saxlayın).

2. Bankalara 1-2 dəfnə yarpağı qoyun.

3. Bankalara acı istiot qiymaq olar.

4. Bankanın dibinə bir az duz səpin, sonra yarmanı tökün.
Davamı →

Şirniyyatlar üçün kiçik sirlər

— Tort bişirilən formanı sobadan çıxardıb soyuq suda isladılmış əsginin üstünə qoysanız, tort formadan asan çıxar.

— Yağı tez yumşaltmaq üçün onu bir qaba xırda-xırda doğrayın və qabı isti su olan qazanın içinə qoyun.

— Evdə bişirilən peçenye yanmışsa, soyuyandan sonra narın sürtgəclə üstünü qaşıyın və şəkər kirşanı səpin.

— Bişəndən sonra tortu, keksi formada, ya da tavada saxlamaq olmaz, o saat çıxartmaq, salfetin üstünə qoyub soyutmaq lazımdır.
Davamı →

Dadlı bulyon üçün sirlər

— Bulyon vam odda bişirilməlidir. Bu halda o dadlı və şəffaf olacaq.
— Əti soyuq suya salın ki, bulyon dadlı alınsın. Əgər siz əti qaynayan suya salsanız, ət dadlı olacaq, bulyon isə dadsız.
— Bulyon bişirdikdə alüminium və ya paslanmayan poladdan olan qazanlardan istifadə edin. Emallı qazanlardan istifadə etməyin.
— Bulyon üçün olan su təmiz və yumşaq olmalıdır.
— Ət bişən qazana yerkökü saldıqda ətin spesifik qoxusu itir.
— Ət bulyonunu ətin bişməsinə yarım saat qalmış, balıq şorbasını əvvəlcə, göbələk bulyonunu isə axırda duzlamaq lazımdır.
Davamı →

Paltar yuyan zaman yol verilən 8 səhv

Bugün demək olar ki, hər birimizin evində paltaryuyan maşın var. Lakin bu maşının varlığı o demək deyil ki, bizim əvəzimizə bütün camaşırları qüsursuz yumalıdır. Paltarlarınız daha təravətli və uzunmüddətli olsun deyə bir sıra şərtlərə əməl etmək gərəkdir.

1. Paltaryuyan maşını təmizləməyi unutmayın
Paltaryuyan maşının əsas vəzifəsi təmizlik yaratmaqdır. Lakin bu, o demək deyil ki, onun özünü təmizləməli deyilik. Öncə paltaryuyan maşının gözlərini tez-tez təmizləyin ki, yuyucu toz qalıb kirəcləşməsin. Hər dəfə paltar yuduqdan sonra maşının qapağını açıb, yaxşıca silin ki, xoşəgəlməz qoxular olmasın.

Paltaryuyan maşının alt hissəsində saplar yığılan filtr olur. O hissəni 3 aydan bir təmizləmək lazımdır. Bundan əlavə ildə bir dəfə makinanın barabanına yarım litr sirkə töküb, isti su rejimində boş halda yumaq lazımdır. Bu, paltaryuyan maşının bütün mexanizmini təmizləyir.
Davamı →

Soyuducunu necə təmizləməli?

Soyuducuda qorunan qidalar üçün soyuducunun işləmə istiliyi, hava sirkulyasiyası və funksionallığı ilə bərabər, təmizliyi də əhəmiyyətlidir.

Ağzı açıq qablarda saxlanan qidalar, yuyulmadan qoyulan meyvə, tərəvəz, yumurta, sellofanlardan süzülən mayelər soyuducunun içində pis qoxu və bakteriyaların yaranmasına səbəb olur. Bunun qarşısını almaq üçün soyuducunun mütəmadi olaraq təmizlənməsinə diqqət etmək lazımdır.
Davamı →

Yemək duzlu alınıbsa nə etməli?

Bir çox qadınlar bu problemlə üzləşir. Lakin duzlu yeməyi xilas etmək mümkündür. Bunun bir neçə yolu var.

1. Sup duzlu çıxıbsa, kartof əlavə edin. Kartof artıq duzu özünə çəkəcək. Həmçinin supa bir az makaron, düyü, hər ya hansı yarmanı əlavə etmək olar.

2. Göbələk duzlu çıxıbsa, xama, un, düyü əlavə etməklə yeməyin dadını yaxşılaşdıra bilərsiniz.

3. Kotlet üçün farşa çox duz vurmusunuzsa, ona bir az bişmiş düyü, kartof püresi, ətçəkən maşınından keçirilmiş kök və ya kabaçok əlavə edə bilərsiniz. Bu əlavələr kotletlərin dadını daha yaxşı edəcəklər.
Davamı →