Kayzen

Həm tül, həm də günəşdən qoruyucu olaraq istifadə edilən jalüz pərdələr olduqca praktik ev əşyalarıdır. Hazırlandığı məhsuldan dolayı çox tez-tez kirlənməzlər. Toz tutmayan xüsusi ipliklərdən hazırlanır. Tez-tez hərəkət etdirildiyi üçün üzərində asanlıqla toz toplanmaz. Ancaq buna baxmayaraq, 2-3 həftədən bir üzərindəki tozu təmizləmək lazımdır.

Jalüz pərdənin üzərindəki tozu təmizləmək üçün tozsoranın nazik ucundan istifadə bilərsiniz. Bundan başqa spirtsiz nəm salfetlərdən istifadə edin. Spirt pərdənin rəngini aça bilər.

Pərdələrin istifadə edildiyi yerlərdən asılı olaraq kirlənməsi də fərqli olur. Mətbəxdə havalandırma olmadığından istifadə edilən jalüz pərdələr tez kirlənə bilər.
Davamı →

Yemək bişirərkən resept nə qədər asan olsa da, bəzi məqamlara diqqət etmək lazımdır. Ehtiyacınız olan ərzaqlar qədər istifadə edilən bıçaq, qazan, tava kimi vasitələr da yeməyin ləzzətini təyin edir.

1. Resepti oxumadan işə başlamayın
Hazırlayacağınız yemək gözəyarı edəcəyiniz qədər sıravi yeməklərdən deyilsə və reseptə əsasən edəcəksinizsə, əvvəlcə resepti oxumalısınız. Reseptin başlanğıcından bəhs etmirik. Səhv etməmək, zaman itirməmək üçün yemək bişirməyə başlamazdan əvvəl resepti başdan sona qədər oxumaq lazımdır.

2. Zibil qabı
Zibil qapının yanınızda olması mətbəxdə dağınıqlığın yaranmasına mane olar. İstifadə etdiyiniz hər vəsaitdən sonra zibilləri atmanız sizin daha rahat hərəkət edə bilməyinizi təmin edər.
Davamı →

Hər kəs yumşaq ət yemək istəyir. Bəs bu cür ət necə bişirməliyik? Ətin suyunu itirmədən bişirməyin 6 üsulunu bilməklə mətbəxdə daha səriştəli olacaqsınız.

Qaynatma üsulu
Ən təsirli və dadı gözəl olan üsullardan biri qaynatmadır. Ətin qida dəyərini və dadını itirməməsi üçün çox təsirli bişirmə növüdür. Qaynatma digər bişirmə üsullarına nisbətən daha asan həzm olunur.
Əti qazanda qaynamış suya atın, zəif odda bir müddət qaynadın. İstiliyin çox yüksək olmamasına diqqət edin, əks halda ət bərkiyər. İstəsəniz içinə kök, kartof, soğan kimi sevdiyiniz tərəvəzlər və ədviyyatlar əlavə edə bilərsiniz.

Qızartma üsulu
Əti qızardaraq bişirmək çox yağlı olduğu üçün digər üsullara nisbətən sağlam hesab edilmir. İstər az yağda qızardın, istər bol yağda, yağı neytral və yüngül olmalıdır. Qızartmaq üçün ən ideal dərəcə isə 200-250 arasıdır.
Davamı →

Kartofu yağa batırmazdan əvvəl salfetlə tamamilə qurutmağınız yaxşıdır. Əks halda su ilə təmasa girən yağ qızdıqca çırtlayıb sizi yandıra bilər.

Fri kartofunu hazırlayarkən rafinə edilmiş bitki yağlarına üstünlük verin. Bu zaman günəbaxan, zeytun, pambıq, qarğıdalı yağlarından istifadə edə bilərsiniz. Unutmayın ki, kartofda bu yağların dadını hiss edəcəksiniz.

Yağın lazımi temperaturadək qızdığını təyin etmək üçün 1 dilim kartofu tavadakı yağa salın. Əgər dərhal üzə çıxır, kənarlarında da qovuqcuqlar yaranırsa, deməli, əsl vaxtıdır. Ancaq belə olmursa, demək ki, yağın qızmasını bir qədər də gözləmək lazımdır.

Fri kartofunu hazır olduqdan sonra duzlamaq lazımdır, əks halda o, xırt-xırt olmaz. Yaxşı olar ki, kartofu boşqaba çəkib süfrəyə verərkən duzlayasınız.
Davamı →

Kabablar, pikniklər, açıq havada yemək – yay fəsli buna görə sevimlidir. Bu sadə fənd ilə süfrənizə dəbli və gözəl görkəm verin.

Bankada salatı hazırlamağın qaydası:
Süfrənizə dəbli və gözəl bir şey əlavə etmək çox asandır. Sizə sadəcə bir neçə şəffaf şüşə banka lazımdır. Bankalar eyni ölçüdə və növdə olsalar daha yaxşı görkəm alınar. Elə isə ziyafətdən öncə bankaları yığmağa başlayın. Bankaları bir neçə dəfə yuyun və tam təmiz olduqlarından və heç bir kənar iyin olmadığından əmin olun.
Davamı →

Uşaqların əlvan qidaya daha çox həvəsli olduqlarını bilən analar qidanın sağlam və gözəl görünüşlü olması üçün kimyəvi qatqısız kulinariya nümunələri hazırlaya bilərlər. Təbii rənglərdən istifadə etməmişdən öncə aşağıdakı bir sıra məqamları nəzərdə saxlamaq lazımdır.

Təbii rənglər konsentrasiya cəhətdən daha durudurlar və bu xassə onlardan daha tünd rənglər almaqda çətinlik yaradır. Beləki, böyük miqdarda əlavə edilən maye hazırlanan qidanın teksturasını dəyişə bilər.
Davamı →

Hava isindikcə qarışqalar evlərdə çoxalmağa başlayır. Böcək dərmanlarından istifadə da qarışqalardan xilas olmağa imkan vermir. Bəs nə etməli?

Evdəki qarışqalardan xilas olmanın təbii yolları:

Sirkəli su
Yarı-yarıya sirkəylə suyu bir sprey şüşəsinə doldurub qarışqaların gəldiyi yerlərə səpin.

Darçın
Qarışqaların evə haradan girdiyini bilirsinizsə, oralara darçın tökün.

Acı bibər
Böcəklərin ədviyyatlardan heç xoşu gəlmir. Xüsusilə acı bibərdən.
Davamı →

Yay istilərində davamlı yuxu həsrəti çəkənlər yataq örtüyü dəstlərini yenidən nəzərdən keçirsinlər. Sintetik, poliefir kimi hava almayan parçalardan hazırlanan yataq dəstləri həm yuxu keyfiyyətinə, həm də sağlamlığa mənfi təsir edir. İdeal bir yuxu üçün təklif edilən yataq dəstləri 100 faiz pambıqdan hazırlanmalıdır.

Yayda havalar çox isti olduğundan insanlar yatmaqda çətinlik çəkirlər. Bütün pəncərələrin açıq olmasına və nazik yataq paltarları geyinməyinizə baxmayaraq, nizamlı yuxu yata bilmirsiniz. Bu cür vəziyyətə istilər qədər, keyfiyyətsiz yataq dəstləri də səbəb olur.

Odur ki, mütəxəssislər hava keçirmə xüsusiyyəti olan parçalara üstünlük verməyi məsləhət görür. Pambıq tərkibi olan yataq dəstləri ilə yay günlərində belə, rahatlıqla yata bilərsiniz. Hava keçirən, təbii parçalar yataq dəstləri üçün idealdır. Bu xüsusiyyətə malik olan yataq dəstləri nəmi çəkir və təri əmir. Sağlamlıq baxımından uyğun olması ilə yanaşı, yumşaq toxunuşu sayəsində narahatlıq hissi yaradaraq keyfiyyətli bir yuxu təmin edir. 

Parlaq, yumşaq, hamar toxunuşları ilə pambıq yataq dəstləri sağlamlıq baxımından məsləhətdir. Bununla yanaşı, yay üçün seçilən dəstlər rəng baxımından da fərqli olmalıdır. Yay ayları üçün rəng təklifləri isə mavi, boz, ağ, qum berji və pudra kimi pastel tonlarıdır.
Davamı →

Qarpızın seçimi zamanı ən əsas şey — tələsik almamaqdır. Azərbaycan iqlimində qarpız əsasən iyul-avqust aylarında yetişib satişa çıxarılır. Eyni qarpız növündən daha yaxşı olarki böyüyünü seçəsiniz, lakin çox nəhəng olmamalıdır. Bu zaman qarpız nə qədər böyük və yüngül olarsa, o qədər dəymiş hesab edilir. Qarpız seçimində çox xırda və çox irilərindən çəkinmək lazımdır.

Qarpızın «optimal» çəkisi — təxminən 10 kq. Qarpızın yetkinliyini bildirən əlamət — quru quyruqcuqdur. Yetişərkən, qarpız ilk növbədə bostandan «sönür», o zaman quyruqcuğu quruyur. Sonra ona artıq lazım olmayan — onun inkişafına cavabdeh olan, günəş işığını toplayan və qarpıza nəfəs verən — xlorofil piqmenti kəsilir və onun üzərində açıq rəngli ləkələr yaranır.
Davamı →

Pomidor qabığını nazik və asan soymaq üçün bir-neçə sadə tədbirlər görülür.
İlk olaraq pomidorun üst hissəsinin qabığında xaç şəklində kəsik edilir. Sonra pomidorlar istiyə dözümlü boşqaba qoyulub üzərinə qaynar su tökülür.

Boşqabda onlar 2-3 dəqiqə saxlanılır. Sonra qaynar su axıdılıb, pomidorların üzərinə buzlu və ya sərin su tökülür. Belə bir temperatur dəyişikliyindən sonra pomidorların qabıqları çox asanlıqla soyulacaq və nəticədə itki baş verməyəcək.
Davamı →