Şəfasını bilmədiyimiz bitkilər
Davamı →
İnkişaf etmək istəyənlər üçün maraqlı məlumatlar olan kollektiv bloq servisi
Təbiətin insanlara bəxş etdiyi saysız-hesabsız şəfalı bitkilərdən biridə itburnudur.
İtburnunun tərkibi A, B1, B2, P, K və C vitaminləri, zülal, minerallar, potasyum, sodium, maqnezium, kalsium və fosfordan ibarətdir. İtburnunun dənəsinin tərkibində isə vanil var.
İtburnu yoluxucu xəstəliklər və soyuqdəyməyə qarşı orqanizmin immunitet sistemini gücləndirir. Bununla yanaşı həmçinin o qəbizlik, öd kisəsi və böyrək üstü vəzilərə də müsbət təsir edir. Həmçinin itburnu mükəmməl bir təzyiq tənzimləyicisidir.
Zəngin vitamin tərkibinə malik olan itburnu gözləri qidalandırır eyni zamanda gündə iki və ya üç stəkan itburnu çayı içən qadınlarda selülit problemi olmaz.
İtburnunun tərkibindəki A vitamini gecə korluğu adı verilən xəstəliyi aradan qaldırır və dərini sızanaqlardan təmizləyir.
Tərkibindəki B1 vitamini isə qavrama qabiliyyətini artırır və beyinin funksiyasını gücləndirir.
Qara tut kalsium, C, B1, B2 vitaminləri ilə zəngin dadlı bir meyvədir.
Təzə sıxılmış qara tut suyu halsızlıq, yorğunluq və qocalmanın qarşısını almaq üçün xeyirlidir.
Qara tut özünü həmişə yorğun hiss edən, ya da yüngül fiziki hərəkətlə məşğul olduqdan sonra tez yorulan insanlar üçün tam bir vitamin «anbarıdır». Hər gün balaca kasa həcmində qara tut yeyən insan özünü hər zaman gümrah hiss edəcək.
Qara tutun eyni zamanda immunitet sisteminin güclənməsində də xeyri var. Gec yaşlanmaq istəyən qadınlar qara tutdan istifadə etməlidilər.
Bu meyvə üz qırışlarının yox edilməsində əhəmiyyətli təsirə malikdir. Bağırsaq qurdları problemi yaşayan insanlar hər gün ac qarına 1 stəkan həcmində qara tut yeməklə qurdlarının tökülməsinə nail ola bilərlər.
Qəbizlik problemi olan insanlar üçün də bu meyvə xeyirlidir. Bir çox vitaminlə zəngin olmaqla yanaşı qanın təmizlənməsinə də kömək edən qara tut həkimlər tərəfindən anemiya xəstələrinə məsləhət görülür.
Çiyələk ən dadlı və sevimli giləmeyvələrdən biridir. Ləzzətli dadından əlavə bu giləmeyvə müxtəlif vitaminlər və mikroelementlərlə zəngindir.
Çiyələkdə C, A, B vitaminləri, fol turşusu, yod, dəmir, kalium, kalsium, sink və s. mikroelementləri vardır. Bu giləmeyvənin güclü iltihab və mikrob aleyhinə xüsusiyyətləri vardır ki, o qrip, soyuqdəymə və burun-udlaq xəstəlikləri zamanı əsl təbii dərman kimi müalicəvi təsir göstərir.
Çiyələk insanın immun sistemini gücləndirir, qan damarlarının divarlarını möhkəmləndirir, şəkərli diabet xəstələrdə şəkərin səviyyəsini aşağı salır, mədə-bağırsaq sisteminin fəaliyyətini yaxşılaşdırır, öd daşı xəstəliyi zamanı çox xeyirlidir.
Çiyələk təbii sidikqovucu sayılır. Bu səbəbdən də böyrək xəstəlikləri olanlar bu giləmeyvəni öz rasionlarına daxil etməlidirlər.