Kayzen

Əvvəl bir kino, sonra şam işığında bir yemək, ardından rəqs, sonra… Xeyr sonrası sandığınız kimi deyil. Hərçənd bütün romantik elementlər gecə üzərinə qurulmuşdur amma xronobiologiyaya görə bədənin də bir saatı var və seks üçün ən uyğun saat axşam deyil, səhər 08:00. İdman etmək üçün ən uyğun saat isə səhər deyil, günortadan sonra 16:00 radələridir.

İnsan orqanizminin fəaliyyəti həyatla sıx bağlıdır. Bu, yeni elmi kəşf deyildir. Qədim Şərqin peşəkar həkimləri və xalq loğmanları hələ bir neçə əsr əvvəl bu qanunauyğunluğu dərk etmiş, xəstələri vaxtın əlverişli anından asılı olaraq müalicəyə çalışmışlar.
Müəyyən olunmuşdur ki, maqnit sahəsinin mənfi təsirinin dərəcəsi insan orqanizminin gün ərzində fəaliyyəti ilə bağlıdır. İnsanın əhvalı və iş qabiliyyəti vaxt anomaliyasından asılıdır.
SAAT:
1.00. Adamların çoxu artıq 3 saata yaxındır ki, yatıb. Yuxu dərin deyil. Bu dövrdə orqanizm ağrıya çox həssasdır.
2.00. İnsan orqanizminin qa­ra ciyərdən başqa bütün orqanları ritmik olaraq fəaliyyətini yavaşıdır. Qara ciyər isə toksik maddələri qüvvətlə dağıdır və onları orqanizmdən çıxarmağa kömək edir.
3.00. Bütün orqanizm dincəlir. Əzələlər tam boşalır. Nəbz və tənəffüs tezliyi azalır.
4.00. Qan təzyiqi aşağı səviyyədədir. Buna müvafiq ola­raq beyin maddələri qanla kifayət qədər təmin olunmur. Xəstələrin çoxu məhz bu saatda dünyalarını dəyişir. İnsan duyumu bu dövrdə çox həssas olur.
5.00. Böyrəklər sidik ifrazını dayandırır. Yuxu dərin və eyni zamanda oyanmağa yaxındır. Əgər adam oyanarsa, özünü gümrah hiss edər.