Ziyanlı gigiyenik vərdişlər

Gigiyena qaydalarına riayət etmək insan sağlamlığında böyük rol oynayır. Lakin bəzi faydalı bildiyimiz gigiyenik vərdişlər əslində sağlamlığımıza yalnız ziyan vurur.

ABŞ-ın gigiyena sahəsində mütəxəssisləri belə vərdişləri araşdırıb. Onların fikrinə görə, ən ziyanlı gigiyena vərdişi antibakterial gel və sabunlardan müntəzəm istifadə etməkdir. Belə vasitələrin tərkibində olan triklozan orqanizm üçün ziyanlı sayılır.

Həmçinin antibakterial vasitələr dərini çox qurudur, onu daha həssas edir, dərinin normal mikroflorasını pozur, yerli immuniteti zəiflədir.
Davamı →

Bu əşyaları hamamda saxlamayın


Şəxsi gigiyenamız üçün hamam olduqca önəmli bir yerdir. Hamamda yaranan nəmli və rütubətli şəraitə görə oranı nə qədər təmizləsək də, istənilən təmizliyi əldə etmək çətin olur. Buna görə də gigiyenik əşyaları hamamda saxlamaq ən böyük səhvlərdən biridir.

Diş fırçası 
Aparılan araşdırmaya əsasən, hamamda saxlanılan diş fırçalarının üzərində 60 faiz qalıq maddələr tapılıb. Bu isə nə qədər təmizkar olsanız da, hamamda yaranıb artan bakteriyalara əngəl ola bilmədiyiniz anlamına gəlir.
Davamı →

Hansı su daha yaxşı təmizləyir?

Əvvəllər belə hesab olunurdu ki, isti su mikrobları daha yaxşı yuyub aparır. Lakin son araşdırmalar göstərib ki, bu heç də belə deyil.

Medicinform.net-ın məlumatına görə, Rutgers Universiteti (ABŞ) alimləri araşdırmalar zamanı aşkar ediblər ki, soyuq və ya isti suyun təmizliyə və sterilliyə heç bir bir aidiyyatı yoxdur. Araşdırmada 2 qrup insan iştirak edib. 1-ci qrup əlləri soyuq, ikinci isti suda yuyurdu. Sonra iştirakçıların əlləri mikroblara görə yoxlanılırdı.
Davamı →

Düzgün intim gigiyenanın 15 qaydası

Qayda 1 : Hər gün
Minimum gündə bir dəfə yuyunun və hər dəfə yuyunmadan sonra təmiz alt paltarı geyinin. Əgər sizdə menstruasiya dövrüdürsə, sizə bezləri dəyişdiyiniz qədər də (ginekoloqlar bezi hər 3-4 saatdan bir dəyişməyi məsləhət görürlər) yuyunmaq lazımdır.

Qayda 2: Su
Həmişə çalışın axar su altında yuyunasınız. Su axınını cinsiyyət orqanlarına yönəltməklə çalışın ki, su yuxarıdan aşağı axsın, aşağıdan yuxarı vaginaya doğru istiqamətlənməsin. Sprinsləmə (şırınqa) də buraya aiddir. Birdəfəlik yadda saxlayın: sprinsləmə ziyanlıdır.
Davamı →

Ayaqqabılarda pis qoxuları dəf etmək üçün üsullar

1. Yuyun və qurudun
Hər gün ayaqlarınızı su və sabunla yaxşıca yuyun. Barmaq aralarınızı, ayaqlarınızı tam qurudun sonra isə ayaqqabılarınızı geyinin. Belə etdikdə ayaqlarınızı uzun müddət tərləmədən və pis qoxu vermədən qalacaq.

2. Bakteriyaları yox edin
Ayağınızdakı bakteriyaları yox etmək üçün bəzi məhlullar mövcuddur. Məsələn, ağ sirkə ayağınızdakı bakteriyaları yox etməkdə işə yarayan əla vasitədir. Müəyyən miqdar ağ sirkəni spreyli bir qaba doldurun və hər gün duşdan sonra ayaqlarınıza sıxın, qurusun. Bunu ayaqqabılarınızı geyinmədən əvvəl də edə bilərsiniz.
Davamı →

Hamam otaqında edilən gigiyenik səhvlər

Hamam evimizdə gigiyenik təmizlik üçün ən vacib bucaqlardan biridir. Hamamda etdiyimiz hər şeyin düzgün olduğunu düşünürük. Ancaq bəzən səhvlərə də yol verə bilərik. Bəs bu səhvlər nələrdir?

1. Diş fırçalarını unitaza yaxın yerdə saxlamaq
Unitazı nə qədər yusanız da, ora yenə də bir mikrob mənbəyidir. Buna görə mütəxəssislər unitazın qapağının həmişə bağlı saxlanılmasını və diş fırçalarını qapalı bir qabda saxlamağı məsləhət görürlər.

2. Yaş dəsmallar
Bakteriyalar yaş dəsmallarda daha çox toplanır. Yaş dəsmallarla qurulandığınızda vücudunuzdakı yaralarınıza infeksiya düşməsi halları daha çox olur. Bunun qarşısını almaq üçün dəsmalların bir nəfərdən artıq şəxsin istifadə etməməyi, yaş halda istifadə edilməməyi, tez-tez dəyişdirilməsi lazımdır.


Ardı →

Ayaqyolunun tarixcəsi

Fransızlar niyə çətir və yelpik gəzdirirdilər?
Haqlı olaraq deyirlər ki, şüurlu insanların tarixi əlinə ilk ağac ala bilən insandan deyil, tualeti ilk tikən insandan başlayır.
Biz həmişə çətir və yelpiyi görəndə ilk olaraq fransız madam və mademuazelləri xatırlayırıq. Çünki orta əsrlərə aid ədəbiyyatlarda və rəsm əsərlərində çətir və yelpik fransız qadınların simasında avropalı feminanın başlıca aksessuarı sayılıb. Bilməyənlərə yəqin elə gəlir ki, çətir yağış və günəşdən, yelpik isə istidən qorunmaq məqsədilə orta əsr Avropa qadını tərəfindən hər yerə daşınırdı. 

İlk baxışda bir-birinə qətiyyən aid olmayan iki fərqli məfhumu – çətir və tualeti bir araya gətirərək isbat etməyə çalışacağıq ki, bunların biri o birini heç də inkar etmir və parisli xanımların çətir sevgisinin əsl səbəbi nədir. Bu absurd qoşalaşdırmaya bizi orta əsrlərin və müasir dünyanın ən mədəni xalqlarından biri sayılan fransızlar vadar edib. Və çətirdən aidiyyatı üzrə istifadə edilməməsinin səbəbini açmaq üçün bizi tualetin tarixinə nəzər salmağa yönləndirib. 

Oturacaqlı tualetin eramızdan 2600 il əvvəl şumer çariçasına aid olduğu iddia edilir. Şotlandiya ərazisindən isə 5000 il yaşı olan stulabənzər tualetin qalıqları tapılıb. Eramızdan əvvəl 2100-cü ilə aid tualetə Misirdə, daha sonralar isə Parisdə və Hindistan yarımadasında rast gəlinir. 
Ardı →

Mətbəxdə gigiyena

mətbəxdə təmizlikMətbəximizdə hər şey təmizliyə xidmət etməlidir. Bunun üçün zədəli qablar, yemək artıqları, çirkli parça qırıqları saxlamayın. Qablar yuyulmazdan əvvəl yemək artıqlarından təmizlənməlidir. Bu mənada qabyuyan maşın, soba və qaz plitələrinin təmizliyi də əsas şərtdir.
Yemək hazırlamağa başlamazdan əvvəl, çiy ət, yaxud toyuq məhsullarına toxunduqdan sonra əllər 20 saniyə fasiləsiz olaraq isti su və sabunla yuyulmalıdır. İstifadə etdiyiniz bez və süngərlər yaxşı təmizlənmədikdə bir neçə saat ərzində üzərlərindəki bakteriyalar artıb çoxalır. Çiy əti doğrayarkən işlətdiyiniz bıçağı təmizləyib, qaynar suda saxlayaraq dezinfeksiya edin.
Mətbəx avadanlıqları və əlüzyuyan isti, sabunlu su ilə yuyulduqdan sonra 1 çay qaşığı xlor əlavə edilmiş su ilə durulanmalıdır. Sintetik, plastik qablardan təkrarən istifadə etməyin, atın. Bəzən ət məhsullarını bişirməzdən əvvəl bakteriyalardan təmizləmək məqsədi ilə yuyurlar. Buna ehtiyac yoxdur, çünki bakteriyalar yalnız 71 dərəcə selsidə məhv olur.
Mətbəxdə işlədilən yaş bezlər mikrob mənbəyinə çevrilməsin deyə, həftədə 1 dəfə paltaryuyan maşında isti su ilə yuyun.
Əlüzyuyanda yığılıb qalmış yemək artıqları nəmli şəraitdə bakteriyaların çoxalmasına səbəb olur: Odur ki, əlüzyuyanı tez-tez xlorlu su ilə yumaq və dezinfeksiya etmək lazımdır.
Ardı →

İslamda təmizlik

təmizlikİslam dinində təmizlik insanlığın təməl prinsiplərindəndir. İbadətə hazırlaşan insan xüsusi təmizlik mərhələlərindən keçdikdən sonra yönünü Qibləyə çevirir. Peyğəmbərimizin (s.ə.s.) hədislərində təmizlik həm gözəllik, həm ibadət, həm də sağlamlıq üçün çox önəmli amil kimi dəyərləndirilir. Onun buyruqlarında gigiyena ilə bağlı yer alan tövsiyələr bu gün tibb elmini heyrətə salır.

Rəsulullah(s.ə.s.) buyurur ki, dəstəmaz alarkən gözlərinizə su içirin. Bu, o deməkdir ki, göz çuxurlarına su verin, onları yaxşı-yaxşı ovuşdurun. Bu gün bir çox göz xəstəliklərinin məhz göz çuxurlarının təmizlənməməsi ucbatından əmələ gəldiyi məlumdur. Göz masajı, yəni göz çuxurlarının yüngülcə ovuşdurulması görmə qabiliyyətinin yaxşılaşdırılması üçün ən səmərəli təmrinlərdən hesab olunur. Hətta Dünya Səhiyyə Təşkilatı gün ərzində ən azı bir dəfə göz qapaqlarını və çuxurlarını yaxşı-yaxşı yumağı məsləhət görür.


Ardı →

Sağlamlıq üçün əsas 3 təhlükə mənbəyi

Bu yaxınlarda amerikalı mikrobioloq Ç.Qerb özünün yeni tədqiqatlarının nəticələrini mətbuat üçün açıqladı. O, bu dəfə mikrobların və virusların daha çox harada olduğunu aşkarladığını qeyd edirdi.Aydın oldu ki, bunlar heç də ofis işçilərinin hesab etdiyi yerlər deyil, Belə ki, hamı ümumi tualetlərdə unitazları ən çirkli yer hesab edir. Lakin aydın oldu ki, bu heç də belə deyil. Əslində bura aşağıdakılar aiddir:
1)kompyuterlərin klaviaturası,
2)Telefonların dəstəkləri,
3)Ümumi tualetlərdə əl-üz yuyanlar.


Ardı →