Kayzen

Amerikanın ən məşhur simvollarından biri də şübhəsiz ki, Raşmor milli memorialıdı. Raşmor ABŞ tarixində dərin iz qoyan şəxsiyyətlərin xatirəsini öz əzəməti ilə ömürlük əbədiləşdirib.

Cənubi Dakotada, Black Hills dağlarında yerləşən memorial illik 3 milyona yaxın insanı qəbul edir.

Monumentin yaradılmasının ideyası yerli tarixçi Doan Robinsona məxsusdu. Düzdü, onun fikrinə görə qayada ölkənin inkişafına təsir edən digər şəxslər təsvir olunmalı idi. Məsələn: hind lideri “Qırmızı bulud”, və digər Amerikaya ilk ayaqbasanların təsvirləri əks olunmalı idi.

Raşmor dağları  ABŞ-da Keystoun yaxınlığında (Cənubi Dakota) yüksəlir. Bu dağlar əhali arasında Prezidentlər dağı kimi məşhurdur. Qranit qaya üzərində ABŞ-ın 4 məşhur prezidentinin nəhəng portretləri həkk olunub. Bu prezidentlər – Corc Vaşinqton,Tomas Jefferson,Teodor Ruzvelt,Avraam Linkolnun.

Hələ Amerika qitəsi tam zəbt olunmamışdan əvvəl bu dağ yerli əhalinin dilində Six Grandfathers (altı ulu baba) adlandırılmışdır. İngilis biznesmeni Çarlz Raşmor öz hesabına Amerika qitəsinə ekspedisiya təşkil edir.O bu şəkillərin dağın üzərinə həkk olunması üçün 5 min dollar ayırır.