Kayzen

Kimin ağlına gələrdi ki, 1828-ci il fevralın 8-də vəkil Pyer Vernin ailəsində anadan olan Jül adlı oğlan gələcəkdə milyonların pərəstiş etdiyi böyük yazıçı olacaq?

Fransız coğrafiyaşünası və yazıçısı, macəra ədəbiyyatının klassiki, elmi fantastika janrının banilərindən biri Jül Vern uşaqlıqda yaşıdlarından heç nə ilə fərqlənməyib. Sadəcə tez-tez limana qaçıb, dünyanın hər yerindən gələn yelkənli gəmilərə tamaşa etməyi çox sevərmiş. Doğrudur, yaşıdları da onun kimi limanda vaxt keçirirdi, amma balaca Jül kimi hərəkət edən az-az tapılardı. Bu hərəkətinə görə atası onu yaxşıca kötəkləmişdi.

O, 11 yaşında “Korale” gəmisində matros köməkçisi kimi Hindistana yola düşmək istəyir. Bunun üçün gəminin kapitanı ilə razılaşır. Bu fərasətli oğlan kapitanın elə xoşuna gəlir ki, onu özü ilə bərabər səfərə götürməyə razılıq verir. Gənc Jül özünü çox xoşbəxt hiss edir. Amma onun bu xoşbəxtliyi uzun sürmür. Atası özünü yetirib bəxtsiz səyahətçini evə qaytarır. Jül atasına söz verir ki, daha heç vaxt belə hərəkət etməyəcək, amma uzaq-uzaq ölkələrə səyahət etmək arzusu içində kök salır. Atası xəyalpərvər oğlunun dənizçi karyerasına qarşı idi. Jülü Sorbonna Universitetinin hüquq fakültəsinə hazırlaşdırırlar.
Davamı →

Britaniyalı səyyah, yazıçı, şair, tərcüməçi, etnoqraf, qılıncoynatma ustası və diplomat Richard Francis Burton 19 mart 1821-ci ildə anadan olmuşdur.

Asiya və Afrika ilə bağlı araşdırmaları ilə yanaşı, müxtəlif dil və mədəniyyətlər haqqında bilikləri Richard Francis Burtonu məşhurlaşdırmışdır. Deyilənə görə, Burton hər biri fərqli dil ailəsinə məxsus olan 29 dil bilirdi.

Burtonu ən çox məşhurlaşdıran onun Məkkəyə səyahət etməsi, “Min bir gecə” nağılını ingilis dilinə tərcümə etməsi və John Henning Speke ilə Nil çayının mənsəbini axtarmaq məqsədilə Şərqi Afrikaya səyahət etməsi, Tanqanika gölünü kəşf etməsi olmuşdur. R. Burton bir çox sənət əsərinin, eyni zamanda coğrafiya, etnoqrafiya və qılıncoynatma ilə bağlı məqalələrin müəllifidir. 
Davamı →

Səyahət etmək hər fəsildə gözəldir. Dünyanın fərqli ölkələrində olmaq, yerli xalqların mədəniyyəti, adət-ənənəsi ilə tanış olmaq çoxlarının marağındadır. Elə bu maraqla Yer kürəsinin hər iki qütbünə, Afrikanın və Asiyanın səhralarına, Cənubi Amerikanın tropik meşələrinə səfər etmiş, Budda rahibləri və Afrika qəbilələrindən hindulara qədər müxtəlif xalqların adət-ənənələri ilə tanış olmuş səyyah soydaşımız Mehrac Mahmudovla müsahibəni təqdim edirik.
Davamı →

1. Səyahəti lap xırdalıqlarına kimi planlaşdırmaq
Bütün işlər kimi, səyahəti də planlaşdırmaq əlbəttə ki, lazımdır. Amma burada bütün xırdalıqları nəzərə alıb, hər addımı əvvələdən yazmaq, əsində, yeni hisslər gətirməli oan səyahəti protokola çevirə bilər. Belə etsəniz səyahətə çıxmazdan əvvəl daha çox zövq alacaqsınız, nəinki səyahətin özündə. Səyahətin ləzzəti isə buradakı yeniliklər, bilmədiyiniz sürprizlərdir. Ona görə də planlaşdırmada o qədər də dərinə getməyin.

2. Ölkədən böyük gözləntilərinizin olması
Əsas odur ki, internetdə gördüyünüz hər şeyi reallıq saymayasınız. Hər şey orada göstərilən kimi deyil. Bunu əvvəlcədən qəbul etsəniz səyahət zamanı dilxor olmayacaqsınız. Çünki əgər internetdə ağ qumları olan əla çimərlik görürsünüzsə, bilin ki, bu şəkilin görünməyən tərəfləri də var.
Davamı →

156 ölkə gəzmiş azərbaycanlı səyyah haqqında Facebookda qeydlərlə yəqin ki qarşılaşmısınız. Paylaşdığı foto və informasiyalarla bizi virtual olaraq dünyanın ən ucqar ölkələrinə aparan Mehrac Mahmudovla daha yaxından tanış olmaq qərarına gəldik.
— Sizi yaxından tanıyaq. Mehrac Mahmudov kimdir?
— Naxçıvanda anadan olmuşam, orta təhsilimi orda tamamlayıb Sankt-Peterburq (Leninqrad) şəhərinin Politexnik İnstitunun məzunu olmuşam. Hal-hazırda səyahətdən başqa Bakıda şəxsi biznesimlə məşğulam.
— 156 ölkə gəzmisiniz. İlk dəfə səyahətə çıxmaq qərarına necə gəldiniz?
— Səyahətə çıxmaq kimi ayrıca bir qərarım yox idi. Sadəcə mən hərdən işimlə əlaqədar, bəzən isə səyahət məqsədi ilə tez-tez səfərlərə gedirdim. Daha sonra isə maraq dairəmi genişləndirmək üçün səfərlərimin sayını artırmaq qərarına gəldim.
Davamı →

Arktika, Şimal qütbü, ekspedisiya…. Bu sözlər Sovet dövrünün istənilən yeniyetməsini ovsunlayırdı. Qütbə səfər etmək şərəf sayılır. Planetin “başına”, 90 dərəcə şimal enliyinə çatmaq, əbədi buzları görmək bir çoxlarının arzusudur.
Bu baxımdan mənim bəxtim gətirdi – beynəlxalq Quark Expedition təşkilatından olan köhnə tanışlarım məni Arktikaya, Şimal qütbünə elmi ekspedisiyada iştiraka dəvət etdilər. Ekspedisiyanın məqsədi Arktika ilə tanışlıq və iqlim dəyişkənliyinin planetin ən ucqar şimal nöqtəsinə təsirini öyrənmək idi.
Davamı →

1.Pullarınızı eyni yerdə saxlamayın
Siz kredit kartınızı bir pul qabınızda saxlamağa öyrəşmisiniz? Səyahət edərkən bu vərdişiniz haqqında unudun. Kredit kartınızı pullarınızdan və sənədlərinizdən ayrı saxlayın. Ən yaxşısı isə, özünüz üçün bir ədəd ehtiyyat kredit kartı da əldə edin.

2. Sənədlərinizi skan etdirin
Öz şəxsiyyət vəsiqənizi və xarici pasportunuzu, sürücülük vəsiqənizi və digər vacib sənədlərinizi skan edin və onları özü poçt hesabınıza göndərin. Əvvəllər sənədləri kseroks edirdilər və nüsxələri çantalarda saxlayırdılar. Lakin bu üsul artıq köhnəlib və etibarsız hesab edilir. Müasir texnologiyalara etibar edin.

3. Sığortalanın
Əksər insanlar sığortalanmağı unudurlar. Sizin sığortanız olmasa, tibbi xidmətlərə xərcləriniz küllü miqdarda pul təşkil edə bilər.
Davamı →

(32) RUM — Geniş ölkədir. Ən gözəl və bərəkətli diyardır, çoxlu nemətləri, möcüzələri var. Buranın suyu ən dadlıdır,havası ən sağlam, torpağı isə ən münbitdir. <cut>

Onun xüsusiyyətlərindən — heyvanlarından aldıqları məhsuldur və firavanlıqdır. Əhalisi müsəlman və xaçpərəstlərdir.Buranın qışı elə soyuqdur ki, su buza dönüb daş kimi olur.Rumun əhalisi beşinci və altıncı iqlimin qərbində yaşayır.

Soyuğa görə bu ölkə əhalisinin çoxunun dərisi ağ və saçları sarışındı.Ləzzət və şadlıq əhalinin əsas zövqüdür, çünki Rum ölkəsi Zöhra ulduzunun altındadır.Xüsusiyyətlərindən biri də burada dəvələrin olmamasıdır. Dəvələr burada balalamırlar.

Rumun əhalisi öz çarlarının, hakimlərinin və rahiblərin şəkillərini çəkirlər və onlar öləndən sonra bu şəkillərdə təsəlli tapırlar. Onlar rəssamlıqda elə mahirdirlər ki, insanın şəklini gülən, ağlayan, şən və kədərli vəziyyətdə də çəkə bilirlər.

Orada olan Ustan dağının ortasında dağ keçidinə bənzər bir yer var.Buradan keçənlər üçün burada yaşayış yerləri var. Yoldan keçənlər pendir- çörək yeyir və buna görə yolun əvvəlindən axırınadək onu buradakı itlər dişləmir, başqalarını isə dişləyirlər.İtlər pendir-çörək yeyənlərin ayaqlarının arasından keçib onlara heç bir xətər yetirmirlər. Bu məlum şeydir.

Aqşəhərlə Antakiyanın arasında atəş mənbəyi var və əgər onun içinə qamış parçası atsan, o alışar. Bu barədə sultan Əlaəddinə xəbər verirlər, o da inanmayıb əmr edir ki, bunu yoxlasınlar. Yoxlayıb görürlər ki, düzdür.

Mənbə: Abidələrin Xülasəsi və Qüdrətli Hökmdarın Möcüzələri — Əbdürrəşid əl-Bakuvi

Qeydlər: RUM — Kiçik Asiya yarımadası

sultan Əlaəddin — Əlaəddin I Keyqubad — Rum səlcuq sultanı (1219-1236)

Davamı →

Bir çox yüzilliklər ərzində insanlar qütb ölkələrinə doğru irəliləmək, onları tədqiq etmək və mənimsəməyə çalışmışlar. Lakin mövcud texnika, sərt iqlim şəraiti uzun müddət bunu qeyri-mümkün etmişdir. Buna baxmayaraq cəsur tədqiqatçılar tədricən şimal dənizlərin mənimsənilməsini mümkün etmiş və mərhələ-mərhələ şimal qütbünə doğru irəliləmişdir. Misal olaraq Novqorod dənizçilərini, Skandinaviya ölkələri səyyahlarını, ruas Amudseni, Henri Hudzonu, Vitus Berixqi, Qeorqi Sedovu, Fitiof Nanseni və bir sıra XX əsrin tədqiqatçılarını göstərmək olar.
XVI əsrin birinci yarısında şimal-qərb istiqamətdə Çin və Hindistana dəniz yolunun açılması gündəmə gəldi.

Ardı →

Afrika materikinin yeni dövr tədqiqi 1788-ci ildə Britaniya tərəfindən yaradılmış «Afrika assosiasiyası» cəmiyyətinin yaradılması dövründən başlayır. Əsas məqsəd materikin mərkəz hissələrini tədqiq etməklə yeni xammal bazaları və xammal mənbələrinə malik olmaq, həmçinin tədqiq olunmuş ərazilərdə ingilis hökmranlığını təsdiq etməkdən ibarət idi. Bu baxımdan Britaniyanın bütün kapitalist dairələri maraqlı olduğundan ekspedisiyaların təşkili maddi cəhətdən böyük çətinliklərlə üzləşmirdi
1788-ci ilə qədər avropalılar Afrikanın şimal-şərq zolağı, Seneqal və Qambiya çayları arasında ərazilər, Konqo çayı mənsəbinə yaxın sahələr, Narıncı çayınıın cənubu, Zambezi çay ınını aşağı axını, Mavi Nil çay ından şimala Efiopiya və Misir haqqında məlumatlara malik idilər.

Ardı →