Kayzen

Dırnaqların sağlamlığı bədən sağlamlığının aynasıdır. Əgər zəif, kövrək və ya solğun dırnaqlara sahibsinizsə, bədəninizdə bəzi problemlər mövcud ola bilər. Zəif dırnaqlar asanlıqla qopur və qırılır. Əgər manikür etdirməyi və ya dırnaqlarınızı boyamağı sevirsinizsə, bu problemlər sizin əhvalanızı korlaya bilər. Lakin narahat olmayın, dırnaqlarınızı zəiflədən səbəbləri aradan qaldıra və onların yenidən sağlam olmalarını təmin edə bilərsiniz.

İlk növbədə onu bildirək ki, dırnaqları gücləndirmək üçün ən əhəmiyyətli iki maddə biotin və zülallardır. Ona görə də bu maddələri kifayət qədər qəbul etmək lazımdır. Yaş artdıqca dırnaqlar zəifləməyə başlayır. Ancaq zəifləmənin yeganə səbəbi təkcə yaş deyil.
Davamı →

Əllərə qulluq nəinki gigiyenik cəhətdən, həm də estetik cəhətdən çox vacibdir. Qadının əlləri onun haqqında çox şey deyir. Buna görə də əllərimizə xüsusi qayğı göstərməliyik.

Ev şəraitində necə qulluq edə bilərik?! Üz və saç üçün maskalar kimi əl üçün maskalar da mövcuddur. Məsələn aşağıdakı maska əllərinizə qulluq üçün asan və mükəmməl maskadır.

Bu maska üçün sadəcə 2 ədəd kartof və yarı limon lazımdır. 2 ədəd kartofu qabıqlı qaynadıb sonra əzmək lazımdır. Sonra üzərinə yarı limonu sıxıb qarışdırmaq lazımdır. Sonra limonlu kartofu əlinizə cəkib salafana keçirmək lazımdır. Bir az gözləyib əllərinizi yuyun, krem çəkin və gözəl dərinizlə fəxr edin.
Davamı →

Qadınlar üçün dırnaq baxımı çox əhəmiyyətlidir. Baxımlı və gözəl əllər dırnaq gözəlliyi ilə tamamlanar. Bu səbəblə qadınlar dırnaq boyalarının dayanıqlı və uzun ömürlü olmasını istəyərlər.
Buyurun, sizə dırnaq boyanızı uzunömürlü edəcək bir neçə məsləhət...

Dırnaq boyanızın daha uzun ömürlü olmasını istəyirsinizsə dırnaqlarınıza çəkmədən əvvəl dırnağınıza dırnaq qoruyucu tətbiq edin.

Boya çəkmədən əvvəl əsla nəmləndirici istifadə etməyin.

Dırnaq boyanızın son istifadə etmə tarixinə mütləq diqqət yetirin, təzə olmasına diqqət göstərin.

Dırnaq boyanızı dırnağın ortasından başlayaraq çəkin.

Çəkmə əməliyyatını üç fırça zərbəsi ilə tamamlayın.

Əgər iki qat lak çəkəcəksinizsə bir neçə saniyə gözləyin.

Dırnaq boyanızı çəkdikdən sonra qurumasını gözləyin.

Dırnaq boyanız quruduqdan sonra lak qoruyucu məhsullar istifadə edə bilərsiniz.

Dırnaqlarınıza dəyəcək sərt zərbələrdən uzaq olun.

Davamlı kimyəvi maddələr istifadə edirsinizsə əlcək geyinməyə çalışın.
Davamı →

Dırnaqlarınızın qırılmadan tez və sağlam uzanması üçün bu məsləhətləri etmək kifayətdir.  
Qadınlar dırnaqlarına çox diqqət etməlidilər. Çünki qadının əllərinə baxıb onun hansı yaşda olduğunu müəyyən etmək olar. Baxımlı əllər və gözəl dırnaqlar sizi daha gənc göstərir.

Lakin qadınlar dırnaqlarına qulluq etmədiyi üçün tez qırılır və səliqəsiz görünür. Biz bir neçə məsləhətlə dırnaqların tez və sağlam uzanmasına kömək edən məsləhətlər verəcəyik. 
 

1. Sağlam dırnaqlara qovuşmağın ən birinci maddəsi qidalanmadır. Ət, süd və balıq məshullarını mütəmadi olaraq yeyin. 
    
2. Aseton dırnaqlara zərər verən əsas maddədir. Mümkün qədər az aseton istifadə edin.
    
3. Təmizliklə məşğul olanda mütləq əlcək geyinin. Yuyucu tozlarının tərkibindəki kiməyvi maddələr dırnaqların korlanmasına gətirib çıxarır. 
    
4. Manikür etdirdiyiniz yerin gigiyenik təlabatlara cavab verdiyinə fikir verin. Dırnaqlara mikrob düşə bilər. 
    
5. Dırnaqlarınızı dırnaq qayçısı yerinə pilka ilə qısaldın. Dırnaqların sağlam uzanması üçün pilka daha effektlidir. 

Davamı →

Üz dərisinin çatışmazlıqlarını makiyajla, bədən quruluşunun çatışmazlıqlarını düzgün seçilmiş geyimlə gizlətmək olar. Yalnız qulluq olunmayan əlləri heç cür gizlətmək olmaz. Əllərin dərisində qoruyucu hidrolipid qatı çox azdır, buna görə də onlar daha tez qocalır. Əllərin dərisini soyuqdan, isti su və məişət kimyasının təsirindən qoruyun! Soyuq havada mütləq əlcək geyin. Həmçinin, istənilən ev işlərini görərkən isti su və yuyucu vasitələrdən istifadə edirsinizsə, mütləq rezin əlcək geyinmək lazımdır. Əlcəklər yüksək keyfiyyətli və ölçüsü isə sizə tam şəkildə uyğun olmalıdır.

Əlcəkləri geyməzdən əvvəl əllərinizi yaxşıca yuyun, qurudun və üzərinə talk (“prisıpka”) səpin. İşinizi bitirdikdən sonra əlcəklərin içəri və bayır tərəflərini yaxşıca yuyun və qurudun. Əllərinizi ilıq su ilə yuyun, qurudun və onlara qidalandırıcı krem vurun. Əlcəklərdən çox istifadə etmək də olmaz, əllər uzun müddət əlcəkdə qaldıqda onların dərisi korlanır.

Üz dərisinə olduğu kimi, əllərin dərisinə də eyni dərəcədə müntəzəm qulluq etmək — təmizləmək, qidalandırmaq və nəmləndirmək — lazımdır. Əlləri yalnız ilıq suda yumşaq sabunla yumaq lazımdır. Əlləri soyuq və qaynar su ilə yumaq olmaz. Su əllərin dərisini yağsızlaşdırır və qurudur, ona görə də hər dəfə su ilə təmasda olduqdan sonra əlləri yaxşıca qurutmaq lazımdır. Bədən və üz dərisində olduğu kimi, əllərin dərisində də ölmüş hüceyrələr toplanır, ona görə də həftədə bir dəfədən az olmayaraq vanna və ya duş qəbulundan sonra əllərin dərisini skrabla təmizləmək, sonra isə qidalandırıcı krem vurmaq lazımdır.

Ardı →