Qırmızı alma

  • Flora
Ləti qırmızı olan alma yalnız qeyri-adi, dadlı və ətirli deyil, həm də faydalıdır. Onlar adi növlərdən daha çox antioksidanlar və vitaminlər ilə zəngindirlər. 

Qırmızı lətli bütün alma ağacları yabanı bitki növü olan – Nedzveçki alma ağacından törəmədilər. Bu ağacları nəmli və qidalı torpaqda əkmək tövsiyə olunur, əsasən qara və boz meşə torpaqlarında əkirlər. Torpağın 80 sm dərinliyində olan ərazidə karbonat tərkibinin 10-12% -dən çox olmaması vacibdir.

Digər alma ağacları ilə müqayisədə, «qırmızı rəngli» növlərin tinginin (şitilin) inkişaf mərhələsi adi növ ilə müqayisədə daha gec baş verir. Beləliklə, budaqlar gecikmə ilə inkişaf etməyə başlayır, qönçələr isə daha sonra çiçəkləyir. Məsələ ondadır ki, əvvəlcə ağacların yalnız kök hissəsi inkişaf edir, lakin sonra meyvə verməyə başlayırlar.
Davamı →

Quşüzümünün orqanizmə 10 faydası

  • Flora
1. Oynaqlarda iltihabı götürür, revmatizm, artrit, artroz — tərkibində olan kversetin oynaqlarda iltihablaşmanı aradan qaldırır, azaldır və hərəkətliliyi artırır.

2. Ürək-damar xəstəliklərində — triqliseridlərin səviyyəsini azaldır, ürək əzələsini rahatladır, damarları təmizləyir, qan dövranını yaxşılaşdırır. Bununla da insult-infarkt riskini azaldır.

3. Şəkərli diabet — qanda qlükozanın səviyyəsini endirir, hüceyrələri canlı saxlayır, diabetin digər orqanlara, damarlara zərbəsini azaldır.
Davamı →

Əvəlik

  • Flora
Əvəlik Azərbaycanda çox istifadə olunan bitkidir. Tərkibində o qədər vitamin var ki, saymaqla bitməz. Onda limonda olduğundan da çox C vitamini var. Bu vitamin dəmirin mənimsənilməsini təmin edir.

A, E, PP və B qrup vitaminləri ilə zəngindir. Təbii askorbin turşusudur, qanı durulaşdırır. Antioksidant təsiri var.

Əvəliyin həm təzə yaşılı, həm qurudulmuşu xalq təbabəti və mətbəximizdə istifadə olunur.
Davamı →

Qarğaotu

  • Flora
Qarğaotu (lat. Actaea alba) və ya kukla gözləri — qaymaqçiçəyikimilər fəsiləsinə aid bitki növüdür. Şimali Amerikanın dağlıq yerlərində bitən zəhərli otdur. Uzunömürlü və hündür bir bitki növüdür.

Yarpaqları oval tünd yaşıl, çiçəkləri isə ağ rəngdə olur. May ayında çiçəkləyir, meyvələr isə iyul və avqust aylarında yetişir. Parlaq qırmızı budaqların (ayaqların) üzərində möhtəşəm noxud boyda 10 və ya 20 ədəd kukla gözünü xatırladan “ağ” üzərində “qara nöqtə” olan meyvə bitir. Bu qeyri-adi meyvələrə görə qarğaotuna xalq arasında “kukla gözləri” və ya “ağ muncuqlar” deyilir.

Missisipinin şərqində Şimali Amerikanın qaya yamaclarında yetişən qarğaotu yerli aborigenlər tərəfindən dərman kimi istifadə edilirdi. Onlar revmatizminin əlamətlərini bu otun köməyi ilə müalicə edirdilər. Hazırda qarğaotu müasir tibdə ginekoloji xəstəliklərin müalicəsində geniş istifadə olunur.
Davamı →

Xanımotu

Adi xanımotu mərkəzi sinir sisteminə oyandırıcı təsir edir, zehni və fiziki iş qabiliyyətini artırır, tənəffüsü tənzimləyir, bronxları genişləndirir, tənəffüs yollarında sekresiyanı azaldır.

Bu bitki əsrlərlə revmatizm xəstəliklərindən, soyuqdəyməyə bir çox xəstəliyin müalicəsində xalq tərəfindən geniş istifadə edilir.

Sədəf xəstəliyi və sızanaq müalicəsinə yaxşı təsir edir
Adi xanımotunda estrogen hormonu olan lignanlar, hidrogen-sulfid tərkibli birləşmələr və polifenollər var. Ondan hazırlanan məhləm sədəf, sızanaq və digər dəri xəstəliklərinə də böyük təsir göstərir.
Davamı →

Melissa

  • Flora
Melissa yunan dilində arı deməkdir. Bu bitki arıları öz ətri ilə cəlb etdiyindən adı da arı qoyulub. Melissa balı çox ətirli və faydalı olur. 

Melissa bioloji aktiv maddələr və vitaminlərlə zəngin olub insan orqanizmi üçün çox faydalıdır.
— Zəhərlənmə, bağırsaq pozulmalarında faydalıdır.
— Qanaxmanı saxlayır
— Antibakterial və iltihab əleyhinə təsir edir
Davamı →

Kinoa

  • Flora
Kinoa Cənubi Amerika və And dağlarında bitən kinao bitkisinin dənləridir. Kinoadan çox istifadə etmək insanlarda boy artımının sürətlənməsinə səbəb olur. Kinoa bitkisinin açıq yaşıl rəngli budaqları, iri yaşıl yarpaqları və çoxlu miqdarda toxumları toplanmış iri meyvəsi olur. Kinoa bitkisinin üç növü var.

Bu onların rənginə uyğun olaraq ayırd edilir. Onun qırmızı, qara və açıq qəhvəyi rəngli növləri var. Kinao qədim qida məhsullarındandır. O hinduların ən çox istifadə etdikləri qidalardandır. Bu bitkiyə kartof və qarğıdalı qədər ehyiyac duyulur. Bunun səbəbi isə onun faydalı tərkibə malik olmasıdır. Kinoa bitən bölgələrədə digər taxıl məhsullarının qıtlığı yaşandığı zamanlarda çörəyi və qidanı əvəz eləmək məqsədilə isstifadə edilib.
Davamı →

Yonca

  • Flora
Üçyarpaq yonca çoxillik bitki olub, paxlalı bitkilər sinfinə aiddir. Onun kökü əlverişli şəraitdə dərinə və eninə doğru asanlıqla inkişaf edə bilir. Yonca ağ və ya çəhgrayı rəngdə çiçək açır. Onun kiçik çiçəkləri bitkinin uc hissələrində bitir və çətirə bənzəyir. Yonca əsasən yol kənarlarında və meşəlik ərazilərdə yetişir. Onun kök sistemi yaxşı inkişaf edir və köklərində kiçik hava boşluqları olur. Bu boşluqlarda çoxlu miqdarda xüsusi bakteriyalar toplanır.

Yoncanın kökləri azotu özünə çəkib saxlaya bilmək qabiliyyətinə malikdir. Bu da yoncanın eninə və boyuna inkişaf etməsinə səbəb olur. Bəzən paxlalı bitkilərin inkişaf etməsi üçün onların yanında bilərəkdən yonca əkirlər. Yoncanın inkişaf etməsi daha çox arılardan asılıdır, çünki onun tozlanmasında arılar birbaşa iştirak edir. Yoncanı isiti havalarda üstü örtülü damın altında qurudurlar. O yalnız 1 il bağlı mühitdə saxlanıla bilir.
Davamı →

Dəlibəng

  • Flora
Dəlibəng bitkisi əvvəlcə adamı dəli edir, sonra öldürür. Azərbaycanın hər yerində geniş yayılmış bir bitkidir, hətta Bakı şəhərinin bir neçə yerində ona rast gəlmişəm.

Dəlibəng zəhərli bir bitkidir. Tərkibi alkaloidlərlə zəngin olduğundan çox kiçik dozada dərman vasitəsi kimi istifadə olunur. Amma bu bitki özbaşına yox, xüsusi təyinatlar əsasında qəbul oluna bilər. Astma xəstəliyinin müalicəsində dəlibəng yarpaqlarının qurudularaq adi siqaret kimi çəkilməsi boğulma tutmasının qarşısını alır. Yarpaqlarının tərkibində çox miqdarda olan alkaloidlərin sayəsində çox güclü ağrıkəsici təsirə malikdir. Yarpaqlarının dəmləməsini içmək olmaz, yalnız xaricə istifadə oluna bilər.
Davamı →

Zəhərli bitki – Oleandr

  • Flora
Oleandr və ya zəkkum ağacı çox zəhərli bir bitki olmasına baxmayaraq Bakımızın bütün küçələrində ona rast gəlmək olur, çünki bütün iqlim şərtlərinə dözümlüdür.

Yarpaqları söyüd ağacına bənzədiyinə görə Azərbaycanda bu bitkiyə daha çox söyüd gülü deyirlər. Əslində belə bitkilərin məktəb və uşaq bağçalarının yanında əkilməsi qadağan olunmalıdır.

Bu bitkinin çiçəklərinə və budaqlarına əl vurmaq məsləhət deyil, xüsusən uşaqlara ondan uzaq durmağı izah etmək önəmlidir.
Davamı →