Çox şirindir Ana dilim | Gözəl Ana dili şeiri
ÇOX ŞİRİNDİR ANA DİLİM
(Ana dili haqqında şeir)
Xalçaların naxışıdır,
Nurlu bulaq axışıdır,
Dədə Qorqud alqışıdır,
Şadlıq etsin Oğuz elim.
Çox şirindir ana dilim.
Davamı →
İnkişaf etmək istəyənlər üçün maraqlı məlumatlar olan kollektiv bloq servisi
(Ana dili haqqında şeir)
Xalçaların naxışıdır,
Nurlu bulaq axışıdır,
Dədə Qorqud alqışıdır,
Şadlıq etsin Oğuz elim.
Çox şirindir ana dilim.
Bu dil bizim ruhumuz, eşqimiz, canımızdır,
Bu dil bir-birimizlə əhdi-peymanımızdır.
Bu dil tanıtmış bizə bu dünyada hər şeyi,
Bu dil əcdadımızın bizə miras verdiyi
Qiymətli xəzinədir…onu gözlərimiz tək
Qoruyub, nəsillərə biz də hədiyyə verək.
Ana dilim şeiri
Hər dili öyrənmək yaxşıdır, amma-
Öz ana dilini bilməmək günah.
İnsanlıq dünyanın baxşıdır, amma-
Dil ilə açılır həyata sabah.
Bu dillə öyrəndik ana sözünü,
Vətənin hər qarış yerin sevməyi.
Bu dillə tanıdı millət özünü,
Başladı həyatı dərin sevməyi.
Ana dilim şeiri
Ana dilim bal kimi
Danışmaqdan doymuram.
Mən onu neçə dilin
İçində qoruyuram.
Anamın laylasıyla
Mən boy atıb böyüdüm.
Onun şirin diliylə
Fərəhlənib öyündüm.
Səni şəfəq bildim bu cahanda mən,
Bəzən şimşək olub qəzəblə çaxdın.
İlk dəfə dünyaya göz açanda mən
Qəlbimə günəşin özüylə axdın.