Kayzen

— Hətta əgər öyrənsən də, qısqanmayacaqsan?
— Qısqanmaq? Nəyə əsasən?
— O ki, əgər mən sənin yanında olduğuma baxmayaraq, keçmişimdə olan hər hansı bir qadın haqqında düşünsəm? Səni tərk edib həmin qadının yanına gedəcəyimdən narahat olmazdınmı?
— Yox.
— Yəqin ki, məni sevmirsən.
— Başa düşmürsən, nə danışırsan. Sevginin qısqanclıq və ya itirmək qorxusu ilə heç bir əlaqəsi yoxdur. Mən səni sevirəm, amma başqa qadını yadından çıxara bilmirsən deyə, getmək istəsən — bu yaxşı bir hal olacaq. Bu elə həqiqət olacaq. Çünki, əgər sən qalsaydın, bu o demək olacaqdı ki, sən yalan danışırsan. Əgər getsən, bu sadəcə o anlamı daşıyacaq ki, biz bir-birimizə uyğun gəlmirik və sənin getməyin yaxşıdır. Çünki sən qalsan, mənə uyğun gələn birisinin yerini tutmuş olacaqsan. O kəs ki, mənə uyğun gəlir və məni tərk edib çıxıb getməyəcək. Nədənsə narahatçılıq hissi keçitmək lazım deyil. Hər şey hər zaman yaxşıdır. — Sən elə əcaib tərzdə sevirsən ki… Elə bil ki, bağlanmağı heç bacarmırsan, qısqanmırsan...
— Sən hələ də anlamırsan ki, nə danışırsan. Sevginin bağlanmağa heç bir aidiyyatı yoxdur. Bağlanmaq və qısqanmaq — səni sevməmək deməkdir. Özünü kimdənsə pis hiss etmək, səni olduğun kimi heç kəs sevməyəcək deyə qorxmaq. Müqayisə etmək. Sən özünü heç kəslə müqayisə edə bilmirsən. Sən elə sənsən. Sənin şəxsi həyatın var. O sənə verilmişdir. Bu vergidir. Onu özünü başqaları ilə müqayisə etməyə xərcləmə. Bu yanlış fikirdir. Sən yalnız özünə baxmalısan. O zaman səhv etməyəcəksən. O zaman heç kəs getməyəcək, çünki sən dərhal bu insanın sənə uyğun gəlib-gəlmədiyini görəcəksən.    
 Tərcümə və tərtib etdi: Fərid Abdullah.
Davamı →

Bilməzdin əzablar çəkəcəksən sən,
Bilməzdin dirilib öləcəksən sən.
Ağlamaqdan Vallah tükənəcəysən,
Ağlama ürəyim ağlama daha.

Qoyma düşmənlərin baxıb gülsünlər,
Qoyma dərt sərini onlar bilsinlər.
İzin ver göz yaşın dostlar silsinlər,
Ağlama ürəyim ağlama daha.

Ardı →

Gənclərə elə gəlirdi ki, bu dünyada onlardan bəxtəvər insan yoxdur. Çünki bir-birini sevir, necə deyərlər, mehriban davranırdılar. Bir gün onlar evlənmək qərarına gəldilər: elçilik, dəbdəbəli nişan, nəhayət, toy. Gənclər üçün ən məşhur, ən bahalı şadlıq saraylarından biri seçildi.

Əvvəlcə, hər şey öz axarında, qaydasında gedirdi. Sonra isə… Elə bil vəziyyət bir andaca dəyişdi, mehribanlığın, o səmimiyyətin ömrü çox çəkmədi, beləcə, xoşbəxtlik də, romantiklik də nifrətlə əvəz olundu, aralarında problemlər yaşanmağa başladı. Görünür, tələsmişdilər bir-birinə razılıq verib evlənməkdə. Odur ki, sevsələr də ayrıldılar...

Mövzu olaraq, ər-arvad münasibətlərinə həmişə geniş yer verilib, bu münasibətlərə aydınlıq gətirilib. Çünki bu gün əksər boşanmaların kökündə ərlə arvadın tamamilə fərqli xarakterə, fərqli dünyagörüşünə malik olmaları dayanır.

Ardı →

Sevgi qarşısını alınmayacaq qədər güclü, arzular qədər ümid doğuran bir hissdir. Hər sevənin arzusu sevdiyi qədər sevilməkdir. Bəzən sevgilər qarşılıqsız olur. Sevdiyiniz insan sizi sevmirsə bunu özünüzə dərd etməyin, sadəcə topiki diqqətlə oxuyun və əməl edin.

Yaxınlaş və ya geri çəkil
Sevgi gözlərdə başlar… Təsirli bir baxış şiddətli sevgi hissləri oyandırır. Bu üsul insan beyninin bir bölgəsini hərəkətə gətirir və o anda beyin belə bir qərar qəbul edir: yaxınlaş və ya geri çəkil. Təsirli baxışlarla ovunuzda qorxuya bənzər həssas bir hal yaradıb, o insanın aşiq olma hissinə qapılmasına səbəb ola bilərsiniz.

İri gözlər
Mənalı baxışların uğurlu alınması üçün iri gözlərin rolu əvəzedilməzdir. Yəni göz bəbəkləriniz nə qədər iri olsa, baxışlarınız bir o qədər təsirli olacaq. İri gözlər daha romantik görünür və sevgi etirafı üçün əlverişli vasitələrdən biri sayılır.

Qorxulu filmlər
Dramatik bir oyun, qorxulu film, ya da bir konsert… Qorxu və ya həyəcanı paylaşmaq insanları bir-birinə yaxınlaşdırır. Onunla birgə qorxulu film izləyin. Nəticə uğurlu alınacaq

Əllərə diqqət
Söhbət zamanı ovuclarının içini sizə doğru yönəldirsə, bununla sizdən xoşlandığını bildirmək istəyir. Çünki bu “Təslim oldum” deməkdir. Yəni yaxınlaşa bilərsiniz. Sevdiyiniz insana toxunarkən əllərinizin yumşaq və təmiz olmasına fikir verin. Əks halda, xoşagəlməz halla rastlaşa bilərsiniz.

Bənzərlik
Aşiqlər həm bənzərlik, həm də fərqlilik axtarar. Bənzərlik qurmaq üçün söhbətinizdə “biz” sözündən istifadə etmək önəmlidir. Söhbət edərkən onun seçdiyi kəlmələri seçmək də önəmli sayılır.

Şıq geyim
Geyiminizin şıq və təmiz olması ilə sevdiyiniz şəxsin diqqətini çəkə bilərsiniz. Çalışın geyiminizdə onun sevdiyi rəngdən və üslubdan istifadə edəsiniz. Qara rəngdən nə qədər az istifadə etsəniz, bir o qədər yaxşı olar.
Davamı →

Rüstəm Fəvvarələr meydanına gəlib çatanda qızı həmişəki yay kafesində üzü küçəyə sarı oturmuş halda gördü. Havanın dözülməz bürküsü Rüstəmi taqətdən salmışdı və o, boğazının tamamilə quruduğunu hiss edirdi. Bakıda hər iyul ayındakı kimi yenə səmadakı buludları belə hürkütmüş əzazil hərarət hökm sürürdü. Göydən yerə odun yağdığı və küləyin qorxudan qeybə çəkildiyi bu bazar günündə şəhər mərkəzi hər şeyə rəğmən saysız-hesabsız adamlarla qaynayırdı. 
 
  Rüstəm kafedən bir qədər aralıda ağacların altındakı kölgəlikdə dayandı, dincini aldı və yaxınlıqdakı süni bulaqda boğazını yaşlayıb, üz-gözünə su çilədi. Elə ki taqətə gəldi kafeyə sarı addımladı. O, qızın oturduğu masaya çathaçatda yanından ötən ofisiant dərhal ayaq saxladı və nə buyuracaqlarını xəbər aldı. Rüstəm ofisiantın səbrsizliyinə daxilində qəzəbləndi və ilk olaraq qızın sifariş etməsini üstün tutduğundan masa arxasında yer tutana qədər bir söz demədi. Amma qız dinməyərək ofisiantın sualını cavabsız qoydu. Onda Rüstəm təsdiq gözləmədən ikisi üçün də soyuq qazlı mineral su sifariş etdi.  


Ardı →

Gəncədə sevgisi uğursuz oldu, sonra Tiflisə köçdü. Tiflisdə şeirlə sevgili olduğu zamanlar idi. Bəlkə düşmən idi sevgiyə. O, Mirzə Şəfi Vazeh idi.
Deyirdi ki, sevənlər mənalı şeylər yaza bilməzlər. Vazeh haqqında məlumatları bizə F.Bodenşted çatdırıb. Fridrix bir gün şairin qəribələşdiyini hiss edir. Şair, deyəsən, şeirin özündən zövq almırdı. Oxuduğu misralar onun ürəyindəhansısa bir hissi alovlandırırdı, şair dəyişmişdi.
Onun öz-özünə dediyi şeiri eşidir Fridrix:
                                                           «Sənin tellərinin ətrini külək Hafizin qəbrinə aparsa, 
                                                            Onun sakit qəlbindən gözəl güllər baş qaldırar.» 
Ardı →

Necə rəhmlidir, necə amansız,
Necə mehribandır qadın ürəyi!
Sən onu sındırsan, bil ki, a qansız,
Ağlayan kamandır qadın ürəyi.

Güldürsən, ömürlük səadətindir,
Söndürsən, yanmağı bir də çətindir.
O, əsl qayğının, məhəbbətindir,
Sevgisiz zindandır qadın ürəyi.

Ardı →

Sən məni təkliyin aldın əlindən,
Təzədən təkliyə düçar eylədin.
Özün kövrəkliyin... alıb əlindən,
Özün kövrəkliyə düçar eylədin...

Ömrümün, günümün bu qürub çağı,
Ruhumda baharı göyərdə bildin.
Könlümdə qaralan odu, ocağı,
Təzədən yandırıb közərdə bildin.

Ardı →

Hər bir qadın üçün əri — onun yavəri və dayağıdır. Heç kim də əri üçün arvadından daha vəfadar və ürəkyandıran olmaz. Qoymayın ki, mehribanlıq bağları başqa probelmlərə görə sarsılsın. Çünki bir gün görəcəksiniz ki, bu bağlar qılırmış və sizin aranıza böyük bir fasilə düşmüşdür.

Evliliyimizin ilk günlərində niyə bu qədər bir-birimizi başa düşür və bir-birimizə qarşı diqqətli oluruq? Çünki biz bir-birimizi tanımağa və bir-birimizi sevindirməyə çalışırıq. Ancaq həyatda başqa bir sevinclə üzləşən kimi həyat yoldaşımızı yaddan çıxardırıq. Soyuq olmaq, uzaqlaşmaq, bir-birinin yanında susaraq oturmaq yavaş-yavaş bizləri əlçatmaz yerlərə aparar ki, dönməsi çətin olar.

Əvvəl uşaqların atası, sonra uşaqlar! Uşaqlara ərindən daha diqqətli olmaq səhvini adətən qadınlar edir. Ancaq ərləri əksər hallarda analarını övladlarından üstün hesab edərlər.

Həyat yoldaşları ilə rabitələrinin necəliyi övladları ilə rabitəyə təsir qoyar. Hər nə qədər həyat yoldaşı ilə rabitəsi yaxşı olar, övladları ilə rabitəsi yaxşı olar.

Ancaq qadınlar belə deyildir. Dünyaya gələn körpəsi bir qadın üçün o qədər sevimli və əzizdir ki, onu ətrafdakı bütün insanlara qarşı biganə və laqeyd edir. Əlbəttə, övlad tərbiyəsi çox mühümdür. Ananın çox vaxtını alır. Ancaq bu amil bir qadının ərinə qarşı soyuq rəftar etməsinin səbəbi ola bilməz. Uşaqlar gərək öz valideynlərindən örnək alsınlar. Gələcəkdə layiqli həyat yoldaşı olsunlar.

Güman etməyin ki, əgər vaxtınızın hamısını uşaqlarınıza fəda etsəniz, uşaqlar ancaq sizi sevəcəklər. Həyat yoldaşınıza yer qalmayacaqdır. Və düşünməyin ki, bu zaman fədakarlıq etmiş olarsınız. Əksinə, bu yolla övladlarınızı özünüzdən asılı hala gətirərsiniz. Özünüz də bu hala adət etdiyiniz üçün, övladlarınıza gələcəkdə əlavə narahatçılıq yaradarsınız.

Onlar sizdən axır-əvvəl qaçacaqlar. Orta yaşa çatan zaman həsrət sizi bürüyər, peşman olarsınız. Övladlarınız evlənər, sizi sevmələrinə baxmayaraq, onların diqqəti yeni həyatlarında olar. Sizin yanınızda isə boş yerdən başqa bir şey qalmaz. Bəli, bu, sizin vəfasızlığınızın nəticəsidir.

Ona görə də ayıq olun və o zaman ki, hiss etdiniz ki, həyat yoldaşınıza səbriniz çatmır, bütün səylərinizi uşaqlarınıza verirsiniz, bir qədər dayanın və düşünün. Rəftarınızı düzəltməyə çalışın. Əgər rəftarınız dəyişərsə, bu zaman irəli gedə biləcəksiniz.

Səbəbsiz yerə həyat yoldaşınızda eyb axtarmayın. Bu eyblər əvvəllər də onda olmuşdur. Ancaq tənha olan zaman bu eyblərə çox da diqqət etmirdiniz. Həyat yoldaşınızdan soyumağınız sizi eyb axtarmağa vadar edir. Fərz edək ki, bəli, onun eybləri vardır, bəs bu eyblər onu buraxmağınıza gətirib çıxartmalıdırmı? Bu nə sizin xeyrinizədir, nə də övladlarınızın. Çalışın ki, məhəbbət və mehribanlıqla bu işi yoluna qoyasınız. Bu yükün altından qaçmayın.

Bəzən uşaqlarınızı bir yerə qoyub, həyat yoldaşınızla bir yerdə bayıra çıxın və evlilliyin ilk günlərində olduğu kimi bir yerdə addımlayın. Əgər həyat yoldaşın filmə baxırsa, yanında oturun, əgər boşdursa, üzbəüz oturub söhbət edin. Özünüz haqqında və keçmiş şirin xatirələrdən danışın.

Həyat yoldaşınızı yaddan çıxartmayın və onun üçün yaşamağa çalışın.

Davamı →

"İçini siktiyim dünya"

deyə oturduğun masada

sərxoş olacaqsan bir gün...

İçəcəksən, içəcəksən,

çox içəcəksən...

Beynin dumanlanacaq,

yalnız onun fikri ilə içəcəksən,

yalnız o olacaq fikrində...

Saatların necə keçdiyini

anlamayacaqsan,

elə hey içəcəksən...

Gecə gec olacaq,

kafe bağlanacaq,

məcburi qaldırılacaqsan masandan...

Küçədə səkkiz yaza-yaza yeriyəcəksən,

hərdən yıxılacaqsan,

qalxmağa gücün qalmayanda

bir küncdə oturacaqsan...

Bir neçə saat keçəndən sonra

yavaş-yavaş evə tərəf addımlayacaqsan...

Ara küçələrin birində bir davaya qarışacaqsan

içkinin verdiyi təsirlə...

və bəlkə də bu sonun olacaq...

Davamı →