Kayzen

Sent-Luisdəki Vaşinqton Universitetinin alimlərinin araşdırması sübut edir ki, havanın çirklənməsi getdikcə. şəkərli diabetin inkişafına təkan verən faktora çevrilir.

Amerikalı ekspertlərin arqumentlərini Lancet Planetary Health jurnalı dərc edib.
Şəkərli diabet xəstələrinin sayı havanın minimum səviyyədə çirklənməsi ilə də artır.
Uzun müddətdir ki, şəkərli diabet xəstəliyinin artmasında həlledici amilin qidalanma və piylənmə olduğu deyilirdi.

Davamı →

Filippinli həkimin tapdığı Şəkər xəstəliyini tam sağaldan bu resepti çox sadə və ucuz məhsullarla, cəmi 5 dəqiqədə hazırlaya bilərsiniz.
Şəkər xəstəliyi böyrək, qaraciyər, sinir sistemi və hətta gözlər kimi həyati əhəmiyyətli orqanlara ciddi ziyan vurur.
Fillipində şəkər xəstəliyi üçün təbii dərman axtarışı istiqamətinə fəaliyyət göstərən Dünya şöhrətli mütəxəssis var. Doktor Ceymi Dy-Liacco kimi tanınan bu 82 yaşlı həkim şəkər xəstəliyinə qarşı davamlı dərman axtarır, ömrünün böyük bir hissəsini buna həsr edib.
Davamı →

Şəkər xəstəliyi haqqında yetərincə paylaşmalar etsəm də bu bitkilərin birgə istifadəsi, belə desək məni heyrətləndirdi.

Artıq bir çox insanlar heç bir vasitədən istifadə etmədən bu bitki qarışımından istifadə edərək normal həyatlarını yaşayırlar.

Çayın tərkibi:
– Ud hindi üyüdülmüş
– 300 qram
– Qarazirə meyvəsi üyüdülmüş
– 300 qram
– Bağayarpağı üyüdülmüş
– 300 qram
Davamı →

Şəkərsiz diabet termini altında çox miqdarda durulaşmış sidik ifrazı ilə xarakterizə olunan xəstəliklər toplanıb. Əksər hallarda həmin xəstəliklər antidiuretik hormonun istehsalı və ya təsirinin pozulması ilə əlaqədar olur.

Şəkərsiz diabet şəkərli diabetlə müqayisədə nadir hallarda rast gəlinən xəstəlikdir. Şəkərli diabet insulin çatışmazlığı və ya insulinə rezistentlik, qanda qlükoza səviyyəsinin yüksəlməsi səbəbindən susuzluq və sidik ifrazının artması ilə xarakterizə olunursa, şəkərsiz diabet zamanı yaranan poliuriyanın qanda qlükoza səviyyəsi ilə heç bir əlaqəsi olmur. Orqanizmdə mayenin həcmini və onun tərkibini balanslaşdıran xüsusi sistemlər fəaliyyət göstərir. İlk növbədə böyrəklər mayenin artığını orqanizmdən xaric edir və sidik əmələ gətirir. Orqanizmə daxil olan suyun miqdarı azalanda, yaxud hədsiz tərləmə və ya ishal nəticəsində maye itkisi baş verəndə böyrəklər kompensator olaraq daha az sidik ifraz edir, bununla da maye balansını qorumuş olur.
Davamı →

Bu şəkərli diabetin ağır fəsadlarından biridir. Diabetik pəncə sindromu olan insanda pəncələrdə xoralar əmələ gəlir, oynaqlar və sümüklər zədələnir.

Yaralar çox gec sağalır, onlarda infeksiya inkişaf edə bilər. Ən ağır vəziyyətlərdə bu qanqrena (bədənin bir yerində toxumaların çürüməsi) və amputasiya ilə (bədənin xəstə üzvünün kəsilməsi) nəticələnə bilər.

Diabetik pəncə sindromunun səbəbi diabet xəstələrinin ayaq damarlarında qan dövranının pozulmasıdır. Bunun nəticəsində qidalanması pozulmuş dəridə müxtəlif gec sağalan zədələnmələr əmələ gəlir. Həmçinin dəri soyuğa qarşı çox həssas olur.

Qanda şəkərin xroniki olaraq yüksəlməsi nəticəsində pəncələrdə sinirlərin keçiriciliyi pozulur və bunun nəticəsində bu nahiyədə həssaslıq azalır. Buna «diabetik neyropatiya» deyilir. Bunun nəticəsində diabet xəstəsi ayaqlarda ağrı, soyuq və ya isti temperaturun təsirini, təzyiq, demək olar, hiss etmir. Sağlam insana ağrı hissi vaxtında tədbir görməyə və özünü ağır travmadan qorumağa imkan verir. Diabet xəstələri isə eyni vəziyyətlərdə həssaslığın azalmasına görə travmalar alır. Ayaqlarda yanıqlar, sıyrıntılar və digər zədələnmələr bu xəstələrdə ağrısız keçir ki, onlar bu zədələnmələrə hətta qanqrena başlamayana kimi fikir vermir.

Ardı →

Həkimlər tez-tez belə bir ifadə istifadə edir: «diabet xəstəlik deyil, həyat tərzidir».

Bu o deməkdir ki, insan müəyyən qaydalara əməl etdikdə, xəstəliyin onun həyatına olan mənfi təsirini minimuma çatdıra bilər.

Lakin əgər xəstə bu qaydalara əməl etməzsə və şəkərin səviyyəsi onun qanında daim yüksək olarsa, orqanizmin bir çox orqan və sistemlərində (böyrəklər, gözlər, qara ciyər, ürək-damar, sinir sistemi və s.) müxtəlif ağır pozulmalar inkişaf edəcək. Şəkərin qanda çox yüksək səviyyədə olması komaya səbəb ola bilər.

Pəhriz şəkərli diabet xəstələrin müalicəsində ən önəmli rollardan birini oynayır. Hətta ən müasir dərmanları qəbul edən, lakin pəhriz saxlamayan diabet xəstəsi heç zaman öz xəstəliyinə lazım olan səviyyədə nəzarət edə bilməz.

Xəstə mütləq və dəqiq bilməlidir, hansı qidaları qəbul edə bilər, hansı qidaları — yox və bu qaydalara ömrünün sonuna kimi ciddi riayət etməlidir. Şəkərli diabetin yüngül formalarında yalnız pəhrizin köməyi ilə şəkərin səviyyəsini normada saxlamaq mümkündür.
Ardı →

İldən ilə şəkərli diabet xəstəliyindən əziyyət çəkən insanların sayı bütün dünyada sürətlə artır.

Müasir tibbdə bu ən ciddi problemlərdən biri sayılır.

Hər il bütün dünyada xəstələrin sayı 6-10% artır, hər 10-15 ildən bir xəstələrin sayı 2 dəfə artır. Bəzi hesablamalara görə, hal hazırda bütün dünyada 200 mln.-dan artıq şəkərli diabet xəstəliyindən əziyyət çəkən insanlar var.

Bu xəstəlikdən heç bir insan sığortalanmayıb. Şəkərli diabet hər bir insanda və hər yaş dövründə inkişaf edə bilər.

Şəkərli diabetin erkən aşkar olunması çox vacibdir. Uzun müddət ərzində inkişaf edən və aşkar olunmayan şəkərli diabet müxtəlif ağır fəsadlara, o cümlədə diabetik komaya, səbəb ola bilər.

Xəstəliyin ilk simptomlarını hər bir insan bilməli və özündə bu simptomları (və ya onlardan bəzilərini) müşahidə etdikdə, dərhal endokrinoloqa müraciət etməlidir.
Ardı →

Diabetik koma. Xəstəni hiperqlikemik komadan çıxartdıqdan sonra insulin terapiyası ilə yanaşı ən çox karbohidratlı qida təyin edirlər (sodalı sular, kompot, kisel, meyvə şirələri, sıyıqlar, kartof və digər tərəvəzlər, çörək və s.). Xəstənin vəziyyəti yaxşılaşdıqca onun dietasını genişləndirirlər və dietaya zülal tərkibli məhsullar əlavə edirlər ( kəsmik, pendir, yulaf yarması və s.). Əvvəlcə yağın miqdarı 40-50 q-dan artıq olmamalıdır, sonradan miqdarını dietada tədricən çoxaldaraq gündəlik rasionda yağın hesabına kaloriliyi 20-24%-ə çatdırılmalıdır. Adi çayı adətən MİRFAZİN çayı (şəkəri aşağı salan çay) ilə əvəz etmək məqsədəuyğundur.
Ardı →

Endokrin sistemin xəstəliyi olub, orqanizmdə tamamilə və ya hissəvi olaraq, insulin hormonunun çatmazlığı ilə əlaqədardır. İnsulin hormonu isə mədəaltı vəz tərəfindən sintez olunur. Şəkərli diabet zamanı karbohidrat, zülal və lipid mübadiləsi kəskin pozulmuş olur. Şəkərli diabet çox rast gəlinən, lakin diaqnostika baxımdan çox «maskalanan» bir xəstəlikdir. Statistikaya görə, dünya əhalisinin 10%-i bu xəstəlikdən əziyyət çəkir. Hər 10-15 ildən bir xəstəliyə tutulanların sayı 2 dəfə artır. Bundan əlavə, 30-35 % pasientlərdə bu gizli şəkildə getdiyindən gec aşkar olunur.

Ardı →

Şəkərli diabet xəstəliyindən əziyyət çəkən insanların xərçəngin müəyyən növlərinə yoluxma riski daha yüksəkdir. Araşdırmaçılar belə qənaətə gəlib. 400000 insan arasında aparılan sorğudan sonra bəlli olub ki, hər 100 diabet xəstəsi kişidən 16-ı, hər 100 qadından isə 17-si xərçəngdən əziyyət çəkir. «Reuters»in məlumatına görə, diabetdən əziyyət çəkməyən insanlar arasında bu rəqəm 7-10 arasında dəyişir.
Atlanta xəstəliklərə nəzarət mərkəzinin epidemeoloqu Çaoyan Linin sözlərinə görə, şəkər xəstəliyi olan qadınlar və kişilərdə xərçəngin müxtəlif növlərinə rast gəlinə bilər. Belə ki, kişilərdə daha çox bağırsaq, mədəaltı vəz, sidik kisəsi, prostat, qadınlarda isə süd vəzi, uşaqlıq, qan xərçəngi ola bilər.

Con Hopkins universitetinin professoru Fred Brankati də bənzər tədqiqat apardığını bildirib. Onun tədqiqatının nəticəsi isə belə olub — şəkərli diabetdən əziyyət çəkənlərin xərçəng xəstəliyi nəticəsində ölüm riski diabet olmayanlarla müqayisədə 40 faiz çoxdur.
Davamı →