Kayzen

Yarmalar və paxlalılar qidalanmada vacib əhəmiyyətə malikdir. Onlar yaxşı həzm olunur, qidalı və yüksək kalorilidirlər. Onların tərkibi nişasta, zülal (xüsusən paxlalılarda), B qrupu vitaminləri ilə zəngindir.
Yarmaları taxıl bitkilərini emal etməklə əldə edirlər. Ən geniş yayılmış yarmalar bunlardır: buğdadan — manna; düyüdən — cilalanmış, pardaxlanmış, xırdalanmış düyü, yulafdan — herkules, yulaf unu; arpadan — arpa yarması; qarabaşaqdan — iridənəli qarabaşaq. Yarmalar dənlərin rənginə, formasına, bütövlüyünə və ölçüsünə görə fərqlənirlər.
Davamı →

Firni Azərbaycanın milli mətbəxinin reseptlərindəndir. O, zərif, faydalı, dadlı — darçınlı südlü desertdir. Xüsusilə də səhər yeməyinə hazırlasanız, gün ərzində tox və gümrah olacaqsınız. Firni tez və asan hazırlanır.

Ərzaqlar:
Düyü unu – 5 x.q.
Süd – 500 ml.
Şəkər tozu – 3 x.q.
Duz – bir çimdik
Gülab və ya vanilin – zövqə görə
Darçın – üstünü bəzəmək üçün

Hazırlanması:
Əvvəlcə düyü ununu ələyirik. Sonra bir qazan götürüb, içinə soyuq südü, şəkər tozu, duz və ələnmiş düyü ununu əlavə edirik. Orta odun üzərinə qoyub dayanmadan qarışdırırıq ki, “yumrular” əmələ gəlməsin. Kütlə qatılaşan kimi içinə öz zövqünüzə görə ya gülab (qızılgül suyu – 5 damcı), ya da vanilin (1 ç.q.) töküb qarışdırırsınız və oddan götürürsünüz.
Davamı →

Hər bir valideynə məlumdur ki, uşaqlar eynilikdən tez yorulur və müxtəlifliyi çox sevirlər. Hər səhər eyni qəhvəaltıları etmək hətta böyüklər üçün də cansıxıcı təəssürat verir. Yəqin ki, bu səbəbdən insanların çoxu səhərlər nə yeyəcəklərinə qərar vermədiklərindən qəhvəaltını ötürməyə üstünlük verirlər.

Əksər ailələr “səhərlər tez və sağlam nə yeyək?” sualı ilə üzləşirlər. Faydalı, rəngarəng, tez və asan ərsəyə gələn səhər yeməyi bütün ailəni sevindirəcəkdir. Hazırlanması asan və az vaxt tələb etdiyindən bunu hətta atalar da edə bilərlər. Stəkanda lay-lay hazırlanan sıyıq istənilən ailə üzvünün zövqünü oxşayacaqdır.
Davamı →

1. Yulaf sıyığı orqanizmin tonusunu artırır, insanın əhvalına olduqca müsbət təsir göstərir. Bu sıyığın tərkibindəki B6 vitamini insan beynində xoşbəxtlik hormonu adlanan serotoninin yaranmasında fəal iştirak edir.

2. Əgər siz səhər yeməyinizi yulaf sıyığı ilə başlasanız gün ərzində mədə-bağırsaq sisteminiz Kremlin saatı kimi işləyəcək. Kreml ifadəsini təsadüfi işlətmədim. Hələ Sovetlər birliyi dövründən Kreml məmurlarının qida rasionunda yulaf sıyığı mütləq şəkildə olub. Ona görə də yulaf sıyığına “Kremlyovskaya kaşa” da deyirlər.
Davamı →

Rus məsəlində deyilir ki, sıyıq çörəyin ulu nənəsidir. Sıyıq min illərlə insanların sevimli yeməyi olmuşdur.
Sıyıqlar, horralar dəndən, yarmadan, undan hazırlanan duru və ya yarımduru xörəklərdir. Çörək meydana gəldikdən sonra da onlar süfrədə öz əhəmiyyətini itirməmişdir.
Orta əsrlərdə sıyıq Şərqdə, xüsusən türk xalqlarının mətbəxində möhkəm yer tutmuşdur. P.Karpini tatarların bişirdiyi horradan bəhs edərək yazır: «Onlar darını suda qaynadıb bişirirlər. Xörək o qədər duru olur ki, onu su kimi içirlər. Səhərlər belə horradan iki çömçə içmək gün ərzində adamı tox saxlayır. Tatarlar axşam vaxtı isə ətli şorba yeyirlər».
Başqırdlarda əsrlər boyu «butka» adlı sıyıq gündəlik yemək olmuşdur. Onu bayramlarda və ənənəvi günlərdə də bişirmişlər.
Uyğurlar ətli, soğanlı düyü sıyığını xoşlayırlar. Orta əsrlərdə Skandinaviya ölkələrində arpa sıyığı çox yayılıbmış.

Ardı →