Kayzen

1. Toya bir neçə gün qalmış qaralmaq
Dərinin təbii qaralıq əldə etməsi üçün bir neçə gün keçməlidir. Günəşə çıxmadan qaralmaq istəyirsinizsə, qaraldıcı məhsulları dərinizə toydan ən azı 3 gün əvvəl sürtməlisiniz.

2. Saç və makiyajı əvvəlcədən müəyyən edin
İnternetdən tapıb bəyəndiyiniz saç və makiyaj tərzi sizin üçün doğru seçim olmaya bilər. Toy günü əhvalınızı korlamaq istəmirsinizsə, seçdiyiniz saç və makiyajın yaraşıb-yaraşmadığını əvvəlcədən müəyyən etməlisiniz.

3. Parıltıda ifrata varmaq
Haylayteri ancaq almacıq sümükləri və qaşların altına, göz ətrafına, bir də sinə dekoltesinə çəkin. Alnınıza və burnunuza isə haylayter sürtməkdən çəkinin. İşıltıdan çox istifadə üzünüzü olduğundan parıltılı göstərəcək və təbii effekt vermədiyi üçün heç də yaxşı görünməyəcək.
Davamı →

Toy gününün möhtəşəm keçməsi üçün ən önəmli detallardan biri də gəlin saçlarıdır. Yaxşı yığılmamış, yaxud gəlinin üz quruluşuna yaraşmayan saç düzümü bütün gecəni məhv edə bilər.

Toy vaxtına çox az qalıb və hər şey istədiyiniz kimi gedir. Gəlinlik libası, ayaqqabı, toyun keçirildiyi məkan belə ürəyinizcədir. Lakin saç və makiyaj məsələsi hələ də qaranlıqdır. Gəlin obrazının əsas açarı da məhz saç və makiyaj hesab olunur. Bir günü toya hazırlıq üçün tamamilə özünüzə sərf etməlisiniz. Toy günü böhranla qarşılaşmamaq üçün toydan əvvəl saç ustanızla sizə yaraşan model seçmək və onu sınaqdan keçirməlisiniz. Bu zaman ağlınızdakı saç modellərindən hansının sizə daha çox yaraşdığını müəyyən edə bilərsiniz. Saç modelinin üz quruluşunuza uyğun seçməlisiniz.

Bunları edin!
Salona gedərkən fikrinə və zövqünə inandığınız rəfiqənizi də aparın. Rəfiqəniz, sizə qərar verməyə kömək edəcək. Məşq prosesinə gedərkən saç aksessuarlarını, fatanı da aparmağı unutmayın. Saç modelini seçərkən toy məkanının keçirildiyi yeri və gəlinlik modelini nəzərə alın.

Açıq məkanda keçirilən toyda saçları çiçəklərlə bəzəyə bilərsiniz. Lakin toy günü hava şəraitini də nəzərə almalısınız. Küləkli havada saçınızı açıq qoymaq uğurlu seçimlər sırasına daxil deyil. Bağlı məkanda isə tarım yığılmış toppuz modeli yığdıra bilərsiniz.

Saç modeli yığarkən bəyi yaddan çıxartmayın. Aranızda boy fərqi varsa, uzun toppuz, hündür daban ayaqqabı sizi bəydən hündür göstərəcək. Bu halda saçınızı arxaya tərəf yığın.
Ardı →