Kayzen

Peşəkar stomatolojı yardım ala bilmədiyiniz halda (məsələn, gecə, şəhərdən kənar yerdə və s.) diş ağrısı ilə mübarizə aparmaq üçün aşağıdaki vasitələrdən istifadə edə bilərsiniz.

İlk öncə xalq təbabəti üsullarından istifadə etmək olar:

1. Hər 2 saatdan bir ağzınızı duz məhlulu ilə qarqara edin (2-3 çay qaşığı duz + 200-250 qr ilıq su).

2. Adaçayı (sürvə) otun dəmləməsi ilə qarqara (2 çay qaşığı ot 250 ml qaynar su ilə 15 dəq. ərzində dəmlənir və otaq temperaturuna qədər soyudulur). Dəmləməni 30 san. ərzində ağızda (xəstə diş tərəfində) saxlayın. Bundan ələvə digər dəmləmələrdən də istifadə edilir: 1 çay qaşığı adaçayı + 1 çay qaşığı çobanyastığı; 2 çay qaşığı nanə; 2 çay qaşığı palıd qabığı.

3. Xarab dişin oyuğuna 1 dənə mixək, kamfara spirtində və ya valeryan damcılarında isladılmış steril pambıq qoymaq olar.

Bu üsullar kömək etmədiyi halda ağrıkəsici bir həb qəbul etmək olar (dərmanı qəbul etməzdən əvvəl onun təlimatını diqqətlə oxuyun!).

Hətta diş ağrısı tam keçdiyi və ya azaldığı halda mütləq yaxın bir zamanda diş həkiminə müraciət edin!

Diş ağrısından xilas olmağın ən yaxşı üsulu – keyfiyyətli və müasir diş pastaları ilə dişlərin gündə 2 dəfə düzgün təmizlənməsi və ildə 2 dəfə olmaqla stomatoloqun müayinəsindən keçməsidir.

Davamı →

«Subayam, ailə həyatı qurmaq istəyirəm» deyirsinizsə, bu tövsiyələr məhz sizin üçündür. 
Ailə həyatı quracağınız insan necə olmalı? Hansı kişilərlə ailə həyatı qurmaq olmaz? İndi sizə bunları bir-bir açıqlayacam.
Elə insanlar var onlarla ailə həyatı qurmaq olar, elələri də var ki, onlarla evlilik haqqında hətta düşünmək belə olmaz. Subaykən verəcəyiniz yanlış bir qərar irəlidə sizi üzən, zəiflədən bir münasibətə, hətta evliliyə səbəb ola bilər. Bu səbəbdən bir insanla uzunmüddətli münasibət qurmağı düşünürsünüzsə, evlilik qərarı vermədən öncə düşünün.
Davamı →

Uğur və xoşbəxtliyin əldə edilməsi həyatı önəm daşıyır. Sizə təqdim edəcəyim ip ucları öz-özünüzə ruhlandırmağa və bunu davam etdirməyə kömək edəcək. Bunlar həyatda sınanmış və nəticəsi olan tövsiyələrdir. Həyata keçirmədiyiniz zaman ərzində sadəcə sözlərdən ibarət olacaq, həyata keçirdiyinizdə isə əldə edilmiş uğurdan.
1. Həyat hekayənizi yazın.
Təmiz bir kağıza bir-iki səhifə arzu etdiyiniz gələcəyin hekayəsini yazın. Gələcəkdə etmək istədiyiniz şeyləri, yaşamaq istədiyiniz məkanı, sahib olmaq istədiklərinizi yazın. Bu sizi həm indi, həm də gələcəkdə ruhlandıracaq.

2. Gələcəyi gözlərinizdə canlandırın.
Gözlərinizi bağlayın,özünüzü gələcəkdə necə görmək istədiyinizi təsəvvürünüzə gətirin. Məsələn, sağlam şəkildə qaçarkən, bağda gülləri sulayarkən, uşaqlarınızla istirahət mərkəzində istirahət edərkən. Xəyalınız bir iş yeri açmaqsa, özünüzü bir açılış günündə, müştərilərin, işçlərin sizi salamlamasını təsəvvür edin.

3. Keçmişi gözünüz önündə canlandırın.
Daha əvvəl harda olduğunuza, bu günə çatmaq üçün nə qədər yol qət etdiyinizə diqqət edin. Bu zaman hədəflərinizə nə qədər yaxınlaşdığınızı və nə zaman, hansı yerdə xəta etdiyinizi anlayacaqsınız. Bu sizin gələcəkdə doğru yolda getməniz üzün bir bələdçi rolunu oynayacaq. Yolda gedən bir sürücünü düşünün, yalnız önünə baxarsa, geriyə baxmazsa nələrlə üzləşə bilər? Zaman-zaman geriyə baxmaq ən az sürücünün yolu qəzasız davam edə bilməsi qədər yararlıdır.
Ardı →

Yer üzündə elə bir insan tapılmaz ki, ətrafdakılara təsir etmək, öz arzu və istəklərini həyata keçirmək və qarşısıalınmaz bir hisslə gərəkliliyini duymaq marağında olmasın. Elə isə insan münasibətləri sahəsində dünya şöhrətli Amerika mütəxəssisi Deyl Karneginin fikirləri ilə tanış olaq. Deyl Karnegi ilə tanışlıqdan əvvəl onun kimliyilə maraqlanaq. Deyl Karnegi 1888-ci ildə Amerikanın Missuri ştatında anadan olub. Heç kimin tanımadığı Deyli məşhurlaşdıran və ona milyonlar qazandıran keyfiyyət sırf təsadüf nəticəsində yaranıb. Belə ki, təhsil haqqını ödəyə bilməyən Deyl anasının məsləhəti ilə diskussiya dərnəyinə daxil olub, nitq mədəniyyətini öyrənir. Və müxtəlif mövzular üzrə çıxışlar edərək pul qazanmağa başlayır. Yaxşı natiq kimi tanınan Deyl təhsilini başa vurduqdan sonra ticarətlə məşğul olmağa başlayır. Bu sahədə işləri pis getməsə də o, natiqlik sənətinin ardınca getmək qərarına gəlir. Və bu məqsədlə Nyu- Yorka yollanır.

Nyu-Yorkda natiqlik sənəti üzrə kurslar aparan Deyl insani münasibətlərlə maraqlanmağa başlayır. 1936-cı ildə işıq üzü görən «Dostu necə qazanmalı və insanlara necə təsir etməli?» adlı kitabı Deylin həyatını büsbütün dəyişir. Bir il ərzində milyon nüsxədən çox satılan bu kitab tezliklə 14 dilə tərcümə olunur. Deyl kitabında insanlarla rəftarın əsas metodlarından, eyni zamanda onları incitmədən, təhqir və təhdid etmədən öz baxışlarına meylləndirmə üsullarından və s. məsələlərdən söhbət açırdı.

Ardı →

Bütün qadınlar parlaq, canlı, gözəl saçlara malik olmaq istəyir. Təsadüfü deyil ki, saçlar gözəl göründüyündə qadınlarda özünə inam daha çox olur. Bəs gözəl saçlara malik olmaq üçün nə etmək lazımdır? 
Araşdırmalara görə gözəl saçlara sahib olmağın qızıl qaydaları aşağıdakılardır:
— Saçları şampunla yumaq lazımdır. Sabunlar saçın üzərində şəffaf bir təbəqə meydana gətirir. Bu da saçı matlaşdırır, cansızlaşdırır.
— Ən yaxşı saç şampunu və saç kremini sınayaraq öyrənəndən sonra istifadə edin. Başqasının saçına düşən şampun sizin saçınıza uyğun olmaya bilər. Saçınız asan daranır,şəkil alır və parlayırsa, şampununuzdan əmin ola bilərsiniz. Saçlarınız yağlıdırsa, krem istifadə etməyin. Yağlı saçlara tətbiq olunan krem saçları daha da yapışqan edər.
— Saçları hər dəfə yuduqdan sonra fenlə qurutmayın. Çalışın ki öz –özünə qurusun. Tez-tez fenlə qurudulan saçlar tez cansızlaşır və köhnəlir. Feni mütləq istifadə edəcəksinizsə,başınızı aşağı əyib yuxarıdan uclara doğru qurulayın. Bu halda saçlarınız daha gur görünəcək.
— Saçlarınızı çox möhkəm yığmayın. Davamlı olaraq saçları kip toplamaq saçların qırılıb-tökülməsinə səbəb ola bilər. Saçları zəif şəkildə toplamaq və ya sərbəst buraxmaq lazımdır.
Ardı →

1. Gün ərzində fiziki fəallığınızı çoxaltmağa çalışın. İdmanla məşğul olun, evdə daha çox hərəkət edin. Sağlamlıq probleminiz yoxdursa, ev işlərində məişət cihazlarından nadir hallarda istifadə edin.

2. Kola, hazır meyvə şirələri, qazlı, turşu tərkibli içkilər əvəzinə mineral sular, təzə sıxılmış meyvə şirələri, ayran için.

3. Yeməyi siqnalverici qazanlarda bişirin. Bu qazanlar həm sağlamlıq üçün, həm də praktiki baxımdan yararlıdır.

4. Xörəklərə mümkün qədər az duz səpin, yağını azaldın. Duz əvəzinə nanə, kəklikotu kimi ədviyyatlardan istifadə edin.
Zeytun yağı ürək-damar üçün faydalı olsa da, unudulmamalıdır ki, bunun da, digər yağlar kimi 1 qramı 9 kalori enerji verir, həddən artıq istifadə etdikdə kökəlməyə səbəb olur. Ona görə 1 pay salata 1 desert qaşığından çox yağ tökməyin.

5. Balığı, kartofu qızartmaq əvəzinə sobada bişirin.

Həmçinin bax:  8 Qızıl qayda
Davamı →

Köçmək yorucu, həm də sağlamlığı təhlükə altına alan işlərdən biridir.
 Çünki əşyaları daşıyarkən davamlı olaraq açıq qalan qapı-pəncərələrdən vuran hava cərəyanı tərli bədəndə soyuqlamaya, müxtəlif ağrılara, tənəffüs yollarında infeksiyalara səbəb olur ki, bu da ağır fəsadlarla nəticələnir.

Daşınma və evdə əşyaları yerləşdirmə əsnasında baş verən yıxılma, bədənin müxtəlif nahiyələrinin sınmaya məruz qalması, burxulma və buna bənzər qəzalarla bağlı yaralanmalara qarşı vaxtında tədbir görmək lazımdır. Bunun üçün evdə hökmən “ilk yardım çantası” saxlamaq məsləhət görülür.

Davamı →

1.  Uzun müddət qulaqcıq taxmayın.

2. Telefona sol qulağınızla cavab verin.

3.  Gündə iki dəfə qəhvə içməyin.

4.  Soyuq su ilə dərman atmayın.

5. Axşam saat 7-dən sonra yemək yeməyin.

6.  Yağlı yeməklərdən az istifadə edin.

7.  Səhər daha çox, axşam isə daha az su için.

8.  İdman edin, avtomobillə gedəcəyiniz yerə piyada gedin.

9.  Xərçəng və Alsheymer xəstəliklərinə qarşı antioksidanlarla zəngin olan qidaları süfrənizdən əskik etməyin.

10. Şəkər, duzdan az yararlanın, qatı marqarin yağından mümkün qədər uzaq olun.

11. Hər yaşda mütləq süd için. Çünki orqanizm kalsium və fosfor kimi minerallarla ehtiyacını 1 stəkan süd ödəyir.

12. Xolesterol səviyyəsini həmişə nəzarətdə saxlayın. Məlum olmuşdur ki, xolesterol səviyyəsi yüksək olan insanların həyatı təhlükə altında ola bilər. 

Davamı →

İnsan cildinin bir çox düşməni olduğunu deyən mütəxəssislər sağlam bir dəriyə sahib olmanın qaydalarını açıqlayıb.
Siqaret və içkinin insanın daxilinə olduğu qədər dərisinə də zərər verdiyini qeyd edən mütəxəssislər dəriyə zərər verən elementləri 7 hissəyə ayırdılar.Qeyri-kafi yuxunun, çox isti suyla yuyunmanın və səhv qidalanmanın dərinin başlıca düşmənləri olduğunu söyləyən mütəxəssislər, sağlam və gözəl bir dəriyə sahib olmaq üçün bunları təklif edir:

1.Siqaret çəkməyin və içki içməyin. İkisi də bədəninizi zəhərlər və sallaq bir dəriyə səbəb olarsınız. Bundan başqa, siqaret ağız kənarındakı cizgilərin də dərinləşməsini sürətləndirir.

2.Yuxunuza diqqət yetirin. Yuxusuz bir gecənin izləri dərhal bozlaşmış yorğun görünüşlü bir cildlə özünü birüzə verəcək. Əgər yetərli dərəcədə yata bilmirsinizsə, bunu oyandığınızda qan dövranını təmin edəcək hərəkətlər edərək və üzünüzə soyuq su vuraraq kompensasiya etməyə çalışın. Yuxusuzluğun səbəb olduğu cizgilərin üzərinə yüngül bir nəmləndirici çəkin.

3.Çox isti suyla yuyunmayın. Yuyunarkən suyun qaynar dərəcədə isti olmaması üçün tədbir görün. Həddindən artıq isti su dərini qurudur və toxumaları zədələyir.

4.Doğru qidalanın. Sağlamlığınıza xeyri olan qidalar yemirsinizsə, deməli, dərini qoruyan həyati maddələri qəbul etmirsiniz. Bundan başqa, ultrabənövşəyi şüalardan da uzaq durun.

Ardı →

1. Fiziki məşq zehni fəaliyyətə köməkçi olar.

2. Öyrənməyə davam edin.
Davamlı olaraq oxumaq, yeni hobbilər əldə etmək, tapmaca həll etmək zehninizi gücləndirər. 

3. Siqaret çəkməyin.
Araşdırmalar narkomanların adamların adlarını, ya da üzlərini daha tez unutduğunu göstərir. 

4. Sağlam qidalanın.
Sağlam bir çəkidə olmaq və yetərincə antioksidan qəbul etmək zehni xəstəliklərdən qoruyar. 

5. Kifayət qədər yatın.
Gündə səkkiz saatlıq yuxu ilə beyninizin dincəlməsinə şərait yaradın. 

6. İctimai əlaqələr.
Digər insanlarla ünsiyyət qurmaq xüsusilə yaşlı insanların zehni performansını artırar.
Davamı →