Kayzen

Bəziləri üçün pula qənaət etmək çətindir, xüsusən qiymətlərin artdığı, lakin istehlakın da artdığı müasir zamanda. Bununla belə, maliyyə təhlükəsizliyinizi artırmaq üçün atdığınız kiçik addımlar böyük dəyişikliklərə səbəb ola bilər. Pula qənaət etmək tamamilə nizam-intizam və metod məsələsidir. Pul qənaət etmək üçün həmçinin sabit gəlir və xərclərə nəzarət etmək bacarığı tələb olunur. Bu bacarığı müəyyən təcrübələri inkişaf etdirməklə əldə etmək olar. Bunun üçün ilk növbədə “mən bacarmıram” yox “necə edə bilərəm?” sualını özünüzə verin. Əmanət sahibi olmaq sizə maddi cəhətdən təhlükəsiz hiss etməyə, fövqəladə halları idarə etməyə və bəzi məqsədlərinizə çatmağa kömək edəcək. Pulunuza qənaət etməyinizə kömək edəcək 8 effektiv üsulu təqdim edirik:

Davamı →

Gündəlik həyatımızda kommunal xərclər ev təsərrüfatımızın ayrılmaz bir hissəsi kimi qarşımıza çıxır. Bu xərclər tez-tez gözlənilmədən arta bilər və ailə büdcəmizə ciddi təsir göstərə bilər. Bu yazıda kommunal xərclərinizi idarə etməyə və qənaət etməyə kömək edəcək 5 praktik üsulu öyrənəcəksiniz. Enerjiyə qənaət etməkdən su sərfiyyatını azaltmağa, istilik və soyutma sistemlərinin effektiv idarə edilməsindən elektrik cihazlarının düzgün istifadəsinə qədər bu tövsiyələr kommunal xərclərinizi azaltmaqda sizə kömək edəcək.

Davamı →

Hamımız həyatımızda çətin zamanlar yaşaya bilirik. Belə vaxtlarda hədərə xərclədiyimiz pullar üçün heyfsilənir və buna görə özümüzü bədxərclikdə günahlandırırıq.

Çətin vaxtlar keçirməyimiz gələcək günlərdə pulsuzluq yaşamasaqda ehtiyatlı pul xərcləməyimizə və daha qənaətcil olmağımıza səbəb olur. Qənaətcil olmaq əslində edilməsi lazım olan ən doğru şeydir, ancaq bəzən xətti keçir və lazımsız yerlərə pul xərcləyirik. Bu hərəkətlərin qarşısını almaq və pulumuzun qədrini bilmək, faydalı bir yerə xərcləmək üçün qənaətcil olmağımız şərtdir. Ancaq öyrəncəli olmayan üçün bu vəzifəni yerinə yetirmək çox çətindir. Qənaətcil olmaq diqqət tələb edən bir vərdişdir. Qənaətcil olmaq istəyənlərə bir neçə təklifimiz var. Buyurub tanış ola bilərsiniz.
Davamı →

Qənaət məsələsində maşın sahiblərini də unutmamaq lazımdır. Belə ki, benzinə qənaət etməyin yolları da var və bu, ekspertlər tərəfindən müəyyənləşdirilib. Araşdırmalara görə, sürücülər bəzi tövsiyələrə əməl etdikdə yanacaq sərfinə 40 faiz qənaət edə bilərlər.

Bəzi sürücülər avtomobilin yanacaq sərfinin yalnız modelindən və texniki göstəricilərindən asılı olaraq artıb-azaldığını düşünürlər. Ustalar deyir ki, sürücülər bəzi qaydalara əməl edərsə yanacağa 40 faizədək qənaət edərlər.
Davamı →

Avtomobil alarkən əksər alıcıları maşının az yanacaq işlətməsi maraqlandırır. Bu baxımdan hansı avtomobillərin daha az yanacaq işlətməsi ilə bağlı məlumatlar maraqla izlənilir. Ən kiçik mühərrikli və az yanacaq sərf edən modellər Çin, İran, Amerika, Yaponiya və Azərbaycan istehsalı olan avtomobillərdir. Azərbaycanda bu avtomobillərin alıcıları seçim edərkən kiçik olmasını və qənaətcilliyi nəzərə alırlar.

1. Ən kiçik mühərrikli və ən ucuz avtomobil – “Changan Benni”
Ən kiçik mühərikli avtomobillər sırasında ilk yeri “Changan” şirkətinin “Benni” avtomobili tutur. Cəmi 1 litr həcmli 80 at gücündə mühərriklə “Changan Benni” 100 km məsafəyə 5,2- 5,7 yanacaq sərf edir. “Sirena Motors” şirkətindən verilən məlumata görə, maksimal sürət həddi 180 km/saat olan avtomobil Bakıda 8 min manata satılır. Həm də ölçülərinin kiçik olması ilə seçilən avtomobili daha çox qadınlar və şirkətlər alır. Xanımlar əsasən kiçik və sərfəli olduğu üçün “Benni Mini” alır. Şirkətlər isə bu avtomobildən loqolarını yapışdırmaq üçün istifadə edirlər.
Davamı →

“Yanacağa qənaət etmək üçün avtomobilləri mütəmadi olaraq təmir etdirmək lazımdır”. Bu fikirləri Türkiyənin Neft Məhsulları İşəgötürənlər Birliyinin rəhbəri İmran Oxumuş deyib.

O bildirib ki, ətraf mühitin təhlükəsizliyi və xərclərin minimum endirilməsi üçün yanacaqdan mümkün qədər səmərəli istifadə etmək lazımdır.


Davamı →

Ailə büdcəsində xərc payı yüksək olan elektrik enerjisindən hansı üsullarla daha az istifadə etmək olar sualı demək olar ki, hamını düşündürür. Bu baxımdan enerji səmərəliliyi, enerjiyə qənaət istiqamətində bir sıra tövsiyələri təqdim edirik.

• İşıqlanmada 100, 75, 60 və 40 Vattlıq lampalarını 25 Vt və daha aşağı vattlıq LED (diod) lampaları əvəz edin. Bilin ki, lampaların dəyişdirilməsinə bir dəfə vəsait qoymaqla sərf olunan elektrik enerjisinin 80 faizə qədər qənaət etmək olar. Mütəxəssislərin fikrincə, enerjiyə qənaət edən və ekoloji baxımdan təhlükəsiz olan müasir işıqlandırma vasitələrinin tətbiqi və istifadəsi zərərli maddələrin, o cümlədən karbon-dioksid qazı tullantılarının faizinin azalmasına gətirib çıxarır. Deməli, bu dəyişiklik həm ailə büdcəsi, həm də ailə üzvlərinin saglamlığı üçün sərfəli və faydalıdır.
Davamı →

Pulları düzgün xərcləməyi bacaran şəxs üçün pul həmişə kifayət edir. Söhbət Sizin ümumi gəlirinizin 10%-dən çoxunu təşkil edən xərclərin planlaşdırılmasından gedir. Maddi rifaha doğru gedən yol.

Xərclərin azaldılmasında əsas amillərdən biri xərclərin qabaqcadan planlaşdırılmasıdır. Əlbətdə ki, bütün xərcləri öncədən planlaşdırmaq mümkün deyil, heç bunu etməyə belə dəyməz. Biz axı insanlarıq, robot deyilik ki. Amma yenə də, planlaşdırmasız mümkün deyil. Söhbət Sizin ümumi gəlirinizin 10%-dən çoxunu təşkil edən xərclərdən gedir. Siz sual verəcəksiniz ki, niyə məhz 10?

Davamı →

Gözəl və baxımlı görünmək üçün sərvət xərcləmədən də gözəl görünə bilərsiniz. 

• Dırnaq boyalarınız çox tez quruyur və istifadə edilməsi mümkünsüz hala gəlirsə, ona bir az aseton əlavə edib dırnaqlarınıza əvvəlki kimi çəkin.
   

• Həm göz, həm də qaş qələmi alaraq bədxərclik etməyə gərək yoxdur. Gözün üçün qələmi qaşın rəngi ilə uyğunlaşdırıb hər ikisində istifadə edə bilərsiniz.
   

• Baş bəlası sızanaq və qara nöqtələri yox etmək üçün bahalı kremlərə və müalicələrə ehtiyacınız olduğunu düşnürsünüzsə, yanılırsınız. Çünki bəzən bahalı dərmanların faydası olmur. Sağlam qidalanın və bitkilərlə təbii şəkildə maska hazırlayıb dərinizə çəkin. Yaxud da bahalı kremlərin tərkibində olan maddələri ayrılıqda ala bilərsiniz. Bu daha ucuz başa gələr.
  

Ardı →